六記粥麵

营业中

休息中

24/03/2009 在澳門的第一晚..去完賭場一心諗住坐的士去六記食宵夜...點知一去到見到 <23/03/09 - 24/03/09 休息二天> 真是那麼幸運嗎?只好返酒店了..好在我們是住十六浦酒店..距離酒店都唔係好遠..只需10~15 分鐘...唔係就白行一趟了!!第二日坐夜晚9:00點船走...6:00點見仲有時間..諗住去多次睇下有冇開舖...因為佢只係開夜晚6:30~零時 2:30..所以要食佢真係有點煩...要就時間...6:15 去到時佢地食緊飯..雖然佢開6:30 ..都比我地坐住等..原來時間有好多枱等緊了!叫了好幾個招牌菜: 滷水鳳爪豬腸 $32 : 寫到明係滷水但一點滷水都感覺不到...大腸為何是咖哩的?鳳爪普通沒什麼特別 雙併鯪魚球炸雲吞 $34 :米通鯪魚球有5粒..幾好...值得一試..但個蜆介就好咸 及弟粥 $16 很足料..有豬肚,豬腸.仲有2粒豬肉圓...抵食!!蝦子面 $18....太乾了...面質冇咩特別..我覺得祥記的好食好多!最後結賬$116食飽飽就要返酒店攞行李坐船走了.....

feb 28, 09,終於full team,5人嚟宵夜,叫咗 : 1) 淨雲吞-個皮真喺好薄好薄,亦好滑-細細粒嘅1隻-個人略嫌蝦嘅份量唔多,餡亦唔多,所以麻麻,友人就話呢種喺舊時做法-呢個友人們意見分歧,友人就覺得幾唔錯 2) 蝦籽撈麵-個麵無鹼水味,麵質雖唔會喺好明顯嘅爽口,但唔腍,少少彈口-蝦籽唔喺死鹹,鹹味溫和-不錯 3) 蟹粥-上次友人嚟食過之後大讚,所以大家對此甚有期望.........尤其喺澳門,現今暫未搵到可取替以前誠x(未賣盤前)嘅水準-不過今次應該大為失準因個粥底唔夠火候,友人稱其米為未煲開-但個蟹就好有質素因好鮮甜 4) 炸錦卥雲吞-大家1見到呢味小食,就大談兒時嘅回憶-老實講,由細到大我都好少食呢味嘢-好,呢碟雲吞都炸得幾脆,甜酸汁亦夠"杰",不過個雲吞餡就好似比例地少咗d後記- 多謝友人請呢餐- 今次之出品未喺滿意,有機會都想去多次証實吓喺咪今次失咗手

28-2-20090係祥記食了一 round "warm up" 後, 行了過來 Ponte 16 後街的呢度試埋. 先0黎淨雲吞 ($17), 湯底 (係魚湯?) 帶點奶白, 味道濃鮮, 正! 雲吞皮好好好好好薄, 但唔會一夾即爛, 勁; 餡料的蝦：豬比例約 7:3, 彈牙鮮甜, 正!蝦籽撈 ($18) 就等了好耐先有得食, 睇0黎阿姐唔記得0左吧 -_-" 同祥記的唔同, 呢度的蝦籽條條麵都黐到, 多到滿瀉, 麵條幼身, 食落鹹香爽身, 勁對胃口! 不過朋友就嫌佢太乾身, 祥記的好食 d 喎...比起新馬路0個邊, 呢度較少人, 衛生較差招呼亦較差, 不過整體我覺得呢度的蝦籽撈比祥記更好食, 值得一試再試.

去到澳門check埋in都成11點, 去左六記食宵夜, 第一次去, 都係睇其他食評之後決定去.好味道呀! 我食左蝦籽面, 魚球, 炸雲吞同水蟹粥, 全部都好味, 不過粥就要等好耐, 食完其他野都仲要等十分鐘至o黎, 不過值得等既. 至於服務態度就有些阿姐好, 有些就係炆薑, 睇你好唔好彩喇!

一月上旬宵夜到步後吃過法國菜，宵夜只想吃些簡單一點的平民麵點及水蟹粥，其實離福隆新街不遠，截的來亦不過廿元，跟師傅說六記或細龜炒麵，他一定能載到你到目的地，是出名宵夜景點。先到六記吃碗竹昇麵，麵檔就放在門口，想吃什麼麵乾脆走到麵檔前，配料任揀，愛吃什麼便叫什麼，水夠滾麵一下就騰出大量水氣，真夠風味！見有粗身及幼身的竹昇麵，前者很特別，不常吃，老闆娘建議做薑蔥撈，後者也不須介紹，蝦籽撈啦；點了菜，就坐埋路邊檯，愈冷愈有風味。路邊幾張檯坐滿煙民，水蟹粥、小炒，幾支青島，同街多兩檔六記的話，可湊成夜市，想起十二時的廟街。剛巧遇著寒冬氣流，單吃兩碟麵不是味兒，再來碗水蟹粥，小碗四十元。雖說是平民麵檔，招呼卻是不錯的，老闆娘捧來兩碟竹昇麵，又介紹了吃法。先說粗麵，麵做得薄而帶韌性，質地薄爽勁不如幼麵，但滑溜質感配起煮過的薑蔥絲味道又很不錯。而蝦籽撈，用上幼身蛋麵，比起祥記還要細半個碼，有韌性亦帶爽勁，撈起微細蝦籽吃確是美味，蝦籽鹹鮮不於祥記，但分量夠，再加上豬油甘香，味道自然不會差，篩水功夫足，夾起來清爽明快，碟底不著水漬，湯底是奶白的大地魚湯，鮮濃甜美，除大地魚外還有雞肉及藥材味道，這味道別處

上星期與家人同到澳門旅行，第一天晚餐來了六記粥麵。這店晚上才開門，所以不要早上來摸門釘啊。今次是我第二次黎食，上次黎食對呢度的食物都念念不忘，今次黎澳門一定要再次回味。我地大約八時幾黎到，已經坐滿好多人了。有專程來的香港人，亦有黎食晚餐的澳門人。我地等左一陣先有位，可見佢地幾受歡迎。最後我地叫了蝦子撈麵、水蟹粥、米通鯪魚球拼錦滷雲吞、滷水鳳爪拼大腸。先上的是滷水鳳爪拼大腸。這是第一次叫的，對這道菜很有期望，因為自己很愛食這類食物。賣相更是吸引，被滷水汁浸淫過的鳳爪被染成深啡色，令人一見就想立即品嚐。大腸洗得很干淨，沒有污物在內，叫人食得放心。雖然賣相不錯，但味道又是另一回事。兩樣味道稍為較淡，沒有預期中咁好味，若果更濃味相信效果會好味好多。之後上了我至愛的蝦子撈麵，這店鋪的麵是用竹親手打製，麵條更彈牙幼身。蝦子的份量絕不欺場，蝦子灑滿在麵上，每食一啖麵都感受到蝦子的存在，而這裡的蝦子麵更多了一分香味，較同樣主打蝦子撈麵的祥記更覺好味。若果不是還有其他食物，一定會再來一碟。米通鯪魚球拼錦滷雲吞。米通鯪魚球新鮮熱辣，脆卜卜又大粒，裡面的鯪魚肉新鮮，又伯是另一推介。食米通鯪魚球一定要配埋蜆介

此處係晚餐第二站，八點左右黎度冇乜人，點左一碟蝦子面同一碟米通魚球，前者份量少，如果空肚黎我諗唔食兩三碟都唔飽，後者就係物有所值，外脆內爽，好正

今個馬交奔走行之最後一站,就是在沙梨頭的"六記",原來在新馬路行過去並不遠,位置就在十六浦隔離.晚上六點半才營業,未開門已經有食客在等,我們也早到了數分鐘,便在店外的摺檯位坐下.一到六點半,店員即刻為客人落單.早一點也不理你,挺有性格.雖然早前已吃得太多,一場來到,總不能只個麵便算,於是就叫碗雲吞,蝦子撈,米通鯪魚球,同錦鹵雲吞.簡直向自己的極限挑戰.六記除麵條是用竹升打出來之外,連雲吞皮也一樣是自己壓,所以食落煙齦之中帶滑,皮不厚但不易穿.餡內的蝦肉鮮味十足,肥豬肉的鮮味,也可獨當一面.連湯底也非常清甜.又是不可錯過.蝦子撈麵亦不錯,用竹升壓出來的麵條,當然比其他機製的彈牙,爽口.但蝦子來說,我吃過比六記的更好.在香港有得吃錦鹵雲吞的地方不多,記憶所及要數到去老廟的美都冰室.這處的錦鹵雲吞,就絕非那些比兜甜酸汁,便說是錦鹵汁那麼取巧.另外上的錦鹵汁,包含著豬肝,蝦,魷魚等等,有說八珍也有分上八珍和下八珍,上就固名思義是用些上等材料如蝦仁,魷魚等海鮮,而下就只是用內臟,但在這碟錦鹵汁當中,上下珍大兜亂,我們作為食,不理什麼上中下等,我諗,我都識分.好吃的,就是珍品.香脆熱辣的炸雲吞,點

雲吞麵非常爽口, 一D '簡'水味都冇; 米通鯪魚球第度食唔倒, 只此一間, 但唯獨是開門做生意既時間開得太遲, 要成6:30PM, 唔知當係做晚飯定食小食好........., 另外水蟹粥都唔錯, 又唔貴! 未食過一定要去試下

收工叫埋另一個同事去宵夜，嚟到呢間出名食米通鯪魚球嘅粥麵舖，夜晚都仲好旺，有唔少人幫襯，我哋叫咗： 滷水鳳爪大腸：滷水味好濃好香，鳳爪入味，睇個樣好硬，但係食落其實好稔兼好入味，大腸整得好稔，但仍然好有咬口，完全唔會有羶味或者內臟味道。 黑椒牛柳絲炒麪：好夠鑊氣！黑椒味好濃，麪又好脆，有啲似肉絲炒麪咁嘅質地，麪炒得唔油膩，牛柳絲亦唔靱，配菜有洋蔥同埋青紅燈籠椒。 米通鯪魚球：主角果然係最後現身，由坐低即叫到上菜要二十分鐘有多，但好嘢係值得等嘅，佢當然係即炸啦，用米通做脆皮幾創新，咬落好脆，入面充滿魚味，外脆內軟，好精彩！好快就掃光晒！ 蜆芥醬就一般嘢，都 ok 嘅！今日又上多一課：原來米通係可以咁用嘅！

六記係我每次去澳門都一定會去既地方, 因為我成日好掛住厘度既米通鯪魚球!! 哈哈~~ 所以今次都唔例外 , 梗係去六記食番我至愛既食物啦~ 米通鯪魚球: 真係仍然好好味, 炸得好脆, 咬落口已經感受到一陣既鯪魚球味, 加上米通炸到好脆, 而且鯪魚球彈牙, 又唔油喎, 真係好正呀!!!! 加埋D蜆介醬汁就超級正, 咸咸地咁, 好惹味!!! 諗起都想食~ 哈哈~~ : 雲吞麵: 再一次食雲吞麵, 因為竹竿麵, 之前食過係好彈牙, 今次當然都係一樣啦~ 而且雲吞仍然皮薄餡靚~~ 絕對值得食架!!!! 錦鹵雲吞: 勝在個汁好味!!! 雲吞炸起其實真係冇咩特別, 要靠個汁先知正唔正~ 厘度整個汁就幾好呀~ 夠濃夠味, 而且好多餸0係入面俾我餸雲吞食, 酸酸地好正!! 真係都想黎多碟, 不過太煎炸喇厘日..... 唯有收手!!六記雖然地方係偏僻左少少, 不過都有巴士直接去到, 尚算方便!! 但舖頭有D細, 夏天要坐出面都幾辛苦, 因為好熱~ 而家擴建左都好好架喇.... 起碼多少少位~ 唯一缺點係夜晚先開, 下晝冇得去食..... 不過咁好食, 一定搵時間去既~

今次到澳門食過最回味的一間. 蝦子撈麵好好味, 麵完全冇梘水味, 比黃枝記及皇冠小館好味好多, 仲有就是平, 只 $17 一碟, 比較其餘兩間真是超扺食. 另外試了雲吞, 都幾好味, 最喜歡個湯底, 是乳白色的, 好鮮味.不好的地方是, 那裡人手太少, 要等好耐先有得食. 另外, 找錢時, 老闆哈我是遊客, 找了一個很舊的葡幣 $1 給我, 已不能再用的.下次去澳門, 一定會再嚟食過

麵好好冇梘水味又彈牙,炸雙拼米通鯪魚球好正,炸雲吞D皮仲好食,蝦子撈麵ok但蝦子腥咗少少.

因為親人係澳門人,佢地屋企就係隔離所以都久不久都食一次相比傳媒的誇讚,蔡san之類的力薦我覺得比六記水準較普通個米通,魚球,甚至d麵都係一般不過竹壓麵比較少有而家有呢種堅持確實好少有其實以前六記都唔係好多人去不過有傳媒讚就好多人去喇如果講好食,對面細龜真係好話晒做到開鋪旁邊有間成記粥麵都好好食~

數日前，香港各界正密鑼緊鼓籌備回歸活動；在一水之隔嘅濠江，我亦準備我自己嘅「回歸」工作。與我一齊到澳門搵食嘅同事，知道我即將要離開後，提議响我臨走之前，進行一次「掃街」活動。講到食，我就梗係當仁不讓啦。是晚我地嚟到俗稱「十六浦」附近，試吓一啲响香港已經比較少機會食得到嘅嘢。第一站我地嚟到「六記」，呢度有不少飲食雜誌都介紹過。據朋友提議，餐牌上有彩照嘅食品都係值得一試嘅。結果我地叫咗「炸雲吞」、「豉椒炒蜆」、「蝦子撈麵」、「雲吞麵」、「水蟹雞粥」同埋「米通鯪魚球」。呢度嘅「竹昇麵」係賣點之一，食落又果真有啲功架，「蝦子撈麵」嘅水準拍得住元朗嘅老字號「好到底麵家」；「雲吞麵」嘅湯底清甜，不帶有半點味精；雲吞餡入面嘅豬肉同蝦嘅比例適中，用料亦新鮮。「米通鯪魚球」係我嘅強力推介，鯪魚球本身炸咗，配合魚肉入面嘅陳皮已經係好香了，再加上香口嘅米通，令人挾了一粒又一粒。「炸雲吞」、「豉椒炒蜆」都有街邊小炒嘅味道。相比之下，「水蟹雞粥」就比較失色，粥比較淡，亦唔夠綿。埋單落樓，共銀三百四十九蚊，即人均消費七十蚊，十分相宜。大家捧著大肚子，向住下一站出發。