poyy的個人專頁

星期六約咗好友去香港大學站附近食晏，好友要求食泰國菜，就揀咗呢間「泰誇張」，超近地鐵站，好方便。我哋兩個人點咗幾款菜式：椰汁雞湯、椒鹽軟殼蟹、南瓜咖哩海鮮炒飯、茄子肉碎魷魚沙律、沙嗲豬肉串燒椰汁雞湯：好鍾意呢碗椰汁雞湯，比傳統嘅冬蔭功湯更易入口，多一分椰汁嘅清甜，勁足料，雞肉、菇類，越飲越上癮椒鹽軟殼蟹：青椒紅椒紫洋蔥椒鹽炒軟殼蟹，一上枱已經超香，估唔到軟殼蟹加咗少少蜜糖去炒，甜甜辣辣咁，更加多層次，怕辣嘅朋友絕對可以試下南瓜咖哩海鮮炒飯：我從來都無食過咖哩汁配南瓜，味道上好夾，絕對適合BB辣嘅朋友仔:)沙嗲豬肉串燒：豬肉厚薄均勻，如果再燒燶點，更啱口味，不過點沙嗲汁，都夠晒惹味茄子肉碎魷魚沙律：好友喜歡茄子，特吃點咗呢份茄子沙律，辣椒落得好重手，我淺嘗咗幾口餐廳裝修係泰國風，內裡牆身綠色，加上特色地磚，好似置身於泰國當地咁…查看更多

早兩晚，住在將軍澳的朋友約咗我去佢屋企樓下嘅法國餐廳食晚飯，望住海景，特別放鬆心情，餐廳裝修很有心思，幾別緻。我哋叫咗：西班牙海鮮飯、歌劇蛋糕西班牙海鮮飯：職員預先講咗西班牙海鮮飯需要多點時間預備，我們不餓，所以沒所謂，等了大概25分鐘左右，西班牙海鮮飯送到枱上，賣相好吸引，而且好香，有好多海鮮，包括兩隻大蝦、十幾隻青口、蜆、魷魚等。 海鮮飯嘅汁超多，口感好濕潤，加上咁多海鮮，好滿足。歌劇蛋糕：我揀咗Opera 配朱古力雪糕，濃濃嘅朱古力味，但唔會超甜，有層次，加埋雪糕一齊食，簡直雙重享受。藍莓及士多啤梨更加酸酸甜甜，同蛋糕好夾，食完都唔會覺得好膩😊見到枱上有宣傳星期三有「每位$298任食牛扒」無限增加薯條或沙律，啱晒鍾意食牛扒嘅朋友仔。…查看更多

放假嘅節奏就係要搵間cafe 同好友享受一個中午，今次好友帶我嚟大角咀搵好嘢食，嚟到呢間位於大同新村嘅「享Cafe」。餐廳面積不大，可同時容納12位食客。餐桌擺設都係木製，感覺舒適。我哋叫咗：慢煮挪威三文魚配蕎麥麵，慢煮安格斯牛柳飯，凍可可拿鐵，龍珠茶慢煮挪威三文魚配蕎麥麵：三文魚用慢煮方式烹調，肉汁同油份都鎖住了，油香滿溢。加上隨餐奉上嘅芝麻醬青瓜、明太子玉子，非爽清爽，可中和三文魚嘅少許油膩感。蕎麥麵都係輕盈之選，適合追求健康嘅人士。慢煮安格斯牛柳飯：好友只吃全熟嘅牛肉，所以特別備註了「牛肉全熟」，雖然呢件牛柳係全熟，但係煮得唔奀，而且仍然好有肉味，好友好欣賞。可可拿鐵：不會令人失望嘅水準龍珠茶：好友形容係心曠神怡嘅茉莉菊花茶…查看更多

趁住星期六放假，約朋友去葵廣行下，朋友推介佢公司附近呢間cafe, 我第一次嚟都覺得真係值得推介。首先set lunch 意粉平均$65左右，包飲品，而且意粉有好多選擇，西式、東南亞、韓式、泰式都有，真係好啱我呢個意粉控。我哋點咗：泰式蝦醬魷魚忌廉汁意粉（九月份新口味）、香辣蒜片蜆肉意粉、iced mocha、柚子蜜梳打泰式蝦醬魷魚忌廉汁意粉：蝦醬超香，加埋濃濃嘅忌廉汁，完全係我想要嘅味道，意粉比較幼身，但超掛汁，仲加入咗少量蒜片及紅蘿蔔薄片，多款嘅菇菌，令整體味道更多層次，超喜歡香辣蒜片蜆肉意粉：朋友讚呢碟意粉蒜香辣味平衡好好，意粉彈牙，車厘茄新鮮iced mocha：朱古力味同咖啡平衡得好，咖啡無搶到朱古力嘅味道，推介…查看更多

同好友慶祝生日，揀咗銅鑼灣韓國餐廳，貪其地點方便，價錢合理太肚餓嘅關係，我哋點咗好多菜式：⁠炸青陽辣椒釀豬肉、元祖蒜頭辣燉雞鍋 配泡菜炒飯、半半炸雞 （甜辣+芝士）、⁠海膽生牛肉紫菜包飯⁠炸青陽辣椒釀豬肉：豬肉碎釀在青陽辣椒裡面，再輕輕炸過辣椒，面層香脆，再沾少少蛋黃醬中和青陽辣椒嘅辣味，好開胃👍🏻海膽生牛肉紫菜包飯：賣相一流，可以一口放晒成舊包飯入口，濃郁海膽加上生牛肉，仲加咗醃蘿蔔，整體好豐富，海膽味道好突出，鍾意海膽嘅朋友必試半半炸雞 （甜辣+芝士）：炸雞炸得剛剛好，夠juicy, 比較喜歡甜辣汁，濕濕潤潤夠開胃元祖蒜頭辣燉雞鍋 配泡菜炒飯：甫上枱好大窩，店員提醒開火後等10-15分鐘就可享用，大量蒜蓉、雞件、薯仔、年糕、菇類、大蔥，非常多材料，湯頭亦好鮮甜，食完雞件加似碗湯，成身都暖晒，我同好友都好鍾意呢個燉雞鍋…查看更多

趁住放假，就相約好友去行下街，不知不覺行到去天后清風街，見到有不同嘅食肆，隨意揀咗呢間喺角落嘅「星嵐」。我同好友每人叫咗一份主食，分別係：招牌黃金黑豚豬扒PAN丼、肥牛咖哩湯烏冬招牌黃金黑豚豬扒PAN丼：呢個黑豚豬扒PAN丼係用福岡傅統方法去烹調，豬扒外層炸得好香脆，絕對唔會因為啲汁料而變淋，而且豬扒肉質有咬口，肉味香濃，非一般平時食嘅普通貨色，加上日本半生熟蛋漿及洋蔥，令到成個飯嘅香味提升。記得跟隨店方提供嘅食法步驟做，比平時食嘅豬扒蛋飯更有趣，更有心思肥牛咖哩湯烏冬：烏冬比較幼身，好滑，配上濃濃嘅日式咖哩汁，啱晒鍾意重口味嘅好友，整體都唔錯人均消費唔使$100, 都幾抵食📍星嵐 天后清風街1A-1B號美城花園大廈地下KL-3號舖…查看更多

最近追看韓劇，追到好想食韓燒，就約好友去銅鑼灣食「喜來稀肉」，好耐之前已經嚟過，當時覺得水準幾好，而且地點好就腳。我哋今次嚟到，發覺餐廳多咗一個「自助區」可以讓顧客自行選擇幾款泡菜、汁醬、生菜等，好方便，食幾多就夾幾多，減少浪費。食物方面，我哋點咗：招牌「喜來稀肉」、 牛五花、海鮮豬肉泡菜餅、豬肉泡菜湯喜來稀肉: 醃得非常入味, 肉質依然保持在高水準, 份量剛好足夠兩個人吃 牛五花: 帶有醬汁嘅牛五花,肥膏較多, 油份充足, 燒得好香海鮮豬肉泡菜餅:略帶酸的泡菜煎餅很開胃, 一點都不覺得油膩豬肉泡菜湯: 不太辣, 泡菜亦唔酸, 味道唔錯…查看更多

佛誕假期，相約好友去K11 Musea 食英式下午茶，之前已經一直好想去試下啲甜品，難得今次夾到時間, 我就立即BOOK定位。我地比原定時間早了10分鐘到達, 店員細心為我地安排去梳化位置,亦向我地介紹TEA SET 嘅鹹/甜點分類, 因為好友是素食者(不吃肉, 可吃海鮮)關係, 店員悉心將其中一人份嘅鹹點轉咗做素食, 非常貼心。正因為要轉做素食關係, 所以製作需時, 就趁食物未到嘅時候, 我地就欣賞到呢間餐廳位於K11 MUSEA中庭「Opera Theatre」的核心, 望到周邊結合咗零售與文化藝術元素,加上商場播著令人心曠神怡嘅音樂, 真係非常適合嚟享用美食嘅環境。TEA SET 食物包括:(鹹點) 焗龍蝦魚子醬撻, 柑橘酸汁醃北海道刺身帶子伴鮮菓,法式鵝肝及焦糖洋蔥煙豬腩撻,煙三文魚青瓜三文治, 海膽多士, 龍蝦濃湯(甜點) 特濃朱古力焦糖撻, 開心果奶凍, 士多啤梨法式千層酥,冧酒提子及經典英式鬆餅及乳酪忌廉+自家製紅桑梅果醬店員先送上龍蝦濃湯、蘑菇湯給我及好友, 龍蝦湯味道好濃,好友嘅蘑菇湯都好濃, 出色。柑橘酸汁醃北海道刺身帶子伴鮮菓: 柑橘酸汁真係好酸,突出咗帶子刺身嘅鮮甜法式鵝肝及焦糖洋蔥煙豬腩撻: 焦糖洋蔥配襯出濃濃的鵝肝, 出奇地感覺到焦糖洋蔥煙豬腩好似叉燒醬嘅味道特濃朱古力焦糖撻: 鍾意朱古力嘅朋友一定鍾意士多啤梨法式千層酥: 超脆嘅千層酥, 士多啤梨較酸, 好開胃英式鬆餅配乳酪忌廉: 做得幾好, 牛油味香, 但唔會過重, 推介整體都好滿意, 服務都好加分。…查看更多

早幾日同屋企人去銅鑼灣某百貨公司shopping, 大家都行到好攰，就去附近嘅古今二食晏。今次已經係第3次嚟，因為實在太鍾意呢度嘅特色卷物，屋企人未嚟過，當然要帶佢嚟食下好嘢我哋叫咗：雜錦刺身沙律、壽司薄餅、黑龍卷、黑豚豬頸肉串燒、鹿兒島黑豚荔枝卷串燒、章魚小丸子雜錦刺身沙律：粒粒吞拿魚刺身，好新鮮，加上特製帶點辣味嘅沙律汁，沾喺新鮮嘅沙律菜上面，非常豐富嘅味道，好易就清晒碟壽司薄餅：第一次叫呢款壽司pizza, 賣相特別，上層舖上辣味三文魚、辣味吞拿魚，底層是煎過香香脆脆嘅白飯，配上千島醬，好開胃，屋企人平時唔鍾意食飯但佢好鍾意呢個壽司薄餅黑龍卷：我哋驚食唔晒一份八件黑龍卷，店員話可以叫半份有四件，方便我哋，實在貼心嘅服務。我哋都覺得「鰻魚+芝士+牛油果+炸蟹柳」原來都好夾，但有少少漏，每人兩件，剛剛好黑豚豬頸肉串燒：燒得香脆，豬頸肉爽口，汁料是甜甜的鹿兒島黑豚荔枝卷串燒：屋企人超鍾意燒豚肉夾荔枝章魚小丸子：味道就好似日本街頭食到嘅章魚小丸子，如果多啲啲醬，會更加正…查看更多

同朋友慶祝生日，想揀一間坐得舒服啲嘅餐廳，就揀咗呢間位於金鐘遠東金融中心嘅四季.悅。 幸得職員安排了𥦬邊座位，很闊落。我哋點咗：龍蝦天婦羅御飯、清酒煮蜆、雜錦天婦羅、煎廣島蠔、鮑魚龍蝦天婦羅御飯：第一次食炸龍蝦，龍蝦肉質結實亦爽口，炸漿剛剛好，唔會太厚，味道好好，另外還有菇天婦羅、蕃薯天婦羅，都好豐富清酒煮蜆：蜆肉清甜，不過份量唔多，大概有十零隻蜆，如果多啲蜆，會更好雜錦天婦羅：最鍾意食蝦天婦羅，爽口，南瓜天婦羅都好甜炸廣島蠔：薄薄的煎得香口嘅廣島蠔，濃郁甘香。鮑魚：比較淡味，朋友覺得味道一般…查看更多

同好朋友慶祝生日，好友講明要食小籠包，立即諗起之前食過幾次嘅「樂天皇朝」，除咗小籠包有質素，而且枱與枱之間分隔較遠，坐得舒服，方便暢所欲言。我哋叫咗：原味小籠包、上海烤麩、蟹粉餡餅、肉碎干煸四季豆、上海炒年糕 原味小籠包：我輕輕點了醋，令小籠包嘅湯更鮮，食咗三個都唔覺得膩，唔錯上海烤麩：份量剛好，味道同其他上海菜館差唔多蟹粉餡餅：饀餅內有蟹油，饀餅煎得外皮少少脆，內裡係軟軟，口感特別，幾香肉碎干煸四季豆：炒得好香，調味唔會過咸，好食上海炒年糕：份量頗多，調味咸中帶點甜，年糕口感煙韌，但都易咬開，我幾欣賞呢碟炒年糕題外話，當我哋入座之後，好友用熱茶清洗碗碟嘅時候，佢唔小心倒瀉咗杯茶，店員立刻幫忙清理，並樂意主動安排我哋調去其他枱，好細心嘅服務…查看更多

今日同朋友行街經過一間油麻地泡飯店叫”村爺爺”, 門口有部大電視介紹緊龍蝦湯泡飯, 好吸引咁就排隊去食,我哋叫咗兩款湯飯, 同埋一份小食, 分別係花膠龍躉螺片海鮮龍蝦湯泡飯、鮑魚花膠蟲草花雞煲翅、爺爺三寶同埋叫咗2杯飲品。花膠龍躉螺片海鮮龍蝦湯泡飯, 都快速上枱, 趕時間既人可以揾呢間舖頭快食。望落去係好足料同大碗, 如果細食啲既女仔可以Share一碗再加個小食就已經足夠, 真係大件夾抵食, 講返個味道先,佢啖湯好鮮甜好濃味, 可能個湯底已經埋藏咗好多隻龍蝦所以好好味,佢配咗D海鮮料, 有蜆,魷魚同埋龍躉, 龍躉魚啲肉好結實好鮮味同埋夾雜咗少少名貴食材, 剩叫$108 真係好抵食。另外一款係鮑魚花膠蟲草花雞煲翅,都配咗碗白飯俾你做泡飯, 佢個湯好濃郁好好味, D雞汁精華都係湯入面, 有少少結結地湯質, 我估啲花膠融化咗入面造成呢個質感, 女士們可以補充返D骨膠原養顏, 呢排天氣凍可以補下身。同埋D料同樣咁足, 食落啲雞肉都好嫩滑又可以當飯食又有湯飲, 啱啲屋企少湯水嘅人士。爺爺三寶, 裡面有冬菇,南乳雞翼,炸魚腐,佢即叫即炸, 嚟到熱辣辣。冬菇方面佢做到好琳同好滑, 有D 似阿媽過時過節整既冬菇味道。而南乳雞翼佢即炸, 同我覺得味道適合我, 唔係太咸又帶出個南乳味, 好正, 去街食好過自己屋企整。炸魚腐外面脆脆地內裡質感有少少彈彈地幾好食。呢款小食我覺得都好地道。大家如果經過油麻地都可以試下呢間舖頭。熱情果味梳打同石榴味梳打, 佢另上一枝玻璃樽既Sprite, 我未落枝Sprite, 飲落酸酸甜甜都好飲, 我覺得呢間店舖都有細心位, 佢可能留意顧客所需,根據自己口味鐘意落幾多Sprite就落幾多,調到自己鐘意既味道。…查看更多

早兩日同好友去海港城買嘢, 見到呢間新餐廳幾靚, 對於鍾意試新嘢嘅我, 當然要排隊入座~餐廳裝修係韓國小清新風格, 仿似走入繪本世界, 充滿少女心嘅好友非常喜歡我地點咗: 玫瑰醬八爪魚年糕, 橡果黑毛豬卡邦尼意粉, 北海道粟米蛋糕, 黃豆粉紅豆甜心刨冰, 凍甜蜜桃桃伯爵冰茶, 凍怦然心動熱情果梳打玫瑰醬八爪魚年糕: 香辣醬汁幾惹味, 又Creamy, 八爪魚好大隻, 出奇地好爽, 容易切。橡果黑毛豬卡邦尼意粉: 卡邦尼比較濃味, 因為有黑毛豬肉更加咸香。黃豆粉紅豆甜心刨冰: 刨冰好大份, 我鍾意刨冰內有幾粒花生味麻糬, 好煙UN, 好好食北海道粟米蛋糕: 第一次食粟米蛋糕, 好新奇, 有粟米cream, 幾濃嘅粟米味, 鍾意粟米嘅朋友一定好喜歡凍蜜桃伯爵冰茶: 甜甜的凍怦然心動熱情果梳打: 幾清新Sips;;Iban📍尖沙咀廣東道3-27號海港城海運大廈地下OT G61號舖…查看更多

同好朋友慶祝聖誕佳節，當然要揀個坐得舒服嘅餐廳，今次就去fashion walk 食街內嘅Coast。餐廳內好多聖誕佈置，好有氣氛。之前食過呢間嘅烤乳豬烤菠蘿，一試難忘，但無奈好朋友唔想食乳豬，而想食牛扒。我哋點咗：脆炸蘇格蘭蛋配風腸及蒜蓉蛋黃醬、西班牙黑毛豬風腿卷、烤雞肉牛油果藜麥沙律碗、烤阿根廷牛薄裙肉配布拉達芝士及阿根廷青醬脆炸蘇格蘭蛋配風腸及蒜蓉蛋黃醬：蛋黃香濃，外層夾雜風腸碎+豬肉碎，炸得香脆，蒜蓉蛋黃醬更加提升味道西班牙黑毛豬風腿卷：內裡有咸香嘅黑毛豬風腿及白汁，外層香脆，加上無花果嘅清甜，幾得意嘅配搭烤雞肉牛油果藜麥沙律碗：牛油果熟度剛剛好，整碟都係高質營養烤阿根廷牛薄裙肉配布拉達芝士及阿根廷青醬: 烤牛肉看似好生，但係肉質非常嫰，配了芝士及青醬，真係好推介俾愛吃牛肉嘅朋友…查看更多

通常去Time square睇戲之前, 都會經過呢間由藝人陳豪開嘅coffee shop, 每次都覺得裝修得幾光猛乾淨,經常想搵次機會試下, 但係都錯過咗。難得上星期同好朋友去時代地庫掃貨,掃完貨就要上去blooms coffee 坐下, 嘆杯朱古力先。一邊排隊等就見到蛋糕櫃有三款甜品可提供, 有芝士蛋糕, Brownie, 朱古力合桃曲奇,我哋揀咗Brownie, 飲品就揀咗凍香濃朱古力, 檸檬汁有氣冷萃咖啡凍香濃朱古力: 朱古力味好濃, 奶味突出, 欣賞呢杯凍朱古力檸檬汁有氣冷萃咖啡:我覺得呢杯檸檬汁咖啡味道好特別,要搞勻去飲 酸酸地又有氣, 幾過癮Brownie: 面層有朱古力皮,果仁碎, 增加brownie嘅口味, 而且脆皮下更有一層焦糖醬,更加甜蜜爆燈, 啱晒甜品控…查看更多