泰國餐廳 (已結業)

可能三年前係好好食，但今晚覺得麻麻地抄通菜 可以泰式沙爹 之前燒定之後微波爐反熱，無誠意👎粉絲蝦煲 雪藏蝦，梅嘅，完全無味俾三年前嘅食評欺騙了，失望👎👎👎👎👎👎👎👎👎👎

個人係完完全全ge一位Thailand fans,每年都會去泰國2-3次......無無聊聊,突然間search到樓主le篇介紹,講真係澳門le間泰餐,係我最鍾意ge一間,其他如什麼台山,氹仔.....ge泰餐都有食過,發覺只係一般般,唯一好處是大大碟,但只是廣東式非正宗的泰菜唔係加咗泰國香料就叫泰菜......樓主都話有20幾年歷史,我緊係食過超過20次啦,以前仲要排隊入座ga.我最鍾意食佢ge富貴魚,d湯一定要飲,其他店是用醋所以酸酸地,但經理話我知佢地係用新鮮檸檬汁,而且條魚係order咗先擋,不是如其他店一早擋咗放入雪櫃其餘就鍾意食沙爹,因為個汁是用新鮮雜菜,以前我只是在曼谷食到,估唔到澳門都有其餘d friend就鍾意燒鰻魚(但要訂),粉絲蟹煲同蝦醬炒飯真係超正宗,其實le間餐廳一d都唔貴,平均2人消費澳門幣1xx.....但只收現金.經理好似話因人手問題,老闆有打算遲d唔做,要試ge網友就快d啦......以前有d台灣朋友話我知找不到,其實就係塔石廣場對面,荷蘭園二馬路尾......有d的士司機好衰車d客去附近ge廚x泰餐,緊係la有錢分ga,.......其實多數有買廣告

一間開左20年既老字號。但係少遊客知。地點係荷蘭園塔石廣場附近。食泰國菜其實吾係樣樣都辣，我地有人少食辣野，今次有叫左幾樣吾辣既。有驚喜！正崇泰國菜！（10分滿分）奄豬札 – 9分奄雞腳 – 9 分泰國綠咖哩 -10分炭爐富貴魚 -10分粉絲蟹煲 -10分香葉包雞 -9.5 分全部菜色都好正。頭盤小食奄豬札，奄雞腳，好醒胃。個富貴魚好有風味，用真炭打邊爐。粉絲蟹煲蟹肉鮮甜，D粉絲入味。香葉包雞小朋友好鍾意。綠咖哩撈飯勁和味。地方十分乾淨，服務周到。下一次會再幫襯。去澳門玩記得去試試。

其實呢間位於荷蘭園二馬路的泰國餐廳幫襯過好多次,佢地d食物好有水準,但價錢一d都唔貴,7個人食左$300,好抵.推介有:1)燒雞(建議預訂,以免等候)2)青或紅curry3)炒肉碎(咁上下名,唔係好記得)由於菜到後急不及待開餐,趕唔切影相,下次補返其實間舖以前幾旺,不過後來太多食肆開左,d人就好多都喺d旺區試新菜,呢間舖d客就開始少左.雖然係咁,但呢間舖嘅侍仔仍然好殷勤咁對待每個入黎的客人,值得一讚.

天寒地凍，要諗辦法食得暖啲，一係打邊爐，再唔係食啲辣嘢。是晚約咗幾個同事，一齊去荷蘭園附近去食泰國嘢。條街叫乜嘢名我唔記得抄底，不過呢條街有好多泰國食肆，成個小泰國咁。根據同事介紹，呢間店舖係咁多間比較相宜嘅。舖頭分兩層，舖面好細，樓下只可以放一張大檯，樓上空間唔見得闊落好多。不過要招呼我地三個人都綽綽有餘。以下就係我地嗌咗嘅菜色： 冬陰公泰式炒通菜青咖哩雞燒沙巴魚奄列蛋牛肉首先上檯嘅係冬陰公，响呢個時候飲佢當堂成個人暖番晒。此湯用料好足，有不少蝦，配上香茅同埋各式花椒同辣椒，開胃得嚟又唔會太過辣。食完冬陰公，熱夠身，主菜就陸續上檯。泰國菜以味道濃烈為主，香味為副，所以會用上大量調味料。一般嘅通菜，除咗用比正常多起碼一倍嘅蒜頭炒外，仲會用辣椒仔先行爆香，好適合香港人嘅口味。青咖哩用嚟撈飯食，回味無窮，雞有冇雞嘅鮮味已經唔係咁重要了。沙巴魚即係乜嘢魚，我唔知道，不過食落嘅口感好似响日本食店食嘅燒魚，肉質香而滑，十分肥美，令我食個唔停口。至於奄列係用一般煮法做的，沒有什麼特別。大刷一頓後全身暖笠笠，步出餐廳時都唔駛著咁多衫。代價又合理，每人都係九十蚊。有機會最好一大班人一齊嚟食，咁就為之