店內裝修好有特色，大排檔風格，播放著韓國 k-pop歌曲，感覺好輕鬆，是個適合三五知己聚一聚的好地方。
街頭魚糕串串~
火爐上熱住食，熱辣辣，好有街頭風味，除了串串魚糕，仲有炆得好入味好淋嘅白蘿蔔。
拉絲芝士韓式炒雞~
鐵板盛載，即叫即炒，香噴噴，加入洋蔥大蔥，特別惹味，雞肉啖啖肉，鋪滿芝士，韓國風味，正啊！
炸流心芝士豬扒~
大大件炸豬扒，切開裏面有流心芝士，越食越滋味。
芝士泡菜煎蛋卷~
份量好大，雞蛋包住泡菜，泡菜味道香濃，加埋芝士，多重味覺享受。
紫菜飯卷~
呢個份量都唔細，材料豐富。
提提大家，呢度每樣食物嘅份量都幾大， 好適合多啲朋友一齊分享。
1
