鴻陞泰國菜

好耐都冇食過泰菜，大大話話都成年冇去過泰國。每次一掛住想食嘅時候都會嚟九龍城。喺九龍城都食過好多間唔同嘅泰菜餐廳，今次就揀咗入咗嚟呢間。

每次食親都一定要嗌生菜包，味道十分之正宗。今次再試咗泰式黃咖喱，仲揀咗薄餅，呢個配搭係絕配！仲有燒牛肉都好正，夠嫩口唔會韌，下次試吓佢嘅青檸燒牛肉。

我見一開門，已經好多人嚟幫襯，陸陸續續啲枱都滿晒，想食嘅話可以早啲過嚟就唔使等咁耐。今次完全冇伏，下次再覆桌。泰菜真係點食都唔厭！