KristyTTang的個人專頁

銅鑼灣螢雪餐廳的午市Omakase，以其高質素的食材和創意的搭配，帶來了令人驚喜的用餐體驗。🍣 食材新鮮，匠心獨運 食材均從日本直送，非常新鮮。壽司款式多樣，如左口魚配上柚子皮，清新爽口；深海池魚鮮甜細膩；赤海膽甘甜滑順，入口即化；煙薰平政魚帶有獨特的橡木香氣；炙燒金目鯛外微脆內鮮嫩；超拖羅更是油脂豐腴，入口即溶。🍳 細節到位，體驗豐富 前菜的豆腐沙律配香醋酸甜開胃，茶碗蒸嫩滑鮮美並帶有櫻花蝦的香氣，以及餐後的柚子雪葩或焙茶雪糕，都為這餐畫上完美句號。💎 總結 螢雪的午市Omakase在食材、手藝和創意上都體現出了很高的水準，是銅鑼灣品嘗日式Omakase的一個性價比不錯的選擇。…查看更多

懶人唔想煮飯🤣唯有落街買外賣🥡減脂期間食壽司最好，不過有少飯就更好啦呢間已經食過好幾次，今次啱左個刺身 #油甘魚 + #呑拿魚 個人鐘意食油甘魚多啲，唔會腥，油脂啱啱好😍份量都幾多！壽司拼盤🍱 #芒果花之戀 我最愛，甜甜地加埋三文魚🍣都ok幾好味！仲有 #活赤貝壽司 開頭驚會好腥，但食落好鮮甜。整體壽司都ok，而家買滿$300仲可以減50，幾抵食！減脂期唔想煮，但又想食得健康啲可以揀壽司🍣不過佢哋既飯係偏軟少少，個人鐘意無咁冧既飯會更好味…查看更多

屋企附近新開左餃子店🥟又係土友飯堂🤓11點過去食唔算多人，主打真材實料，餃子大大份嗌左煎餃雙拼 #韮菜豬肉 + #椰菜黑木耳豬肉 ，真心皮薄陷靚，咬落去仲有汁！！仲有特色煎餃，大板燒味同芝士肉鬆煎餃，今次就無試到，下次再食！蒸餃嗌左 #粟米豬肉餡🌽都唔錯，大大粒份量好足，其實食完啲餃子都飽飽地😂#牛肉面 + #肥腸面 牛肉幾新鮮，同埋好嫩滑，一啲都唔韌，肥腸就OK啦。我見好多人都係餃子再加一碗麵，簡直係澱粉愛好者天堂🤣下次會再覆桌🐒🐒🐒…查看更多

第一次係香港食椰子雞，平時喺深圳就食得多。等咗一陣好快就有位入去啦！嗌咗半隻 #海南文昌雞 食落好嫩滑，媽媽表示好新鮮。呢間椰子雞嘅賣點係四個椰子一鍋湯不加一滴水，湯底飲落真係好清甜！#國內已經有超過60間分店仲嗌左 #雪花和牛 擺盤好靚仔，未食已經好吸睛，食落係入口即融，完全無筋，又好正喎。同場加映 #鯇魚片 切得幾薄，烚下就食得，唔會好腥都ok。呢個 #鮮珍生菌拼盤 有四款唔同嘅野菌，牛肝菌、雪山松茸、繡球菌等。全部都好特別，平時好少食到。加落個湯度更加鮮甜！仲嗌咗 #雞毛菜、#椰林心形粉、#龍鬚筍，食到好飽！🍹黃皮椰露🍹椰青水…查看更多

去左觀塘試呢間串串放題，每次食親放題都要餓翻幾餐黎食🤣C9心態認真講呢度都幾多野食，開頭以為要自己燒，原來個爐會自轉，懶人等食系列！！！！佢啲和牛都幾正，整體食物質素都ok，選擇都好多，又係小朋友才選擇，大人全都要🤣而且佢既雞翼都好正，燒完都好嫩口，好juice。夏天30幾度，想去bbq，不如去室內涼住冷氣咁b啦。最特別既係仲有海鮮、炸物、小食前菜，滿足眼闊肚窄既朋友。建議大家早啲book位，夜晚都幾full…查看更多

最近天氣真的又熱又曬🌞無情的太陽在樓上吃完火鍋來杯肥茶，喺樓上幫襯晚市，仲會送一杯飲品。真的不要太爽呀！新品🍹甜杏桂花烏龍，淡淡的桂花香很不錯😌仲有淡淡嘅杏仁味道，都幾特別。鍾意杏仁嘅朋友可以揀。朋友的🍹蜜桃烏龍茶，正常水準，解渇消暑。驚伏嘢可以揀呢杯，一定唔會中伏。舖頭入邊都有唔同嘅茶類可以選擇，地址係尖沙咀附近，行開街過嚟買返杯茶，真係好正。而家天時熱，見個個都人手一杯廢水。肥呢啲嘢飲完再減啦！…查看更多

第一次食呢間一人烤肉，估唔到又幾抵食。下晏晝五六點嘅時間過嚟坐得超舒服，早啲食飯早啲消化。我就嗌咗個牛小排套餐，牛肉嘅質素都OK，尚算嫩口。朋友就嗌咗牛舌套餐，我個人就鍾意食牛舌多啲，爽爽脆脆，燒到八成熟啱啱好。最抵嘅一人烤肉餐都係$78，十分之適合社恐人士一個人嚟食都唔會尷尬！！！我見除咗有烤肉，仲有定食可以揀，而且有阿媽家姐可以食，都幾特別。環境好大，冷氣又夠，食完燒肉都唔會成身油煙味，下次再返嚟覆桌。…查看更多

想食pizza好耐，難得約到朋友仔過嚟食。第一次嚟呢個新商場，設計好靚，又chill。呢間餐廳，環境氣氛都好正。好有feel。pizza餅底夠薄，而且有好幾個款可以揀，選擇夠多。仲嗌咗個墨魚汁意粉，蜆既份量好多，意粉唔會太冧，好有口感。值得encore 。仲嗌咗杯奶昔，不過略嫌甜咗少少，最後食埋個甜品，大滿足。下次可以再過嚟試吓食其他pizza 。今次MVP係火腿加哈密瓜，火腿唔會太鹹，加埋哈密瓜啱啱好。…查看更多

First try香港農耕記，仲要開左係黃埔，好近我🤣🤣🤣估唔到平日去食都爆場，就算夜晚都見到有人一丁友黎食，仲有1L手打檸檬茶可以嗌先$36！我呢位手打檸檬茶愛好者就係衝住佢黎😍#招牌湖碟魚魚既質感偏爽口彈牙，味道都係辣，好惹味，但略嫌有少少腥。#酸菜炒毛豆唔好睇佢個樣平平無奇好普通咁，我覺得佢係今場MVP，由於有為玻璃肚嘅朋友，所以就唔嗌咁多辣，呢個毛豆送飯一流！！！#酸辣炒雞雜如果唔係食川菜類都唔會有雞雜食，雞雜切得太細，成道菜裏邊有啲難搵，味道好惹味，但需要自備吸油丸，如果唔係會油左啲🥲#蒜蓉炒菜花呢個正，夠鑊氣，好香蒜香味，可encore🤪我見有紅薯飯🍠仲係成個電飯煲上都幾過癮，手打檸檬茶有鴨屎香更好😆⛩️農耕記 湖南土菜 (黃埔天地) (紅磡)紅磡黃埔天地美食坊(第8期)1樓115號舖…查看更多

今次第二次過嚟食，上次食午市，今次食晚市。5:00入嚟食第一round，啱啱好冇乜人唔使同人迫。感覺上晚市嘅食物會多過午市，一如既往食放題點少得食刺身，刺身嘅味道OK啦，放題質素。今次仲有榴槤任食，雖然我唔食榴槤，但朋友食得好開心，仲叫咗好幾轉。值得推介嘅，係羊架同埋串燒，燒牛舌好好味，雞軟骨都唔錯。羊假啱啱好唔會太韌！今次試埋飲佢嘅清酒，可能係我唔鍾意飲酒覺得麻麻地。其實每次食放題都係過下癮，啱我呢啲眼闊肚窄又食得唔多嘅人。…查看更多

抵食高水準川菜，除咗食辣，仲有其他唔辣嘅菜式。特別推介酸菜魚真係好好味，有淡水魚同鹹水魚可以揀。啲魚好滑完全唔腥，湯底唔會死鹹好有鮮味！普寧豆腐，呢個好得，第一次食份量咁多又大大碟，炸得好酥脆。我對家鄉炒米粉有特別既情懷，因為我嘅家鄉都係咁樣煮，所以好有家鄉嘅味道。全部嘅份量都好多，酸菜魚足夠三至四人食。同老闆娘傾偈先知原來呢度開咗好耐，整體好高質素同有水準。值得推介！！！希望可以長做長有！會多啲過嚟食…查看更多

好耐都冇食過泰菜，大大話話都成年冇去過泰國。每次一掛住想食嘅時候都會嚟九龍城。喺九龍城都食過好多間唔同嘅泰菜餐廳，今次就揀咗入咗嚟呢間。每次食親都一定要嗌生菜包，味道十分之正宗。今次再試咗泰式黃咖喱，仲揀咗薄餅，呢個配搭係絕配！仲有燒牛肉都好正，夠嫩口唔會韌，下次試吓佢嘅青檸燒牛肉。我見一開門，已經好多人嚟幫襯，陸陸續續啲枱都滿晒，想食嘅話可以早啲過嚟就唔使等咁耐。今次完全冇伏，下次再覆桌。泰菜真係點食都唔厭！ …查看更多

好耐無食日本菜！甚是想念。又發掘左一間唔錯既居酒屋甲羅燒唔好睇佢其貌不揚，食落好好味，滿滿的蟹膏同蟹籽，新鮮好正！！！刺身五點盛整體還可以，刺身都幾肥美，帶子唔錯！好鮮甜，其他就ok啦！黑松露鰻魚卷+ #雲丹蚧肉卷個人鐘意海膽呢款，海膽夠鮮唔會腥。鰻魚卷配埋黑松露都幾特別，意外地夾。食完呢2碟壽司已經飽飽地。戰鬥力過低。。。鰻魚玉子燒個蛋好滑，不過覺得鰻魚唔係好夾，下次都係食翻原味好啲，但鍾意食鰻魚嘅可以試吓！牛肉烏冬澱粉控的最愛，正正常常🫶🏻食得多生冷野會想食翻碗熱辣辣既烏冬。中女的我？…查看更多

呢間印度菜真係真心正，完全冇伏。最鍾意食佢嘅松露烤餅，用嚟配咖喱一流。正宗印度人主理。見呢度lunch仲有buffet食，有好多本地人過嚟食。初嘗印式Taco，好特別，原本諗住係墨西哥嗰種feel脆脆地，結果係冧既，別有一番風味。最鍾意食佢哋嘅焗帶子，唔知佢哋用咗咩汁，令到粒帶子好彈牙惹未！！！超正！！！！呢度夜晚既booking好full，要提早幾日book先book到。成班朋友過黎食飯gathering就最啱…查看更多

朋友難得返香港，好掛住中菜。專登約咗佢嚟食呢一間私房菜。環境闊落坐得好舒服，可以慢慢傾偈。見佢個蠔餅幾吸引，好快就上咗菜，啱啱炸起好脆。佢個汁太鹹，建議大家唔好點咁多，如果係甜酸醬更好。我見唔同餐廳嘅蠔餅配嘅汁都有啲唔同。仲嗌咗個桂花瑤柱炒蟹肉，鑊氣好粥上菜仲出梗煙，如果蟹肉嘅份量多啲會更好。仲有個滷水拼盤，反而呢一個係最出色，所有配料都炆得好入味，滷水鵝夠冧。最後嗌咗三個甜品，好在份量唔多，如果唔係一定食唔晒。最鍾意芒果糯米飯，唔太甜，而且糯米係煙煙韌韌嗰種。朋友就鍾意食個紅豆沙。…查看更多