影片
更多
2007-06-23
52 瀏覽
16/06 星期六晚，心血來潮...原本想去尖沙咀分店食，但同男友商量後就決定今晚去旺角分店喇，皆因已訂咗聽日父親節喺尖沙咀小肥羊同家人食下午茶。我都好耐冇食過小肥羊喇，上次大約半年前喺荃灣分店食夜晚$88位任食，之前喺旺角都食過兩次散叫。一個小時前打去訂兩位，今次試下21:00後去食，因有火鍋湯底及大部份生嘅羊肉半價嘛，20:57俾我哋入去，今次安排上三樓坐，點菜之後因個男侍應開唔着個電磁爐，幫我哋換咗三次爐及一次拖板先食得到。鍾意食羊嘅我今次點咗~1. 滋補藥材湯底($34)-仍然咁好味，我最鐘意佢啲藥材味。2. 月亮羔羊肉拼蒙古肥牛($5x)-男侍應答我話呢隻最羶喎，我覺得未夠羶，OK啦！但啲蒙古牛真係好鬼肥吓，有3/4都係肥架，下次唔會叫牛喇！3. 太陽羔羊肉($3x)-多過雙拼好多塊，味道同月亮羊肉差不多，但男友覺得月亮羊肉羶啲。4. 羊里脊($44)-厚切又冇乜肥，係另一種羊味同口感。5. 肥羊粉(寛)($28)-必食，個樣就似粉皮，食落好煙韌彈牙，又索到啲湯底味。6. 花膠仔($38)-麻麻哋，因有陣唔知咩味，男友竟然話好食。7. 莧菜($18)-最多份量又最平，正呀亦都
一個小時前打去訂兩位，今次試下21:00後去食，因有火鍋湯底及大部份生嘅羊肉半價嘛，20:57俾我哋入去，今次安排上三樓坐，點菜之後因個男侍應開唔着個電磁爐，幫我哋換咗三次爐及一次拖板先食得到。
鍾意食羊嘅我今次點咗~
1. 滋補藥材湯底($34)-仍然咁好味，我最鐘意佢啲藥材味。
2. 月亮羔羊肉拼蒙古肥牛($5x)-男侍應答我話呢隻最羶喎，我覺得未夠羶，OK啦！但啲蒙古牛真係好鬼肥吓，有3/4都係肥架，下次唔會叫牛喇！
3. 太陽羔羊肉($3x)-多過雙拼好多塊，味道同月亮羊肉差不多，但男友覺得月亮羊肉羶啲。
4. 羊里脊($44)-厚切又冇乜肥，係另一種羊味同口感。
5. 肥羊粉(寛)($28)-必食，個樣就似粉皮，食落好煙韌彈牙，又索到啲湯底味。
6. 花膠仔($38)-麻麻哋，因有陣唔知咩味，男友竟然話好食。
7. 莧菜($18)-最多份量又最平，正呀亦都可以索唒個湯底啲味。
兩位茶$16，加一連小費，今餐合共$290。食完我哋就變咗大肥羊喇！
最唔低係臨走俾我見到張海報，係關於為慶祝三週年開業，喺19/06-25/06其間晚市散叫凡惠顧滿$100就送一張$100現金券，如此類推，任食火鍋就要惠顧滿$200先送一張$50現金券。算~！希望25/06前可以嚟食多次，每次食完"小肥羊"都好回味佢個"滋補藥材湯底"，好味到直情好似食任何餸都咁正，如果唔係咁貴，我會成日嚟食架。所以真係好想去試下大陸嘅"小肥羊"呀！
張貼