毛記海鮮飯店

营业中

休息中

一行六人準時六時到來，先order雞煲翅，雞湯濃郁，一梳梳魚翅份量十足，必食，是晚MVP。雞蛋焗魚腸～有少少燶底，味道一般特價菜式：煎封鹹魚～有驚喜，鹹香味道剛剛好，超送飯上湯浸粉腸豉汁蒸魚雲～豉汁好香，味道剛剛好蝦醬蒸腩肉～盜飯菜，蝦醬好惹味同腩肉好夾菜胆雞～味道偏淡，雞肉滑椒鹽鮮魷～新鮮菠蘿咕嚕肉～酸甜味互相輝映，香脆外皮，剛好掛汁是晚聽到鄰桌order4條清蒸游水黃腳，上桌時見到唔錯，下次要試試。下次人少的話，會order雞煲翅撈飯

澳門食翅，其實好多地方好多舖頭選擇，但試咗好多間後，唔洗講，毛記係不二之選，點解，用料上乘，180- 一碗紅燒大生翅，D翅成碗滿滿 一梳梳，最主要係個湯羹味道跟兒時嘅大酒家食到係一樣，高湯味道跟金華火腿一樣濃郁！唔似果啲X家，個湯羹味道係濃生粉獻🤢⋯⋯。第二主打出場，一定清蒸新鮮黃腳䲞，🤩魚肉鮮甜甘香，😭個豉油汁亦跟兒時一樣，味道鮮咸，簡直係絕配！ 不會似而家大部分酒樓，個豉油汁全部都甜到好似糖水咁🤮！ 兩條大大條魚都係百二元，街市買都係咁嘅價錢！

毛記毛記！真係有細食到大呀！好彩佢一直都喺度！同埋佢煮嘅味道同細個食嘅係一模一樣㗎！每次黎到呢度都會叫好多海鮮食🦐🦀🐟🦑今次就想同大家分享一個普通蒸蝦🦐，佢真係咩料都冇架咁但係好新鮮，啲蝦真係好新鮮！簡直就係百吃不厭🤤🤤另外不得不提呢個魚翅湯！真係又足粉又夠火喉！🔥仲要分到碗碗都有咁大塊㗎！成為枱每人一碗都有分剩！仲可以添第二碗㗎！仲有啲小菜嗰啲都好夠火喉！炒得好夠鑊氣！所以嚟得呢度食除咗食以前細個嘅味道之外，其實都真係好好食㗎🤤🤤🤤🤤

去澳門揾翅食真係好多選擇，我比較喜歡地道小店，毛記飯店在寧靜的街角，人小小，舒服服吃，套餐翅比較抵吃，兩位用餐約500，好多款價錢，有翅和小菜，店員重會同你閒聊一番，好有家的感覺

好內無黎澳門, 唔記得去邊度食嘢好, 一到大馬路行咗一陣間望入去條橫街就比我見到爸爸想當年最喜歡的廣東菜酒樓..爸爸已經離開咗好幾年..所以一見到佢至愛的毛記我就立即入去回憶下...只係兩個人所以只叫了爸爸和我的至愛.. 蒸魚同蒜蓉炒芥蘭...我只可以話...同以前一樣咁好味👍👍毛記會係我想多d黎澳門嘅原因☺️☺️ sorry 幅相影得好差,因為好心急想食...無care到幅相影到乜嘢樣😅😅

今次十行12人又有3位長者所以搵間老字號中菜館俾佢地食,不過大枱都係勉強坐得晒苦瓜煎蛋-招牌菜一定要試,苦瓜完全冇苦味又爽脆,蛋睇落煎得好香口但原來仲有蛋汁,雞蛋又香啫啫雞煲-雞除左雪味食唔出味道,雞肉又梅料頭唔夠多爆唔出香味生炒排骨-炸得夠脆肉冇俾炸乾仲好滑,個汁調教得酸甜度適中超好送飯粟米班塊-龍利魚柳唔夠厚身粉有小小厚,胡椒粉落得太重手黑椒牛仔骨-牛仔骨肉好滑好香牛味,炒得夠鑊氣又惹味,一定要試羅漢上素-材料雖然好豐富可能同平時食開唔同,食落好寡口菜出水令獻汁水汪汪更加淡,連食白菜咁索味都冇味道椒鹽鮮魷-炸得好鬆脆唔油膩,魷魚新鮮有鮮味,肉唔會韌一咬即斷,又一個必食總結小菜夠鑊氣好有feel但味道偏淡,但而家個個講健康都岩食

話說星期六食完自閉壽司,無聊,特突然想起澳門美食.一般d二世就會二話不說地打電話訂即日酒店,同下午即班航去,去到就checkin,次後去新馬路果邊找食,見到呢間好似幾平,一個人食唔到咩,就入去點了半隻菜膽雞食,只是90元好滑,雞味都濃,菜就一般,再來一個瑤柱冬瓜肉粒湯,好多冬瓜又甜,入面食得出有金華火腿,78元,好低,總結遊客區算平,正服務ok

今天看完水舞間，反正一場來到，不如吃罷晚飯才回港吧。自2006年已經幫襯這家老式食肆，每次水準都能夠保持；今次幅相比較核凸，因為實在好好味，想趁熱食而完全忘記影低做記錄。簡簡單單的家常菜，薑汁芥蘭炒得爽口又香薑汁味，涼瓜煎蛋的蛋香到隔離台都聞到，似乎加了鴨蛋(仲要特價MOP 20!!!)，煎曹白又好送飯到可以一小件爬一碗飯；鹽焗雞的鮮味恍惚讓味蕾重嚐兒時在東江樓醉瓊樓吃到靚雞的滋味.........當然還有活於鹹淡水交界的烏魚，今次嘗試不清蒸而用椒鹽，骨頭已經脆到可以吞埋!五個菜埋單才二百多，仲想點？

初時諗住去另1間淨食蟹粥當為澳門之旅嘅last supper,但喺新馬路嘅手信街買緊手信之時,見到佢,同大家商議過之後,都喺搵間食番個正常晚餐劃個完美嘅句號,mar 01, 5人叫咗 :1) 粟米魚肚羮-真喺好多年無食過呢個羮-所以放棄例湯(西洋菜)-獻粉為底,魚肚又煲得唔夠腍,好少食到魚肚會有咬口2) 浸粉腸菜心-呢個粉腸真喺佳品,腸內真喺夠晒粉,而且又腍,好新鮮呢..........好1條粉腸呢-掂3) 焗魚腸-上枱時熱呼呼的呢-賣相唔錯-食落唔會過濕,少少果皮味,都幾香,不過間不中就食到1啖苦苦的,相信佢喺處理時有失誤,割破咗魚d內臟所致-否則滿分呢4) 鹽焗雞 (1/2隻)-從個顏色睇,唔多似鹽焗雞-肉喺滑,但唔覺 鹽焗味5) 清蒸奄仔蟹 x 2-2隻都唔太大隻-膏都幾多吓,肥美,我食咗1隻蓋,膏嘅部份真喺幾甘香,不過肉就唔夠鮮味,但肉質都結實6) 魚唇扒雙蔬-魚唇帶d腥,所以1件以後就收手-菜喺菜心同芥菜胆-間不中仲醒幾條河粉過你呢

聽人講呢間好食. 我地7點去到.. 要7.45先有位...都等幾耐...可能因為太肚餓冇影到d 野食, 我地一行四人一黎就叫個雲吞雞翅$280, ... 可能期望太大啦.. ok 好食啦~ 可能人太多, 叫左個豆豉鯪魚油墨菜... 漏一次單再叫再漏... 食晒檯面D野先上... 有D失望咁啦...

四個人叫了雞燉翅(MOP330)，蝦仁炒蛋，炒菜。雞燉翅只有很少及小的翅，食翅去李康記好D，只是貴少少，不過翅多D同大D。小炒也只是一般，應不會再去。

四個人叫了雞燉翅，蝦仁炒蛋，炒菜。雞燉翅只有很少及小的翅，食翅去李康記好D，只是貴少少，不過翅多D同大D。小炒也只是一般，應不會再去。

本來想去隔鄰的陶陶居晚饍，但太多人等位了，便轉去這間一試。雞燉翅不俗，湯清，味鮮甜，翅份量夠，雲吞和雞也很好味，六人份量是$450，算合理。其他小炒也很好，服務亦算合格。相比陶陶居，環境裝修是差了一截，價錢亦相討對較廉，正是豐儉相人。

我點了雲吞雞煲翅,介蘭炒臘味,海參鵝掌煲雲吞雞煲翅約$180 一煲(2位用)翅的份量不少,味道很好,小菜約30-50埋單$270,招呼都很親切

經朋友介紹到此店, 試過多款小菜, 價錢適中, 夠"wok"氣. 最好味係京都肉排, 啖啖肉, 酸甜度岩岩好. 炆鴨掌同炆花膠都唔錯.