有骨氣海鮮酒家 (已結業)

同個同事去左附近的酒店聽野，悶了一個朝早。食飯時間來了這裡。樓下的德米店內坐滿人，仲以為無得食，侍應帶了我們上二樓，地方比樓下闊落又光猛，有電視睇，仲有盅普洱飲下，成半層樓得我地一檯，環境相當唔錯。雖然坐在有骨氣的地方，但都係叫番德米的午餐，有湯有主菜有甜品，我們就叫了雪菜肉絲炆米及魚湯魚滑魚茸麵。湯是響螺煲雞腳，飲落沒有味精，還有淡淡的瑤柱味道，也吃到幾粒螺肉，幾認真的；魚湯魚滑魚茸麵賣相一般，但吃落味道不太強，都幾清淡。魚茸麵跟魚滑都幾彈牙又有魚味，配料還有不少的秀珍菇，幾健康的一餐。同事的炆米濕濕地，我望落麻麻，不過同事就話唔錯。甜品是薏米腐竹糖水，飲品可選幾款果汁，我要了西瓜汁，都算是鮮搾的。埋單九十三蚊，坐到走都仲係包緊場，幾平。