六記粥麵

营业中

休息中

星期六約左朋友過大海玩 ! 因要遷就朋友放工 ! 去到已經係晚上十點 !因為以前食過呢間D米通鯪魚球 ! 對它念念不忘 ! 所以建議去果到食宵夜/晚餐 !一去到兩個舖位都爆哂 ! 等左大約十分鐘先有位 ! (可能因為對面細龜冇開,D人走哂過去)叫左一窩水蟹粥 , 一碟米通鯪魚球 , 一碟肉絲炒麵 , 一份叫全餐菜的食物 !水蟹粥唔錯 ! 好夠味 ! 一窩有兩隻蟹 ! 食唔哂 ! (因女性朋友唔食得蟹)米通鯪魚球保持到水準 ! 好好味 ! 肉絲炒麵有驚喜 ! D麵唔知仲係咪自己做 ! 但比平常食嘅炒麵幼細 ! 炒落又唔會太乾身 ! 炒得啱啱好 ! 下次去一定再食 ! 至於全餐菜即係佢門口檔車仔食物 !樣樣有D咁囉 ! 不過唔建議大家食 ! 魚旦及豬皮唔得 ! 牛筋OK夠淋 ! 鳳爪普通 ! 仲有D咩就唔太記得了 ! 總之唔抵食及唔好食啦 ! (成60架)服務黎講就同香港一般粥麵,大排檔差唔多啦 ! 唔好太大期望就得架喇 !

其實等位就等左唔耐既. 反而係等野食等左好耐!! 我同我女朋友叫左炸鴛鴦+蝦籽撈麵.講左炸鴛鴦先. 佢個炸雲吞我覺得係OK咖.個皮係脆. 入面粒蝦肉都OK好味.但米通鯪魚球就幾失望下. 真係名過於實.其實只係一粒普通街邊都食到既鯪魚球再加一陣脆脆係面.食落係脆脆地既口感囉.唔係講到咁特別. 亦唔係講到咁好食姐我覺得...仲有蝦籽撈麵. 其實我覺得都係OK既.佢都真係幾多蝦籽. 同埋夠顏色.遺憾既係唔知道咩原因. 上檯時熱度都幾明顯不足.好似至少攤左10-20分鐘咁.服務方面. D侍應... 真係左耳入右耳出.你叫佢好多次. 一係視而不見. 一係聽完就算. 之後又可能會突然問番你.好似我地叫左罐可樂咁. 好耐冇拎黎.之後又突然問番我地係咪嗌左罐可樂.同埋. 真係就算勁催單都冇用.個蝦籽麵等左都幾耐下. 坐我地對面搭檯個個仲耐.我估佢真係起碼等個個麵等左最少40分鐘...講真. 再好食既食物. 遇上差既服務態度. 都會扣幾分啦.何況.. 食物又唔係真係咁好食...個人認為. 只限如果你係一個有耐性既人. 可以一試既.我自己試完一次. 都同女朋友異口同聲咁話. 唔會再黎食.

自從3年前第一次試過六記既錦魯雲吞之後, 每次去澳門都必定留肚去食!今次亦不例外, 晚飯食完炸雞, 宵夜就去買返個炸雲吞返酒店慢慢嘆! 堂食$48, 外賣加多$2~今次住十六蒲, 來回行20分鐘, 返到酒店D雲吞仲係脆架, 包住大大隻蝦好好味, 仲有個錦魯汁夠酸, 沾住食真係無得彈

打唔成風,坐船去澳門,都係第一次有想嘔既感覺,落船唔多舒服,上的士,六記,坐下來,當然食人地話好既野,因為唔知食乜好.先黎水蟹粥,真係好好味ar d 粥好有蟹味,唔係行貨,有足足一隻蟹,跟住黎蝦籽撈麵,勁多蝦籽,有少少葱花,更好味,麵質又好.最後上埋米通鯪魚球..好熱ar.好好味ar.點喼汁,最好食,下次一定再食過三樣野加兩罐汽水,$120埋單,其實都唔太貴,因為實在太好食la

在細龜處(華軒美食)等了45分鐘，二人吃過非常滿意的干炒牛河、炸鯪魚球和雞腸菜，留肚第一次試吃對面六記的出名竹昇雲吞麵，所以不吃水蟹粥了。在細龜處等位時已見六記有廣告推介明火炒粉麵，一過馬路看到門口路邊一枱的干炒牛河吃剩五份之一，心中暗叫不妙！地方頗清潔，但待客則不知所謂。時約9 p.m.只有六、七成滿，侍應很忙似的行來行去或在清理食桌，就是沒有人來落單。粥檔的阿姐見我們想落單就指一吓遠處的侍應，唔關我事也，亦懶得叫侍應來處理，收銀處的青年則掛着食煙、睇電腦和隔籬的侍應高談闊論，此人應為老板或近親也，因為唔使做！二人叫了蝦子撈麵和水餃麵，上到枱只見一碟東倒西歪的蝦子撈麵，可見煑麵過個都冇心機處理這碟麵，求其得很。果然一咬落口，麵太「淋」，完全沒有一貫廣東雲吞麵的爽和彈牙更完全冇麵味。水餃麵仲死，煑麵的努力地淥淥淥碗水餃麵，麵更加「淋」，死未！水餃麵要$19，但比起石塘咀熟食檔「權記」更不如，後者只要$14。實際上澳門的消費物價已追得上香港，反之質素在下跌中，福隆新街「祥記麵家」未上電視時有95分但現已跌到80分之下，初試的「六記」更是又不合格。舊式的服務方式如忘記了與客人的關係就變成唔

看過蔡瀾介紹,心中一直想要試這裡的米通鯪魚球,,大腸拼鳳爪,,蝦子撈麵同炸雲吞...18:30到達等待開門已有人在等但出面好臭gas味一行5人..除了上述的出名菜還叫了艇仔粥&炒菜環境唔太好...好迫...唔太乾淨...侍應忙到應唔到你...又唔得閒拎野...幾邊出菜都叮到爆..米通鯪魚球: 唯一impressive既食物...好味大腸拼鳳爪: 一般水準蝦子撈麵: 一般水準...不過好細碟炸雲吞: 好熱氣...都幾好食既...不過一食完...牙肉好痛艇仔粥: 粥底ok...但D炒菜: 好油><走時有很多人在等位...我地走都走唔切

大腸拼鳳爪:大腸夠淋,不過淡而無味,唔知係咪我太早去....不過鳳爪就OK~蝦子撈麵:好好味,食完想encore~~~米通鯪魚球&炸雲吞:我唔食魚都食到,幾好味,幾香口~~不過個蜆蚧咸得滯...炸雲吞就麻麻地,雖然炸得幾好味但D餡太少....好似淨係食炸雲吞皮咁

六記又是另一必食之選, 必食蝦子撈麵+淨雲吞, 麵完全無梘水味, 雲吞的湯好好味. 試過其他的蝦子撈麵, 暫時只得這間令我會想再去食. 其他的食物如炸雲吞, 雞腳都好好吃.我老公話鯪魚球好好食, 但我不吃鯪魚球的, 所以不能評論.

蝦子撈面~男友話好OK! 幾多蝦子..唔油..不過要趁熱食..雲吞~食2舊已經好膩炸菱魚球~我覺得好好食喎!特別d米通!炸到好脆!我不嬲食野都超慢..食到第3粒都仲有煙出~不過男友就話麻麻地..總括黎講..可以一試既但服務就真係冇乜冇人帶位冇人問你幾位自己入去座一起身先發覺張椅有水=.=係呢度扣分囉

上月尾澳門早去晚返喪食之旅其中一站就係六記粥麵 : )原來呢度成6:30pm先開 >< 唯有食住其他野先啦 : DDDDD等倒位坐，唔理咁多，即刻叫野食 :"P 野食黎到啱啱好消化完上一餐又餓了 : ) 真好~大腸拼鳳爪呢個好夠味啊.. 最鐘意鳳爪又黏又濃味的 :3 我本身唔食大腸的.. 不過既然黎到就決定試吓~ 有啲柱侯味好好食呢 :3 從此以後我會食大腸了 :"X墨魚生麵呢個幾好不過唔太特別~ 食落無鹼水味但麵質爽啲更好._. 不過湯有啲奶油味幾好飲 :3米通鯪魚球呢個今餐最愛 : ) 加左米通嘅鯪魚球真係未試過~ 熱辣辣啱啱炸起..真係外脆內軟~ 點埋喼汁食真係一流 *O* 好想食埋人地嗰份 :"P蝦籽撈麵喺澳門食蝦籽撈麵一向都有水準有保證 :3 呢個都唔例外~ 點解香港好似搵唔倒有嘅? .\/.炸雲吞湯雲吞嘅主角係入面啲餡.. 呢個就梗係金黃色嘅雲吞皮啦 :"P 好脆口~ 雖然食

得知這家是很有名的粥麵店, 這次,即係上個月...住十六浦, 晚上到了澳門check in後便到六記吃晚餐從十六浦步行到六記只需十分鐘, 很方便~當時已九點多, 但還是有很多人兩個人叫了三道食物 1.蝦籽撈麵. 蝦籽很香, 麵也蠻彈牙的, 而且份量不像祥記那麼少... 唯獨是麵的底部比較濕. 整體來說是好吃的 2.米通鯪魚球. 外面米通很脆, 裡面的魚肉軟中帶咬勁, 而且吃到有陳皮香. 不過那個蜆芥醬太鹹了...3. 鳳爪大腸雙拼. 這道菜是那邊的工作人員介紹的. 很有驚喜! 兩者都煮得很軟身很入味, 很出色的一道食物下次來澳門一定會再來

來這裡好幾次，電視剛介紹完，黎之前有點擔心個米通鯪魚球走樣。人依然很多，剛好有客起身，即坐低。今日已經食左好多野，要雙併米通鯪魚球加炸雲吞，加個蝦子撈麵。米通鯪魚球夠熱冇走雞，鯪魚球依舊好彈口，米通夠脆，呢到既蜆蚧醬亦出色，夠咸。炸雲吞稍為遜色，夠香口，不過有點粉。蝦子撈麵，蝦子鹹味夠，蝦子亦夠多，麵煮得耐了點，較腍，麵冇以往彈牙，不過水準是可以的。米通鯪魚球依然出色，覺得這裡的蝦子撈麵較祥記好。

下午去完失望o既祥記, 夜晚終於食番間有意外驚喜o既六記我哋叫咗米通鯪魚球 - 外面好脆, 裏面o既鯪魚肉好好味 鳯爪 - 佢哋話係招牌貨, 但味道只係一般 錦鹵雲吞 - 好脆, D汁味道啱啱好 水蟹粥 - 好鮮味, 正 乾炒牛河 - 好味, 唔太油, d牛肉新鮮, 前後叫咗兩碟 炒蜆 - 因為有小朋友, 所以叫咗唔辣, 味道 ok 個伙記話辣先好食.淨雲吞 - d蝦好新鮮, 好爽, 湯底好味價錢合理, 值得推介

由十六浦索菲特酒店沿馬路北行約10分鐘便到沙梨頭仁慕巷。呢條小巷有2間馳名食店，包括細龜炒河既華軒美食及今次晚飯既六記粥麵。六記粥麵好多客，我同朋友坐正廚房出入口。個場雖然有伙計，但係互相閒聊多過為客人服務，我地搵個伙計落單都唔容易，左推右推先有個人埋來落柯打。蝦子撈麵$19--蝦子鹹香，竹昇麵彈牙，質數超祥記一班，起碼個蝦子撈麵唔會濕漉漉。滷水鳳爪豬大腸$34--鳳爪炆到好稔，入口易吮；大腸就比較過火，有點泡。炸米通鯪魚球$35--魚肉彈牙有嚼勁，米通脆口，隨上蚧醬則略咸。生滾水蟹粥$110--有隻半水蟹，夠鮮味。粥底香甜軟綿，食不口渴。埋單$198，的確抵食物超所值。

去到澳門就預左不停食食食, 我地個晚餐都未落格就走左去食六記啦, 原來都唔想去食架, 不過上網睇d食評話"六記"唔差, 飽死就飽死啦, 一於去食啦~~個日星期一零晨, 去到大約都點幾啦, 嘩都咁多人既~ 就知e間野應該都好正, 一坐落, 就叫左鹵水雞腳, 咖哩併盤, 炸雲吞魚旦, 蝦子麵, 雲吞, haha... 係呀, ed叫霄夜呀, 真係好好食呀, 不過食得太多, 飽到訓唔著呀~~