madamcat's Profile

同朋友嚟到銅鑼灣聚一聚，食串燒就可以慢慢食慢慢傾，《Mokumoku Yakiton》有好多選擇。店內裝修木系為主，充滿居酒屋氣氛，好適合放工三五知己happy hour。蔬菜條配自家製醬料，仲有牛蒡漬，爽口健康前菜。刺身盛合三款~赤蝦+帆立貝+三文魚，各款刺身都好新鮮，味道先甜。燒雞翼串~即叫即做，熱辣辣，皮脆肉香，正！西班牙豬系列 ~豬顎骨肉有口感，豬夾心肉油脂豐，豬肩肉有口感，豬頸肉都惹味。豬內臟系列~豬小腸夠淋，豬大腸好邪惡但勁肥美，豬心脆，豬腰爽，豬肝味道香濃。豬肉卷系列~薄薄一層豬肉片捲著不同蔬菜，紫蘇味道特別，蘆筍爽甜，蒜心爽脆，九條蔥好香口，仲有健康秋葵。三得利生啤~食串燒梗係飲啤酒啦；巨峰汽水~唔飲啤酒嘅朋友呢個都可以解一解肥膩。…Read More

同朋友於尖沙咀逛街，揾餐廳食日式串燒可以一邊吃一邊傾計，位於尖沙咀厚福街嘅《鳥鑫》有好多選擇。這居酒屋主要食雞唔同部位嘅串燒，一次過可以試到好多款。雞蠔肉(雞髀內側)~啖啖肉；雞胸軟骨~好爽脆；雞中翼~ 燒得有技巧，皮脆肉香；雞皮~又香又脆；燒鰻魚~勁香口；雞軟骨~夠脆口；雞肋肉&雞肩肉~試下唔同部位，各有特色；雞胸紫蘇葉~味道好夾，可口；雞頸肉~少有，幾特別；雞橫隔肌~有口感，肉味香；免治雞肉棒(配雞蛋)~好鍾意食呢個，沾上鮮雞蛋醬，味道好吸引；牛舌~牛味香濃；櫻花蝦苦瓜~呢個配搭幾有趣，櫻花蝦好香口，加埋甘甘的苦瓜，要試下啦！沖繩苦瓜炒蛋~試多個苦瓜特色菜，雞蛋炒得又香又滑，正！豆腐~熱辣辣，豆腐好滑。Suitors White x Black Beer三得利生黑白啤~食串燒好啱送啤酒，仲有巨峰果味汽水。 …Read More

同朋友於尖沙咀 K11 shopping，然後一起晚餐歎美食傾下計，位於中間道《Room 3》這居酒屋裝飾是西式洒吧格調，燈光好有氣氛。脆合桃小女子~琥珀合桃加入小魚乾，好適合作為餐前小吃。無花果脆薯蟹子沙律~好特別嘅配搭，香甜的無花果肉加入蟹子青瓜絲，配合美味沙律醬，越食越開胃。迷你蟹肉酥盒撻~牛油焗撻盛載滿滿蟹肉絲，上面加入蟹子醬，這個咸點做得唔錯。西班牙黑豚玉子燒~黑豚肉片捲著日式玉子串燒，非常美味，一試難忘，推介要吃。鮑魚釀雞翼~整隻鮑魚釀入去骨雞翼內，雞皮燒得香香，鮑魚好彈牙，有創意！燒日本豆腐~熱辣辣，外脆內軟。北海道辣味魷魚肝汁松葉蟹肉意大利麵~加入大量蟹肉，爽口意大利麵掛滿醬汁，這個醬汁味道好特別，非常惹味，唔算好辣，仲有香口炸魷魚圈，整道菜做得非常出色，正！葱拖羅三色紫菜TARO壽司手卷~拖羅蓉加了三文魚子，放上炸洋蔥絲，紫菜也輕輕炸過，多重味覺享受。菠蘿焦糖燒~燒過嘅菠蘿特別香甜，加入少少蜜糖，已經切開方便進食，好貼心。Passion Grove~ 除咗有熱情果果汁，仲加入菠蘿、青檸，調配蜜糖及蛋白，呈現一杯好清新嘅mocktail，味道好特別，仲有一片橙乾。…Read More

無意中發現屋企附近嘅秦石邨有間好抵食嘅酒樓《百悦軒》。餐牌上各款懷舊菜、皇牌推介、煲仔菜、海鮮、明爐燒味、翅/湯/羹，仲有川湘風味菜，包羅萬有，好多選擇。鮑魚海皇豆腐煲~煲仔菜熱辣辣上，材料豐富，足足有四隻鮑魚，新鮮都幾大隻，仲有帶子、蝦仁、魷魚，爽口彈牙，冬菇、炸豆腐及西蘭花，勁正！乳鴿~見到枱枱都有乳鴿，點返隻試下先，新鮮熱辣辣，鴿肉嫩滑好入味，果然不錯。蝦醬通菜炒牛肉~通菜炒得好爽脆，牛肉夠淋，蝦醬味道唔會好鹹，仲有少少薑絲，炒得唔錯。京蔥爆海參~都炒得夠鑊氣，平時好少食炒嘅海參，呢個咬落有啲口感，京葱好惹味。交通方面，屯馬線車公廟站行過嚟都好方便，揸車嘅朋友，消費有免費泊車。…Read More

一行四人西貢市中心搵食，《六福菜館》是個好選擇。餐廳樓上雅座，裝修新淨整潔，坐得好舒適。 經理殷勤招待，店員友善服務。芥末雲耳~ 雲耳爽脆，味道調得非常好。脆皮豆腐~ 熱辣辣炸起，外脆內軟，豆腐非常軟滑。辣酒花甲~ 花甲好新鮮，酒味香濃，辣味配合得好好，互相唔會搶味，做得好出色。椒鹽焗鮑魚~ 呢個做法鮑魚都做得出色彈牙，鹽焗時間剛剛好，讚！天婦羅桶蠔生菜包~桶蠔大隻又新鮮，啖啖肉，炸漿味道夠，放在生菜上吃，沾少少沙津醬令口感更上一層樓。薑蔥蟶子煎米粉~ 熱辣辣吱吱聲煲仔上，蟶子炒得勁香口，好惹味，欣賞廚師技術。欖角蜜糖骨~欖角味道好特別，蜜糖甜甜地，個骨都做得好淋好入味，味道一試難忘。西蘭花炒帶子~ 大大個帶子好新鮮，西蘭花嫩綠爽脆。海鮮炒飯~材料豐富，炒飯一啲都唔油，炒到粒粒跳。新出夏日特飲，鮮菓沙冰，即叫即做，新鮮水菓打製，沙冰幼滑，試咗椰汁沙冰及菠蘿沙冰，清涼消暑，正！尾聲，餐廳送咗個泰式椰子甜品，椰子爽脆，整體唔會太甜。果然是米芝蓮餐廳，食品出色，服務一流，值得一讚！…Read More

今天相約妹妹食廚師發板，尖沙咀中間道《鮨燐》有質素，廚師們都用心製作，時令新鮮食材均來自日本九州、北海道、沖繩等地方，一邊吃一邊欣賞廚師表演，是一種尊尚的享受。前菜松葉蟹伴絹豆腐~新鮮蕃茄配麵醬~海蜇頭伴柚子醋~蜜柑鯛魚壽司~魚肉嫩滑，軟綿綿；深海大池魚壽司~池魚口感鮮嫩肥美，肉質細膩，脂肪含量高；帆立貝壽司~厚切，味道鮮甜；牡丹蝦壽司~ 來自北海道，質地黏黏的，牡丹蝦獨有嘅口感；赤背壽司~ 加入柚子醋及青檸汁，味道好清新，赤背十分爽脆；石垣貝壽司~ 廚師拍一拍才上碟，貝會動的，爽口鮮甜；間八魚壽司~ 又名章紅魚，放上三星漬醬，點綴壽司，又一食法；金線鯛壽司~ 香港稱之為紅衫魚，輕輕炙燒，迫出魚脂，食落更覺嫩滑；鮫鰈魚壽司~ 脂肪含量勁高，非常肥美；細池魚軍艦~ 切碎的魚肉加入蔥花及芝麻，多重口感享受；銀雪魚壽司~ 放了少少柚子胡椒，輕輕炙燒，又香又滑，一試難忘；中拖羅壽司~ 魚嘅味道較香濃；黑鯥魚壽司~ 魚脂豐富，質地好軟滑，魚味好香；左口魚邊壽司~ 充滿魚油，入口即溶，輕輕炙燒，加入醬汁令壽司更惹味更可口。味噌湯~ 熱辣辣，味道剛好。甜品~ 柚子雪葩，清涼又清新，為這餐廚師發板劃上完美的句號。 …Read More

出尖沙咀K11逛逛，同朋友食餐壽司，棉登徑新開《渡邊屋》是好選擇。店內裝修和風格調，主要是吧枱位，可以 一邊吃一邊睇師傅握壽司嘅表演。牛油果芝士三文魚卷~牛油果有益，入口好軟滑，裏面仲有芝士，整體做得好出色。火炙壽司盛盒~三文魚、油甘魚、帶子、左口魚、赤蝦、鰻魚及原條海鰻，個人好喜歡帶子，新鮮厚肉啖啖肉，炙燒左口魚特別香，赤蝦又香又滑，三文魚油脂好豐富，鰻魚好肥美，油甘魚都唔錯，原條海鰻卷住吃，一大口，食落更能嘗盡魚脂溢出，一試難忘。鮭魚魚生卷配黑魚子~呢個十分大件，外面的黑魚子好特別，咬落甜甜的，卷裏面嘅材料都好豐富。…Read More

同朋友過到嚟西營盤搵地方食晚餐，第一街《Kome Kushi 》居酒屋是個好選擇。唐揚小池魚~熱辣辣即點即炸，香脆可口，成條都食得，營養豐富。明太子芝士玉子燒~好大件玉子燒，蛋味香濃，包住明太子及芝士，完全提升玉子嘅味道層次，正！角切魚生丼~材料有多款粒粒魚生，米飯軟硬度好適中。壽司(六件)~任選兩款，每款三件壽司，可揀帶子、三文魚、左口魚邊、油甘魚、劍魚、魷魚、飛魚子、香蔥吞拿魚，我哋揀咗帶子及左口魚邊，帶子好大隻，左口魚邊魚脂豐富。燒一夜干雞翼，每滿$100可以加$1有一隻，我哋叫咗四隻，雞翼燒得皮脆肉嫩，十分香口。…Read More

出旺角波鞋街逛逛，於森林商場嘅《HeSheEat》吃個晚餐，仲可以食埋大家喜愛的甜品。煙腩·白菌·溫泉蛋芝士汁燴意大利鮮蛋麵~芝士汁好香好滑，意大利鮮蛋麵好爽口，煙腩肉好惹味。HeSheEat All Day Breakfast~材料非常豐富：包括有德國鮮肉腸、意大利煙腩肉、巴馬火腿、炒蛋、薯仔沙律、慢煮蕃茄、大蘑菇、炒bb菠菜、脆薯餅及迷你牛角包，個蛋炒得又香又滑，大蘑菇好juicy，菠菜夠嫩綠，巴馬火腿同薯仔沙律都唔錯，德國腸十分可口，仲有兩隻香脆迷你牛角包，一次過食到咁多款美食，好滿足啊！北海道5.0牛乳軟雪糕芭菲~配朱古力Oreo，牛乳軟雪糕奶味香濃，加入脆脆配料，多重味覺享受。宇治抹茶梳乎厘班戟~嚟到呢度就一定要食梳乎厘班戟啦，超級鬆軟，切開聞到陣陣蛋香味，抹茶味好出，紅豆是最佳拍檔，整個甜點做得好出色，即點即做，需要大概30分鐘，大家要預一些時間。開心果燕麥奶咖啡(熱)~咖啡上灑上開心果碎，燕麥奶唔會太甜，剛剛好。夏日水果茶(凍)~朋友話味道好清新，好適合這個悶熱天氣。…Read More

今日來到深水埗黃金逛逛，當然要去特賣城看看，喺附近嘅日式《GYU Town牛舌專門店》吃飯，好喜歡呢度嘅牛舌。鐵板系列及御·重盒系列各選一美國牛小排配牛舌尖~鐵板上，熱辣辣，香噴噴，正！牛小排牛味濃，豐富肉汁。三重牛舌~日式和盒，賣好吸引，好精緻，份量都好多，左至右，牛舌尖、牛舌筋、牛舌心，牛舌尖口感較淋，牛舌筋食落有啲似牛腩，一粒粒好入味，牛舌心咬落爽口好有質感，三重牛舌可以試曬三款，牛舌愛好者一定好喜歡。加錢轉套餐，包括湯、沙律、汽水及飯，滿溢牛舌筋溫泉蛋丼，加入溫泉蛋嘅飯特別好吃牛舌洋蔥湯~味道超級香濃，好多材料，非常可口。…Read More

出尖沙咀shopping逛逛，朋友想食壽喜燒，我都喜歡壽喜燒嘅香甜味道，俾我哋喺堪富利士道搵到新開嘅《天澗壽喜屋》。店內部分卡位，和式裝修，木系設計，感覺好舒服。【鹿兒島A4黑毛和牛西冷套餐】鹿兒島A4黑毛和牛西冷~脂肪分佈好均勻，煎一煎，翻一翻就食得，油脂豐富，沾一沾雞蛋，入口即溶，正！蔬菜盛盒~有開鑊嘅洋蔥及京蔥，仲有冬菇、本菇、蔬菜、蒟蒻絲等等。套餐仲有日本米飯/烏冬，漬物前菜及日本蛋。【鹿兒島A4黑毛和牛肩胛配北海道豚五花鹿兒島A4黑毛和牛肩胛~牛肉味好香濃，脂肪含量高，壽喜燒食法真係唔錯。北海道豚五花~豚肉用涮涮鍋食法，加入昆布湯，配合壽喜燒汁，濃度按自己喜歡調教，加入配菜，烏冬掛滿湯汁，非常可口。北海道帶子刺身及三文魚刺身~兩款刺身都非常新鮮，三文魚勁厚，十分鮮甜。帝皇蟹棒壽司~新店開張讚好及追蹤佢嘅社交平台，po相即可免費獲贈飲品或北海道千層蛋糕一件。香茅鴨屎香檸檬茶~飲落好清新，好啱食壽喜燒。…Read More

今日約過朋友來到砲台山《ROJO》食西班牙菜，地鐵站行過嚟幾分鐘，交通好方便。 這餐廳主打融入亞洲元素的fusion 餐前小吃及飲品，Tapas及飲品是西班牙菜一個重要菜系及飲食文化。朋友叫咗個60分鐘Free flow，有紅酒白酒汽酒一小時任飲，MOSCATO果味比較濃，好好飲，$90呢個價錢好抵。黑毛豬火腿薯仔沙律配蛋黃醬~西班牙出名黑毛豬，呢個風乾火腿同薯仔甘筍都好夾。烤金文拔芝士配梅果醬~烤過嘅金文拔芝士仲暖暖哋，切落淋淋的，入口軟滑，加咗自家製嘅紅莓醬，更加提升味覺享受，堅好食，這個真係超級推介，極級要讚，一定要點！炸薯條配松露蛋黃醬~熱辣辣炸起，香噴噴，沾黑松露蛋黃醬，越食越可口。西班牙墨魚汁飯(八爪魚)豬腩肉~黑蚊蚊嘅墨魚汁飯，配八爪魚及墨魚仔，加入豬腩肉特別香，呢個配搭好新穎，整體上呢個西班牙飯都做得唔錯。…Read More

今日放工約朋友在太子食餐飯傾下偈，太子道西《The Steakhaus》嘅扒值得一讚，其他菜式都好多選擇。店內裝修走懷舊復古風格，以橙色為主，播放著輕鬆歌曲，令人感覺好放鬆。餐牌菜式主打鋸扒，安格斯牛、西冷、風門柳、豬仔骨、豬鞍架及羊架，也有一些pasta, pizza 及 salad 小食；另外，飲品menu包括手工啤酒、雞尾酒及特色飲品。安格斯prime西冷配烤大蒜~牛肉配蒜蓉汁好香，西冷會連住一條根，咬落都有啲口感，烤大蒜好有益。另外加了奶油蒜蓉蝦，蝦肉好爽，醬汁味道少少辣好惹味。滿滿蜆肉蝴蝶粉~廚師用咗勁多新鮮蜆，蝴蝶粉掛滿美味醬汁，一口接一口，越食好味。卡真甜薯條~炸番薯條配沙律醬，極邪惡呢！士拉差雞翼~熱辣辣新鮮炸起非常香口，雞翼都醃得好入味。提拉米蘇蛋糕~ 這個甜品都做得好好，唔會太甜，如果可以大件啲就更理想。Cocktail-青蘋果莫吉托~…Read More

最近聽好多朋友提及位於觀塘呢間西餐廳有半自助餐食，今日約個朋友聚一聚。《Parallel》的半自助餐餐牌上主菜有好多選擇：牛扒、羊架、手工意粉、牛肋骨及意大利飯等等。前菜有多款沙律、冷切肉、煙三文魚好香甜、芝士，仲有幾款海鮮，包括青口、翡翠螺同白蝦都好新鮮，全部都係任食。是日餐湯~忌廉南瓜湯又香又滑。卡邦尼QQ彈簧麵(鹹蛋/綠茶/傳統卡邦尼)~我哋揀咗鹹蛋，特別啲，曲曲意粉好可愛，條條掛滿鹹蛋卡邦尼醬汁，味道香濃非常可口。自家製蜜糖煙燻伊比利亞黑毛豚肉配牛油飯~上菜時仍然見到煙燻效果，店員開蓋時聞到濃濃嘅煙燻味道，基本上給牛油飯吸收了，黑毛豚肉入口嫩滑，感覺似叉燒，絕對有驚喜，堅好食！這餐廳活動包場有9折，好適合大班朋友聚會。…Read More

約朋友齊齊黃埔逛街，然後食晚飯，之前已經想試《新鮮圍煮》，今日終於有機會，聽聞佢嘅花膠雞濃湯底好正。【金裝套餐】開胃小食-酒糟鴨舌~ 醃得夠入味。加拿大象拔蚌刺身拼盤~ 象拔蚌、帶子、北寄貝、大蝦，每樣都好新鮮尤其是象拔蚌，脆脆爽口。花膠濃雞湯~店員即席剪開花膠及靚雞，雞湯勁濃，加湯嘅時候都係加返雞湯，嫩滑雞件，正！時令海鮮~海蝦夠鮮甜。手切本地肥牛~好新鮮，夠肥美，香濃牛肉味。四寶丸拼~鮮蝦丸、鮮墨丸、芝士鮮牛丸、貢丸，各有特式，蝦丸非常彈牙，牛丸肉汁多。火鍋六寶拼~牛骨髓好軟滑、豬肝夠爽彈、蜂巢冰豆腐索滿湯汁、響鈴熱辣辣即叫即炸、午餐肉都是即炸好香口、魚腐。淮山麵質感夠爽，掛滿湯汁，特別美味。仲有一盤新鮮蔬菜。這裡午市有各款濃雞湯米線，追加小食價錢都好相宜。…Read More