影片
以上资料只供参考，请与餐厅确认详情
今年三月，開始要香港澳門兩邊走做嘢，澳門真係有好多嘢食，而且水準比香港有過之而無不及。如果話香港嘅食肆有好食同唔好食之分，澳門只會有好好食同埋好食，分別真係幾大！住喺澳門，某日行過呢間個名幾有趣嘅食店，而且朝早起身食粉麪最適合啦，於是就入去試吓嘞！我叫咗： 蠔仔肉碎貴刁：佢係用清湯底嘅，蠔仔雖然細細隻，但竟然好鮮甜，一啲都唔腥；貴刁爽口，好過河粉，因為冇佢咁索湯，食得耐都仲彈，而且佢啲貴刁較幼兼好有質感，一條條好分明唔會疊埋一齊。配菜有芽菜、冬菜、蒜蓉、蔥花，你可以落埋佢嗰啲酸酸地嘅辣椒，好好味，又夠清，食完真係精神晒！ 凍咖啡：夠濃又夠大杯，唔錯！成餐二十蚊都唔駛但係有咁嘅質素，你話仲可以講乜！
继续阅读