fudys88's Profile

第二次黎食了，多左部啤酒機🍺🍻再次食，必點牛肉烏冬同埋火山丼！牛肉烏冬啲牛啱啱好熟，同上次一樣都係咁易咬、咁足料。 火山丼都算係幾辣，自己冇食太多。仲有點到幾款燒物，牛小脂、蜜糖腸仔、柚子胡椒日本淮山、炒雜菜、野菜豬肉卷等等。牛小脂既油香好正；蜜糖腸仔外皮好脆；野菜豬肉卷入邊係紫蘇葉，好食！柚子胡椒日本淮山一塊都算厚，同柚子胡椒幾夾。但係今餐等咗十幾至20分鐘先上第一道菜，但之後就快好多。本身標價合理，又冇+1，性價比高。…Read More

為慶祝考試合格，我今晚同朋友去左食尖沙咀美麗華既一間特色泰國餐廳。平時都去開美麗華行街，但好少上到3樓，冇乜留意呢間餐廳。Search Openrice 見到評分幾高就即管試下環境暗暗地，有氣氛，裝修偏西式，幾Grand。服務周到，不時都refill水，同埋上菜都快手，野食來到仲係熱辣辣！海鮮冬陰功酸酸辣辣咁，好開胃，有蝦、魷魚、蜆、青口等等，足料又新鮮沙嗲豬肉串燒肥瘦均勻，另外仲可以點佢秘製醬汁，唔係好辣有一啲鹹香味道，燒到啲肉仲係好嫩紅磚豆腐好考功夫啊，炸完仲係好完整，紅色係用紅菜頭攞色嘅，好好味菠蘿炒飯都真係幾大份，仲有一個鮮菠蘿係底盛住金沙麥皮蝦比起平時係小菜館食嘅黃金鹹蛋大蝦多咗份脆皮感覺，炸完好酥脆，蝦肉好彈呀芒果糯米飯入面仲擺咗2球芒果雪糕同芒果肉，非常之fresh，糯米飯底唔會話好甜，配埋芒果一齊食啱啱好！…Read More

今日放工約左好耐冇見既朋友去食潮州菜，呢間菜館原來開左2年，以前都唔覺有呢間。平日夜晚7點幾都多人，店員忙到飛起。我地叫左幾樣餸配白飯食～滷水鵝片 $168鵝片嫩口唔韌，滷水汁完全滲透晒每一片鵝肉，鋪喺底嘅豆腐都好入味脆皮九肚魚 $168九肚魚以為食開椒鹽，但呢間好似冇，不過脆皮九肚魚都相當有水準。即叫即整，炸到熱辣辣，非常酥脆可口！春菜煲 $118呢道菜係最尾先上，我地都差唔多食飽，主要係想食下菜。春菜煲好清淡，裏面有啲肥肉點綴😂另收茶位&加一。…Read More

呢間位於中環SOHO區嘅韓式炸豬扒店有啲驚喜喎！我地一共叫左2個定食，分別係芝士&吉列豬扒，同埋吉列豬柳🐷芝士熱上可以拉絲，建議可以先食芝士豬扒，否則凍咗沒有拉絲效果。吉列豬柳肉質比豬扒嫩，可以配搭Wasabi、鹽、鹽漬櫻花蝦、甜醬、kimchi等食。留意到佢地專登整到smiley face出黎，有心思！成個餐好豐富，不但有飯仲有麵同生菜，呢啲都可以免費添加嘅。其實唔添加份量都好足。值得留意嘅係中環炸豬扒餐廳都係偏貴，而呢間晚市加一後價位都係大概$200，唔係平，但可接受…Read More

6點半去到樓下，等𨋢已經好多人，但原來全部都係去第一郡。平日夜晚都多人到要等30分鐘左右，嚇親。因為呢間原址係深水埗，我以前都成日食，所以去到叫返之前必點食物：蟹膏蕃茄湯檬 $65-今次啲蕃茄好酸，湯底偏酸，但豬紅同蟹膏都保持一貫水準，好食牛油果沙冰 $35每枱必有既飲品之一，我地都好鐘意飲，牛油果好濃郁，飲完都會有少少飽肚感椰皇 $28原個椰子送上，清甜解渴越式軟包 $47包皮好鬆脆，內裏軟熟。配料看似普通，但配搭得宜，醃蘿蔔絲、青瓜同埋札肉都好足料…Read More

夜晚同朋友黎到青衣城，見到2樓有一間新開張冇耐既日式餐廳，就入去食。餐廳主打拉麵同埋沾麵，我地分別叫左豚角煮沾汁麵（五輪洞沾汁），同埋叉燒沾汁麵（濃厚五輪洞沾汁）。餐廳係自助落單嘅，我地落完單好快都上咗菜。可能我地都食得比較快，入去唔夠30分鐘就食完。沾汁方面，五輪洞沾汁麵鹹淡適中，但濃厚五輪洞沾汁麵就明顯地鹹，要飲水沖淡。糖心蛋啱啱好熟，而且入味。叉燒同埋豚角煮都好淋，但叉燒只得3片，份量略少。整體來講覺得食物味道中規中矩，唔係特別平，亦都唔係特別貴，平時經過而唔洗點等位都可以入去食下。…Read More

今日去左灣仔QRE食飯，見就黎冇得食日本魚生，特登點左個壽司lunch set $198食。朋友同我點一模一樣嘅餐😹呢個set有十件壽司，包括甜蝦、帶子、三文魚，同埋吞拿魚，全部都好新鮮。臨尾食完正餐就上甜品，真貼心。另外仲叫左白桃Soda，出奇地唔會太甜。呢間舖頭好似開咗唔耐，但今日見到座無虛席。店員服務有禮，見我哋凍都會幫忙校細啲冷氣，上菜都算快。今次經openrice訂枱仲有優惠，送左串燒拼盤，食得好開心。…Read More

今日中午約左朋友食飯，我地揀左個有得book位而地點方便嘅餐廳食飯。餐廳位於14樓，舖面大，坐得舒服。我地點左2個lunch set share, 包括每人一碗酥皮南瓜湯，一塊黑松露pizza，一客黃金雞肉pasta。點完大概等20分鐘左右先送上南瓜湯，好肚餓，所以好急咁飲，幾好飲，但好熱，要小心慢慢飲。Pasta蛋黃醬鹹香十足，第一次食，感覺還可以。送上pizza時店員唔小心sin左塊pizza落枱面，但佢再整過塊比我地。Pizza啲芝士拉絲好正，同黑松露味好夾，而塊餅皮薄薄地，食完都唔會好濟。下次應該會再去飲佢地個酥皮湯。…Read More

由於朋友揾到新工，今晚同佢去長沙灣食人氣小炒慶祝一下。間餐廳係長沙灣地鐵站附近，地點方便。一入到去店員就熱情招呼，好快就送上茶水、小食。我哋兩個人點左3樣菜式，包括：1. 鮮鮑魚奇味雞煲$158我哋兩個都鍾意食鮑魚，又想食雞煲，見到呢款菜式同時滿足到2個願望，就點黎食。上菜個陣，店員打開煲蓋仲係熱辣辣，咋咋聲，好香好多白煙，夠晒鑊氣。一煲入邊有六隻鮑魚，同埋好多塊雞，仲有青椒紅椒等。鮑魚啱啱熟，唔韌，易入口；而雞肉就好鮮嫩，非常入味。2. 蒜蓉粉絲開邊蝦$118大量蒜蓉淋係蝦上面，鐘意蒜味的人士必點。蝦肉爽口唔痴穀，係新鮮嘅。因為開邊嘅關係，好易食，唔驚整污糟雙手。最後粉絲吸左蒜蓉味同埋蝦嘅鮮味，送飯一流。3. 魚湯浸時菜$88時菜可以自己揀菜心、小白菜或者生菜，而我哋就揀咗小白菜，因為平時冇咩食。呢款菜式就比較清淡，可以中和一下之前2道菜既油膩感～食完之後，每位客人都有一碗綠豆沙糖水食，免費的。我覺得呢間性價比真係好高，百幾蚊左右就食到一碟生猛海鮮，而且仲有晚市超值孖寶，會再平少少，下次會約多啲人黎食～…Read More

中午行過灣仔汕頭街，見到有一間新開嘅cafe,就同朋友入去試下。留意到只有一個店員處理每枱客人，非常之有禮貌。我同朋友分別點左雞胸沙律同埋牛油果窩夫all day breakfast。本身仲好期待牛油果窩夫all day breakfast, 嚟到嘅賣相都非常之靚，望落唔錯。不過，一食塊煎蛋，就食到有苦味，底部係全部黑晒燶晒，唔係太敢食。而飲品方面就點左海鹽lotus latte，味道似係消化餅咁，但因為太多餅碎了，唔易入口，啲餅碎會卡住喉嚨。價錢定位都係高價cafe，但食物品質同相唔match，下次都未必會再去。…Read More

今次同好耐冇見嘅朋友去食馬來西亞菜。平日夜晚時段餐廳都好多人，但係我哋大概等咗10分鐘就入到去，算係快。我地2個人一共叫左3樣菜一齊食，包括有玻璃魷魚配通菜，三層肉肉骨茶，仲有招牌砂煲老鼠粉。玻璃魷魚配通菜係辣嘅，可以辣椒醬另上，自己調節辣度。肉骨茶有好多款式，我哋今次是三層肉。每份大概有四至六塊肉，三層肉嘅肉質好嫩，肉骨茶不斷refill，好抵飲。肉骨茶本身係有少少中藥，飲完覺得好補身。砂鍋老鼠粉中間嘅蛋黃攪勻之後增添左成道菜式嘅香味，老鼠粉份量好足，夠晒2個人食。班蘭椰汁冰賣相好靚，而且椰汁味濃郁，每次嚟都飲。服務方面，店內姐姐好nice，好helpful，時不時都會主動過嚟加添肉骨茶，又幫我地分開啲辣椒醬。…Read More

今日放假同一個住係東涌既朋友食lunch，佢suggest黎呢間望到開揚景觀既西餐廳食飯，因為望到好靚既海景。本身今朝早落大雨，差啲以為會睇唔到個靚景，但一去到就即刻出太陽，好好天，頓時開心晒。入到去見到餐廳有張桌球枱，比人客展示下身手。店員服務周到，一坐底就比左2杯水我地，上菜速度都好快。我地叫左2個main一齊share，包括一客鱸魚$228，同埋一客大蝦盧筍闊扁麵$208。鱸魚係去左骨嘅，香煎後，配上開胃嘅酸甜醬汁同甜椒，别有一番風味。闊扁麵份量好足，虾好彈牙，忌廉味濃郁。野飲就叫左2杯mocktail, 一杯virgin mojito，一杯lychee breeze,賣相相當驚艷，打卡一流。飲落去味道非常清新，同主菜一齊食幾搭～…Read More

今次同朋友去咗位於荃灣嘅HIKARI，位置就喺荃灣廣場隔離。呢次我第三次去，之前嗰兩次都係下午茶時段入去，今次就食下晚餐主食。我地叫左慢煮鹿兒島豚肉眼香草蕃茄汁馬鈴薯團子粉$158，個名好長。馬鈴薯團子粉嘅口感同去德國食嘅一樣，令我諗返起去德國旅行時嘅感覺。鹿兒島豚肉好易咬開，肥瘦均勻。另外，我哋都叫左日式燒汁鰻魚豆乳意大利飯$138，一齊share。鰻魚燒得好靚，立立令，而且燒汁嘅鹹甜得宜，鰻魚份量都多。飲品方面，我揀咗桃肉冰茶$30，冇得走冰，但係可以少冰。朋友就叫左杯Bailey’s Mocha$37，含酒精。我兩杯都有飲，覺得Bailey’s Mocha嘅酒味唔算太濃烈，而且佢係帶有creamy嘅口感，配上mocha 一齊飲真係十分之夾。食完今次，發現佢哋嘅夜晚菜式同下午茶時段好唔同，每款都好有特色。我下次都會再黎食～📍荃灣大壩街21號地舖#荃灣美食 #hkcafe #荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處…Read More

想休閑地同朋友傾計，所以去tony wong食下high tea。今次揀左Yuzu Matcha Cake $58,同埋Apple Tarte Tatin$58~柚子綠茶蛋糕層次分明，有唔同口感，包括海綿蛋糕、啫喱等，唔會好甜。蘋果玉桂tart好特別，有一支小小嘅dropper裝住啲condense milk, 好啱影相，但味道方面太甜。加$28有野飲，叫左Manuka honey with lemon, flat white。咖啡係冇拉花的，所以都冇特別想影。…Read More

夜晚同朋友黎到尖沙咀呢間充滿日系茶室風嘅樓上cafe食飯。我地叫左野菜南瓜豚肉卷定食$138，北海道三文魚奶油燉菜定食$148，另外仲叫左個靚靚富士山造型飯團（芝士松露味）同埋手羽先（雞翼）$42。一道道菜都用精緻碗碟盛起，令餐桌頓時好豐富。前菜主要係冷盤，搭上清新酸甜嘅柚子醬，開下胃。飯就叫左梅子飯，因為之前一路都想試下係咩味，原來梅子同飯好夾！最後仲叫埋最搶眼嘅富士牛乳布甸$$68，好香濃的牛奶味🐄🐮…Read More