影片
氹仔官也街附近一间用葡式做主打铺头，主张零味精住家饭味道，店舖座位以吧台形式设计，餐牌 Lunch 每款主菜跟白饭同当日餐汤一碗。🐷炒免治猪 跟饭 加煎蛋 ($42+8)免治猪炒到香口惹味，间唔中咬到啲筋位，入面细炸薯仔粒炸得岩岩好，捞饭一流，加多只太阳蛋醒神好多，成碗饭有番灵魂，亦唔会干身，可惜只蛋索价8蚊唔抵，重点系又唔可能唔加啊！🐔炸鸡块（茄汁）跟饭 ($45)有茄汁或芥末沙津酱两种酱选择，炸鸡块炸得外脆内嫩，咬落有肉汁个种程度，外层粉酱唔厚，几优秀的，但送饭会dry左少少。跟饭既西洋菜红萝卜汤原全系啊妈煲煮家汤味道，饮出无味精天然，淡口清甜。饭方面亦唔错，绝对煮家饭feel，好食但无惊喜，环境简约清静，坐吧台随行袋可能要放枱面，多人同行倾计未必方便。整体性价比可以，如果以氹仔官也街揾食前提可以有下一次。
继续阅读
您可能会有兴趣的...