hktablefor2的個人專頁

寬敞舒適環境相當唔錯，無論幾個人定係一大班朋友聚會都非常適合，店舖裝飾嘅燈籠大部份都係搜羅自越南，過百個燈籠掛埋一齊氛圍感十足😍。開胃前菜必點越南蜜柚燒蝦沙律，蜜柚香甜多汁蝦肉爽口，加埋椰糖魚露汁非常醒胃，越式牛肉法包小小一件非常貼心，食完仲可以有位試到其他野，香茅椰糖烤三黃雞香味十足，雞肉充滿香茅香氣又入味，配上酸酸地嘅會安三風味汁更加惹味，鑊仔牛柳粒配烤牛骨髓都係比較濃味嘅選擇，配飯食就最適合不過。香芒蜜柚椰子雪葩更似濃濃嘅椰子雪糕，加埋花生、青檸、蜂巢脆糖口感非常豐富，仲有記得唔好錯過佢哋全新嘅cocktails，‘’Go with the Pho‘’ 混合氈酒同埋牛肉高湯，再加入多款越式香料，味道特別滿滿越式風味！…查看更多

MINATO 午市廚師發辦質素相當唔錯，選用時令食材製作十貫壽司，吞拿魚用醬油漬過令肉質更滑，上面加左淮山粒口感幾爽脆，又點少得當造季節嘅秋刀魚，簡單配上蔥薑魚味濃郁，牡丹蝦加上火炙蝦膏都很鮮甜，仲有海膽同三文魚籽依個組合都係冇得輸😋。佢哋仲會喺黎緊9月16至20號期間推出「東京客席主廚晚宴」，九道菜以及四款配餐清酒菜單由東京米芝蓮一星「乃木坂しん」行政總廚石田伸二及首席侍酒師飛田泰秀親自主理，座位有限有興趣就要快啲訂座喇！…查看更多

Steak ART推出左前菜無限追加嘅三道菜晚餐，沙律、薯條、湯可以無限任食，主菜選擇都唔少除左牛扒仲有意粉選擇。餐廳主打乾式熟成牛扒，咁當然要試試乾式熟成M9和牛肉眼扒，經過3 0日熟成嘅肉眼扒肉味相當濃郁，油脂亦富豐，五成熟火喉剛好肉質鮮嫩。另一款紅蝦帶子龍蝦汁扁意粉都相當吸引，扁意粉沾滿龍蝦汁加上紅蝦蝦膏更加鮮味，帶子火喉剛好口感腍嫰，只係紅蝦略為煎得熟左少少。除左前菜任食仲有頭盤享用，鵝肝燉蛋上面燒左一層焦香嘅焦糖，鵝肝燉蛋咸咸香香加上焦糖脆面，咸甜交集味道都幾特別，仲有蟹肉牛油果多士配魚子醬鮮味又清新。如果淨係想食牛扒可以選擇二人餐，咁就可以一次過試哂30日乾式熟成牛扒、M9和牛同埋美國牛側腹！…查看更多

金酒屋又出左新menu🤩‼️ 千層脆脆系列分別有海膽拖羅蓉同焦糖鵝肝和牛，兩款都各有特色，海膽拖羅鮮味十足，鵝肝就比較甘香，脆脆食落非常新鮮仲係脆卜卜。另一款鵝肝與海膽嘅配搭係滿丼，鮮甜嘅海脆配上咸香嘅三文魚籽已經好夾，再加埋鵝肝嘅甘香油脂配飯食就岩哂。當然又點少得佢地嘅串燒，自家製雞皮蝦依然係好出色，雞皮香脆蝦肉爽口，今次仲有新推出嘅炙燒巨型虎蝦，滿滿蝦膏加埋爽口蝦肉甘香十足，食完一隻已經非常滿足😋。…查看更多

bbq.chicken是來由韓國的炸雞店，炸雞的款式多達九種，每種口味都可以選擇有骨或無骨，炸雞非常香脆，肉質嫩滑。這裏的菜式選擇很多元化，因為除了炸雞，仲有各類韓式美食，包括燉雞、炒年糕、紫菜包飯、意粉、刀削麵、湯品等，其中牛肉紫菜包飯非常足料，而豆腐辣湯也有大量的海鮮，湯頭香辣惹味。忌廉燉雞有雞肉、蔬菜、年糕和番薯粉，醬料濃稠creamy，每一口都充滿黑松露香氣。意大利軟芝士沙律用上較少作為沙律配菜的mascarpone芝士，入口細滑，有香濃的芝士味。…查看更多

最近人生有限杯新推左多款特式串燒小食，當然都唔少得非常抵食嘅$10串燒，仲有賣一送一嘅日本生啤🍻。墨魚滑紫菜大蝦香脆又彈牙，港式嘅椒鹽九肚魚炸得鬆脆非常適合餸酒，汁燒雞隔膜同鹿兒島雞頸肉比較少有嘅選擇都可以試到，山椒鰻魚汁白鱔肉質爽口，加上少少花椒味更加惹味，明太子忌廉烏東都可以一試，忌廉拌生蛋黃香味濃郁。甜品必點港式蜜糖多士夾雪糕，蜜糖多士脆卜卜沾滿香甜嘅蜜糖，加埋雲呢拿雪糕冰火口感相當唔錯。…查看更多

週末限定謎の三重奏便當每日限量二十份，便當以日本手工陶瓷工藝人手打造嘅三層球形瓷器盛裝，賣相精緻吸引，非常適合打卡。打開上層係四款時令刺身，選用時令食材刺身都係每日空運到港，每個便當嘅刺身款式都有少少唔同，每一款都係鮮味十足。中間有頂級A5宮崎和牛丼，牛肉粉嫩油脂十足，口感亦都相當軟滑，加埋蛋汁同燒肉汁拌飯味道更加豐富。下層就係油揚稻庭烏冬，烏冬食落清爽彈牙，簡簡單單為依個精緻嘅brunch作結。…查看更多

在佐敦文英街竟然有間日式私房菜，晚餐定價一位$580或$890，我們當夜試了$890的套餐，用上不少當造食材，例如有白子和北海道生蠔。印象最深刻必定是煙燻吞拿魚下巴幽奄燒，每口魚肉都充滿油脂香，帶有醬油和少許煙熏味，調味均勻。大蝦伴入蝦膏一起炒香，入口爽口又甘香。鐵板厚燒A5近江黑毛和牛肉質嫩滑，充滿油香。主食大閘蟹粉蟹肉伴三輪冷素麵也非常吸引，蟹粉和蟹肉份量不少，加點香醋更能提鮮。最後當然不少得甜品，自家製的焦糖巴斯克芝士蛋糕味道很不錯呢。…查看更多

第一次到訪荃灣的燒烤堂 ，原來好味又抵食，串燒選擇很多，而且甚具特色。例如豚肉節瓜波棒糖是多層豬肉包著節瓜，再沾上蛋汁食用，燒得香口又不過膩。超喜歡牛油果豚肉卷入口即化的口感，原來牛油果和豚肉很搭。尖椒皮蛋燒豆皮的豆皮香脆，加入帶辣的尖椒和皮蛋碎，是意想不到的惹味。必點的還有川燒蒜蓉茄子，加有大量的蒜蓉，味道濃郁。海鮮的質素都不錯，燒廣島蠔和燒白鱔都鮮甜好吃。除了串燒高質，這裏的Sapporo生啤買一送一，只需要$48就有2杯，真是吃得開心，飲得暢快。…查看更多

這𥚃的鱈場蟹鐵板燒套餐非常適合愛吃海鮮的你，首先有北海道帆立貝，配搭清甜的昆布湯，之後就是主角鱈場蟹，廚師先用牛油炒熟蟹腳，可以吃出鮮甜的原味，再加入蟹膏燒香，蟹肉變得更惹味。季節魚選用了台灣馬友，魚油豐盛又香濃，廣島蠔配搭炒香的煙肉、櫻花蝦和蔥花，是特別又香口的配搭，牛肉的質素也不錯，不論薄燒肉眼或牛柳都美味。廚師炒飯時，記住要求加隻煎日本雞蛋，絕對有錦上添花的感覺。這裏吃飯有海景伴隨，有煙花表演時也可以清清楚楚看得見呢。…查看更多

由$188起就可以享用到位於銅鑼灣的本命鐵板燒的午市鐵板燒套餐，今次試了最豐富的$488套餐，味道和份量都令人滿意呢！最喜歡新鮮爽口的大蝦，廚師加入牛油炒香蝦膏，令蝦肉更加濃香。北海道帆立貝超厚肉，與菠菜忌廉汁很搭。銀鱈魚的外皮煎得香脆，肉質保持嫩滑，而且充滿魚油香，配搭清甜的洋蔥湯。煎至五成熟的鹿兒島和牛是入口即化的美味，炒飯都十分美味！原來大廚在炒飯中加入蛋黃醬，非常邪惡卻超惹味的。焦糖多士用上牛油煎香，香脆好吃。…查看更多

依間樓上串燒店串燒款式多多，多款串燒仲抵至$10非常抵食，仲有唔少加入港式元素嘅小食。老油條釀墨魚滑爆芝士外層分脆內面爆餡，麻糬豚肉卷煙煙韌韌口感特別，燒蠔同扇貝帶點川式味道，燒茄子加左菜脯更加惹味，仲有港式味道十足嘅咖哩牛舌菠蘿包，牛舌煮得夠淋，配埋菠蘿包鹹鹹甜甜，喜歡食芫茜嘅就一定要點雞絲手抓餅，帶點川式味道芫茜雞絲堆到小山仔一樣，最後食串燒又點少得飲返杯，記得千祈唔好錯過佢哋嘅日本生啤買一送一優惠喇！…查看更多

這間在荔枝角的居酒屋平日都十分旺場，因為食物適合打卡之餘，味道亦不錯，推介特厚燒牛舌三文魚籽丼，最欣賞是那秘製的燒汁，入口香甜，與鹹香的三文魚子和珍珠米超搭，加入蛋黃令整體味道更加濃郁。金龍珠海膽吞拿魚蓉卷差不多是每枱客人必點的，由海膽、拖羅蓉和醬油漬蛋黃等材料製成，每口都是滿滿的幸福感。也很喜歡這𥚃的串燒，豬頸肉燒得香而不肥膩，燒雞皮蝦的蝦肉是有驚喜的鮮甜和爽口。日式金柑帆立貝刺身是清爽之選，清甜的帆立貝與帶甜酸的金柑很搭。…查看更多

傳統京菜日月樓登陸船街，門口色彩鮮艷嘅霓虹燈招牌充滿懷舊老香港風味，無論係北京填鴨、打滷麵、京式醬蹄等道道傳統京菜都可以喺依度品嚐得到。當然必試京菜嘅代表北京填鴨，北京填鴨燒得外皮鬆化食落完全唔會有油膩感，配上薄薄的餅皮磨豉醬、砂糖同京蔥口感層次更加豐富。大蔥羊肉餡餅咬開非常爆汁，就算唔太食羊嘅都覺得唔錯，燴全丁原來係加入冬笋、冬菇、肉粒嘅湯𡙡，鐵板宮爆明蝦球帶點微辣相當惹味，干炒牛肉絲炒得非常乾身帶點酥脆，加上一層好似麥芽糖般香甜嘅外層，與叉子燒餅伴食相當之夾。最後又點少得非常吸精既甜品，拔絲香蕉賣相滿分，高力豆沙香蕉食落空氣感十足，紅豆加上香蕉味道相當唔錯。…查看更多

Watermark 隱藏於中環7號碼頭，坐擁270度無敵海景，三面環海無論環境同氣氛都相當唔錯，食物方面亦同樣有質素，選用時令嘅海鮮以及優質嘅乾式熟成牛扒，仲有多款餐酒同埋cocktails配搭唔同嘅食材，視覺與味覺同樣滿足。香煎北海道帶子口感鮮嫩，加埋巴瑪臣芝士脆脆增添口感，龍蝦湯非常濃郁香味十足，主菜M7 和牛板腱扒牛味香濃，食落非常腍嫩，配菜千層薯仔外層香脆好食，白鱈魚充滿魚油香氣，魚肉一梳梳非常鮮嫩，再加上蜆肉配搭特別。甜品都相當有誠意，芒果椰子蛋白脆餅賣相吸引，蛋白脆餅鬆脆輕盈，椰子慕絲、柚子同埋芒果嘅組合食落清新解膩，tiramisu擺盤都很有心思，芝士軟滑香濃，餅底咖啡酒味唔會太濃，記得仲要試試佢地嘅cocktails，配埋個無敵大海景就岩哂😌。…查看更多