Nicolebean的個人專頁

男朋友見我返工辛苦左成日，就帶我去深水埗食我至愛既魚生飯😘。男友話每次經過都見到好多人等位，所以決定收工就即刻落去食頭round😬。呢度既魚生飯係好似車仔麵咁揀，每樣魚生都唔同價錢，俾你慢慢揀😜。我地叫左一個自選五款刺身丼，兩碗魚生飯🍛，另外有兩碗麵豉湯送。麵豉湯: 唔同平時個d，好足料。味道好鮮甜。唔好麵豉湯既我都覺得好好飲😋。魚生飯及刺身: 每款魚生都厚切，好新鮮，正😋！另外個人比較鍾意魚生飯既伴菜料，好清，夾埋魚生一齊好好食👍🏼。雖然價錢比同區既日本野貴，但食物既質素都相對地好。所以如果大家都想食有質素既魚生飯，不妨去試試😊。…查看更多

同屋企人響西貢食完飯🍽，諗住攞車返屋企🏠，點知家姐忽然提意去食糖水，於是就近近地黎滿記。可能因為假日關係，所以好多人，但好彩等左幾分鐘就有位了😬。其實頭先餐飯大家都食到好飽🤭，所以只係點左榴槤班戟同兩個白雪仙草芋圓。榴槤班戟: 榴槤夠熟，好甜好香，但略嫌太多忌廉😋。白雪仙草芋圓: 係椰汁冰底加芋圓/香芋雪糕/涼粉/薏米/紅豆。芋圓夠軟熟，涼粉夠爽，加上椰汁冰配薏米同紅豆，清清甜甜，好好食👍🏼！響長假期既尾聲，用一個豐富既晚餐同甜品🍮作結尾，都好滿足了🥰。…查看更多

作為米線愛好者既我，原本諗住食譚仔，但因為太多人所以要轉場，結果就入黎呢間試下喇😜！叫左腩肉/蘿蔔小鍋米線(中小辣)🍜，湯底味道幾好，腩肉唔會散曬，蘿蔔好淋。唔錯👌🏼下次如果譚仔多人，我都會再黎呢間醫肚😬。…查看更多

住沙田既朋友應該都知道而家石門開左好多餐廳，如果大家想打邊爐或者食雞煲，豐鍋可以一試👍🏼。今次我地一行四個👫👫，侍應安排我地坐卡位，張枱夠大又唔迫，正😬。我地叫左雞煲，手打四寶丸，手切牛頸脊，芝士響鈴，即炸魚皮，午餐肉，豬皮，蘿蔔，豆腐，雜菜🥗。雞煲小辣 (一隻): 味道唔錯，份量算大，唔係得d骨。其他配料: 都好食😋，特別推介即炸魚皮，手打四寶丸👍🏼。至於響鈴，我地都係比較鍾意原味多d😜。提提大家，因為舖位唔係特別大關係，如果唔係即興，建議先訂位😊。…查看更多

同男朋友行街shopping，經過聞到d咖啡☕好香，cake又好靚。於是決定入去試下，順便休息下再戰下半場！我地叫左Latte☕，凍鮮薑檸檬蜜🍹，開心果朱古力榛子蛋糕🍰。Latte好香好滑，蛋糕都好香好好食😋！相對地，男朋友個杯就普通左d🤣。寫食評既時候，先發現原來呢度d朱古力🍫都好正！下次有機會要黎試下😆！…查看更多

海南雞飯👍🏼 咁岩要去淘大商場買野💸，又有d肚餓，就決定睇下有咩食，食完先返屋企。 經過見到呢間都幾多人，侍應姐姐又好禮貌咁介紹，於是就入黎試下😛。 Order左一人海南雞飯餐🍱，有一碟海南雞，一碟油菜，一碗油飯同湯。 當你響茶餐廳食碗粉麵都$40既時候，$62有碟唔”鞋”既雞，碗湯又足料無味精，飯又香又大碗，菜又新鮮。已經不能再要求咁多了👍🏼😂！…查看更多

其實響大埔住左咁多年，打冷都係幫襯潮和興，雖然環境比較舊，但味道確實唔錯👌🏼！但對上幾次食，都覺得開始差左，今日再食，我諗應該會轉地方了😔。。我地三個人，叫左滷水鵝片🦢，生腸墨魚🦑，蝦醬炒通菜🌱，豉椒炒蜆，蠔仔粥。鵝片/生腸墨魚🦑: 份量唔多都接受，但兩樣野食落都係無味😔。蝦醬炒通菜: 第一眼見到以為叫左上湯浸通菜，D菜水多到。。但又係無味既🤔。豉椒炒蜆: 有d蜆唔太好食，有豆豉有黃椒青椒同紅椒，但味道有d甜😣。蠔仔粥: 呢個比較正常，但d蠔麻麻地😔。…查看更多

收工男朋友話想食燒肉，但兩個人又叫唔得多野食，於是乎就打電話俾另外朋友兩公婆👫，睇下佢地有無興趣一齊食，咁岩佢地返左大埔，就叫佢地過去攞位先😬。去到見到仲有幾張枱，等左差唔多半個鐘⏱，終於都到我地喇👏🏼！我地叫左和牛盛🐮，牛舌👅，薄燒和牛，腹胸肉，牛肋肉，肩脊肉，紫菜飯，雜菇，粟米🌽，生菜拼盤🥗，鯛魚燒，啤酒🍺整體黎講d牛都好味👍🏼，每款幾件咁我地可以叫多d😝。相比牛，紫菜飯更為出色！好香，好好食😋，埋單時仲比左好多糖我地食添😬。因為今次係即興關係，所以等位等到好肚餓😅，如果早d約用apps攞位就💯😬！…查看更多

收工男友話帶我去深水埗食海膽飯，滿心歡喜落去，點知勁多人，要等廿幾張枱😥。。等左半個鐘左右見無乜進展，我地兩個又已經好肚餓，就決定唔得了😔。。咁岩隔離有間新開主打瀨粉既粉麵舖，見都幾多人，就入去幫襯試下喇！坐低睇menu，佢有d似雲X香米線咁，有d set好左餸既麵，有d就自己揀餸。貢丸墨魚丸牛丸米線🍜 $44: 貢丸正，好香！牛丸都好食😋！反而墨魚丸對比🆚個煎墨魚餅，粒丸無咁好食🤔。竹笙雞翼春卷瀨粉🍜 $50: 瀨粉比平時食既粗身，無咁易散。雞翼係即炸，好香脆👍🏼！春卷賣相有d似南X個d，但佢入面有d香料，幾特別，但未必每個人都接受到😓！竹笙同譚X個d無分別😂。香煎墨魚餅🦑 $28: 呢個推介💯！好香好彈牙🦷！諗住呢個最普通，點知係最出色，抵食👍🏼🤣！整體而言，雖然佢唔係必食名店，但大家如果想食粉麵，又唔想食譚X/雲貴X，可以去試下☺！…查看更多

今日難得家姐等埋我收工，梗係食埋飯傾下計先返屋企🤪，凍冰冰突然想起不如去少爺18食肉骨茶😋一向對呢間餐廳感覺唔差，擺設有特色我幾鐘意🥰，佢嘅熱茶係用荔枝葉沖，好香，餐前小食佢比左一碟炸魚皮我地我地兩個人叫左海蜇木耳，馬來西亞肉骨茶，海南雞飯，同兩杯飲品。肉骨茶好香藥材味，入面有好多香料，紅棗桂圓，有三條豬骨，佢煮得好焾，好好味，一d都唔韌👍🏻海南雞飯，d雞超級滑，皮下面有一層薄薄嘅油，配埋油飯，好味！另外兩杯飲品忘記叫咩名😅我嗰杯係有椰汁🥥蔗汁同仙草，我覺得有d怪，唔係咁喜歡🤫家姐呢杯反宜幾好，係薏米同仙草，好清新，好飲！…查看更多

今日入黎大埔食完飯，好似仲爭d野咁🤨，之前幾次行過見到呢間豆腐花舖都見到好多人排隊，就試下啦😋望完個牌之後就揀左熱嘅薑汁豆腐花，都係$8，即刻坐埋一邊試下先，加左d黃糖，仍然食到好清香嘅薑味，豆腐花好滑，豆味都幾濃，好滿足，喜歡中式甜品嘅我下次都會再黎試埋其他味😌…查看更多

又到左Happy Friday，適逢有同事生日，預早一日就book定位黎呢間徳國餐廳食lunchset lunch有幾款可以揀，已經包左湯果汁🍹同甜品，諗左一陣，都係揀左$118嘅西冷牛扒配南瓜薯仔先黎餐湯，佢打得好杰身，好香菜同薯仔味，旁邊嘅配菜都唔錯喎，仲有我喜歡嘅意大利瓜🥒主菜西冷牛扒，我要左五成熟，唔算厚不過賣相唔錯，試下味先，嗯🤔，佢的確係五成熟，不過有d韌喎，仲幾多筋，幾個同事都係差唔多，應該係牛扒本身嘅質素問題，食到一半牙較已經好軟😅不過味道ok嘅。果汁有蘋果汁🍎，橙汁🍊，菠蘿汁🍍同紅莓汁揀，我就叫左菠蘿汁，係預期中嘅味道，無乜特別。最後甜品係朱古力雪糕🍫🍦，呢個反宜幾好味啵好濃有少少苦，唔錯！整體黎講，環境都幾舒服，如果想唔太嘈可以傾下計嘅，呢度都算係唔錯嘅選擇☺️！…查看更多

響大圍呢個都頗多食肆既地方，如果想食串燒，我同朋友都只有揀黎168串燒！點解？雖然佢地舖仔細細，但相信有黎開既朋友都知佢地唔止服務好👍🏼，食物質素都唔差😋。今次我地叫左: 腩肉🐷，肥牛🐮，雞腎🐔，牛油粟米🌽，茄子🍆，墨魚咀🐙，芝士脆肉瓜🥒，雞翼🐥，豬頸肉🐷，蒜蓉雜菜🥗，啤酒🍻基本上我地每次叫黎叫去都係呢d，因為真係好好食😬。特別推介雞翼/雞腎/豬頸肉/粟米/茄子/芝士脆肉瓜！…查看更多

地點變，服務味道不變😓我諗唔需要點介紹，大家都知饑落亭就係禾輋陳根記。如果有食過陳根記既話，都知道佢地出名多人，做唔切，好多野都要客人自己親力親為😂。咁岩入黎大埔，屋企人又話想試下，就睇下有無唔同喇🤔！我地叫左四餸一湯+白飯！先講白飯，勁硬，生米未煮成熟飯😞。。粟米魚肚羹🍲: 魚肚雖多，但唔好食，全部人都覺得無味😣。。迷你羊腩煲🐐: 我唔食的🙊，但屋企人話幾入味，唔羶。個人反而覺得佢個份量幾好，好似一人火鍋既size，又平d又可以食多d其他野👍🏼。椒鹽九肚魚🐟: 完全🙅🏻‍♀，d魚痴實曬，又濕又散👎🏼。冬陰公煮蜆🥘: 又係無味，蜆不過不失😥。蝦醬通菜🥬: 呢個味道勁鹹！連好味精既男友都覺得好鹹😨。今餐既感覺係，除左裝修唔同之外，都係坐得咁迫同咁嘈。。味道同服務都係同禾輋一樣，唔係好岩自己口味，應該都唔會再有下次了😔。…查看更多

抵食套餐👍🏼放工收到電話📲，朋友兩公婆問有無興趣食上海野。原本諗住去荃灣廣場附近食，點知無開，就上網揾下附近邊度有🤔。見尚點d comment唔錯，就移師過黎試下喇😜！入到黎感覺幾舒服，D枱大張得黎，枱與枱之間又唔太迫，坐得幾舒服😌👍🏼！侍應介紹我地食套餐，開頭都以為佢係sale我地食貴野，但睇睇下發覺佢呢個餐都幾抵食，於是我地就揀呢個，有下面呢d野食😜:小籠包: 有四隻，皮唔太厚，肉多汁，好味😋紅油抄手: 我地三個人都覺得無乜味😞酸辣湯🍲: 份量都幾多，每人都差唔多有兩碗。味道唔錯，料都多👍🏼！上海粗炒: 呢個雖然份量細碟d，但因為個餐都多野食，所以我地覺得岩岩好😬！味道唔太鹹又唔太油👍🏼！回鍋肉🐷: 幾香！D菜軟硬適中，炒得岩岩好！😋葱爆牛肉🐮: 牛肉多過葱，但煮得有d韌😅。元貝賽螃蟹🦀: 呢味餸我好驚食落無味，但呢個ok，如果加多隻蛋🥚就💯。高力豆沙🥠: 呢個就唔乾身，皮唔太厚，味道又唔太甜，岩我😝。整體而言，呢個價錢 (套餐連茶介加一，都係$400多d) 都真係幾抵食，又坐得舒服，我收貨lu😌。…查看更多