SweeTweety's Profile

好誇張！成年冇出去打過邊邊食放題！簡直係違反人類生態嘅作為！我急唔住啦，今次拉埋隻佬陪我食番夠本！今次都係選擇最愛既任食和牛海鮮火鍋&刺身放題，食足3小時，夠哂皮🥰呢個餐超正，每人日本和牛一客，任食澳洲M5和牛和美國牛肩胛，大大滿足大胃牛魔王🤣！個火鍋仲可任食海蝦，帆立貝，廣島蠔等9款海鮮，又包新鮮帶子，赤蝦，劍魚腩等12款刺身，真係唔知可以係邊度搵咁 all-in-one！自助區仲有50多款火鍋配料無限追加真係食到好忙😅😅。覺得超方便既係用電話scan QR code 落單，保持社交距離之餘又有效律，食得開心啲又放心啲。我哋都嗌左即叫即燒既大蝦，燒日本番薯，燒菠蘿等等。😋😋出面自助區仲有源源不絕供應的天婦羅炸物啦，手握壽司啦，甜品沙律啦，啤酒汽水啦，清酒任飲任食。唔怕唔夠食，最驚個胃唔夠位食🤣，不過為左happy ending，最後食杯雪糕係指定動作。 重點讚位係佢既日本和牛，澳洲M5和牛和美國牛肩胛都非常一流，梅酒同埋甜品都幾好食。 今次消左滯之後都一定會再幫襯。 🥰🤣👍🏻🎉…Read More

對上一次去台灣已經係兩年前嘅事，真係好回味當地美的。放工去搵食，來到Hysan 11樓美食廣場，竟然俾我搵到正野食，百芳池上便當。🥰便當🍱款式多，有飯有麵，台式小食，飲品不少得珍珠奶茶，黑糖鮮奶，原味鮮豆乳等等，種類繁多到眼花撩亂。紅燒湯麵🍜拼炸豬排🥩，最失賞佢既炸豬排金香可口，超份量！配合軟滑既湯麵🍜香濃湯底，超讚。慢滷豬手便當，骨膠原滿滿，豬手非常有口感，配搭每種伴菜，獨特的台灣飯粒粒有咬口，很有台灣風味。點了小食台灣夜市香灣，這個小吃是我既必食至愛，一食傾心。 近年愛上台式飲品，呢杯原味鮮豆乳很清新可口（右），不過如果試左黑糖鮮奶後才飲豆乳就會變得淡味，始終黑糖很甜耶。不過真心兩杯都好好飲。好希望香港能保持美食天堂的美譽，我愛香港。…Read More

自從疫情以來，放棄咗去飲茶成年，現在疫情有所改善，防疫措施稍作放寛，真的忍不住要去飲下茶，食下點心！ 點心種類算多算齊，以放題來計，每款點心份量合理，可以食多幾款不同點心，不錯。每人仲送半隻燒乳鴿，上枱時熱辣辣，脆香口。最愛的叉燒包，永遠是最好食的點心。鯪魚球，新鮮可口，彈牙富口感。超新鮮嫩口的菜心，好好味。燒賣亦是必食的點心，很有質素。最後當然要食下甜點，左邊是奶皇薯棗，外邊是煎堆仔，裡面是香滑奶皇，很讚的甜點。右邊是杞子圓肉桂花糕，清新可口。自肋放題小食種類繁多，任食唔嬲！ 90分鐘$78任點任食點心放題，如此高的性價比，值得幫襯。…Read More

窩在家中叫火鍋😋😋！疫情依然持續，但冇阻我哋食好西嘅決心，火鍋都可以外賣，仲要係優質超水準，海鮮多元化超正超新鮮，火鍋料样样都好吸引，加埋麻辣湯底，一流！無論堂食或外賣，店員服務態度非常好👍🏻！大讚！繼續支持！六點未夠施施然來到火鍋店取外賣，香港人效率甚高，外賣準備就緒，包得非常妥當代取。來到的時候開始有客人入座。回到家輕鬆的將火鍋食材放在枱上，是否很豐富呢？睇見都好吸引，完全唔需要自己費心是，好正！海鮮盛盤，豐富到嘩嘩聲，扇貝，大海蝦，生蠔，鮑魚，魚片樣樣齊，好新鮮。最愛嘅午餐肉很厚很香口，仲有小籠包，鮮蝦雲吞，魚皮餃，肉丸。最愛嘅炸魚皮卜卜脆，仲有響鈴。點少得粟米，新鮮生菜娃娃菜同金菇呢。對唔會食唔肥，好味稻庭烏冬兩包齊全既醬料包一定夠食用，蔥花香蒜辣椒豉油樣樣齊。邊寫都流晒口水，希望下次再食過。嘢飲都包埋，$208一位免加一，真心覺得性價比超高，在家慢慢嘆，食完又方便收拾休息。…Read More

被好朋友邀請去食晚飯，當然一口答應，皆因他是識食之人，跟著他一定唔會好錯。先來一杯台式黑糖珍珠鮮奶，未飲已被它美美的賣相吸引，一口渴下，嘩大大粒彈牙黑糖珍珠和新鮮香滑的鮮奶入口，正到不能用言詞來形容！川香麻辣牛肉麵，重點是那個麻得很香的麻辣湯底很野味，牛肉超‘林’身味道香濃，刀削麵很有咬口，讚。金牌紅燒牛三寶麵，這裡以牛做食材的食物做得很出色，下次可以再anchor。冰烤番薯，很清甜，冰涼得來又很可口，幾特別！黑橋牌香腸，之前去台灣特登去買黑橋牌豬肉乾，現在喺餐廳食到佢嘅豬肉腸，回味無窮。 餐廳雖小五藏佢全，裝修佈置優雅，梳化枱坐得很舒服。食了一餐很開心的晚飯。…Read More

放工真的累透了，想出去食晚餐輕鬆一下，遊走銅鑼灣找到過家餐廳食下西餐，很有驚喜。先來兩杯特色飲品：碟豆花白桃梳打（左），清新香甜，賣相出色。芝士奶蓋芒果紅茶（右），芝士奶非常厚實香滑，芒果紅茶很清甜好飲！是日餐湯，Carrot soup! 很香濃新鮮感！牛油果卡邦尼意粉，很喜歡過個意粉，軟硬適中口感一流。加入超新鮮大太陽蛋味道加倍！最愛就是很有份量的牛油果，大大片鋪滿碟，肉既味道剛好，個意粉汁做得百分百creamy，滿分！巴馬火腿火箭菜薄餅，厚薄餅底任選獨愛薄餅底是也！個薄餅很好食，火腿加上新鮮火箭菜每口都鬆脆可口！抬頭看見這幾幅很有意思的藝術字體，真的感覺強烈，在現今的社會，現今的世代，我們要繼續堅持落去！…Read More

地道的爉味煲仔飯是冬天的恩物，通常都是去比較平民的檔口食，環境可想像不太好今次有點特別，佳因這餐廳提供出色爉味煲仔飯之餘，它的環境絕對是elegant優雅和舒適，店內裝潢設計時尚，服務也非常貼心。香菇滑雞煲仔飯，即叫即煲，火喉十足，店員悉心幫手攪拌好飯餸，送上甜生抽是油和香蔥粒自由調味，很是細心。加少蔥花令整個飯更香口清新。精華就是這塊飯焦，很香很脆口好味。時令油菜，菜芯非常新鮮，條條幼嫩，大讚。椒鹽排骨，用適量的炸香蒜酥炸已成，野味非常。餐具很別致，很高級的感覺，氣氛十分適三五成群聚會暢談。下次會來食下臘腸！…Read More

身為本地人幫襯茶餐廳是常識吧，從小到大食遍香港大大小小，位於香港，九龍，新界，離島既茶餐廳，呢間可說是極具代表性的表表者。友人點了海鮮鐵板套餐，從未想過份量如此大，像告訴香港人們，大家累了餓了，請盡情地補充體力，好好充電休息一下。香濃羅宋湯味道十足，材料豐富。配合熱辣辣的黑椒汁就最匹配，海鮮非常肥美可口，有吉列魚柳，青口，魷魚，蝦等等，非常讚。我就點了這個奄列蛋吉列魚柳，配合龍蝦汁簡直是經典之作，魚柳大得嚇人，香脆可口。芝士焗西蘭花，芝士夠口感不會太濃味，西蘭花很新鮮，出街食飯也要平衡飲食。新品大大粒紅豆凍奶茶，茶味香滑濃厚，紅豆大粒超香甜！牆上的打氣畫讓人舒懷。您看這不就是香港人嗎？齊心協力互相幫助打氣，不屈不撓的精神是也。…Read More

重遊以前上班的地區特別令人勾起很多回憶和點點滴滴，還記得希望面試成功很大原因是因為這超正的黃金地段，怎知在這家公司工作一年左右就搬了寫字樓，吹脹！Black Jack Flat Iron Steak ($238)友善的店員極力推介五成熟，不要被鮮紅色的牛肉肉色嚇親，鮮嫩香濃到不能言喻，自家制定醬汁非常匹配，加上厚厚的香桃片，非常醒胃！USDA Prime 360 days grains fed flat iron ($268) 三成熟真的不會有錯，做質更香濃多汁，入口留香良久，輕點盤上的粗鹽，把鮮牛味更帶上另一個層次！加$48 可品嘗番茄忌廉湯和新鮮可口的蟹肉沙律，平衡一下肥味的牛扒餐，如若欖油少許一點就更見健康。番茄忌廉湯，很濃厚香滑，不錯不錯，但細食的朋友就可能好快飽，哈哈。Dirty lemonade ($45)利用grilled fresh lemon加入rosemary syrup 和lightly sparkling 而成，感覺夠玩味又好飲，睇得又解渴可口，大讚！另外這家餐廳一大特色就是All you can eat FRIES! 愛吃薯條的朋友就一定開心到笑，我也K.O. 了一大碟，確實好味！餐廳環境時尚，裝修設計簡潔，坐得悠閒舒適。門口很有外國風格，I like it!…Read More

間中都會好想食日本菜，今晚放工又來幫襯呢間位於西九四小龍商場既日本餐廳，非常方便。來個吉列豬扒飯丼先。包括香脆可口既吉列豬扒，熱辣辣好好味！椰菜絲很新鮮爽口，日本珍珠飯絕對唔會令人失望。還有麵豉湯，前菜，沙律和蒸蛋。非常豐富抵食嘅日本丼！他選擇了魚生丼，份量也不少，包括大蝦刺身，三文魚，赤貝，蟹子和八瓜魚！很有份量呢！如果蒸蛋可以後上就更加好了，因為通常食到最後才輪到蒸蛋，這樣的話會熱辣辣更好味！氣水是經典玻璃樽上，飲得特別有感覺，夠氣夠解渴！鋪頭裝修好吸引，令人感覺像走進日本本地品嘗地道美食，氣氛好不錯呢。座位很闊落，坐得舒服，空間感強！…Read More

旺角一直都是香港的超級閙市之一，近日更是籠罩着不安的氣氛，香港人要懂為自己沖電加油，這裡絕對是一個不錯的選擇。店內全是年輕人，店員和食客都很年輕，增添了很多活力，四周有說有笑，以優閑咖啡茶座設計，坐又舒服，很加分。蘑菇忌廉湯，香滑質感好。我最愛的大烤菇芝士牛肉漢堡配薯條（118餐）淨賣相也令人目定口呆，個burger 大得嚇人，要研究下怎樣食法才行。大蘑菇真材實料夠香夠juicy! 最後要用最高貴的食法，用刀叉食最得，真係好好味，滿足到飛起。整個burger由鬆軟麵包配合超新鮮蕃茄，頂級牛肉漢堡加芝士和大蘑菇炮製而成，配菜沙律和薯條也很真材實料！難怪很多枱食客也點這個！惹菌黑松露忌廉意大利燴飯（$82餐）不用多說黑松露永遠山發着一種迷人的美味，令人難忘，用來製作意大利飯更是絕配。入口香濃，意大利粉粒粒夠煙韌，唯獨是食完一碟會飽到上心口，不妨可以和餐友分享分享。青蘋果綠茶（$48）果然是coffee house，飲品超大杯，不愁吹水吹到口渴不夠飲！老實說飲品質素很高，友人鐘意飲到K.O.了整杯，下次我也要點這杯！女仔愛養身，這杯水蜜桃果粒茶說一流（$48）味道香甜很多豐富水果味，加入蜜糖，回味無窮。食材包括：水蜜桃，菠蘿，洋甘菊，太陽花瓣，香桃木）不經意見到隔離枱的男士也飲這飲品，果然識貨。另外有個藍莓果粒茶已經售罄，希望下次可以飲到這個。…Read More

親愛的話要食下上海野，來到這間位於尖沙咀新開的上海餐廳，門面裝修設計都很有上海風情，牆壁上的畫很美很細緻，相當有詩意。花雕醉香雞（$68）雞香肉質柔嫩，酒味滲入雞肉每口都很醉人，配合數粒杞子很甜絲絲。干偏四季豆（$62）炒得夠火候，肉粒夠野味，條條四季豆也很夠味又新鮮，不錯。小籠包（$42/4粒）即蒸小籠包很出色，皮薄豬肉又香口，熱辣辣一流。金銀小鏝頭（$42）一碟6件鏝頭，3件蒸3件炸，和有千秋！蒸鏝頭夠鬆軟香滑，炸鏝頭夠皮脆香口！坐得很舒服，和親愛的邊品嘗美食邊唱談是一樂也。…Read More

近半年都好唔開心，當食到美食便已經是讓自己輕鬆愉快一點的安慰。來到這家開業半年的日本料理餐廳，店舖雖小，五臟俱全，裝潢設計也很日本風格，令人感到很舒服。點了一個二人前晚餐（$548），非常豐富美味。刺身四點三文魚，赤身，油甘魚，甜蝦入口即溶，媲美日本築地的高質素！壽司六本三文魚腩，劍魚腩，八瓜魚新鮮又香滑，有感這是否出於日本師傅之神手？正！三文魚明太子露荀炒飯，很香很野味，但始終胃的位置有限，我想3人份再加小食也足夠。雜錦天婦羅特別愛這道菜色，外脆內熱又夠鮮味。海鮮麵豉湯大大隻蜆肉，新鮮夠口感又暖胃。銀雪魚西京燒，又香又滑，每口都很滿足回味。最後甜品是這個紅豆糕，大大粒紅豆甜入心，白色的感覺似年糕好有咬口，勁鐘意！…Read More

特色辣蟹蟹粥底火鍋🍲只需$198一位，不收茶介，食足2.5小時，食物超水準，環境座位非常舒適，店員又親切友善，真心覺得很讚，不用大花金錢也可食得豪爽唱快。自選5款海鮮點了飽魚，蝦，油貝，花甲，大尾魷，每款都很鮮很甜，大大的肉蟹很肥大美味。樣樣肥美鮮味，很豐富的海鮮盛！另外自由選了8款食材，包括美國肥牛，黃金墨丸燒，魚皮餃，午餐肉，炸魚片頭，炸魚皮，鮮甜白魚強，勝瓜。每款都真材實料，食到好滿足。另外單點了油麥菜，新鮮爽甜！醬料任加，蒜蓉香濃美味到不得了，配合新鮮蔥粒，辣椒粒，沙嗲醬，😋😋魚皮餃皮皮薄餡靚，丸類午餐肉很有口感，好味。魷魚鮮味到飛起，正正正！蟹肉更加不用多說，簡直邊食邊讚抵食！食品$15罐，抵啦！尾聲已好飽，仲有壓軸嘅粥底，加入南瓜粒，竽頭粒煲至綿身上碗，眼見話食到好飽既朋友密密食粥都食了兩碗半，勁話好好味，好重海鮮味，簡直是精彩！最後還有餐廳自家製的海帶綠豆沙，為整頓晚餐劃上超完滿結局。…Read More

去日本都未正式食過熱石牛排，估不到係香港開齋食先，今次好有驚喜，原來熱石牛扒係咁正既，下次去日本一定要朝聖一下。西冷牛扒200g $130上枱已經好震撼，塊扒又肥又大，上面放了幾塊金黃色的香蒜片，睇到口水流。三種醬汁無限添，香蒜配牛扒是絕配。一刀切開牛肉鮮紅唔洗驚，因為超熱石可讓食客自行決定牛肉既熟度，令您有滿足的控制權。牛肩排180g $80唔好睇輕呢款相對平宜既牛肩排，味道同樣出色。慢慢品嚐唔怕石既熱度減退，反而要小心辣親，哈哈。麵豉湯無限飲，好暖胃。海鹽黑胡椒任你調味。日本珍珠飯任添唔嬲，好好味。無限任食既日式沙律菜真係超醒胃，又健康，K.O.兩大碗無難度。地方乾淨整潔，服務員熱情細心，又有禮貌。六款牛扒任揀，價格真心抵食，下次必再幫親。採用日本自助售票機，迎合年輕一代，causal 得來夠平易近人，又多一間好選擇。…Read More