去開大埔附近，見到呢間食星馬菜既餐廳，係出邊睇個餐牌見到好似幾多野食，於是就試下，同朋友叫左個二人晚市套餐再加個火山包，食到超級飽🤣 二人餐 $198 🐽香煎豬頸肉喇沙摻摻 湯底椰香味幾重，微微辣，油麵同米粉既份量都好多，食極都仲有咁，豬頸肉係煎過，爽口唔韌，另外仲有幾舊豆卜同半隻蛋，吸哂啲湯😍 🐽無骨海南雞飯 海南雞去哂骨，食起邊便，雞皮爽彈，某啲位置都幾滑，都係例牌個三款醬可以沾，油飯未算好香，但整體黎講都唔錯既😙 🐽絲網春卷 （2件） 外層炸得香脆鬆化，食得出裏面有好多芋頭同肉碎，好足料，就咁食已經好夠味🤤 🐽惹味沙爹牛肉串燒 （2串） 沙爹醬惹味，有粒粒花生，牛肉唔會燒到好乾，都仲好軟淋🤩 🐽蕃茄酸辣鳳爪沙律 本身以為都係細細份既一個沙律，點知黎到係好大份，鳳爪都有成6舊左右，沙律菜同蕃茄仔都好新鮮，個汁味道偏酸，但小編好愛🤣食完好開胃 🐽青檸梳打 & 百香果梳打 青檸梳打都係一貫既味😂反而百香果梳打有啲驚喜，百香果味都幾濃，但又不太甜 🐽軟殼蟹火山包 $168 幾壯觀，包上有隻軟殼蟹，口感外脆內軟，而包入面仲有啲蜆、蝦同青口，估唔到有咁多海鮮係入面，但一定要襯熱食，因為如果擺耐左個包就會索哂啲咖喱汁同啲汁就會冇哂😳

🐽招牌煎餃子 （6隻）$30 超級好食既餃子🤤有韭菜餃同椰菜餃兩款，叫左韭菜個款，餃子底部煎到好香脆，裏面就仲有好多汁，韭菜味香濃，有啲後悔冇叫多幾隻😂 🐽自選車仔麵 $44/$41 叫左2碗車仔麵，一碗叫左豬頸肉、芝士腸同豬大腸，豬頸肉有煎過，好爽口，豬大腸都幾入味，湯底係豬骨雞湯，食得出冇落味精，比較健康🤩 另一碗就叫左蘿蔔、牛丸同牛筋，加左秘製辣醬，蘿蔔好清甜，牛丸就正常，而牛筋都幾大舊又夠淋，最正係加左個秘製辣醬，幾惹味😳 🐽爆醬阿華田西多士 $35 呢個又係必點🤣除左有花生餡，仲有新推出既朱古力榛子餡，小編就試左朱古力榛子，切開啲流心阿華田醬就流哂出黎，同個餡都好夾，最重要係唔會太甜，食哂成個都冇難度🤤 🐽香辣豬紅 $20 另外叫左一兜豬紅，份量都幾多，下面有啲韭菜，但味道就較普通

係旺角行完街就去左搵食，見到呢間係主打食麵既餐廳，menu有好多唔同款式既特色麵，有五大湯底，包括雞湯、海鮮湯、牛骨湯、豬骨湯同素昆布湯😆 🐽鐵三角蠔蝦蟹海鮮湯麵 $118 海鮮包括左海中蝦、松葉蟹肉、新鮮元貝同香燒日本生蠔，蝦同生蠔係係用粉輕輕炸過，size都大隻，蝦肉爽口彈牙，蠔肉亦唔會過熟，另外蟹肉同元貝都好鮮味🤤湯底係魚骨湯，但都有加其他海鮮去煮，飲落幾鮮甜，比較健康既感覺😙拉麵都幾索湯，但係就唔係彈牙個種麵，除左碗麵，仲會有一碟仔中華沙律做前菜 •••••••••••••••••••••••••••••• 🐽神級豬隊友湯麵 $68 配料有日本黑豚五花腩片、竹笙、冬菇片同鹵香流心蛋，好多餸好滿既感覺🤣，五花腩片油脂幾香，竹笙又係吸滿哂啲湯，流心蛋好入味😋湯底係豬骨湯底，飲落就比教淡少少，但就唔會食到好頸渴😳 •••••••••••••••••••••••••••••• 🐽岩鹽泡沫咖啡 $50 呢度原來仲有咖啡賣🤩試左呢杯用高海拔既尼瓜拉瓜咖啡豆沖既咖啡，上面有層厚厚既泡沫，好輕盈，而且仲有加左啲岩鹽，飲落鹹鹹地，咖啡就幾香濃，mix埋飲又係另一種感覺😆

🐽經典芝士牛肉漢堡配炸薯條 $158 好大個burger，真係要切開先食到😂睇落好多料，有蛋、厚厚既牛肉、煙肉、蕃茄、生菜同芝士，牛肉煎得岩岩好，仲好有肉汁同唔會過熟，連埋其他配料食，口感非常豐富，個包仲係竹炭麵包🤤，另外仲配埋薯條同少少沙律，薯條炸得好脆👍🏻熱辣辣好新鮮 •••••••••••••••••••••••••••••• 🐽帕爾馬火腿披薩 $118 係薄薄脆脆個款PIzza，唔係厚個隻，個底係蕃茄醬，每一件都會有一塊Pama Ham、火箭菜同芝士，Pama Ham唔會過鹹，上面仲有啲黑醋汁，整體黎講幾好食🤣，但一定要襯熱食 •••••••••••••••••••••••••••••• 🐽Spring $78 用orange juice, grapefruit juice, rose, lime juice同grenadine調配而成，味道主要都係以橙同西柚為主，酸酸地又帶點西柚既澀味，比較清新🙈 •••••••••••••••••••••••••••••• 🐽Autumn $78 用kiwi, lime, apple juice 同ginger ale，呢杯既奇異果味都幾重，又帶有青檸既酸味，幾特別😆

去到葵廣一定要掃街，行行下見到有間新開既小食店，我比佢個蘿蔔糕同頹飯吸引左🤣突然間好想食，所以就揀左佢作為掃街既開始🤩 🐽爆炒XO醬蘿蔔糕 $38 呢度啲蘿蔔糕同XO醬都係自家製的，個XO醬好惹味，見到有好多蝦米，所以超級香，買一樽返屋企煮餸或者送飯都好正，另外蘿蔔糕係食到落左好多蘿蔔、瑤柱，口感唔會太粉，煎得香口，XO醬令蘿蔔糕既味道更加豐富🤤 🐽老祖·Double至尊頹飯 $46 至尊頹飯係西關老祖既招牌，小編仲叫左double，即係有2隻蛋同2塊厚餐肉，個底就叫左黑毛豬油撈飯，就咁聽都覺得呢碗飯好邪惡🤣蛋係半生熟蛋，將蛋汁撈落啲飯到食無得輸，呢度既餐肉口感較特別，食落比較彈牙，同真係好厚😳豬油撈飯有淡淡既油脂香，但又唔會食到滿口油 🐽淨老祖·黑松露炒蛋 $28 見到有黑松露炒蛋就即刻叫左🤣，雖然見到好似落左好多黑松露咁，但味道就唔會過份濃，太濃會變左石油氣味😂黑松露味唔會遮蓋左蛋香 🐽XO醬·怒炸金龍燒賣（5粒） $20 炸燒賣都幾出色，唔會炸到過份硬，仲係外脆內軟，食到燒賣本身既口感，配埋個XO醬都好夾，多左份鹹香😋

🐽芽菜走地雞飯拼白胡椒肉骨茶 $85 貪心既小編又想試走地雞飯又想飲肉骨茶，咁岩有個晚餐兩樣都有哂🤤走地雞肉質嫩滑，雞皮爽口，就算唔點汁都已經好有雞既鮮味，當然佢都有薑蓉、辣汁同甜豉油可以點，個人幾鍾意佢既辣汁，辣得黎又酸酸地，好開胃🤣油飯都好香，有乾蔥味，食哂成碗無難度😌 而依度既肉骨茶唔係好重藥材味個種，係新加坡胡椒味重啲個隻，肉排有3大舊，好淋又小小肥😆仲有幾舊豆卜，好索湯，幾好飲 🐽海南雞半隻拼雞雜冬瓜湯 $128 另一款好多人食既海南雞都有叫，比起走地雞，海南雞油脂會重少少，雞既鮮味冇咁勁，但肉質同樣都係幾滑，就算有雞胸部位，都唔會鞋😳雞雜冬瓜湯好夠味，裏面有啲雞心、雞腎，口感好爽口 🐽Susan 雞翼 （3隻） $28 晚餐加左個小食，呢個好抵食，佢比係三隻雞全翼，炸到卜卜脆，好香口，裏面都仲保留到肉汁，味道係鹹鹹地😙 🐽鮮油咖央多士 $22 咖央多士係小編最愛，夠哂邪惡，有一層薄薄既咖央醬同2舊厚厚既牛油，甜甜地，但一定要襯熱食🤤🤤 🐽青檸菠蘿梳打水 跟餐+$9 菠蘿味比較重，加上青檸既酸味同梳打水，好清新好爽🤩 🐽恐龍美祿 跟餐+$15 味道唔會太甜，奶味濃郁🤣加埋上面既美祿粉好正😋

叫左兩個set lunch，價錢都好抵食，價錢不太貴但又好大碗，一個叫左拉麵，一個叫左刺身丼，拉麵個個碗大到好誇張，豚肉有4-5片，拉麵硬度都軟硬適中，但湯底係比較普通既豬骨湯，唔太濃郁，另外會包左碟沙律前菜同兩件壽司🙈 而刺身丼中的刺身都幾肥美同新鮮，有三文魚、拖羅、海膽、甜蝦、蟹籽、蟹鉗、三文魚子、蟹棒同油甘魚，每樣都好鮮甜，仲會包沙律前菜同一件泡芙😆，知道佢有做放題，下次有機會一定要試一試🤩

Alva House 既自助餐久仰大名，次次想book但係都冇位，今次終於食到啦，因為book左個staycation package係包埋個brunch😂 去到已經全場滿哂人，食物主要分左幾區🥸 🌟凍海鮮區-有凍蝦、龍蝦鉗、青口同蜆，整體黎講都幾新鮮，特別係蝦同龍蝦鉗，蝦肉彈牙唔霉，蝦頭仲有啲膏，而龍蝦鉗都好大隻，味道鮮甜🤤 生蠔係比較爽口個隻黎，唔係好creamy，所以食多幾隻都唔會漏，有海水味但唔會過份鹹，不錯不錯🤣但刺身個啲就麻麻地，魚類都係偏瘦，唔肥美，色澤都幾暗啞😟 🌟 冷盤前菜區-有唔同既芝士、沙律、煙三文魚同火腿，應有既種類都有😎仲試左個黑松露帶子多士，但味道就普通 🌟 麵包區-麵包既種類都好多，有多士、丹麥酥、牛角包等等 🌟 炸物串燒及Egg Station區-提供日式炸物，例如天婦羅、可樂餅、炸餃子，仲有串燒供應，有燒蔬菜、雞腎、雞軟骨😉因為係brunch既關係，所以有Egg Station，試左個奄列，但蛋煎得有點過火，唔夠嫩滑😧 🌟 熟食區-有西式扒（肉眼扒、羊架）、印度咖喱、即製意粉、燒味、中西式湯、雞粥，最特別有乳鴿，隔一段時間就會出，所以想食就要留意住😳 🌟甜品區-好多款式，有唔同味既撻、蛋糕、泡芙、奶凍、生果、雪芭，仲有回本既Haagen Dazs，岩哂鍾意食甜品既你😂 🌟飲品區-每人包一杯飲品，出面仲有得攞凍水同蝶豆花檸檬水 整體黎講，食物既款式比起出面既自助餐算多，凍海鮮同啲熟食既味道都唔錯，希望下次有機會試埋佢既晚餐😙

屋企人生日，就近近地試下呢間半自助餐，見佢應有既都有，有生蠔、龍蝦、海鮮、刺身、熟食、甜品等，跟住就每人揀1個主菜 生蠔雖然任攞，頭一round攞個啲係幾好食，但之後攞個啲係冇味既🙅🏻‍♀️完全冇再食過，其他海鮮就正正常常，刺身就偏瘦，都係唔係幾好食，兩個主菜包括牛面頰同蕃茄意粉就普通，反而啲甜品就比較好🧐同知道我屋企人生日，都有幾件小蛋糕預備左😃

🐽至尊惹味雞煲 （小辣）$158 雞件幾嫩滑，裏面有蒜、洋蔥、芹菜、蔥同芫茜，令到個雞煲好香，個醬汁夠味得黎又唔會太鹹，叫左小辣，幾惹味，所以小編都加左一次雞🤣因為確實幾好食 食完就開始打邊爐，火鍋配料款式都幾多，有唔同肉類、各式各樣既丸、蔬菜、豆類製品同粉麵，以下係比較印象深刻既食材🙈 🔸肩胛肥牛片-第一輪較瘦，第二輪就幾肥，都有啲牛味 🔸豬潤-夠淋滑唔會腥😋 🔸芝士竹輪-獅子狗包住芝士，芝士多到流出黎🤤 🔸鵝腸-有少少肥，爽口👍🏻 🔸炸饅頭-新鮮炸，熱辣辣，就算飽肚都要食返一個🤣 🔸粉腸-煮好耐都係好韌🙅🏻‍♀️ 🔸牛柏葉-爽口唔韌😄 🔸豬紅-冇咩味🤭 🔸魚皮餃-比較散，皮唔太煙韌😬 🔸響鈴-都係街邊個啲一盒盒響鈴質素😂 🔸Oppa魚板-韓國個啲魚糕，係比較特別既配料，出面好少有🤩 飲品有基本既汽水外，連奶茶、咖啡、凍檸茶同豆漿都係任飲🤣呢樣確實唔錯，同呢個價錢有咁多款式都冇得點挑剔，食物質素都正常，都值得一試