各位威士忌迷，又嚟到一年一度國際威士忌盛會啦！今年「Whisky Live & Fine Spirits Macau 2025」，將於11月28至29日喺澳門上葡京綜合度假村(「上葡京」)舉行。今屆活動由《威士忌雜誌》攜手澳娛綜合度假股份有限公司(「澳娛綜合」)舉辦，活動規模全面升級！參加者可以品嚐嚟自全球80幾個品牌、超過500款風味獨特嘅威士忌及烈酒，又可以即席同多位威士忌專家交流心得。現場仲有音樂表演同美食，絕對係一場多重感官嘅沉浸式體驗，即睇今年活動4大亮點啦！
世界各地知名品牌、酒吧帶嚟多款佳釀
4大亮點打造極致體驗
1. 重磅陣容「亞洲酒吧秀 」
上葡京首席調酒師馬銘康 及Alibi - Wine Dine Be Social首席調酒師Jennifer Ho
重磅陣容坐鎮嘅「亞洲酒吧秀」雲集12間亞洲頂尖酒吧，其中位於澳門卡爾拉格斐奢華酒店大樓嘅「味賞(Mesa)」酒吧備受矚目，皆因由「世界雞尾酒大賽2024」冠軍、上葡京首席調酒師馬銘康(Frederick Ma)主理，呈現創新、精緻且具獨特風格嘅招牌雞尾酒受酒友歡迎。
香港區精英都有參與呢個環球盛事㗎～由Head Mixologist Jennifer Ho主理嘅Alibi - Wine Dine Be Social同樣令人期待！Jennifer Ho榮獲Hennessy My Way Hong Kong & Macau 2025冠軍，仲帶領酒吧入選HK Bar Awards 2025 Top 20 Cocktail Bars。兩地世界級調酒師將同亞洲其他頂級調酒師一齊獻技，仲有嚟自廣州、雅加達、台北、京都等地打入《Asia's 50 Best Bars》嘅酒吧參與，真係品嚐美酒嘅絕佳時機。
2. 年度限定酒款「精選年度佳釀」
津貫單一麥芽日本威士忌 – 澳門 Whisky Live 限定版(58% Vol) 700ml限量瓶裝。設計盡顯匠心工藝同節日精神，只限連活動套票發售，(限量500支)
Whisky Live每年都會推出年度限定活動酒款，由世界各地知名蒸餾所精心打造，值得收藏。今年限定酒款有「津貫單一麥芽日本威士忌 – 澳門 Whisky Live 限定版」，由津貫蒸餾所精心釀製嘅單一麥芽威士忌，經6年熟成於奶油雪莉桶，並採用泥煤麥芽釀造，展現出濃烈而層次豐富嘅風味。口感煙燻濃郁，伴隨乾果同雪莉嘅絲滑甜香，餘韻悠長溫暖。
3. 現場音樂演出
今屆活動有酒有音樂！現場音樂表演每日都請嚟唔同表演陣容，以爵士樂到廣東流行曲貫穿全程，重點表演單位包括︰
香港爵士傳奇包以正(Eugene Pao)
11月28日：香港爵士傳奇包以正(Eugene Pao) 以及其爵士四重奏。作為首位同國際唱片公司簽約嘅香港爵士樂手，30幾年嚟同過多位巨星合作—Michael Brecker、Herbie Hancock等，今次將騷靈爵士演出融入Whisky Live打造現場優雅氣氛。
人氣粵語流行DJ樂團節拍星期五(Beat Friday)
11月29日：香港人氣粵語流行DJ樂團「節拍星期五(Beat Friday)」，係香港少數專注於廣東Disco派對、播放懷舊廣東歌嘅二人DJ組合，成員包括資深音樂創作人、作曲家及監製INK，同埋與知名夜店及電台DJ波盛(Ballshing)，用唔同形式呈現多首1980年代至2000年代嘅經典廣東歌，並會透過自製remix、mashup注入新元素，打造創新驚喜演出。
4. 特設貴賓區+上葡京餐廳限定體驗
貴賓區提供多款特色料理作搭配
想用最佳角度欣賞現場音樂表演，參與特設嘅貴賓區啦～你仲可以享用大會精心挑選嘅美饌佳餚，例如澳娛綜合旗下餐廳嘅特色料理，同頂級威士忌pairing，將味覺享受昇華到另一層次。如果想再探索更多威士忌體驗，上葡京多間餐廳喺11月推出特色威士忌搭配菜單等主題活動，繼續品嚐威士忌酒香魅力！
「Whisky Live & Fine Spirits Macau 2025」亦同各品牌、威士忌鑑賞家合作，喺會場內舉辦大師班，介紹品牌故事、各酒區威士忌品鑑、威士忌釀造同熟成過程等精彩主題。如果想打造極致飲飽食醉嘅行程，不妨去埋同期舉行嘅「第二十五屆澳門美食節」。
Whisky Live & Fine Spirits Macau 2025
日期：2025年11月28至29日(星期五、六)
時間：下午1點至晚上10點
地點：澳門上葡京綜合度假村上葡京禮堂
門票即日起開始發售：(詳情按此)
*年滿18歲/成年方可參加活動，切勿酒後駕駛。
