饑落亭

地點變，服務味道不變😓

我諗唔需要點介紹，大家都知饑落亭就係禾輋陳根記。如果有食過陳根記既話，都知道佢地出名多人，做唔切，好多野都要客人自己親力親為😂。咁岩入黎大埔，屋企人又話想試下，就睇下有無唔同喇🤔！

我地叫左四餸一湯+白飯！先講白飯，勁硬，生米未煮成熟飯😞。。

粟米魚肚羹🍲: 魚肚雖多，但唔好食，全部人都覺得無味😣。。

粟米魚肚羹

迷你羊腩煲🐐: 我唔食的🙊，但屋企人話幾入味，唔羶。個人反而覺得佢個份量幾好，好似一人火鍋既size，又平d又可以食多d其他野👍🏼。

迷你羊腩煲

椒鹽九肚魚🐟: 完全🙅🏻‍♀，d魚痴實曬，又濕又散👎🏼。

椒鹽九肚魚

冬陰公煮蜆🥘: 又係無味，蜆不過不失😥。

冬蔭功煮蜆

蝦醬通菜🥬: 呢個味道勁鹹！連好味精既男友都覺得好鹹😨。

蝦醬通菜

今餐既感覺係，除左裝修唔同之外，都係坐得咁迫同咁嘈。。味道同服務都係同禾輋一樣，唔係好岩自己口味，應該都唔會再有下次了😔。