Shire1121's Profile

星期日下午4點幾食壽喜燒晚餐當天下午3點幾用openrice順利訂位。但無幾耐就收到inline短訊要求落訂金，唔落訂可能會取消預訂。因為我怕騙徒多於無位食飯，所以無理會短訊就照去了餐廳。到達時，店員解說要落訂才能以openrice預訂入坐，因此直接取消openrice訂位，改以walkin客身份入坐。店員安排了窗口卡位，好寬敞舒適，外望九龍公園海防道，對住滿街樟樹綠意盎然，心情胃口都好好👍晚市3款套餐，我地揀咗頂級京都牛鍋壽喜燒套餐。前菜燒牛肉卷很有驚喜。吞拿魚甜筒配答新穎。厚燒牛舌彈力十足，配答了柚子醬減去油膩感。關西風味牛鍋，厚切肉眼心，先以牛脂和白糖煎香表層，再配燒汁煎煮，上碟肉質柔軟，油花比例均勻👍👍。甜甜的配上蘭王和無菌蛋漿，順滑惹味。另一道菜，再以西冷薄牛肉片煮成牛丼，再加蘭王蛋黃伴飯👍。後再把牛肉舖在不同的蔬菜上，以水槍火灸再以壽喜燒汁略煮入味，一樣好好味👍甜品柚子雪芭，清新爽口解膩，可惜份量比較細😆最後，最值得欣賞，主菜由店員全程細心烹製👍，服務貼心友善，細心講解每道菜色，亦會不時問問我們口味，即時調較鹹甜濃淡口味。食完牛鍋，店員會問問我們要唔要稍為停一下，才再繼續上菜，不用太趕食太飽。這樣的服務，真的很貼心👍👍👍…Read More

隱藏在工廈一樓的餐廳。經樓梯直達，𣎴用耗時等𨋢。經網上訂位，可避免排隊或摸門釘招牌丼飯用料十足，醬料三選一，配菜二選一。總有一款配搭會啱你口味這次選了秘制漢堡汁配日式泡菜。可能不是煩忙時間，雖然要等，但不用等足20分鐘。一口芝士，推薦。…Read More

深水埗精緻小餐廳，店內裝修走活潑繽紛風格。食物無論主菜或是甜品，都係高水準，有樣有內涵，每款主菜既配搭都俾到驚喜，食材互相配搭得恰到好處。伴碟伴菜亦絕不馬虎，新鮮時令，種類豐富，西餐伴碟竟然有豆苗/芋頭。而擺盤亦很“打咭-able📸”，精緻可愛，絕對係食得又睇得甜品亦係一大推介。款款蛋糕都非常好食。除咗有經典口味，亦有驚喜配搭，選擇多。主菜份量細細碟，加埋蛋糕就剛剛😋。絕對係令人想一試再試既餐廳可惜餐廳坐位有限，如果食晏，記得打電話訂位😋。可能會遇見可愛貓咪…Read More

觀塘apm店裝修清雅簡約，約30坐位的精緻日式cafe, 主打日式抹茶，入門位置有店員即時“真•抹茶”，唔飲咖啡既另一好選擇其實呢間店，試咗好幾次，佢地抹茶latte，茶味濃而奶質香滑，搭配得宜，仲可以選加雪糕。 而焙茶latte的味道更立體突出，同樣可以加雪糕（但，未開放配搭抹茶雪糕😅）黑糖薑抹茶，少少甜的薑抹茶，冬天必選，飲完暖洋洋，仲有真材實料有薑的纖維，但店主竟然用紙杯/膠蓋/膠杯，唔環保🙄又打唔到卡🙄抹茶芝士蛋糕，多層口感，豐厚軟糯，芝士/抹茶味同樣濃郁，底層外圍仲有脆脆口感，非常滿足整體食物飲品，品質很好。但，點解♡堂食♡一杯凍飲/熱飲/新地，竟然用紙杯/膠蓋/膠杯🤔🤔好為難，掙扎要唔要帶走膠蓋，自己拎去廁所洗乾淨再回收…Read More

中式麵館位於灣仔星街，位置比較清靜，有點自成一角的味道。三蝦麵signature 👍一上枱就聞到好香既蝦味。蝦湯底味濃，贏晒。再配有蝦仁和蝦米仔，搭幼身麵，有一點點日式濃蝦拉麵感覺✨️牛肉麵湯底有點似台灣紅燒牛肉麵，肉味濃而質感嫰，不會塞牙，又易咬開👍，再加豆卜，麵條亦係幼身麵。蒜泥白肉白烚半肥瘦肉片，上面有大量醃菜，再配上大量拍青瓜襯底，醬汁好似有點蒜素鵝腐皮脆卜卜，多腐皮少配料，素鵝就係食腐皮，非常好👍。上枱時已加醋調味，冰冰涼涼啱夏日。加埋枱面樽辣油，都幾好食…Read More

餐廳地點好近佐敦地鐵站，方便。食晏時間好滿座，最好預訂。午市有set lunch, 今日揀咗牛扒和豬扒餐，餐湯南瓜忌廉湯好綿滑。牛扒7成熟，外層煎得香。豬扒搭配蘋果蓉，減去油膩。餐飲點了精緻的濃朱古力和一杯普通熱朱古力。✨️店員們細心有禮👍由於中午時間窗邊位置陽光照射充足，同時亦比較曬，店員留意到情況，主動offer另一張枱給我們。點餐用qr code落單，而店員亦好樂意幫忙直接落單，扺讚👍👍。但不知為何，openrice記錄無端被改成1位用饍。…Read More

餐廳會因應新鮮食材而調整餐牌，海鮮同埋一般家常菜式、蒸飯等共十幾款套餐，各色其式。客飯跟一碗白飯同埋一杯飲品，飲品亦有daily special可供選擇。今日叫咗椒鹽墨魚- 墨魚肉身偏薄而炸得酥脆香口，無油膩感。同時佢配上避風塘惹味金蒜，鑊氣十足👍👍另外亦叫咗一碟翠玉瓜雞柳 - 一上枱就飄來麵豉香氣，唔會炒得太乾身，有汁好送飯👍今日餐飲有冷/熱苿莉花茶/柚子蜜。堅尼地城後街小店，大概有廿幾個坐位，枱面很長，叫多幾樣餸菜都唔會覺得迫夾，坐得舒適。…Read More

restaurant week套餐，朋友食過大讚好味，所以黎試一試。套餐看似有好多選擇，但「揀飲擇食」既我其實唔雖要點揀，好快已有决定😂海鹽枝豆，食落淡淡鹽味配上豆香，仲要係暖暖地日本小青椒，燒完無乜青澀味，再喺面頭加木魚絲日式鱈魚乾，好似脆片咁，最啱送酒😂串燒雞三寶，有幾款可以選擇。雞肉串再加惹味既日式照燒汁，調味出色，未食完就已經想encore。雞軟骨燒得脆卜卜，雞翼有兩隻，簡單用鹽調味，燒得皮脆肉滑原隻燒虎蝦，肉質結實彈牙，再加上蝦殼燒過後既香味，早已經垂涎三尺迷你燒汁牛肉丼，細細碗飯上面鋪咗幾片薄肥牛再灑上芝麻，肉味香濃，芝麻亦有畫龍點睛既效果，兩啖食晒迷你明太子烏冬個餐無包甜品，但有一杯飲品，可以揀佢餐牌上既三款，或者主餐牌上既飲品（視乎選擇既飲品，可能須要加錢）以上似係tasting menu，平平地咩都有少少俾你試下味，所以份量都係點到即止。食唔飽，我地繼續點主餐牌既食物：三重奏，一份三個迷你小甜筒，分別載住海膽，明太籽同埋蟹肉，各有特色，同樣鮮美烤芝士年糕（一份一粒），外皮烤得香脆，用紫菜夾住，一啖咬落去就食到香滑濃郁既拉絲芝士，係推介櫻花蝦粟米餅，炸得香脆，櫻花蝦既咸香，再配粟米粒既清爽口感，成功減去了炸物既油膩感覺甜品鯛魚燒（紅豆）…Read More

好耐無食過榮式雞扒，水準仍然keep得住👍呢間舖真係燒雞扒專家，雞扒個皮燒得香，賣相仲相當吸引，雞油都標晒出黎。而雞肉仍然保留嫩滑，肉汁滿滿。再加上黑椒碎帶出一點點香辣，非常惹味👍👍午餐雞藕天成係燒雞扒配蓮藕肉餅。肉餅圓圓厚厚，有兩件，炸得香脆味濃，再加上一堆菜，辣菜脯同埋豉油，好好好送飯😋。另外叫咗個午餐雞扒拼滷水豆腐飯，招牌雞扒再配滷水豆腐四大件，豆腐好入味，一眨眼間，就食晒一大舊飯😆跟餐飲品好多選擇，有啲要加幾蚊。總括而然，喺灣仔市中心嚟計，係好抵食，又好味，又飽肚*假日午市唔算多人，店員友善…Read More

睇咗restaurant week 餐廳介紹同埋食評，說這間餐廳會有專人代為燒肉服務，最啱我呢啲想食燒肉但又唔識煮食/怕會燒燶食物既人，立即訂位。但世事豈能盡如人意，原來店員只會代為燒烤套餐內的兩樣食物，即係雞泡魚乾同埋扇貝...結果其他食物緊係自己燒到燶咗啦🥲🥲🥲下次食飯都係問清楚先好訂位😅套餐其實好豐富。前菜有薯仔辣沙律，店員細心介紹要拌勻醬料燒雞泡魚乾，煙煙韌韌，又惹味好送酒主菜係七款唔同既牛肉片，當中有四款係和牛。每款肉有兩小片，再加幾片厚切牛舌。咁多款肉用一個架上枱，擺得整齊美觀。但係...都話咗我地唔識燒啦，是旦燒唔知有咩次序，希望食法唔會浪費咗啲肉😅。結果係和牛比較多油香肉質較軟，美國牛比較肉味濃野菜盛合有粟米，青椒，翠肉瓜，菇，南瓜同埋茄子，都話咗唔識燒...燶咗...只可以講，粟米同埋翠玉瓜好甜店員會代燒扇貝，但蠔就要自己燒燒完晒啲食物就會上埋個湯泡飯，一開蓋驚喜見到兩片牛肉，好味套餐之外加點咗蘋果批伴芝士蛋糕，即叫即焗所以要等等呢間餐廳另有特色清酒放題，但都係啤酒啱我多啲*廁所要攞鎖匙出店外，算係乾淨企理**店員細心有禮***可惜我地揀呢間餐廳主要係因為食評介紹店員會幫手燒肉/蔬菜，但事實係只會代燒魚乾同埋扇貝，失望皆因自己訂位時無問清楚，信咗餐廳介紹資料…Read More

午市套餐包餐湯，主菜（6款選擇）同埋飲品。另有6款burger sets。是日餐湯係紅蘿蔔湯，打得綿滑，唔會一粒粒。鮮蝦菠菜忌廉汁扁意粉，蝦仁肉質彈牙結實，菠菜仲係好嫩，忌廉汁味道濃郁，上碟時已均勻包裹住所有麵條同埋配料燒雞芒果沙律，材料新鮮，雞肉輕輕燒過，肉嫩唔會太乾身，芒果屬濕熱食物，食少少醒胃，就健康又有益。餐湯竟然可以揀咸檸碧/懷舊雜果賓治👍另外點了的的式式既珍寶蟹餅，一份三件，賣相精緻。蟹餅炸得酥脆，一啖咬開，內裡全部蟹肉，存在感十足。面頭再加少少沙律菜，減輕咗炸物既油膩感👍（希望墊底的黑醋再俾多啲啲😉）*消費滿$60有一個印花，儲滿十個印花可換$60cash coupon，都幾抵👍**餐廳開喺工廈，好多人幫襯，食晏最好訂位***午餐餐牌會定期轉換😆保持新鮮感…Read More

經常都會去觀塘呢間西班牙餐廳，食物好味，裝修舒適，店員又好nice👍必食佢tapas set （分別有a/b/c類小食，每類各選一款，一set共三款。好多選擇）蛋黃醬薯仔粒，焗薯仔粒軟硬適中，醬汁香辣惹味，非常開胃松露芝士火腿三文治，麵包焗得脆身，芝士和松露醬搭配香濃，再加上充滿咸香滋味既西班牙火腿👍好食到停唔到口西班牙餐廳當然要食佢地火腿併盤，油香滿嘴。以前會標明30/36/48months火腿，可惜如今沒有了...片片都好似差唔多😅主菜叫咗豬仔骨，約有6-7條骨，肉厚而嫩，一切就離骨👍，調味偏重香料，似似地孜然味，蘸上橙汁可消膩這間餐廳有好多唔同既sangria,一向喜歡甜甜的dancing sangria...可惜今日無晒紅酒，改飲aqua de valencia，橙汁加vodka/gin/cava，好重酒味又帶點澀*這間tapas好好味，有時會就咁叫6款tapas，二人晚餐都夠飽**佢tapas餐牌設計有點微妙，餸菜名同編號之間既間距，好易令客人落錯單。最好都係同店員講菜名，唔好就咁噏個編號😉***之前食過海鮮飯，味道香濃，飯粒軟硬適中又唔會乾…Read More

黃埔呢間noc去過好多次，空間感充足，裝修舒服光猛，單邊望海，好近紅磡碼頭，交通方便。健康雞bowl有好多配料，用新鮮車厘茄，香甜南瓜粒，七味粉溏心蛋，軟滑牛油果，清爽無花果，再配上燒雞肉，排列整齊，加上一大堆沙律菜墊底，面頭再灑上黑白芝麻，色彩豐富吸引，用料新鮮，大大一盤，有營養又好味。仲送一碟兩片乾麵包，包你飽。另外仲有牛肉bowl，但燒雞bowl比較香同吸引。朋友order 齋all day breakfast， 同樣大堆頭，包括香煎薯餅，穀物乳酪，香甜小南瓜，惹味啡菇， 炒滑蛋，軟滑牛油果，清爽無花果，新鮮露筍同埋沙律菜，色彩一樣豐富又好味。飲品點咗dirty，fizzpresso，手沖咖啡同埋冷泡茶。*餐廳無實體餐牌，要用qr code落單，店員亦唔會俾杯水你**假日如果唔想排隊，就要早少少食brunch（10：30am前），晏咗好多人要排好長龍（佢無得攞飛等位/訂位）。…Read More

肚餓走咗去中環8碼頭樓上既社企cafe 8食午餐/下午茶。眼見店員都係外籍人士，室內環境舒適，半圓形大玻璃窗甚有特色。室內點餐可以用枱面QR code，但網絡訊號接收比較差，可以行兩步去櫃位點餐。另外，室外餐區可以見到摩天輪，靚景值千金，點餐同埋攞食物就要行返入室內嘞。vegetable curry pie 咖喱批，份量的式，全部蔬菜無肉，咖喱香味突出而唔辣。跟沙律菜。朋友怕我食齋唔夠飽😆😆，叫多個lasagna牛肉千層麵同我開心分享。都係細細一碟，好似細個玩煮飯仔咁。千層麵間佈滿肉醬，味道香濃，配上頂層焗成半熔既芝士，上枱時仲滋滋聲響，滋味十足，估唔到咁好味。跟沙律菜。plant based smoothie 菠菜菠蘿椰漿沙冰，聽落怪怪的，飲落又幾好味幾有特色，經典virgin pina colada 口味之中，椰漿既綿滑配上菠蘿既香甜，仲有一點點甘甘的味道，加上菠菜既清新粉綠色，一大杯smoothie無揀錯👍。朋友仲點咗薯仔魚肉批跟沙律菜， 和下午茶餐（有大大件strawberry cheesecake 加一杯jasmine green tea）👍*由於食物份量偏向的式，一份正餐真係唔夠飽😉…Read More

中午喺大埔要揾食，通常都會去大埔街市熟食中心3小姐銓仔記。大埔街市地面果層有好多海鮮檔，揀啱想食乜，喺海鮮檔俾錢後，海鮮材料可以帶去樓上熟食檔加錢加工。海鮮交俾3小姐銓仔記，伙記跟據你既海鮮去作出烹調方式介紹同埋報價。今次買到琵琶蝦，以上湯煮再配炸米粉餅墊底，剛剛熟，上湯可以突出琵琶蝦既鮮味，肉質彈牙而入味，米粉餅吸飽海鮮汁精華🤤蒜蓉粉絲扇貝，蒸煮時間恰到好處，再淋上豉油熟油，吸飽鮮味既粉絲先係主角豉油皇大蝦，size 比較大，伙記主動建議大蝦背脊割開，增加入味。鑊氣十足，離遠未上枱就聞到豉油熱炒既咸香味道👍油鹽水煮蜆， 一大窩，好香中芹味道，再配粉絲👍小炒叫了香荽墨魚餅，炸得甘脆香口，好多芫荽，以强勁芫荽味去減輕煎炸食物既油膩感再加多碟椒鹽鮮魷，炸漿酥脆唔饞口，但肉身比較單薄琵琶蝦/蜆/扇貝/大蝦“加功費”，另加兩碟小菜，幾罐汽水，大約六百（海鮮材料另計），食到好飽大滿足*熟食中心廁所經常都好乾淨清潔，又多格數👍**熟食檔黎講，環境算係好企理乾淨…Read More