影片
以上资料只供参考，请与餐厅确认详情
好抵食，个冬荫公意粉好出色，芒果糯米饭十分好食，芒果新鲜，糯米好食。个饮品甜度岩岩好，环境十分干净企理。小食鸡翼好香好好食，仲有个酱好好味。两人食tea 二百几蚊左右
继续阅读
最近好红，网上唔难睇到大家打卡身影，每日经过大排长龙，一到食饭时间门口差不多有十多人等位，而且系持续有人流，认真想试朋友仔可以避开高峰时段！同埋要有心理准备中午枱同枱会贴，坐到会逼少少。.铺头位于黑沙环区，位置非常显眼，超大横额下铺面睇落大间，透光感几好，装修简约有文青feel。收银旁有个自助斟水区，当日水中加入青柠、青瓜、薄荷叶同橙，睇落好夏天啊。.餐点主要分泰面同泰饭套餐两大类，套餐会跟一杯指定饮品，其余有供应几款小食同甜品。当中目测船面较热门，可以自由组合，要选择汤底(清汤或浓汤)，面型有三款(粿条、泰式米粉或红薯粉)。另外发现有三款自家制凉茶提供，听落几健康。.是日餐点：盐烧安格斯牛肉船面套餐［清汤 红薯粉］($68)跟冻泰式奶茶 (冻饮+$3)烧猪颈肉饭套餐 ($78)跟自家制龙眼冰芒果糯米饭配泰式奶茶雪糕 ($48).安格斯牛肉船面选择清汤，面型方面虽然薯粉唔「泰」，但任性依然要红薯粉底。刚上时牛肉仲系粉红半熟状，配料有两块牛肉两粒牛丸一棵炸金针菇。本来见得两块牛有点小失落😅，同朋友一人一块唔够过瘾，因为真系几正，有入口有牛油融化味道。炸金针菇其实我算系第一次试，意外又好味，索到汤汁又有菇咬口😂。至于烧猪颈肉饭印象平平，肉质过老。.饮品方面泰式奶茶加碎仙草，多左野咬下，重点甜度应该有调整适合本地人口味，唔会过甜👍。其次睇介绍龙眼冰系自家制，加入左班兰叶奇亚籽，饮落清新消暑，完全唔系出面即冲个啲味。.重点是甜品芒果糯米饭，份量唔算多唔算少，作为饭后甜品来讲大细刚刚好。糯米饭软硬适中，淋上椰浆配埋芒果，有种想飞泰国冲动！特别之处有跟多一球泰式奶茶雪糕，雪糕质地偏绵绵冰，有奶茶味，唔会过甜，自己觉得呢款有惊喜到😋，如果大份啲就好。.个人小建议，论饱肚中午选择饭类，大食的我食面好快饿😂，论美味要试船面，精致程度十足，价钱属于中上，性价比都可以，总体我觉得值得一试，前提唔洗排咁耐队😅。
继续阅读
您可能会有兴趣的...