allineedis_food's Profile

放工同朋友諗住食晚餐 之前食過第2間分店既banchan覺得好好味 呢間又有open area好似幾chill 所以決定入去試下水都有2種味 好得意!見到佢有個2人餐超多野食 又唔算太貴就叫左!肉醬牛胸肉蛋包飯蛋既熟度岩岩好 d蛋汁好正啲牛唔韌份量都好多 蕃茄肉醬好開胃 有左佢令到成個飯更加好味飯唔係白飯 係炒飯 個炒飯落咗好多料去炒 有誠意!就算連旁邊既沙律菜都好新鮮墨汁大蝦魚籽意粉D蝦好大粒 有足足4粒 份量好足 又新鮮爽口好多魚籽 個墨汁幾香濃不過意粉質地個人覺得淋左少少 燒醬油黑毛豬白切肉配大醬生菜呢個係我地最推介既!!個肉醃得好入味 燒得好香同埋佢個三層肉個塊皮一d都唔肥膩佢做到好爽口 會想不停食加埋佢準備個d泡菜生菜同埋大醬包一齊食好夾 份量都係超級大份白桃甜蜜梳打好清新好香桃味 唔會太甜 有好多新鮮桃肉 呢杯推介!焦糖蘋果紅豆沙冰個樣好靚 最岩打卡 味道都唔錯 有d紅豆味好香 不過都幾飽肚小甘荀芝士蛋糕個底真係做到好似平時嘅紅蘿蔔蛋糕一樣上面層芝士就正常啦 冇話特別香如果多少少cream cheese既味就更好呢個餐每一樣野都好足料 其實三個人食都夠飽…Read More

每到lunchtime要諗食咩都好頭痛 今日專登搭左幾個站去西營盤站試下呢間星馬餐廳 佢離地鐵站3分鐘路程度 都幾易搵 間餐廳走工業風路線 枱與枱之間好闊落 坐得幾舒服 之後諗食咩好頭痛 因為樣樣都想食😂最後問左侍應有咩推介 最後就叫左巴剎雞飯 炸肉撈麵 3串豬3串雞 酥炸皮蛋餃 咖央椰絲手抓餅 飲品就叫左羅漢果龍眼冬瓜茶 百香果烏龍冷泡茶巴剎雞飯($58)覺得呢個飯既性價比好高 好多雞肉 就會係雞胸位都唔鞋 佢既自家製醬汁好好味 同雞肉好襯 食到一半就已經用晒個汁要問佢地攞多兜😂個油飯都好香 份量都唔少 個飯仲有跟個冬瓜湯炸肉撈麵($58)呢個最出色係個撈麵 佢既麵質好特別好好味 個汁甜甜地但又唔會太濃味 d炸肉都幾特別 但塊肉本身味道偏淡 如果可以醃下先炸更好6串串燒 ($88)我唔食牛所以就揀左3豬3雞 佢地係放係個小爐仔上面送話黎 岩晒打卡之餘又可以keep住d串燒既溫度 不過大家最好盡快食 因為一直放係個度熱住佢會煮老左d 一黎到就食個質感岩岩好 豬同雞都好好味 一d都唔鞋 配埋個沙嗲醬好正酥炸皮蛋餃 ($32)我不嬲都唔太鍾意炸餃 但呢個真係必點!!!佢個皮好薄炸得好鬆脆好香口 同入面既皮蛋同肉好夾 忍唔住食完一舊又一舊 好快就俾我清晒😂咖央椰絲手抓餅 ($28)呢個手抓餅佢地即叫即整 熱辣辣好新鮮 好香椰絲味 但係略嫌有少少乾 如果多醬d就好喇百香果烏龍冷泡茶 ($20) & 羅漢果龍眼冬瓜茶 ($22)百香果係侍應推薦我飲既 真係好好飲 茶味好香 同百香果好夾 另外個杯羅漢果龍眼冬瓜茶就係我揀既 因為聽落好健康 佢無咩落糖 有淡淡既羅漢果味 覺得呢度既食物好特別價錢又唔貴 下次要再黎試下其他野先得…Read More

火車頭好有水準，湯頭好清甜，食得出真係熬好多個鐘而唔係味精嘅鹹，就算配料都好認真好高質，有安格斯牛小排、牛筋、扎肉、熟牛肉同牛丸，未試過食一碗火車頭係配料仲多過河粉！河粉好滑，唔係油林林嗰隻。整體黎講質量好高， $99一碗絕對值！沙律選擇唔多得兩款，所以揀個清新消滯嘅越式雞絲扎肉牙車快，賣相幾靚，味道正常。主菜係香茅咖喱醬燒牛肋骨，可惜佢冇跟法包嘅選擇，只可以加配油炸鬼，因為都怕油膩所以冇配油炸鬼。成尺長嘅牛肋骨，啲肉都有兩吋厚，起初都驚會韌，點知原來炆得好淋，肉質好軟，某啲位置仲連住少少肥膏，個咖喱係東南亞嗰種，偏杰身嘅。如果跟飯，呢個汁送飯一流！飲品叫左杯牛油果生椰乳，椰乳好香滑，已叫左少冰，但黎到都係略多冰。杯飲品好多牛油果肉，加埋椰乳同cream，一口氣已飲左半杯。東涌冇乜好食嘅越南菜，呢間我會再幫襯！…Read More

Apinara既lunch set雖然有少少貴 但都真係幾好味 同埋份量都多 佢哋嘅lunch set大概$200一個人 包左三款前菜一個湯(冬陰功或者椰子雞湯)同埋一杯飲品 我就叫左泰式金不換香辣大蝦炒河($180)加冬陰功湯 個炒河炒得好香 d河粉炒得岩岩好 唔係乾身個種但甜甜辣辣咁好惹味 啲蝦好大隻 食落好爽口 同埋份量都算幾多 朋友就叫左紅咖喱豬頸肉飯($180)加椰子雞湯 紅咖喱好正 好香濃又唔會太辣 豬頸肉都有好多塊 佢兩款湯都好好飲 冬陰功入面有隻大蝦 椰子雞湯好重椰味好香濃 佢既前菜都好有誠意 有炸雲吞 扎肉沙律同埋芋頭椰汁糯米 我就最鍾意個芋頭!其實本身都想試埋佢個泰式船麵 因為寫住每日限量同埋見到好多人都有叫 下次一定要試下!…Read More

東薈城開左間新餐廳 裝修得好靚 今日終於都有時間去試下 好醒目地早左出去 所以唔洗排隊🤭揀食咩都揀左好耐因為好多都好似好好味😅咖哩味炸魷魚配香蒜蛋黃醬($78)一黎到就聞到咖喱味好香 但食落口又唔會太搶味 啱啱炸起熱辣辣好脆炸 炸粉好薄 魷魚好厚肉 配埋蛋黃醬食超好味軟殼蟹意粉配蟹肉蕃茄忌廉汁($148)軟殼蟹都係新鮮炸起 但意粉個汁就淡味左d 都好食既 但唔係十分驚豔燒春雞配自家製燒肉汁伴芥末薯蓉($148)燒春雞既皮同埋芥末薯蓉唔錯 墊底既西蘭花都好好味 但d肉略嫌鞋左少少特濃朱古力蛋糕($78)本身諗住一件蛋糕要$78有d貴 但黎到見到隔離有個小雪糕好得意 一切開件蛋糕發覺原來入面係有好多層唔同既layer 有朱古力Mousse 中間有d榛子醬 有啲金沙feel 個底有海綿蛋糕 朱古力味好濃 又唔會過甜 好好味😋下次試埋佢其他野先😬…Read More

呢排成日係海港城流連 每次行過呢間韓式cafe都好想入去試 因為佢個桔仔樹外牆實在整得太靚喇😬終於搵到個星期六得閒可以去食個lunch其實我一早已經睇好哂想食咩 一坐低就即刻落order 坐位黎講雖然同隔離張枱比較近 但睇得出裝修同設計都好有心思濟州柑橘乳酪($68)同熱情金菠蘿沙冰($68) - 呢2杯飲品個賣相好吸引 打卡一流 兩杯都好好味 坊間太多得個樣同死甜既飲品 但呢兩杯好清甜同埋重水果味 岩晒行到身水身汗既我地消下暑蜂蜜牛油炸雞半份($108) - 佢既蜜糖好平均地分布係雞皮上面 咬落口好juicy好香 件雞切到大細岩岩好 好易食 搞到我食完一舊又一舊😅不得不提個薯條點埋d蜂蜜醬咁食好夾 好快就俾我地清晒成碟😆韓式豬手半份($158) - 豬手煮得夠淋同埋好入味 用生菜包住黎食感覺健康d又清新d 生菜好新鮮 食落係soksok聲😂另外個kimchi都整得好好味 辣得黎又甜甜地 搞到我係咁食韓國蜆肉飯 ($135) - 我好鍾意食蜆肉 佢呢個蜆肉飯好足料 佔左差唔多半碟飯 個飯甜甜辣辣咁惹味 不過佢另外擺左幾隻用蛋黎煎既蝦 個味都唔錯但同個飯又好似唔太夾仲夏清甜菠蘿忌廉三文治 ($68) & Tiramisu ($68) - 個菠蘿比我想像中清甜 但用麵包同cream夾住就麻麻地 可能因為個cream做得唔夠輕身 又或者可以我麻麻水果三文治 相反佢個tiramisu整得唔錯 可以一試…Read More

今個禮拜放假 去左荃灣搵個friend食lunch 佢揀咗呢間新開既餐廳 係專食卷物既 青龍卷 ($98) - 有牛油果 鰻魚同蟹柳 呢個組合冇得輸 卷既大小同飯既比例岩岩好 呢個唔錯東京爆脆 ($92) - 用吞拿魚同蟹柳做餡料 之後中間用一層薄薄既炸粉炸過 有卜卜脆既口感 不過外面既飯就多咗少少 如果少d就更好味龍捲風沙律 ($72) - 上面其實就係蟹籽沙律加中華沙律仲有d脆脆 個底有好多生菜 超級大份 上半part好正 d生菜都好新鮮 如果多啲醬汁就更好櫻花蝦茄子燒 ($68) - 呢個必食 櫻花蝦好香脆 茄子燒得好甜好正 個汁調得好好 勁入味埼玉網燒牛舌 ($78) - 一碟有四塊 我自己本身就唔太好牛舌 但係個friend話呢度整得幾好味要試下 試左一舊 係唔錯既 好厚好大舊 燒得幾香 但都係麻麻地接受到佢好爽既質感😅個friend話我唔識野 佢一個人清晒成碟呢度都算細間 一到十二點都差不多坐滿 如果要黎可能要book位穩陣d!…Read More

之前上網見到有間係京都有五十年歷史既喫茶店會黎香港開 bookmark左好耐 今個禮拜放假終於可以去試下😬 (去之前睇左openrice d食評 個個都彈到…所以抱住中伏既心態去試..)喫茶店鬆餅 ($58) - 新鮮煎好 熱辣辣 又軟熟 配埋牛油同糖漿好好味🥞忌廉焦糖吉士布丁 ($38) - 想食布丁好耐啦 佢整得好靚 質感係比較實嗰種 好香吉士味 配埋個醬好夾🍮經典全日早餐 ($138) - 大份到不得了 2個人分都夠食 佢有煙三文魚 司華力腸 雞扒 黑松露炒蛋 茄汁豆 牛油果 牛角包 仲有沙律 我覺得每樣野都整得幾好喎 牛角包係有整熱過既 蛋炒得好滑 沙律又有落醬汁 (好多餐廳d沙律無汁我會唔想食😅)輕怡全日早餐 ($88) - 呢款都係好大份 有野菌 同埋吐司 個吐司烤得好正 個人覺得性價比高過上面個份雙重糖心蛋沙律吐司 ($108) - 個糖心蛋好味呀 不過最好味係佢d碎蛋沙律 同吐司係絕配熱Cappuccino ($36) - 我就唔飲咖啡既 屋企人話杯咖啡好香 冇落糖都唔會苦唔知係咪無期望咁去試 要求無咁高 我又覺得佢地既食物都係水準之上喎 每款都好有心機整 整得好靚 好有日本喫茶店既感覺 不過每樣野都好大份 大家唔好好似我咁眼闊肚窄😂…Read More

自從東薈城開咗新商場 食物種類多左好多 呢間樂天皇朝係佢新開既時候食過一次 覺得麻麻地 所以冇乜再食過 今日早左放工就同屋企人黎俾多次機會佢! 叫左口水雞 蒜泥白肉 擔擔面同上海炒年糕 平時d餐前小食我多數都唔要 但今次竟然係雞腳 咁特別就留低左佢試下 用個麻辣汁煮 唔錯喎又!蒜泥白肉 ($83)個蒜泥白肉超好味 上面有好多好香口既蒜蓉醬 塊肉入面卷住左好多青瓜絲 好清新 味道非常夾😋口水雞($88)佢個口水雞都幾大份 個醬調校得唔錯 啲肉都幾滑 不過就多骨左d擔擔面 ($65)佢個擔擔面湯底唔係好杰個款 係比較輕盈d嘅感覺 但都有花生香 我自己就鍾意呢款多d上海炒年糕 ($93)最後就係個上海炒年糕 佢今次做得好出色 平時個炒年糕嘅醬汁同埋年糕好分離 但係佢今次年糕索晒d汁好好味 又夠煙韌 又無過鹹 好快就俾我哋清晒 今次再食 覺得佢地嘅食物質素進步左好多👍🏻…Read More

我又去Banchan喇😂今次帶埋爹哋媽咪黎食 因為知佢地出左個聖誕Menu 有啲新嘅款式可以試下😍 佢所有食物都加咗少少聖誕裝飾 好有聖誕氣氛呀🎄燒醬油黑毛豬白切肉配大醬生菜 ($162) - 呢款已經係第二次食今次整得好味過上次好多 燒得好香 肉質夠林身 配埋泡菜 大醬同埋生菜真係好夾好好味 重口味既人既至愛泡菜燉五花肉蛋包飯 ($105) - 平時多數食牛肉蛋包飯五花肉係第一次食 肉嘅外面有泡菜包住 今次呢幾塊泡菜啖味左少少 但舊五花肉就好入味 蛋包飯就唔使講一如以往咁正 飯係用牛肉粒同埋牛肉汁炒既 如果唔食牛嘅朋友就要注意 可以轉白飯既青口海鮮炒年糕 ($108) - 海鮮有帶子青口同埋大蝦 年糕嘅汁係用蕃茄湯底煮嘅 d年糕好煙韌 份量都唔少海鮮煎蔥餅 ($89) - 煎餅入面有超級多魷魚 點埋佢嘅秘製醬汁好好味 不過份量就少左d炸雞牛角包窩夫 ($145) - 窩夫平時就麻麻 但牛角包就好鍾意食 所以叫左黎試下 好有驚喜 好似一層層酥皮咁好好味 有好多件炸雞 都係啱啱炸起好新鮮 肉質有夠嫩滑 仲要勁大份 三至四個人share就岩岩好除左食物我地仲叫咗三款飲品濟州綠茶鮮奶 ($42)溶化朱古力($42)士多啤梨紅桑子梳打($42)每款飲品都好靚 我自己就最鍾意綠茶鮮奶 綠茶味好香 但又唔會過甜 🍵…Read More

為咗慶祝搵到份新工 決定食餐好既獎勵自己🤗揀黎揀去 最後決定試吓呢間新開嘅日本餐廳 (又係日本野🤭) 呢度裝修得好靚 好似去左日本咁雜錦刺身(1-2人前) ($988) - 佢有八款唔同嘅刺身 有拖羅 赤身 深海池魚 梭子魚 甜蝦 油甘魚等等 雖然呢碟雜錦刺身唔平 但每一款刺身都非常新鮮同埋厚身 完全無筋 食完好滿足 果然係一分錢一分貨吞拿魚三貫 ($268) - 最愛吞拿魚既我哋食完個刺身覺得佢個赤身同拖羅好正 唔太夠喉 所以就再嗌左三件壽司食 壽司同樣厚身 件大拖羅 一咬落去 d油脂滲晒係口腔 好好味呀😭枝豆 ($58) - 同平時既枝豆唔同 平時個d係冷盤 但呢度佢係甜同埋暖既 原來佢係用左醬油去煮 好特別 覺得好有心思燒赤雞 ($268) - 塊皮超級香脆 真係好好好香脆 雞肉好嫩滑 連雞胸都煮得好好 超大份 每人食左5-6舊 呢個必食清酒煮蜆 ($138) - 每一粒蜆都脹卜卜 好大粒好新鮮 個湯非常清甜 底下有少少冬粉 索晒d湯汁 真係好好味 呢個我覺得好抵食蟹鉗清湯 ($68) - 又係另一款非常清甜嘅湯 仲有隻蟹鉗可以食 輕輕推開佢成舊肉就甩咗出嚟 啖啖肉好正最後老闆送左甜品俾我地食 我地揀左豆腐雪糕同柚子雪芭 兩款雪糕都好好味 豆腐雪糕好香濃 柚子雪芭就好清新😋…Read More

之前有個朋友大力推介呢一間餐廳 趁今日有時間就去試下🤗叫左2個Lunch Set 同埋加左2個Appetizers佢哋嘅麵包有芝士忌廉包同埋牛角包 送到黎仲係暖既 好軟熟 好好味 仲有橄欖紫菜牛油 幾特別 食完唔夠可以再添大蝦胡麻醬沙律 - 胡麻醬沙律不嬲都係無得輸 佢有幾隻大蝦 仲有好多蟹柳絲同埋蟹籽 好清新既頭盤香蒜薯仔湯 - 呢個湯好特別 好少有湯會有香蒜 個蒜味唔會太重 岩岩好 佢無落好多鹽 但都好夠味 海膽汁魷魚意大利飯 ($158) - 好好好好味 全個Lunch最好味既一道菜 首先米既口感煮得岩岩好 意大利飯其實唔易煮 好易會過硬或者過林 海膽汁好香甜 同個飯好夾 入面嘅海鮮有魷魚大蝦等等 每一啖飯都食到海鮮 完全唔吝嗇美國頂級封門柳 ($298) - 呢個主菜性價比就低咗少少 得六舊 封門柳牛味係好重好香 旁邊嘅配菜煮得好好味 尤其是係西蘭花🥦北海道帶子刺身薄片 ($78) - 呢個係必食 帶子刺身好新鮮 配埋d香橙醬同埋叼草油 好Refreshing 香煎法國鵝肝 ($88) - 我唔食鵝肝既 聽朋友話食鵝肝最緊要係外面煎得夠脆 裏面就要Creamy 佢話呢度都做到呢個效果 除左有黑醋之外 仲有個Passion Fruit醬 可以解膩 見佢30秒內食晒 應該都好好味🤣最後餐飲叫左2杯洋甘菊茶 好大壺 佢地仲好好咁送左2個甜品 話無叫甜品既食客佢地都會送個小甜品 今日係芝麻Mousse Cake 唔太甜 好好味 仲有一件火龍果同柿 今餐食得好滿足😋…Read More

上個禮拜表弟表妹們約左我食飯 佢哋約左我黎呢間Cafe 坦白講本身佢喺金雞商場入面 我既第一印象好感不大 但入到去間餐廳見到裝修得都唔錯 以白色為主 同埋d位都好闊落叫咗幾個dinner set同埋小食share煙三文魚野菌忌廉燴闊條麵 ($126) - 好大份 煙三文魚都夠分 個忌廉汁唔會杰太溜 不過如果闊條麵改做普通意粉可能會同個汁夾d黑松露帶子鮮菌燴意大利飯 ($122) - 呢款唔錯黑松露味好出 好多鮮菌同埋帶子粒 意大利飯煮得啱啱好西班牙煙鴨胸燴飯 ($112) - 呢個煩嘅質地同上面嘅意大利飯唔同 呢個比較硬身 用咗蕃茄汁做base 都幾開胃 煙鴨胸煎得好香炸薯角 ($52) - 超級好味 全晚最鍾意食呢個 薯角嘅面炸得好香脆 就算擺咗一陣再食都仲keep到咁脆 蜜糖雞翼 ($72) - 呢個都好味 雞翼好嫩滑 面有層蜜糖脆脆地咁 蜜糖芥末單骨雞翼 ($76) - 呢個食起上黎好方便 點個芥末醬唔錯 但都係鍾意蜜糖雞翼多d飲品方面叫咗一杯巨峰提子乳酪同埋三杯花茶 d花茶超大壺 飲極都飲唔晒😅同埋有個小蠟燭暖住d茶好貼心 我最鍾意神仙茶 佢入面有淡淡既香茅味 幾特別同埋加左件朱古力蛋糕 夠軟滑 但朱古力味可以再重d佢地呢度仲有board game玩 我地食完野玩左一陣先走 職員都唔會趕你走 可以慢慢玩慢慢傾…Read More

上網見到呢間拉麵d牛小排同埋豚肉好似好正 上個禮拜放工就過左黎試下 七點到黎到門口已經有幾個人排緊隊 好彩食拉麵個turnover都快 唔駛等好耐 一入到去有種日本拉麵小店嘅溫馨味道 店員同廚師有講有笑 感覺好似一家人咁慢煮安格斯牛小排濃蝦湯沾麵 ($138) - 一黎到個湯仲係熱辣辣咁滾緊 冬天食好岩 暖粒粒咁 蝦湯真係好濃 湯汁掛晒係沾麵上面好正 沾麵麵質彈牙 牛小排好好味 肉味好香 首先要將佢淥落碗湯度 淥到咁上下熟先食 牛小排既口感就會好軟熟 最好唔好太生食 如果唔係會有啲靭雞白湯炙燒豚肉拉麵(清爽) ($75) - 塊炙燒豚肉不得了 燒得好香 豚肉肥瘦適中 入口即溶 唯一不足既就係個雞白湯湯底唔夠香 好似唔太夾 可能係因為我揀左清爽 如果濃厚同激辛應該會正好多沖繩苦瓜餃子 ($48) - 第一次見咁特別嘅餡料 出奇地好味 佢有淡淡既苦瓜甘味 可以中和平時食餃子嘅油膩感…Read More

身為潮州妹 滷水鵝片係我其中一樣無法抗拒既食物 可以個個禮拜食都唔厭(食咁多鵝會唔會太毒😂) 一知道中環開左日日香 即刻叫人陪我放工去食 之前係黃埔食過覺得好正 但因為好少去個頭所以無再食過 呢間裝修得幾靚 好新穎 食都食得舒服d叫左個鵝片飯 雙拼瀨粉 一碟菜心同一盅燉湯 再加鹹檸雪碧金牌滷水鵝片飯套餐 ($88) - 最鍾意鵝片啖啖肉 上面d鵝皮好有油脂香 配埋d滷水汁撈飯一流 旁邊既配菜每一款都好好味 豆卜魚蛋滷蛋酸菜 滷水雙拼飯套餐 ($82) - 雙拼叫左墨魚同腩肉 同埋轉左做瀨粉 佢地d瀨粉好好味 個湯底有炸蒜係入面好香 淨食碗瀨粉都唔覺寡 腩肉見網上好多人推介所以試下 果然係正 佢半肥瘦 個皮煙煙韌韌 墨魚有好多塊 正常貨色 相比之下腩肉係有驚喜 朋友話腩肉完全無比鵝片比下去蟲草花竹絲雞燉湯 (+$38) - 清清地既雞湯 有淡淡既花旗參味 甘甘地 但易入口既 係冬天飲暖粒粒既湯寧舍幸福滷汁時蔬(+$18) - 要左菜心 菜就唔洗多講啦 夠嫩就係好菜😂 份量超大套餐包左2杯飲品 叫左杯鹹檸雪碧(+$8) 同埋熱檸水 粒鹹檸好夠鹹 唔洗點篤已經夠味 檸水既檸檬係唔苦澀既 唔知你地會唔會叫親熱檸水都好怕舊檸檬唔新鮮好苦🤢寫完呢篇食評我又想再去食過喇 痴線 再係咁點減肥😥…Read More