遊泰號的食记– 澳门黑沙环的泰国菜

or#tm66641892

等级2

好抵食，個冬蔭公意粉好出色，芒果糯米飯十分好食，芒果新鮮，糯米好食。個飲品甜度岩岩好，環境十分乾淨企理。小食雞翼好香好好食，仲有個醬好好味。兩人食tea 二百幾蚊左右

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

环境

服务

卫生

抵食

用餐日期

2023-06-10

用餐途径

堂食

人均消费

$110 (下午茶)

icephoto_foodie

等级4

211

最近好紅，網上唔難睇到大家打卡身影，每日經過大排長龍，一到食飯時間門口差不多有十多人等位，而且係持續有人流，認真想試朋友仔可以避開高峰時段！同埋要有心理準備中午枱同枱會貼，坐到會逼少少。.鋪頭位於黑沙環區，位置非常顯眼，超大橫額下鋪面睇落大間，透光感幾好，裝修簡約有文青feel。收銀旁有個自助斟水區，當日水中加入青檸、青瓜、薄荷葉同橙，睇落好夏天啊。.餐點主要分泰麵同泰飯套餐兩大類，套餐會跟一杯指定飲品，其餘有供應幾款小食同甜品。當中目測船麵較熱門，可以自由組合，要選擇湯底(清湯或濃湯)，麵型有三款(粿條、泰式米粉或紅薯粉)。另外發現有三款自家製涼茶提供，聽落幾健康。.是日餐點：鹽燒安格斯牛肉船麵套餐［清湯紅薯粉］($68)跟凍泰式奶茶 (凍飲+$3)燒豬頸肉飯套餐 ($78)跟自家製龍眼冰芒果糯米飯配泰式奶茶雪糕 ($48).安格斯牛肉船麵選擇清湯，麵型方面雖然薯粉唔「泰」，但任性依然要紅薯粉底。剛上時牛肉仲係粉紅半熟狀，配料有兩塊牛肉兩粒牛丸一棵炸金針菇。本來見得兩塊牛有點小失落😅，同朋友一人一塊唔夠過癮，因為真係幾正，有入口有牛油融化味道。炸金針菇其實我算係第一次試，意外又好味

.
餐點主要分泰麵同泰飯套餐兩大類，套餐會跟一杯指定飲品，其餘有供應幾款小食同甜品。當中目測船麵較熱門，可以自由組合，要選擇湯底(清湯或濃湯)，麵型有三款(粿條、泰式米粉或紅薯粉)。另外發現有三款自家製涼茶提供，聽落幾健康。
.
是日餐點：

120 浏览

0 赞好

0 留言

鹽燒安格斯牛肉船麵套餐［清湯紅薯粉］($68)
跟凍泰式奶茶 (凍飲+$3)

84 浏览

0 赞好

0 留言

燒豬頸肉飯套餐 ($78)
跟自家製龍眼冰

90 浏览

0 赞好

0 留言

芒果糯米飯配泰式奶茶雪糕 ($48)
.
安格斯牛肉船麵選擇清湯，麵型方面雖然薯粉唔「泰」，但任性依然要紅薯粉底。剛上時牛肉仲係粉紅半熟狀，配料有兩塊牛肉兩粒牛丸一棵炸金針菇。本來見得兩塊牛有點小失落😅，同朋友一人一塊唔夠過癮，因為真係幾正，有入口有牛油融化味道。炸金針菇其實我算係第一次試，意外又好味，索到湯汁又有菇咬口😂。至於燒豬頸肉飯印象平平，肉質過老。

87 浏览

0 赞好

0 留言

.
飲品方面泰式奶茶加碎仙草，多左野咬下，重點甜度應該有調整適合本地人口味，唔會過甜👍。其次睇介紹龍眼冰係自家製，加入左班蘭葉奇亞籽，飲落清新消暑，完全唔係出面即沖個啲味。
.
重點是甜品芒果糯米飯，份量唔算多唔算少，作為飯後甜品來講大細剛剛好。糯米飯軟硬適中，淋上椰漿配埋芒果，有種想飛泰國衝動！特別之處有跟多一球泰式奶茶雪糕，雪糕質地偏綿綿冰，有奶茶味，唔會過甜，自己覺得呢款有驚喜到😋，如果大份啲就好。
.
個人小建議，論飽肚中午選擇飯類，大食的我食麵好快餓😂，論美味要試船麵，精緻程度十足，價錢屬於中上，性價比都可以，總體我覺得值得一試，前提唔洗排咁耐隊😅。