影片
可能三年前系好好食，但今晚觉得麻麻地抄通菜 可以泰式沙爹 之前烧定之后微波炉反热，无诚意👎粉丝虾煲 雪藏虾，梅嘅，完全无味俾三年前嘅食评欺骗了，失望👎👎👎👎👎👎👎👎👎👎
继续阅读
个人系完完全全ge一位Thailand fans,每年都会去泰国2-3次......无无聊聊,突然间search到楼主le篇介绍,讲真系澳门le间泰餐,系我最钟意ge一间,其他如什么台山,氹仔.....ge泰餐都有食过,发觉只系一般般,唯一好处是大大碟,但只是广东式非正宗的泰菜唔系加咗泰国香料就叫泰菜......楼主都话有20几年历史,我紧系食过超过20次啦,以前仲要排队入座ga.我最钟意食佢ge富贵鱼,d汤一定要饮,其他店是用醋所以酸酸地,但经理话我知佢地系用新鲜柠檬汁,而且条鱼系order咗先挡,不是如其他店一早挡咗放入雪柜其余就钟意食沙爹,因为个汁是用新鲜杂菜,以前我只是在曼谷食到,估唔到澳门都有其余d friend就钟意烧鳗鱼(但要订),粉丝蟹煲同虾酱炒饭真系超正宗,其实le间餐厅一d都唔贵,平均2人消费澳门币1xx.....但只收现金.经理好似话因人手问题,老板有打算迟d唔做,要试ge网友就快d啦......以前有d台湾朋友话我知找不到,其实就系塔石广场对面,荷兰园二马路尾......有d的士司机好衰车d客去附近ge厨x泰餐,紧系la有钱分ga,.......其实多数有买广告,同书仔介绍ge我地de澳门人都好少去,因为贵同唔好食,得个等字....
继续阅读
一间开左20年既老字号。但系少游客知。地点系荷兰园塔石广场附近。食泰国菜其实吾系样样都辣，我地有人少食辣野，今次有叫左几样吾辣既。有惊喜！正崇泰国菜！（10分满分）奄猪札 – 9分奄鸡脚 – 9 分泰国绿咖哩 -10分炭炉富贵鱼 -10分粉丝蟹煲 -10分香叶包鸡 -9.5 分全部菜色都好正。头盘小食奄猪札，奄鸡脚，好醒胃。个富贵鱼好有风味，用真炭打边炉。粉丝蟹煲蟹肉鲜甜，D粉丝入味。香叶包鸡小朋友好钟意。绿咖哩捞饭劲和味。地方十分干净，服务周到。下一次会再帮衬。去澳门玩记得去试试。
继续阅读
其实呢间位于荷兰园二马路的泰国餐厅帮衬过好多次,佢地d食物好有水准,但价钱一d都唔贵,7个人食左$300,好抵.推介有:1)烧鸡(建议预订,以免等候)2)青或红curry3)炒肉碎(咁上下名,唔系好记得)由于菜到后急不及待开餐,赶唔切影相,下次补返其实间舖以前几旺,不过后来太多食肆开左,d人就好多都喺d旺区试新菜,呢间舖d客就开始少左.虽然系咁,但呢间舖嘅侍仔仍然好殷勤咁对待每个入黎的客人,值得一赞.
继续阅读
天寒地冻，要谂办法食得暖啲，一系打边炉，再唔系食啲辣嘢。是晚约咗几个同事，一齐去荷兰园附近去食泰国嘢。条街叫乜嘢名我唔记得抄底，不过呢条街有好多泰国食肆，成个小泰国咁。根据同事介绍，呢间店舖系咁多间比较相宜嘅。舖头分两层，舖面好细，楼下只可以放一张大台，楼上空间唔见得阔落好多。不过要招呼我地三个人都绰绰有余。以下就系我地嗌咗嘅菜色： 冬阴公泰式炒通菜青咖哩鸡烧沙巴鱼奄列蛋牛肉首先上台嘅系冬阴公，响呢个时候饮佢当堂成个人暖番晒。此汤用料好足，有不少虾，配上香茅同埋各式花椒同辣椒，开胃得嚟又唔会太过辣。食完冬阴公，热够身，主菜就陆续上台。泰国菜以味道浓烈为主，香味为副，所以会用上大量调味料。一般嘅通菜，除咗用比正常多起码一倍嘅蒜头炒外，仲会用辣椒仔先行爆香，好适合香港人嘅口味。青咖哩用嚟捞饭食，回味无穷，鸡有冇鸡嘅鲜味已经唔系咁重要了。沙巴鱼即系乜嘢鱼，我唔知道，不过食落嘅口感好似响日本食店食嘅烧鱼，肉质香而滑，十分肥美，令我食个唔停口。至于奄列系用一般煮法做的，没有什么特别。大刷一顿后全身暖笠笠，步出餐厅时都唔驶著咁多衫。代价又合理，每人都系九十蚊。有机会最好一大班人一齐嚟食，咁就为之very good 喇！
继续阅读