影片
以上资料只供参考，请与餐厅确认详情
位于澳门马场亚威罗街嘅 泽贤记 系一间小店，喺美景花园美都阁地舖，环境简单，感觉同周围嘅社区气氛好贴合。店主要卖传统小食，营业时间由中午12点到晚上10点，星期一休息，纯粹用现金付款今次我试咗佢哋嘅招牌 葡挞味鸡蛋仔，店员话呢个系皇牌卖点。鸡蛋仔每粒表面有个菠萝包皮嘅设计，看落几特别，卖相都算吸引。但食落口感觉麻麻，蛋仔有啲硬同韧，唔够松软，葡挞嘅香味亦好似唔够突出，味同我想像有啲落差。如果净系想打卡留念，呢个造型可能会有啲吸引力，但味道上真系一般，唔算太令人回味。服务方面，店员态度普通，落单同上菜都几快。价钱我唔记得太清楚，但喺澳门街头小食嚟讲，感觉有啲偏高。份量唔算多，食完觉得试过就够，唔会特登再去。总括嚟讲，泽贤记嘅葡挞味鸡蛋仔卖相胜于味道，造型有新意，但口感同味道上可以再改善。喺马场一带试吓新口味嘅朋友可以考虑，但对于追求味道嘅人嚟讲，试一次就差唔多。下次或许会试吓佢哋其他小食，睇吓有冇更好嘅表现。
继续阅读
已经好耐冇去澳门成日都见到好多人分享呢间鸡蛋仔有段时间仲要排好耐先有得食最夸张听过系要两个钟？好彩我去果阵唔使排队见到Menu已经十五十六好多都好想食不过真系唔肚饿 拣咗最热门嘅葡挞味虽然冇之前咁夸张，要等咁耐但由于都系即叫即制最起码要15至20分钟～喺侧边望住佢点样整劲重手，整咗劲多葡挞馅入去😆😆✨真系完全系值得等架🤤🤤外脆内嫩 omg 好滑好嫩好creamy😍😍实系好香炖蛋又好似布甸咁绝对无失望🫶🏻下次想试下其他味但系澳门必食葡挞，一定要试！🥳
继续阅读
澳门人气葡挞鸡蛋仔-泽贤记葡挞..加鸡蛋仔🧐你无听错呀，2款野可以friend架🤣系咪未试过呢😏嚟到澳门除咗食葡挞之外，点都要试试呢款新鲜整既葡挞鸡蛋仔🥰因为即叫即整，当日前面有几个人咋，所以等左10分钟左右，就有得食啦🥰拿上手已经急不及待想食😂表面外脆内软，入面嘅热辣辣葡挞馅好香，每粒都系满哂架😂蛋浆好滑，好香😌记住唔好放咁耐先食，会淋左😅无咁好食
继续阅读
人哋话泽贤记喺澳门必食😋上网见人哋差唔多要排成一粒钟 即刻有啲却步🥺好彩仔细揾吓啲分店 原来净系氹仔都有几间 呢间地理位置超好💕 如果大家食完金利鸡米 慢慢行五至七分钟就到😚 当散吓步之后又食甜品🤣🌟招牌原味葡挞鸡蛋仔 MOP38 (8.5/10)虽然冇乜人排队 但系都等咗差唔多15分钟🤣 因为叫完佢先即刻人手整 每一粒都有满满嘅葡挞 都算系几足料😚不过要小心个葡挞真系好热🤣 蛋香味算系浓😋🌟静冈绿茶葡挞鸡蛋仔 MOP35 (6.5/10)会话原味真系最好食 呢个食落唔似绿茶味 反而系有一浸好重嘅茶味🥲 重到好似有少少㶶㶶哋咁嘅味🥺 之后个茶味又冚过咗啲蛋香味 食落去就冇咁好食～
继续阅读
见上网咁多人食依个葡挞鸡蛋仔，所以特登嚟见识下。好彩今日虽然系星期日，但系都唔系好多人等，大约等咗15分钟就有个鸡蛋仔出炉。叫咗佢哋招牌嘅葡挞鸡蛋仔。新鲜整好嘅时候系好热，食落去啲葡挞好好味，唔算话好甜，而个鸡蛋仔都好脆口，加埋成件事都几好味，系令你食完再想食嘅感觉。不过价钱上面就有啲贵，比普通嘅鸡蛋仔再贵一倍。但系都值得试吓👍🏻
继续阅读
您可能会有兴趣的...