影片
吃七彩，不如去吃石狮！吃过乳猪海鲜煲，同骨煲，最近几次去吃d乳猪越来越少，所谓的海鲜都冇几件，骨煲虽然份量依然多，但d汤底就越来越有味精味！同样都系甘多人去，我宁愿去石狮，好味又抵吃！今次去之前明明book左要单独一张台，去到点知要逼我地同人搭台，张台仲要超细，问可唔可以搭张大d既台，就声大夹恶闹人！咁既服务态度，真系俾钱买难受！之前仲试过问我地要唔要啤酒，我地未话要就开俾我地，跟住就走人，真系好无奈
继续阅读
询众要求澳门火锅资料常和朋友推介这一间七彩讲得多不如写一篇我第一次去的时侯也是星期天大约8点左右 但太多人等不到位上次早左去(7点未到)终于等到了但由于这是一间无正统服务系统 有店舖既大排档你要眼明手快揾到阿姐 然后讲明几多位如果唔系....揾位难事~~~上次我们只有2个人 容易揾位但食得野少基本上只是一个猪骨煲 已经饱到不得了不过其真材实料又有好多大猪骨同骨筒,鸡脚,栗米/汤底非常鲜甜真系值得一去的见到餐牌上的火锅料真系想叫晒黎食不过好彩男朋友阻止如果唔系会食唔晒另一男朋友推介炸鸡排我以为得一块点知一黎黎两块真系无因为我地得2个人而比少左份量由于已经切好左一夹起芝士漏出来见到都觉得好味热辣辣好香脆 - 正!下次去一定要多d人再食依两样而且依度有自家制鸡骨草,清甜!也是我的推介之一!
继续阅读
澳门三日两夜之旅，未出发先兴奋，由于10:00pm才到达，于是到处找好吃的地道食店作宵夜。说也奇怪，竟然与食家两个不约而同的找到这间七彩大排档，细问司机下原来就在酒店步行十分钟的地方，心想准是没有错吧﹗放下行理，开开心心出发，店不难找，就在华宝花园，绕个圈便可轻易见到招牌。时值10:30pm，进入食店仍人声鼎沸，坐满不少本地客，睇样系得我地两个系游客了吧﹗冷气开放，一副尚算整洁的大排档格局，坐位也不算迫狭。网上看到这儿最出名的是冬荫公乳猪海鲜锅，价钱$280，很贵，但一场来到也没必要悭住来吃，就先来个海鲜锅吧﹗这儿啤酒价钱便宜，大啤$10便有交易，因此吸引了不少收工后来队啤的男士，大呼一嚷，热闹程度与香港的大排档大同小异。十分钟左右，海鲜锅上枱，睇见真系哗然，超巨型的一品锅，有虾、蟹、蚬、九肚鱼、鱿鱼、乳猪件、大量黄牙白、金菇、秀珍菇等。巨就系巨喇，冬荫公汤底味道偏淡，与海鲜唔多夹，搞到海鲜有如灼熟一样﹔特别在的乳猪件，吃落也有如𩠌头𩠌尾一样，肉唔见有，全是肥羔位猪皮位等，猪还是烧脆吃好吃吧，如此用来打边炉，又肥又怪，感觉真系麻麻地﹗九肚鱼当水滚时已溶溶烂烂，食物咩都有o的好吃可叫丰富，不好吃却只可说是旦咩都有o的，乱糟糟的。有相为证，吃了三份一之后的景况，你觉得我们在吃什么？食家一句「呢煲野真系好核突!」令我放弃。这个一品锅绝不吸引，$280更是我有生以来吃过最贵的锅底，晚上仍坐爆本地人，我想可能有别的食物会是出色吧？我就不会再来了…..
继续阅读
七彩大排档老板娘喺澳门街有”朶”咖, 间舖之前喺澳门清平直街. 我基本上餐牌有嘅都食过晒, 餐牌上冇嘅都食过, 连”龙趸”腩都食过, 冇嘢讲只有 - 好食!!要喺七彩大排档食嘢就要七点半前到, 唔系就唔使旨意有位, 请等位. 好彩嘅话就可以撘枱, 唔钟意等位? 好憎撘枱? 咁请你拣过第二间食肆, 你唔适合七彩大排档. 一系就十点半后到, 呢个钟点冇咁多人, 不过就请你有心理准备好多新鲜嘢都已经买哂喇, 系你迟唔关七彩大排档事.坐低落咗单如果见有好多外卖单就唔好追, 因为外买行先冇人会睬你, 厨房话事. 请记住你嚟澳门食嘢一定要放松心情, 你唔系喺香港, 要快你就唔好喺澳门食嘢, 澳门有一样嘢系冇嘅, 就系”快”. (P. S. 我系一个香灿) 等嘅时候饮吓啤酒、吹下水到有得食都系享受一种. 呢喥所有煲都得(我系一只边炉精), 有鹅煲就耍叫, 唔系日日有, 最紧要系新鲜㓥, 我已经放弃咗香港嘅鹅, 喺香港边有新鲜鹅食呀! 大家多谢香港政府啦! 春秋二祭嘅时候个鹅煲就最好食, 啲鹅肥嘟嘟, 份鹅杂一流, 鹅肝紧紧熟, 𠮶啲Foie gras行埋一边啦! 有食过渣华道街市东宝露比哥鸡肝嘅就知我讲乜嘢, 但系啲鹅肝重好食过露比哥嘅鸡肝. 冇鹅煲就退而求其次叫乳猪海鲜锅(山仔咁高)、 米酒鸡(同呀妈煮嘅有得fight)、 鲤鱼锅 (香港冇人买喇), 骨煲最多人叫(外卖重多), 冬天加上羊腩煲……食得辣就叫香辣炒面, 米通墨丸有人讲过喇, 你好彩就有焗鱼肠(餐牌冇嘅), 再好彩啲有蒸咸鲜(同日本”一夜干”一样, 再加上咸香!). 其他就系普通广东菜, 是但叫都唔会差,
继续阅读
近来每次返澳门都系夜晚过到去, 又唔知去边到食DINNER, 又唔想周围揾,误打误撞之下走佐入去食七彩大排档, 果然唔错呢, 不过有人话抵, 有人话唔抵, 不过我地都觉得OK抵食~前几次去都有叫椒盐九肚, 上次去就无货, 有D失望呢~甜酸鱼块, 好正~ 招牌米通墨鱼丸, 热辣辣好好味~~~ 即叫即炸, 唔似香港D餐厅咁炸定晒~我无缘试过骨煲, 因为我地得3个人, 其中一个又唔钟意食煲, 2个人就唔会食得晒个煲WOR,好大煲~~~ 如果试下次都系揾多几个人去试先得~ 因为见到隔离枱个煲已经漏晒口水~ 哈哈~枱唔系太多, 夜佐要订枱, 我地食紧既时候都频频听到老板收电话订枱~
继续阅读
您可能会有兴趣的...