夜燒站

Open Now

Now Closed

第二次黎食了，多左部啤酒機🍺🍻再次食，必點牛肉烏冬同埋火山丼！牛肉烏冬啲牛啱啱好熟，同上次一樣都係咁易咬、咁足料。 火山丼都算係幾辣，自己冇食太多。仲有點到幾款燒物，牛小脂、蜜糖腸仔、柚子胡椒日本淮山、炒雜菜、野菜豬肉卷等等。牛小脂既油香好正；蜜糖腸仔外皮好脆；野菜豬肉卷入邊係紫蘇葉，好食！柚子胡椒日本淮山一塊都算厚，同柚子胡椒幾夾。但係今餐等咗十幾至20分鐘先上第一道菜，但之後就快好多。本身標價合理，又冇+1，性價比高。