J_asmine's Profile

其實就唔係唔好食，但係真係畀人吹大咗。＊鯛魚濃湯粉絲好明顯啲魚就係水煮魚、酸菜魚嗰啲魚，同我認知嘅鯛魚係完全唔同嘅嘢。咁我就當你講緊「鯛魚濃湯」係一樣嘢，即係啲湯有鯛魚啦，但又唔係喎。我諗唯一中嘅就係個「濃」字，就好似一個忌廉湯底咁，但係冇魚味嘅。所以我睇唔到呢碗嘢同鯛魚嘅關係，就好似粟米斑塊同斑無關一樣。認真問，算唔算唔符合商品說明條例？味道嚟講，唔差嘅，有少少好似酸菜咁吊下味，但就同想像中完全唔一樣，因為真係無任何魚味。份量都可以，成10嚿魚都有，叫做符合返$50嘅價值。食完好口渴，起敏感，完全反映到佢嘅味精有幾重手。簡單講，勸大家可以唔使試：）…Read More

標榜「尋覓99分海南雞飯」，好明顯佢未尋覓到🫠 因為突然想食海南雞飯，所以就去咗好就腳嘅又一城。無服務其實就預咗㗎啦，但係落單個QR code又真係load極都load唔到，唯有請人幫手落單，個侍應居然喺手上無其他嘢做緊嘅情況下，隔住一張枱都唔行過嚟，要知道今時今日戴住個口罩加上咁嘅距離，其實真係要嗌先會聽得到🙄食物好快就送上，幾乎係三分鐘內嘅事，想食快飯嘅話係好事嚟嘅。望落去好似還可以？食幾嚿又再望真啲先⋯哈囉雞毛～ 當場想嘔返出嚟🤢其實清乾淨啲雞毛好難咩？呢個狀態連好幾年無食過嘅M✖️都不如。不過咁，佢雞肉係真滑嘅，抵唔抵消到啲雞毛呢？（我就唔得喇）最後食剩半碟左右⋯話明海南雞飯，個飯當然都好緊要。食落油香味都唔錯嘅，又食多幾啖再睇真啲⋯佢無呃我啊，油飯真係好～多油㗎🙂 多到聚咗一層油喺底𠻹～ 食到呢度，當然就收晒手啦。仲有杯無影嘅凍拉茶，叫咗少甜都甜到剩係可以飲面嗰浸，又係剩係大半杯。唯一隊晒嘅係碗正正常常嘅湯。總結：「我尋覓咗個2️⃣9️⃣分嘅海南雞飯」…Read More

閒日試吓新餐廳！Lunch menu幾抵食，$60-$100咗右，仲有大概6-8個選擇。（無影餐牌就唔記得晒🥴）先講餐湯，侍應介紹係辣蕃茄湯。咁我哋其實就唔怕食辣，個湯亦都只係微辣，仲好refreshing添！但係通常剩係得一款嘅餐湯好少會做呢類特別口味，因為小朋友實唔啱食。更有趣嘅係，我哋食食下，隔離檯坐低，個餐湯就變咗椰菜花湯，仲有麵包跟。咁我就好疑惑其實係咪應該有包嘅🤨 but anyway!跟住到我嘅蟹肉意大利飯，椰子味嘅意大利飯配搭好新鮮，又意外地好食，唔會好似平日好重cream嗰啲咁膩，入面仲有好多一粒粒嘅椰子。嗱，之但係咁，啲椰子係堅·硬嘅🗿！細細粒嗰啲都還好，食落脆口，但係有啲大粒少少嘅真係好硬。小朋友或者老人家唔小心我真心驚會崩牙。同埋，好多蟹肉菜色都會出現嘅問題——有少量蟹殼🦀。如果可以更小心就更好喇！仲有個雞扒椰汁飯，係見到隔離檯嗰碟好似好好食而叫嘅😆 啲飯好散，有啲凍⋯⋯ 雞扒好香，肉滑但皮韌，好神奇。總括嚟講，我覺得食物調味係唔錯，但係execution 需要再細緻啲。另外，我諗因為都仲係開業初期，好多嘢都好混亂。例如嗰個我唔知有冇嘅餐包，例如食雞扒唔畀刀，例如我兩杯熱飲都無畀糖，又例如隔離檯不停漏單。希望各方面會有改進，唔好浪費咗可以做出好味道呢個咁大嘅優點🤗…Read More

聽講呢間牛肉麵好出名，本身以為會好多人，但係閒日下午一點正正lunch hour都好多空位，大概只係三成入座率。麵體軟硬適中，但係就無乜彈性。牛肉同牛筋都燜得幾好，夠軟腍亦入味。不過，最大敗筆係個湯！係好濃，但係好鹹，所以除咗鹹之外其實食唔到其他味。好需要靠酸菜吊味，之但係佢嘅酸菜亦都係鹹！不過，始終都好過就咁食嘅。總之一路食一路要不停飲水😕 可以一提嘅係，侍應服務都好快手，keep住加水，唔駛我四圍搵人。…Read More

Friday night 想搵個價錢合理嘅地方慢慢食、慢慢坐，其實都唔係咁易。Belgos 喺銅鑼灣利園附近，晚上人流本身較少，但係餐廳都相當熱鬧，氣氛好好。青口有彈性，夠juicy！最怕食嗰啲又硬又乾身嘅青口🤭 白酒汁濃郁，忌廉略多但都未至於膩，點麵包同薯條都好正🤟🏻餐廳檯上面本身放咗幾款醬料，當中包括Mayonnaise 蛋黃醬（美乃滋）同黃芥末。之前去荷蘭旅行時食過蛋黃醬薯條超好食，聽講其實係源自比利時嘅，正好可以喺到回味下！中間食咗幾樣嘢，但係比較一般，印象唔深。伏🙂 標榜係糅合crepe 同waffle特色製成嘅甜品。上檯時已經凍咗，乾、硬、韌齊晒。另外，侍應嘅服務其實係幾好，但係人手似乎唔夠，所以好難搵到人幫手，所以不能期望有好好嘅服務。…Read More

話說以前都嚟過the right place 食lunch，高質得嚟價錢又合理，當然吸引到人返轉頭。今日再去，居然係堂食飯盒，一個個叮叮膠盒紙盒直送上枱。叫咗一個雞髀意粉，上面仲有隻supposed半熟但明顯overcooked嘅煎蛋，連跟嘅sauce都係用即棄膠兜仔裝。意粉一嚿嚿乾爭爭，亦都完全無任何調味。雞髀就中規中矩，尚算有彈性。Fish burger賣相還可以，但入面嘅菜同蕃茄都頗唔新鮮，淋謝謝；塊芝士真係似超市買，要搣開塊膠紙嗰啲；薯條亦係欠缺調味。其實事先都知佢哋喺疫情下成個menu都唔同晒，focus 做take away，只係無諗過堂食都仲要對住啲外賣盒。價錢係平咗，但寧願佢加價維持質素。服務就不提了，完全唔同晒。希望疫情後，佢以前嘅質素會再番嚟喇。…Read More

是日試搭南港島綫，早就聽說黃竹坑附近很多好吃好hea的地方，所以就下車閒逛一下。這家店跟時下很多cafe有點相像，但特別在於很多手寫的餐牌，感覺文青又居家。一直都很喜歡像無印良品那種「三餸飯」，這裡的更raw更有家的感覺。點了胡麻菠菜、可樂餅、蒟蒻胡麻豆腐、薑汁黃金豆腐和洋蔥湯，雖然每一樣都很好吃，原汁原味，但亮點絕對是胡麻菠菜和薑汁豆腐！芝麻醬汁可以吃到小小的芝麻顆粒，有種果仁沙沙的口感，帶一點點鹹味，味道絕對不是平常吃那些現成品。而薑汁黃金豆腐就是炸過的豆腐加上醬汁和新鮮的蔥絲和少許芝麻，本人平常完全不吃薑，但這道菜裡面吃到的只有薑的香味，沒有辣味，刷新了我對薑的印象。洋蔥湯不像平常喝的油膩，料超足，感覺像是多吃了一個洋蔥小菜。作為一個不是吃素的人，吃完一整個套餐，完全沒有覺得有任何失落感；反而覺得選擇很多，味道純樸，我幻想著日本太太們應該會做這樣的料理吧…Read More

咚咚咚～點了一杯芝士莓莓(沒拍照(._.))，一杯桂花烏龍。人很多，等了大概15分鐘吧！但是店員人很nice，除了在點餐時仔細講解不同飲品的分別，取餐時又介紹飲法，讚！芝士莓莓如同很多人向我推薦一樣，芝士鹹香，莓味香甜，果肉打得很小塊，用幼飲管已經可以吸起，但又可以咬到一粒粒的果肉。不過果汁部分很快就分成上下兩層，有點水稀稀的，但整體來說還是很好喝，不會太甜但味道濃郁！話說，跟朋友兩個嘗了之後有兩個感想：一）嗯⋯有點像阿波羅乳酪雪糕⋯二）假如士多啤梨乳酪加少許鹽⋯不知道會不會也很像呢⋯嗯⋯⋯⋯⋯桂花烏龍茶味很醇，口感滑順，本身就夠好喝！同樣加上芝士奶蓋，微妙的配搭，但出奇的好喝～ 不過這杯沒有用飲管喝，喝了頭幾口以後就喝不到芝士了，然後喝到最後就只能喝到芝士，有點遺憾⋯ 溫馨提示：還是要用飲管啦～ 個人比較推薦茶飲！…Read More

來了好幾次，都是週六日；週日還是比較舒服，周圍的人車都比較少。這次去他們把其中一個門口改成半開放式的座位，感覺更chill，不過就要繞過街角才能入座囉。連餐牌都不用看就知道自己又要點burrito bowl，真的是吃過一次就愛上了Sour cream, guacamole, 芝士，小番茄，紅洋蔥，玉米，紅腰豆，迷你薯餅，還有最當眼的雞肉。之前幾次吃的雞肉都非·常·嫩！可是這天吃的坦白講，很柴；所幸是本人連柴柴的雞肉都很愛吃，可是水準真是沒有保持到，有點失望。還好小薯餅很脆，除了被淋上sour cream and guacamole 的部分，其他吃到最後還是脆脆的。建議sour cream和guacamole可以放在一旁，不讓食物沾到，因為玉米和紅腰豆慢慢淹沒在過多的醬裡面吃不到，很可惜啊⋯另外分享，紅磡分店做的好像比較好吃，但環境是觀塘分店更悠閒放鬆，吃完更可以去海濱公園走走～…Read More

話說，好多人介紹過呢間章魚燒，係人都知佢入面有原隻小章魚🐙，但無乜人介紹呢個超～～～～～多蔥嘅口味，等我嚟挑戰下！章魚燒本身都好食，唔易爛，可以完整咁篤到成粒上嚟食，但重點係喺啲蔥到！因為單睇粒章魚燒真係未及我喺太古城間心中摯愛。鍾意食蔥嘅人應該都明，無論幾鍾意食都好，蔥食得多係會反胃嘅，但係我想講，呢個配搭令我一粒不剩咁食晒所有蔥。首先，每一粒蔥都係立體、3D、空心嘅，唔係扁晒果啲；而且綠油油一片，完全無蔥白。味道上平衡返晒本身就比較漏嘅章魚燒同醬汁，一個人啪晒六粒真係不是夢。現真身…Read More

6餸車仔麵+細豆漿 盛惠$42首先，車仔麵無梘水味係最～重要嘅！是日嘅粗麵都無令我失望 (yay)餸料以喜愛程度排序💛：豬紅好好食😋，唔會一夾就散，而且十分入味。豬皮無毛，亦一樣入味，而且夠爽口，唔係薄zit zit 軟lai lai果種。陳皮魚旦真係有陳皮味😂 好有以前嘅味道。豬腩肉都夠爽口，但係厚切好有罪惡感🙈牛柏葉很正常，而醬汁魷魚就略嫌淡味，不太食到有醬嘅味道。雖然距離地鐵站不太近，但味道夠好，環境乾淨，一定再有下次！🙋🏻…Read More

只係想新年過後食下意粉類西式野，諗住到到都差不多，試下呢間裝修似乎ok嘅野。 睇餐牌，叫野食，叫左「煙三文魚蟹肉意粉」加「蘋果汁」，被告知杯蘋果汁要加錢。吓？咁你個menu果句「有甜品有果汁飲」即係咩？唔通我中文咁差？侍應姐姐表示今日餐飲係美式咖啡，咁即係我唔飲咖啡就點都要加錢飲其他野啦(¬_¬) fine 我照叫。兜意粉相就無影喇，但一條仔蟹肉都無見過，紅色蟹柳皮就有幾塊。我諗蟹肉同蟹柳、crab meat同crab stick (skin)我都應該仲識分。味道中規中矩，只係名不符實，欺騙我感情；講真，知佢係蟹柳我唔會叫囉。 杯要加錢嘅蘋果汁就幾好飲嘅，話晒都新鮮搾。一句講晒，無下次，成件事完全同商品說明不符。…Read More

不得不說每次在這裡打完躉，食完飯都覺得大滿足，性價比超高。不過店面很小，想久坐就有啲難度啦。食過撈檬都有印象有一大堆生菜乜乜乜墊底，檬粉其實得好少。傲月的撈檬粉用碟上，份量比平日食到的多一倍。雞翼即叫即炸，雖然要等較長時間，但新鮮滾熱辣，兼且調味鹹鮮。在廚房外的一排抽屜裝滿各式各樣的香料，充分在菜色中反映出來。而魚露跟平日的口味亦有不同，除了酸甜外，堅係有鹹鹹的魚露味。$42的雞翼撈檬有4隻雞翼，仲有野飲，我真係未喺其他地方食過…Read More

Gnocchi 真的不易找，尤其是平價的選擇更少之又少。一直覺得Bene Italian的食品比同價位餐廳要好得多，各種特色pasta更是每次必點。餐牌轉了，加入新口味，如今次吃了的杏仁Gnocchi（全名應該係超長嘅^_^;）作為素食之選之一，完全無素食light 嘅感覺。濃厚的芝士味配搭本身飽腹感頗高的gnocchi，在不斷提醒你：「食幾粒好啦！」但香脆的杏仁片為口感單一而且有點偏稔的gnocchi注入一點rehreshment，慢慢又食多幾粒。但事實上，無論幾想食都好，真係食唔到多過1/3碟架⋯建議多人share方可點的一個pasta，否則預左打包。Btw，餐廳越裡面越嘈，2個人撐檯腳可以skip。…Read More

是日11時多，於朋友約在弼街行人天橋。等了一會，朋友買完香香雞和花枝丸馬上和我會合。豈料一分鐘的路程，令炸雞完全變凍（如果你覺得有可能的話），花枝丸就還好。但由於我們在趕時間，就不回去要求更換了。事後與朋友聊天，發現原來根本沒有看見雞和花枝丸落油鑊，而是直接從玻璃窗後夾落黎撈粉入袋。雞的炸皮已完全變韌，粉亦撈唔勻，too bad。我不介意預先炸定，但你起碼都要翻炸下嘛？奉勸大家，想吃新鮮熱辣的，都係行多兩步出旺角。…Read More