鉅記手信

营业中

休息中

澳門鉅記相信大家對佢都都唔陌生，走到澳門街道基本上附近總有一間，其實原來除左可以係到手信之外，佢地仲有熱辣辣既葡撻可以即買即食。澳門既葡撻其實係源自於葡萄牙傳統甜品Pastel de Nata，係澳門改良後就成為大家熟知既葡撻。難得黎到澳門，當然要試下啦- 鉅記葡撻 MOP12，蛋撻皮既酥皮鬆化度一般，不過不失。蛋奶餡奶味香甜，甜度恰到好處，表面有淺淺一層焦糖斑點，增加口感。📝TIPS:1. 葡撻趁熱食最好。

放假同屋企人嚟澳門玩，咁啱遇到大雨就去咗威尼斯人行商場。嚟到嘅其中一個目標係想食葡撻，本身想去食安德魯嘅，但係排晒長龍就無去到食。行到攰攰地就見到鉅記，本身諗住食吓豬肉乾，點知又有賣埋葡撻，咁就試試佢。一個12蚊，其實都唔平，好怕中伏。食完覺得味道當然唔到出名嗰啲餅家咁好食，但勝在仲係暖住嘅。個撻皮有少少偏硬，但有蛋漿嘅部份就正常。我覺得都同KFC有得fight嘅，如果真係好似我哋咁大雨被困，又好想食葡撻都不妨一試。但都係食返佢出名嘅豬肉乾啦哈哈

唔知由幾時開始， 葡撻已經喺澳門嘅美食象徵之一，可能因為佢嘅歷史源故掛咁咁啱行過呢個賭場見到有間鉅記喺度買緊葡撻雖然佢賣到十蚊一個但係賣相好靚 搞到我好肚餓我就order咗一個嚟食啦雖然食落去同香港買到嘅感覺差唔多， 但可能因為喺澳門度食， 所以感覺覺得好正好正式Haha

在10月20日，細佬同女朋友去澳門威尼斯人度假村酒店睇黃子華棟篤笑「洗燥」。 反正，他們到澳門一遊，順便叫他幫忙去 <鉅記> 買杏仁餅！ 到時，可請些給朋友食嘛！回來才問我取錢！我記錯了杏仁餅的 packing，還叫他幫我買一包細包裝就 OK! 他回來告訴我，只有紙盒裝，卻沒有膠袋包裝。結果，他女朋友恐怕我不夠食，便自把自為地買了兩盒；此外花了大約 $1,500 兩人來回船票連棟篤笑門票，拍拖"窮到褲穿燶"的細佬回來立即問我取錢！唉！怪不知可憐的細佬會被她弄到每月入不敷支啦！， 係又買唔係又買！我終於明白！從相片可見，店內手信款式琳瑯滿目！原粒杏仁餅 ( 澳門幣 $38 )我好奇香港買幾錢呢？最近，走到香港分店一看，原來要港幣 $53！ 如果，澳門幣對港幣是1:1 的話，即是香港買貴了 $15！ 大約 39%！ 大家下次到澳門買手信，可節省不少呀！一盒 12 件，獨立包裝，衛生之餘又可保存其質感！ 鬆化中帶脆口！甜度適中！粒粒杏仁增添口感！真令人回味！