Video
Read full review
2021-12-22
299 views
大角咀愈來愈多野食，成條街都係餐廳😍。我地幫襯因為係外面睇入去好乾淨，唔會煙霧彌漫。係旺角/元朗食過串燒既一定見識過啲充滿油煙既串燒店😂。我地只係黎Happy Hour，所以唔算食左好多野。價錢唔錯，主要係啲食材靚，特別係牛舌芯😚。唐揚雞 $32一碟三舊，外脆內嫩，雞肉肉質好多汁😚。一定係新鮮炸，而唔係翻炸既，因為只有一層粉漿👍🏻。比目魚扒 $98入口即溶，啲魚肉一梳梳咁，肉質好滑，雪白無瑕🤍。連塊魚肉都燒得超級好食，無骨，成舊都食得☺️。牛舌芯 $48驚為天人牛舌芯，我地食完一串之後，即刻加多一串😆。兩個人搶住黎食，個價錢好抵，份量又唔細，肉質好嫩，好正😌。雞皮 $23男朋友一見到就話唔係交貨既雞皮，應該真係舖頭自己整既😆。真係比平時出面食開既大串啲，厚皮啲，抵食啲😂。翠玉瓜 $23有啲啲燶🥺，好彩裡面好多汁。翠玉瓜新鮮，好爽脆😍。烤和牛上肩柳+稻亭烏冬 $118話就話Happy hour，但點都要有啲澱粉質落肚😂。上肩柳有啲咬口，唔韌，肉味都唔錯。不過我地都係鍾意食牛舌芯多啲😌。個烏冬有少少搞笑，似上海麵多過烏冬，不過佢又真係做到稻亭烏冬既煙韌口感🤔。雜果賓治 $35靚！味道正正常常
唐揚雞 $32
一碟三舊，外脆內嫩，雞肉肉質好多汁😚。一定係新鮮炸，而唔係翻炸既，因為只有一層粉漿👍🏻。
比目魚扒 $98
入口即溶，啲魚肉一梳梳咁，肉質好滑，雪白無瑕🤍。連塊魚肉都燒得超級好食，無骨，成舊都食得☺️。
牛舌芯 $48
驚為天人牛舌芯，我地食完一串之後，即刻加多一串😆。兩個人搶住黎食，個價錢好抵，份量又唔細，肉質好嫩，好正😌。
雞皮 $23
男朋友一見到就話唔係交貨既雞皮，應該真係舖頭自己整既😆。真係比平時出面食開既大串啲，厚皮啲，抵食啲😂。
翠玉瓜 $23
有啲啲燶🥺，好彩裡面好多汁。翠玉瓜新鮮，好爽脆😍。
烤和牛上肩柳+稻亭烏冬 $118
話就話Happy hour，但點都要有啲澱粉質落肚😂。上肩柳有啲咬口，唔韌，肉味都唔錯。不過我地都係鍾意食牛舌芯多啲😌。個烏冬有少少搞笑，似上海麵多過烏冬，不過佢又真係做到稻亭烏冬既煙韌口感🤔。
雜果賓治 $35
靚！味道正正常常，好大杯，好抵飲😍。
埋單$468（包加一）
Post
