sy.eateverything's Profile

好少食外賣拉麵，但太耐無食，今次真係忍唔住，主要被佢大大塊既肉吸引左🥰。嗌左一碗拉麵同男朋友兩份食，可以試多啲唔同食物😛。店內裝修好日本🇯🇵，好似置身於日本嘅拉麵店咁樣，可一解相思之苦😭。不過我只係外賣，所以望左兩眼就走了，堂食可能更開心！特選拉麵 $135配料：叉燒1.5倍 炙叉燒 蔥 味荀(我唔食，所以走左）味付雞蛋湯底 - 我揀左豚骨濃湯，唔錯，幾杰身，食落有少少似沾麵。麵質都唔錯，我特登嗌左硬麵，返到去浸一浸湯就岩岩好😙。紫菜2枚 - 餐廳用保鮮紙包住紫菜，食既時候先浸落湯😍。店員已經盡能力包好架啦，不過我買外賣個日落雨，所以拎到返去已經唔係好脆😅。蔥 - 超多蔥！真係可以做到啖啖都係蔥。唔知係唔係碗碗都咁多蔥呢，對於我依啲愛蔥之人黎講，真係好開心😳。味付雞蛋 - 好入味。咬開佢一半，就見到隻蛋係流心架！開心～開心🥳！炙叉燒 叉燒1.5倍 - 見到個menu時好好奇，點解有炙叉燒又有叉燒1.5倍，到底有咩分別🤔。炙叉燒係燒過既叉燒，好香炭爐燒味，成條無切開😇。另外個啲叉燒係平時我地食開個啲，薄切，可能為左同炙叉燒有個對比。兩樣比較，我地鍾意炙叉燒，始終平時好少食到啲肉有炭香味😎。埋單 $135（無加一）…Read More

依家晚市冇堂食，又想幫屋企人慶祝生日，唯有外賣隻海南雞返屋企🤟🏻。我哋三個人食，就嗌左個B餐，依個餐包括有自選一款雞（全隻），再另加兩款小食。份量非常之多，三個人完全食唔晒以上嘅餸，仲留咗每樣半份第二日食😂。主食—無骨海南雞嗌嘅時候我冇特別細心去睇原來佢係冇骨，食落去連少少碎骨都冇，處理得非常之好😇。老人家同小朋友食都好放心。雞肉好滑好滑，就算連雞胸位置，姐係平時預咗鞋口嘅位置都滑😗。原隻雞下邊竟然仲有啲青瓜絲，唔使特別再嗌菜都可以，咁又一餐😎！小食—我哋揀咗麻油海蜇同泰式鳳爪，因為老人家有份食，所以就冇嗌到雞腎。下次我都想試下個雞腎，好似好正咁😍。麻油海蜇條條都好粗好長，食落去好爽口。聽講海蜇都唔平，估唔到一盒會咁大份😌。泰式鳳爪都幾辣下，可能因為我唔食得辣啦，不過好過癮，唯有一路食一路扒飯。鳳爪無骨，成餐飯都唔洗吞骨😝。我見佢仲做緊優惠，買多啲，就送雞。人多去幫襯就最抵👍🏻。埋單$268…Read More

💛💛💛Little Vegas💛💛💛間餐廳係朋友book嘅，我上到去先發現原來我好多年前已經食過，一如既往咁多食物選擇😍。超級多打卡影相位，不過座位唔多，所以記得book位🤪。一份Set Lunch有餐湯+主菜+飲品蒜香白酒蜆意粉 $96鍾意食蒜嘅人一定要嗌，成個意粉充滿住蒜香，就好似平時去食嗰啲撈冷麵咁重，啲蒜好似唔洗錢既咁樣😙。如果啲蜆可以大粒啲就好啦，不過勝在其他配菜都好食，有多意粉之餘仲有菇同洋蔥😍。香草烤焗鱸魚配日式芝麻醬 $118對得住個價錢，條魚好厚肉✨。烤既時間啱啱好，外皮脆，裏面嫩滑，魚汁仲喺度😛。除左魚大塊之外，配菜都好多，又薯角又沙律💚。早知就問下可唔可以轉薯蓉，因為我地小食拼盤都有薯角😂。迷你隨機小食拼盤 $58有炸魚手指、雞翼、洋蔥圈薯條、大量薯角😂。我估全部都係新鮮炸，因為熱辣辣，上枱嘅時候都要等一陣先可以食。我哋貪得意想點千島醬黎食，店員都肯比我地😗。榛子朱古力（跟餐唔使加錢）榛子味好香，朱古力都好濃，就算啲冰融咗少少都仲好好飲😌。骰仔朱古力（跟餐唔使加錢）好好奇個骰仔係乜嘢，所以就嗌黎試下。原來嗰啲骰仔係咖啡啫喱😛。始終朱古力都一定甜甜地，有啲少少苦味嘅咖啡中和返，更好飲😉。兩者配合得好好。埋單$299（包加一）…Read More

唔係行街行過，都唔知尖沙咀有個food court。枱與枱都有啲距離，加上唔係好多人，靜靜地唔洗周圍等位，坐得幾舒服。燒菠蘿（一份兩串） $25我以為一份兩串意思係兩舊，估唔到咁抵食有成四舊😌。菠蘿好甜，燒完都好多汁，略略燒過個表面脆脆地，再加上少少香料😚。一邊食啲辣野，一邊食甜菠蘿，正。汁燒魷魚鬚（原隻） $98好好食，雖然價錢係最貴既，不過都係最值得叫。啲魷魚鬚燒到岩岩好，唔會乾到咬唔開，又唔會未熟，勁彈牙🤪。個醬汁辣架，佢簡直係泰式辣醬既加強版！大家唔好點咁多，佢辣過青咖哩😂。魷魚鬚本身都有少少味，就咁食唔點個醬都Okay😛。肉碎生菜包（配蒜蓉包） $68辣啊辣啊！利申我唔食得辣，對我黎講真係有啲辣，好滋味😂。依個配搭好搞笑，因為平時食既肉碎生菜包都只係跟生菜，唔會有蒜蓉包😗。生菜好新鮮，食落去索索聲，無任何菜既苦澀味。啲肉碎有少少濕，有改善空間，我比較鍾意乾身既肉碎。青咖哩雞肉飯 $65我地就係因為有蒜蓉包，所以叫左個青咖哩。正宗泰國菜就係——辣，好彩都重椰香味，算係中和一下😎。不論飯量定青咖哩都好大份，我地兩個人都食唔晒咁多野，個青咖哩裡面仲有好多菜，多啲人share就岩晒啦😍。埋單$256（無加一）…Read More

又同同事跨區搵好嘢食，雖然坐係室內，但餐廳打開晒啲窗，可以望到出面藍天白雲，感覺好舒服，好寫意😍。經典之堡 Classic Moo $118牛肉好Juicy😛。除左牛肉，仲有例牌嗰啲配料，即係芝士、蕃茄、生菜等等。可能因為影相時間比較耐，所以食落個包凍左少少😂。建議食物上枱時，大家即刻食呀。細心位餐廳會提供手套，同埋切開個漢堡包，咁樣同朋友分黎食就更方便🤔。漁夫之堡 Fisherman $118好耐冇食過咁大塊魚柳啦，魚柳完全冇雪藏味道👍🏻。多數都係用沙律醬或他他醬配魚柳，可能我見識少，所以我覺得餐廳用芥末醬好新奇。辣辣地令人食指大動😎。黑松露沙律醬薯條 Truffle Mayo Fries $45超級大份，大份到我一度懷疑食完之後會喉嚨痛😂。但係真係好好食，個醬好出色，餐廳絕對冇慳住慳住咁，一黎就比好大碟醬我地點😛。檸檬水 Lemonade $42清新！飲完之後好似可以解油膩感，解熱氣。埋單$355（包加一）…Read More

💛💛💛熾工房💛💛💛山長水遠入到長洲，一定要食呢一間餐廳，原因係我哋上次去到想食嘅時候摸門釘😭。我哋嗌左兩個餐，以Tea Time黎講，一男一女食都算飽😚。環境唔錯，無加一所以自己執枱。招牌蘑菇飯套餐 $54- 一份大蘑菇飯- 四件單骨滋味雞翼- 汽水飯量好多，最緊要係蘑菇都好多😚。蘑菇汁好香好濃，用黎撈飯一流！四件單骨雞翼有啲瘦，好就好在炸得好香口好好食😛。兩個餐價錢一樣，我會揀食蘑菇飯餐，飽啲抵啲😆。蒜香檸檬燒雞套餐 $54- 兩件蒜香檸檬燒雞- 一杯粟米- 汽水男朋友懶係健康咁食粟米，我見隔離枱啲炸薯條好靚，好想食😭！好彩啲粟米都好食，就當食炸雞既同時食啲健康啲既野😂。燒雞唔錯，不過相比起單骨雞翼，單骨雞翼好食啲。原因係雞塊有少少少少鞋。埋單$108（無加一）…Read More

💛💛💛Mr Maki💛💛💛想食好耐，今日Lunch專程搭叮叮過去買外賣😚。座位唔太多，得8個，不過我眼見好多人都係買外賣，所以唔洗等位😛。三文魚兩味 $78諗咗好耐到底食吞拿魚定三文魚，最後因為三文魚個樣吸引啲，所以揀左佢😚。大大碗，份量好夠，有食唔晒咁多飯😂。仲有好多配料，例如：三文魚、椰菜絲、粟米、枝豆、牛油果等等。我覺得唔洗加餐都飽，抵食之選😛。麻麻地軟殼蟹 $62雖然佢叫麻麻地，但係一啲都唔係麻麻地，我估佢係麻辣咁解，食落唔係好辣架咋😂。每一舊卷都有軟殼蟹，同飯嘅份量好平均，做得卷物當然有青瓜啊蟹子啊個啲，令到個卷物好fresh，就算軟殼蟹係炸既，都唔覺得好油膩😆。叉燒濃湯拉麵 $28由於淨食卷物未必夠飽，所以就加咗$28要一碗叉燒濃湯拉麵。麵正正常常，主要係個叉燒加咗分，出乎意料個幾好食😆。跟餐加配 炸蕃薯條＆日式沙律 $25本身好糾結到底要嗌炸蕃薯條定先生炸雞，兩樣都好吸引。最後揀咗炸蕃薯條，因為唔係度度地方都有得食🤯。絕對冇令我失望，炸得好香口，外脆內軟，裡面就好似平時喺街邊食嗰啲煨番薯咁樣，好棉好軟滑好好食😍。我喺公司食個陣，唔夠幾分鐘就俾啲同事搶晒黎食。橙味梳打 提子味梳打其中一個加餐既原因係有日本梳打😍。埋單$193（無加一）…Read More

💛💛💛泓一拉麵💛💛💛排隊排到世界末日都要食😭。座位真係好少，得8個位左右，環境逼逼地，反而我地好鍾意，好有日本屋台feel🇯🇵。如果排隊時間短啲會開心啲😮‍💨。雞白湯拉麵 $88真係好正，個湯好似用奶打成既泡泡咁，好濃好滑，不過無可否認有少少鹹，食得拉麵都預左啦🤔。麵既粗幼度有得揀，我地揀左幼麵，佢雖然唔係沾麵，但掛湯掛到傻😂。叉燒得兩大塊薄薄地既，雞肉唔係好嫩，有啲可惜。溏心蛋正，原來好既溏水蛋係會入左味😍。海老沾麵 $98我地兩個為左試唔同既野，所以叫左碗海老沾麵。麵款我地揀左粗麵，又係因為為左揀啲唔同既野😂。粗麵有咬口，重麥味，我地都好鍾意🥰。海老湯好濃好濃，蝦味！海鮮味！不過我地都係鍾意雞白湯多啲🤔。埋單$186（無加一）…Read More

大角咀愈來愈多野食，成條街都係餐廳😍。我地幫襯因為係外面睇入去好乾淨，唔會煙霧彌漫。係旺角/元朗食過串燒既一定見識過啲充滿油煙既串燒店😂。我地只係黎Happy Hour，所以唔算食左好多野。價錢唔錯，主要係啲食材靚，特別係牛舌芯😚。唐揚雞 $32一碟三舊，外脆內嫩，雞肉肉質好多汁😚。一定係新鮮炸，而唔係翻炸既，因為只有一層粉漿👍🏻。比目魚扒 $98入口即溶，啲魚肉一梳梳咁，肉質好滑，雪白無瑕🤍。連塊魚肉都燒得超級好食，無骨，成舊都食得☺️。牛舌芯 $48驚為天人牛舌芯，我地食完一串之後，即刻加多一串😆。兩個人搶住黎食，個價錢好抵，份量又唔細，肉質好嫩，好正😌。雞皮 $23男朋友一見到就話唔係交貨既雞皮，應該真係舖頭自己整既😆。真係比平時出面食開既大串啲，厚皮啲，抵食啲😂。翠玉瓜 $23有啲啲燶🥺，好彩裡面好多汁。翠玉瓜新鮮，好爽脆😍。烤和牛上肩柳+稻亭烏冬 $118話就話Happy hour，但點都要有啲澱粉質落肚😂。上肩柳有啲咬口，唔韌，肉味都唔錯。不過我地都係鍾意食牛舌芯多啲😌。個烏冬有少少搞笑，似上海麵多過烏冬，不過佢又真係做到稻亭烏冬既煙韌口感🤔。雜果賓治 $35靚！味道正正常常，好大杯，好抵飲😍。埋單$468（包加一）…Read More

又係大角咀個條食街😛，之前無食過，見有牛肉麵食就試下😌。手拍小黃瓜 $25作為前菜，佢都幾好重蒜，正！我最鍾意😍。$25比咁大碟我地，兩個人share先食得晒。眷村紅燒牛肉麵 $65牛肉好綿好軟好正，咬落去唔會痴牙。牛肉厚度適中，份量都係多😂。麵質幾好，幾煙韌。要讚一讚個湯，清清地，唔鹹👍🏻。台式三杯雞便當 $62依到既三杯雞唔係好辣，反而啲配菜仲辣，好彩我都仲食到😂。好大份，餸多，配料多，飯多，乜都多😆。凍珍珠茉莉奶綠 $24啲珍珠好食！奶綠正正常常，建議大家嗌少冰，當啲冰融左之後有少少淡🤔。埋單$194（包加一）…Read More

💛💛💛Urban Cafe💛💛💛對上一次黎都差唔多一年前，今次又係行完街要搵地方食晚飯。貓貓勁得意，我好好彩比其中一隻揀中左，比我抱左15分鐘😛。店員服務態度同之前一樣咁好，快手得黎又好Nice😌。挪威煙三文魚牛油果柑橘田園野菜沙律 $88每次食西餐都要食沙律😛！煙三文魚大大塊。牛油果新鮮，又多粒。沙律菜唔錯，條條都好新鮮，最緊要係無火箭菜😂。唔係好覺有柑橘味，對我黎講係好事，因為我唔鍾意🤔。濃厚芝士肉醬千層麵 $118好食，表面唔會好乾！充滿住鮮茄同茄汁😂。芝士份量多，做到拉絲既效果，不過算唔算濃厚就見人見智啦。我覺得芝士既份量同普通既肉醬千層麵差唔多😌。勝在個醬汁同個麵都無令我失望。玫瑰蘋果醋梳打 $42我地叫左少甜，甜度就真係岩岩好啦😛。玫瑰味都幾出，但又唔會有浸精油味，唔錯！清清地好開胃😆。特濃鮮奶朱古力 $51真係好濃！啲冰融咁啲都唔會影響到杯朱古力🍫。不過唔記得叫少甜，所以對我黎講有啲甜，飲得多有少少濟😂。芝士蛋糕配雪糕 $48芝士味重，好正！希望個餅底可以厚啲🍰。雪山心太軟配雪糕 $58今次同上次一樣，個心太軟唔係好流心，好彩味道唔錯😌。配埋雪糕更好食，食晒主菜，食個心太軟收尾都唔錯。埋單$446（無加一）…Read More

又係同同事去上環搵食既日子。環境好舒服，見到少少海，有少少陽光，好想係到坐一日😂。飲品食物都好正，絕對無令人失望☺️。我地叫左兩個Set Lunch，一份主菜加$30，就跟埋湯/沙律/包同特飲。價錢好抵，主要因為佢跟埋既特飲平時都要成30蚊杯，變相就好似好抵咁😆。E. 慢煮雞胸茄汁意粉 $98同事叫既，我偷食左片雞，真係哇左一聲出黎😍。從來無食過啲雞胸係咁嫩滑，好誇張，滑到好似唔肥既雞髀😂。醬汁唔太鹹，有埋幾舊鮮茄，清清地唔錯！意粉軟硬適中。成碟都好好食，絕對食得晒😙。F. 帶子蘑菇忌廉意粉 $128帶子好嫩，嫩到係岩岩煮熟，烹調時間控制得好好👍🏻。佢話就話係磨菇，其實係大啡菇先岩，粒菇既橫切面好似隻手指咁厚😂。忌廉好香好濃，不過有啲鹹，可能因為我食得淡味啦。我成碟食晒，可想而知有幾好食😍。特飲先精彩，一來好抵，二來真係好好飲，可能因為November其實賣開台式飲品，有返咁上下底子😂。士多啤梨奶奶 - Smoothie上面仲有啲士多啤梨乾，加晒分（影相靚😂）。賣相吸引就緊架啦，飲落都咁好飲🍓。好重 真 士多啤梨味，一定有用鮮士多啤梨，清清地，唔係糖水味😚。黑糖珍珠鮮奶 - 黑糖珍珠好食，如果有多啲就好啦😛。整體有少少淡，可能因為始終都係鮮奶底，而唔係茶底。下次叫少冰可能好啲🤔。埋單$286（無加一）…Read More

💛💛💛 BTS美味站 💛💛💛💛💛💛小曼谷泰國美食站💛💛💛九龍城搵間泰菜唔難，要搵間好食既黃泰菜就選擇唔多啦。今次好好彩，搵到間好食既👍🏻。燒雞髀菇 $17 - 有少少乾身，好彩唔係燒到燶左既味道😂。燒雞軟骨 $17 - 好食，外面燒得乾身（讚），咬落去油香出晒黎😛。燒翠肉瓜 $17 - 同樣都係菜，但比燒雞髀菇好，至少唔會好乾😂。一串三塊，都幾厚身👍🏻。燒豬肉丸 $20 - 燒得好，抵食！食落個感覺好似食緊嗰啲船河🤪，係夜市啲麵既肉丸啊😍。泰皇咖哩炒大蜆 $138我哋揀黃咖喱唔太辣，椰汁味好重。下次我地可能會揀啲辣啲嘅咖喱😛。份量超級大份，兩個人share絕對食唔晒。大蜆數量多，最終我哋每人都食咗成十幾隻😂。啲蜆大唔大隻就因人而異啦，我寧願佢比大隻少少既蜆，但數量少啲🤔。泰式原味烤酥餅 $32好！鬆！化！同咖哩絕對係絕配！就咁睇相都睇到佢係拱形，啲酥皮裡面有好多空氣，整得好☺️。泰式干炒豬肉河 $77每次食泰國嘢都一定要食依個餸，炒得乾身，食落一啲都唔油，好食啵😍。麵質有少少煙韌😆。肉同蛋既份量都唔少，調味唔錯唔太鹹。價錢正常，同其他泰國舖差唔多。芒果沙冰 $36飲到真芒果味，唔太甜，我幾鍾意佢無落好多糖水。不過相對椰青就比下塊少少，椰青更清😏。椰青 $37一開始見到有啲灰灰哋色嘅嘢係沙冰上面，就覺得勁奇怪啦。原！來！係我誤會左，係鮮椰子肉🤤。好飲唔會太甜，好解渴。對得住個價錢，有得食下椰子肉都唔錯🥰。埋單$430（包加一）…Read More

💛💛💛齋啡💛💛💛利申：我唔係素食者我被Jer poster同埋啲木系裝修吸引左😂。作為肉食愛好者，平時菜都唔會食多條，對我來講係一個新體驗，食完之後竟然覺得純素又唔錯喎☺️。純素三文魚吞拿魚牛油果沙律碗 $125啲菜好新鮮，成個沙律碗最出色就係啲菜😛。牛油果好似唔洗錢咁，好大份！我一路食一路忙緊整其他野，食既時候冇刻意去諗係咪素食。男朋友突然問我：「咦！你估吓啲三文魚係用乜嘢做嘅？🤔」我個下先發覺原來我唔係食緊真三文魚，我唔係話個味道似😂，而係佢嘅外觀、顏色、紋路等等似三文魚。植物牛肉蕃茄及火箭菜薄餅（薄批12吋）$138之前食過植物豬肉，覺得唔錯。今次植物牛肉味道更好，可能因為薄餅調味重，令到我以為真係食緊一啲肉粒🤪。各方面同平時食開嘅薄餅好似，不論味道、外觀、口感等等。我對眼呃左我個口啊😂。Flat White $28（跟餐價）上面提到既食物唔錯，但係因為呢度係提倡素食，連牛奶都唔用😧！我有少少唔慣，因為相對平時飲開嘅咖啡個分別都幾大，係一個好嘅嘗試😛。Avocado Smoothie $30（跟餐價）牛油果味好重，好清，好草青味，如果唔習慣草青味，就唔好嗌啦😂。另外依間餐廳Sell無添加，所以糖水都無乜落，真係好清，加返少少糖會更好味🤔。抹茶蕨餅及紅豆 $45蕨餅非常之煙韌，咬落去有少少回彈，加埋啲紅豆同抹茶粉一齊食，正😍！全部都係絕配。檸檬蛋糕 $48好食到痴咗線，好鍾意佢外面既糖霜有少少結到硬左，相反裏面既蛋糕濕濕地好綿😚。蛋糕有檸檬味，如果味道可以酸啲更好，埋單$414（無加一）…Read More

同同事有野傾，就搵間坐得舒服啲既餐廳。環境唔錯，食物都有幾多款🤔。Set Lunch有沙律、前菜、麵豉湯、主食、兩款小食🤪。沙律好新鮮，食落去索索聲。麵豉湯有少少淡。前菜係一啲漬物，坦白講真係唔知咩嚟😂。唐揚炸雞滑蛋親子丼 $148外面嘅炸漿有少少厚，但裏面嘅雞肉好滑好多汁好Juice，令我完全忘記咗炸漿既事😂。個飯有啲燒汁，甜甜地好開胃。啲飯係珍珠米，真係唔同啲😚。燒西班牙黑毛豬梅肉爽 $168黑毛豬唔錯，食落去唔硬😏。不過因為我食咗炸雞先，所以黑毛豬有少少比下去，好彩調味唔錯！個烏冬係稻庭烏冬，呢個都係賣點之一😍。小食：雞軟骨串燒+車厘茄鴨胸串燒兩樣都燒得乾身啊😳，入口既時候唔會成口油！特別係雞軟骨，好味道，無揀錯😍！小食：日式炸豆腐+有機翠玉瓜炸豆腐有少少似唔臭嘅臭豆腐，細細粒外脆內軟😂。燒翠玉瓜唔錯，如果厚啲就更加好食。燒得都唔錯架啦，乾身得黎裏面仲有汁😛。埋單$316（無加一）…Read More