后宮

肉質新鮮，油花分布均勻：燒烤店的食材品質優良，肉品脂肪與瘦肉比例恰到好處。醃料入味，肉香四溢，店舖在燒烤前的醃製功夫，讓食材味道更豐富。特製醬汁畫，強調燒烤醬料的獨特性，為料理增添亮點。海鮮飽滿彈牙，多款烹調方法。…查看更多

過百款美食，味道好，優質服務態度。有海鮮，刺身，火鍋又得，燒烤又得店員熱情有禮，會在點餐時詳細介紹不同茶式的特色。上菜速度快，態度親切。結帳時也迅速有效率。 裝潢風格、燈光、音樂、清潔度、舒適度。…查看更多

第一次試后宮，整體體驗不錯，店主夠主動，收錢哥哥好helpful有禮貌今次試左皇帝式任食，款式算多，主要食燒肉，牛好食，真係不宜燒太耐 反而打邊爐就無咩特別，試左雞湯都係一般(主要係煮菜類🤭)飲品種類多，有台灣啤酒，亦有冬瓜茶(大推，少甜，甜品最高境界)如果過澳門可以不妨試吓👍🏻👍🏻👍🏻👍🏻…查看更多

# 澳門后宮食評澳門作為中西美食薈萃之地，近年來多了不少主題餐廳。其中，「后宮」以其獨特的宮廷風格裝潢和創新菜式，成為不少食客的熱門打卡地。## 環境與氣氛一踏入「后宮」，就被濃厚的宮廷氛圍包圍。牆上掛滿仿古畫作，燈光柔和，座位設計寬敞雅致。服務員身穿仿古服飾，讓人彷彿置身於古代宮廷。無論是情侶約會還是朋友聚餐，都非常適合。## 菜式推介「后宮」主打中華宮廷菜，並融入現代創意。推薦幾款必試菜式：- **御膳花雕醉雞** 雞肉鮮嫩多汁，酒香撲鼻，入口即化，令人回味無窮。- **龍井蝦仁** 蝦仁爽口彈牙，配以淡雅龍井茶香，清新不膩。- **宮廷紅燒肉** 肥瘦相間，醬汁濃郁，入口即化，完全沒有油膩感。- **燕窩杏仁露** 甜品必點，燕窩份量十足，杏仁香滑，收結一餐剛剛好。## 服務體驗服務員態度親切，對菜式介紹詳細，主動提供建議。上菜速度適中，餐具及餐桌乾淨整齊，讓人感覺賓至如歸。## 價格與性價比以澳門餐廳來說，「后宮」價位屬中高，但以其用料、環境和服務，性價比不俗。適合慶祝特別日子或請客聚餐。## 總結「后宮」無論在環境還是菜式上都誠意十足，是想體驗宮廷氛圍和品嚐美食的好選擇。如果想在澳門來一場不一樣的美食之旅，「后宮」絕對值得一試！…查看更多

澳門呢間最低$200幾蚊就食到嘅燒肉🔥、火鍋♨️、海鮮、刺身🎏放題，而且仲有特色惹味醃海鮮！舖頭都好就腳，由關閘行過嚟都係幾分鐘🚩，所以只需要搭酒店穿梭巴士就去到。舖頭以中式宮廷風為主題，而且勁受本地人歡迎😆。.♨️湯底蕃茄湯底🍅鮮甜嘅味道好夾烚埋唔同肉類！花膠雞湯底🐔味道好鮮，裏面已經有雞件，烚海鮮好好食。.🌊海鮮種類超級多！火鍋就有生蠔、海蝦、卜卜蜆，烚出嚟嫩滑鮮甜🤤。之後燒埋海鮮仲正，配埋避風塘醬料好惹味🔥！有鮑魚、海蝦、帆立貝、鰻魚、生蠔、魷魚筒等等🦐。.🥩肉類牛羊雞豬同樣係火鍋燒烤兩食！仲有唔同部位嘅和牛🇯🇵可以揀，牛頂蓋、寶樂肩、牛羽下都有，超滿足！燒肉嗰陣，仲可以揀預先調味好嘅牛，西冷、牛仔骨、霜降、一口牛都有🐮。舖頭仲要係用牛油嚟燒肉，食落口有滿滿嘅油脂奶香味🧈。.🎏刺身連刺身都有！三文魚、希靈魚、鮑魚片、甜蝦🤩，砌成魚生船勁吸引。.👅撈汁一定要推薦呢度嘅撈汁！酸酸甜甜，又帶啲辣，仲有少少wasabi同芫荽香😋，超級開胃惹味！撈汁可以配刺身或者海鮮，有三文魚、甜蝦、蟶子、帆立貝、鮑魚等等🐟。.🍦飲品甜品雪櫃可以自己仼攞啤酒、酸梅湯、冬瓜茶等等嘢飲🥤，啱晒燒烤火鍋嘅氣氛。最後仲可以去軟雪糕機自己唧雪糕✌🏻。…查看更多

上次另一半同自己慶祝生日，今次同返另一半慶祝生日，都係嚟呢度😆Book 咗兩人枱，交通問題遲咗，去到時已經滿座，但員工依然儘快安排坐位，呢度有三款套餐選擇，其中兩款：皇后套餐同貴妃套餐相差$60，其實皇后套餐真係抵食嘅，又有霜降牛肉、魚生、海鮮任食，我哋最終都係揀咗貴妃套餐（因為唔係咁好海鮮），員工服務真係好好，有問必答，追加嘅食物亦冇話要等好耐，環境雖然未必係最好，但係坐低食嘢又感覺好自然同埋好舒服，食物質素和服務已經搭夠，2024好快又再去😆…查看更多

裝修典雅，出品優質，陰陽相配，服務超卓，不能不試。 不試必錯，試左無錯。地理位置優越，鄰近拱北關口，行出來只需要5分鐘左右，食物質素高、多種選擇以及服務質素不錯。…查看更多

之前bookmark咗呢間餐廳一直未有機會試，咁啱想同個女過嚟澳門睇煙花，於是即刻訂定個晚飯時段嚟試試！我哋點咗「皇后」餐（$268@）：所有肉類、海鮮、刺身、火鍋料、小食、甜品同飲品都係任飲任食！食材全部都好新鮮！牛肉好多款式，我哋燒到停唔到手😂 海鮮都有好多選擇：牛油扇貝、青口、虎蝦、帶子....全部都好有驚喜👍🏻 雖然地點唔係太方便，但性價比真係好高！下次會再嚟🤤 PS 小朋友未夠1.1米仲免費添呀🤩…查看更多

這是一篇對於「后宮燒」在澳門的食評：我最近終於再次造訪了多年未去的后宮燒度韓國燒烤餐廳，這幾年因疫情的關係，我一直無法前往，但這次我特地從香港專程到澳門，重新品嚐這裡的美食。我非常開心地發現，后宮燒度在這段時間裡仍然保持了其高水準的美味。首先，后宮燒和火鍋的食物不僅味道出色，而且外觀精美。無論是肉類還是水果，它們都保持著最佳的質量。最令人驚喜的是，他們的菜式款式非常豐富多樣，比其他地方多出許多新鮮的選擇。我們還可以從二十多款飲品和兩款啤酒選擇飲任，這真是太棒了！無論是食物還是飲品，后宮燒度都能保持著高水準和優質的品質。除了食物外，我們也對店員和店長的服務印象深刻。他們非常友善和親切，讓我和我的姐姐感到非常舒適和開心。他們對菜單的解釋詳細，並隨時提供幫助和建議。這種熱情的服務態度讓整個用餐體驗更加愉快。總結起來，后宮燒度在這段時間裡仍然保持著高水準的美味和質素。無論從食品還是服務態度，它們都做得非常出色。如果你也是韓國燒烤的愛好者，我強烈推薦你前往后宮燒度品嚐他們的美食。…查看更多

今次嚟澳門前喺網上搵左好多間餐廳，見到「后宮」呢間烤肉火鍋餐廳非常吸引，而且價值比香港其他烤肉火鍋餐廳平，所以決定嚟試一試！點知有意外驚喜。😍當日我和家人共三人，搭發財車大約8:00pm 來到關閘，到站後利大約3-5分鐘到達餐廳。可能是平日，所以不用排隊就可以入店。店內裝潢非常中國風，用上木餐枱椅、屏風、燈籠🏮等，果然跟店名一樣「后宮」，好像置身於古代。餐牌名也非常有趣，分三款套餐包括「宮女式$158」、「貴妃式$198」、「皇后$258」，一律任飲任食兩小時。🍴宮女式任食$158+10%服務費🍴比另外兩個套餐缺少了黑豚肉，霜降牛，A4牛仔骨，海鮮等，其餘食物都是一樣。🍴貴妃式任食$198+10%服務費🍴「貴妃式」比「皇后式」便宜，在於刺身😋，而海鮮只可點一次。如果你對刺身沒什麼大興趣，這款套其實也很夠食！🍴皇后式任食$258+10%服務費🍴我地今次揀了皇后式任食，所有海鮮，刺身也可以任食😋但高估了自己的肚，真係眼闊肚窄，好快就已經好飽😂所以其實點「貴妃式」已經很足夠這間餐廳可以一邊烤肉，一邊火鍋同步進行👍🏻直得一讚是店內的調味料也很多款式👏🏻火鍋湯底也有很多款，但重點一提，火鍋湯底需另加$25。我地覺得烤肉已經好夠食，所以今次就無選火鍋🍲這間餐廳的店員態度非常好，會一一解答我地疑問，還送我地每人一把扇，上面寫住「打你入冷宮，賤人就是嬌情」非常特別，可以打卡用😂肉料方面，非常新鮮😋😍個人比較喜愛霜降牛，A4牛仔骨，豚肉，雞肉😂 牛肉非常高質，而且好腍，可以講係入口即溶！油脂分布平均，一入口多汁到流出來。重點係肉質碟碟都係咁靚！唔似香港既放題咁，一啲都唔新鮮唔靚仔。海鮮方面，餐廳非常體貼客人！本人平時出外用餐最怕要食有殼既食物，好怕整污糟手。但呢間餐廳既虎蝦，鮑魚已經幫你去哂殼😍👍🏻真係好讚！海鮮都非常新鮮，鮑魚好彈口，肉質彈牙，調味得好入味，奶油蝦我地點了一次又一次，因為真係好惹味！另外，香港好多放題既可樂都係罐裝，但呢間餐廳係舊式支裝，重要係大支裝，非常復古‼️甜品方面，店內提供雪糕筒和雪糕機比我地任食🍦質素整體好有水準，好岩一家大小或一大班朋友一齊去食，經過今次體驗之後，下一次我一定會再黎食😋真心推介！#后宮 #關閘 #澳門自遊行 #澳門高質人氣烤肉火鍋放題 后宮 (關閘/台山)地址：關閘/台山長壽大馬路515號新寶花園地下H舖營業時間：星期一至四：17:30-03:00星期五：13:30-03:00星期六至日：17:30-03:00…查看更多

物美價廉，海鮮新鮮、湯頭美味。肉質滑嫩，讓人一口接一口，吃不停。火鍋湯底好喝，食材豐富。服務專業、環境衛生好。聚會的好場所，讓人久久就想光顧一次。想念了⋯⋯評價5顆星。…查看更多

見到有人介紹，睇落幾抵食，所以今次旅程都安排左晚餐黎呢間後宮。因為驚人多，而且晚餐後我地要坐船番香港，怕如果等位會趕唔切，所以一早預約定位置。所謂意外係意料之外啦，我地因為坐錯巴士，所以遲到，大概遲左十幾分鐘，店員話有打過俾我地，但冇人聽…咁我冇買澳門卡…所以聽唔到電話。都知衰架喇…所以都好好態度拜託店員，見到佢都好落力幫我地安排，又打俾之後嘅睇下有冇人唔到。必須講，餐廳嘅服務真係非常好最終等多十幾分鐘，佢成功安排到張枱俾我地，但就要坐樓上，我地5個人就有少少逼嘅，不過冇所謂啦，親密啲。佢地有三款套餐，唔同價錢，限時兩個鐘任飲任食。我地揀左中間嘅貴妃餐，冇記錯好似係$188加一，包大部分野任食，海鮮類就點一次。個人認為呢個餐都好夠食，因為得兩個鐘，燒得黎都唔係食到太多。燒烤、連火鍋任食，鍋底揀左蒜蓉蛤蜊鍋，要俾15蚊，好重口味，抵啦！肉類呢款好似限點一次，肉味濃，又唔肥，好食！海鮮呢個套餐限點一次，好正！如果鐘意食海鮮嘅人可以點最貴嘅餐，任食。虎蝦、鮑魚、蠔都爽口，蟶子就一般般。雞、豬乏地全晚不停燒，好忙。蛤蜊任點架，可以用黎打火鍋，冇沙。後宮性價比真係幾好呀，服務都好滿意，如果可以燒多半個鐘更好。兩個鐘密密燒，密密食，冇停過手！同埋有個烤年糕都好好味，朋友都話冇介紹錯，下次可以再食…查看更多

上一次黎澳門玩嘅時候，喺網上搵左唔少餐廳、食店想要一試。奈何只有兩日一夜，當時晚餐揀左贏到粥，於是就冇空間再食后宮！今次再過黎，決定點都試下，並且預早幾日時間打電話預約。週五晚上客人真係蠻多，唔預約嘅話，相信比較難安排到位置。店內裝潢貫徹中國風，用上燈籠、屏風、木椅、木枱等。或者你會稍為期待侍應們嘅制服、裝扮，不過要失望喇，如果著到宮女、太監般，恐怕好難招呼客人。餐牌配合宮廷風，分三款套餐 ($148/$188/$248)，一律任飲任食兩小時，客人只需要選擇食宮女、貴妃，抑或食皇后，當然價錢不同，食物亦有所不同。以下會為你稍作介紹，套餐名字，宮女 ($148)、貴妃 ($188)、皇后 ($248) 基本上已經反映級別。餐牌食物一樣，分別係有冇格仔，三個格仔係任點，一個格仔係限點一次，按人頭數出，所以你唔需要填寫份量。宮女式任食 $148+10%服務費基本上比起另外兩個套餐，缺少左霜降牛、牛肋骨、黑豚肉、羊扒、海鮮、烤年糕，其餘食物係相同。所以如果你係對以上食物冇興趣的話，點呢個套餐好划算，因為選擇其實唔少。（三個格仔係任點，一個格仔係限點一次，按人頭數出） 貴妃式任食 $188+10%服務費「貴妃」比起「宮女」相差$40，分別在於霜降牛、牛肋骨、黑豚肉、羊扒、海鮮、烤年糕，可以點一次，按人頭數出。我認為點呢個餐最划算，一開頭當然會覺得海鮮只可以點一次，唔夠喉，但食食下會覺得足夠有餘，畢竟餐牌仲有好多種食物可以點。（三個格仔係任點，一個格仔係限點一次，按人頭數出）皇后式任食 $248+10%服務費最貴係「皇后」，餐牌見到嘅都可以點，包括肉類、海鮮、鍋物。（三個格仔係任點，一個格仔係限點一次，按人頭數出）一般食放題都會高估自己嘅能耐，簡稱眼闊肚窄，我地一睇餐牌，就理所當然揀最貴嘅「皇后」。我地自問唔係細食人士，但只係點左兩輪，已經被KO喇所以我估計大部分人點貴妃餐，已經好充分，除非你旨在食海鮮。近樓梯位置有多款調料選擇。燒烤、火鍋同一時間進行，所以除左揀餐，仲需要揀湯底，，有麻辣雞鍋、蕃茄鍋、蒜香蛤蜊鍋等，$10-$20，價錢合理。我地揀嘅係蒜蓉蛤蜊鍋。燒烤爐位置附上焗爐紙，幾衛生，一來客人可以避免食物容易燒焦，二來冇咁油膩，不過最重要係無需更換爐底，換焗爐紙就可以喇（店員會主動幫忙換）。肉類方面，個人非常推介霜降牛、牛肋骨、黑豚肉、雞軟骨。海鮮方面，虎蝦、鮑魚、牛油扇貝都係必食！上菜快，瞬間滿桌！肉類：醬燒霜降牛、醬燒牛肋骨、蔥香牛舌、醬燒黑豚肉牛肉腍身，肥脂分佈平均，輕輕燒過經食得！第二輪點嘅肉類一樣靚仔，唔會發生好似香港嘅放題般，得第一輪肉靚。海鮮：去殼貴妃虎蝦、花開寶貴飽、愛爾蘭蟶子王推介虎蝦鮑魚！兩樣都已經去殼、離殼，方便食用，呢點我好喜歡，唔怕整污糟手！而且非常新鮮，肉質彈牙，以燒汁調味，完全唔腥！相對的蟶子有點遜色，燒調味不足，燒完有少許乾。特選蒜香雞軟骨、醬燒左腿肉、牛油扇貝、麻辣奶油蝦麻辣奶油蝦夠惹味，店員提議拎出黎燒會快熟過放喺盤中燒，但我地更喜歡連盤燒，因為蝦肉更入味！雪花醬燒松板豬較肥膩，燒起上來油份較多。醬燒香菇、牛油金針菇、煉奶花生烤烤年糕、麻辣奶油蝦烤年糕好好食啊，年糕表面燒到微脆，裡面保持柔軟煙韌！可惜我太飽，冇能力追加！鍋物選擇好多，但我地掛住燒烤，所以唔係食左好多。由於我係蜆怪，瘋狂食蛤蜊，唔知食左幾多斤！蛤蜊鮮甜，完全冇沙，配蒜蓉鍋一流，自製卜卜蜆鍋！飲品自取，樽裝可樂、雪碧、檸檬茶、菊花茶、百事、涼茶等。后宮食物選擇多，質素整體好有水準，定價適中，可以一次過食到燒烤、火鍋，好適合我呢類花心吃貨，！一大班朋友去的話，可以試到嘅款式更多！店員服務好好，幾位都好細心留意客人需要，主動換焗爐紙、收拾碗碟。不過提提大家珍惜食物，量力而為喔！…查看更多