卡卡卡's Profile

鍾情奇趣餅家的豆沙燒餅~因為其豆茸餡唔甜~豆茸好重紅豆味~~佢嘅皮比其他坊間燒餅軟身~~(*其實好景商場附近有另一間餅舖都有賣豆沙燒餅~但人哋賣點反而係皮脆~~)個人就鍾意軟多D~~~而且通常熱熱哋~買個上車食~好好味GA!!!另外米通亦值得一試~~!!!!…Read More

西環阿婆砵仔糕~~~我鍾意佢比出面坊間嘅砵仔糕較腍身~~~~~(*出面坊間嘅砵仔糕~較多粉~較韌及杰); 紅豆量好適中~(如果紅豆有爆口就更好味)~依檔阿婆砵仔糕~有濃濃嘅蔗糖香~好似我外婆整嘅砵仔糕~(黃糖VERSION更係我嘅飛佛~)兒時我阿婆成日整甜品俾D孫食~佢嘅砵仔糕~好味到無可匹敵~~~其後佢老了身體差了~無法再煮任何野~~無論我同佢嘅印傭煮幾多次―但硬係無婆婆煮嘅果份『神緒』。細個跟佢一齊住，嗅著片糖和紅豆煮時蒸發出嘅空氣，廚房像個蒸籠，大顆汗珠在婆婆身上爬。一個砵仔糕~係兩婆孫嘅維繫~愛嘅傳遞。所以~~多D幫襯下依檔西環阿婆砵仔糕啦~~:)…Read More

係有人話~”一分錢一分貨”~但都唔可以太離譜下嘛!話時話~~~咁大個品牌~點可以 咁鬼求其ga!!!8點幾~同阿Lio兩個人趕住睇貓劍俠! 咁求求其食飽個肚就揀大x樂啦Lio食火鍋~我見到個蔬菜籃就火都黎埋~d菜好似俾人蹂躪完咁~~仲黃黃地…ok~算喇!!牛肉(都唔太肥)….個豬骨湯就不敢恭維了, 鹹到媽媽都不認得我!!!!!!其他雲吞呀蟹柳呀~個樣衰到呢~我唔係期望你俾鮑魚呀和牛呀俾我食~但至少砌番好少少吖!d菜唔好咁唔精神~可以嗎?尊重一下食嘅人~好嗎?…Read More

大顆兒BBQ又多一個去處!!! 美孚九華徑嘅吉吉燒唔算難搵~有棵閃閃爍藍燈泡大樹作為標記~遠一遠都見到ga!不過個場不斷播歌，其實唔係太受落~可能我老人家好多歌都唔識啦~聲浪宜較細dd就好了，不要迫我聽韓文歌！一般大路食品:各丸類、牛肉粒、腸呀、燒賣、各扒類、粟米金菇菜包、豬頸肉+雞腎+雞全翼甚至醃料~其實大多都有齊~值得一提嘅係點解麵包供應得2款~而最受歡迎嘅方包居然”經常”缺貨????我只係想要方包啫!!!!!!而值得一提嘅係佢哋醃嘅豬頸肉 、豬脾仔、扒類都醃得幾入味~~服務方面~因為我哋星期五去~可能旺d啦~想話加炭呢~有時揮手3數回~揮好耐先有人理會~~但服務員都好有禮貌嘅~~~其實依個場算係咁~ 可以再幫襯嘅!…Read More

同Lio成日為咗食乜嘢而R爆頭; 兩條友好多時都唔知食乜好~叫得多嘢食~食唔哂就盞嘥~~嗌得少咩~一陣又肚餓又食多餐~仲點會唔增磅???禮拜六返半晝~其實已食左個麥記brunch~放工三點幾途經夏麵館又想試下~想唔變肥鴛鴦都幾難~~*麻醬拌麵-麻醬正係碗麵嘅靈魂。麻醬幾香幾滑都好~如果麵唔入味都係嘥鬼氣~依個麵好入味~麻醬滲透入麵~麵條彈牙~無話發脹哂~ 麻醬混雜少少蒜香，花生味香 80分/ 100 。*小籠包 ~皮好薄而剔透，包住味甘清湯和彈牙豬肉，咬落豬肉時湯汁滲進齒間~我覺得依度嘅小籠包好得手~亦係平時唔太鐘意依豬肉嘅Lio嘅飛佛! ~90分/ 100*夏味燻蛋-溏芯黏稠嘅蛋黃甜中帶香;外圍蛋白有煙燻味。不過1人食1隻就飽咗D咁! 75分/ 100*腰果露~腰果味好濃，既香且滑，好味 ! ~90分/ 100…Read More

其實我唔係好食得辣~~~買番屋企同阿媽2份吃~~所以我要個小辣~伙計超級好人~我又叫少d芫茜多d榨菜~佢都唔會話黑面或嫌我煩~~~~回到仍然熱熱地~~一打開已聞到香味四溢，佢個紅薯粉好滑好煙韌，湯底先酸後辣，好香嘅花椒同保寧醋味道在舌頭盤旋著~~雖然d眼淚係咁飆~不過好鍾意果份麻辣感~…Read More

有時吃東西~不單只是為了果腹~而是帶著一份回憶來吃的~~好像煨蕃薯~~小時候爸爸常常夜歸~買來煨蕃薯來逗家中的小鬼~帶有感情，有份窩心的感覺~近年多光顧了這間蕃薯店,除了因為是乘車歸家的必經之路~更是因為我媽媽也是它的粉絲~~天氣凍的幾天~很多人排隊買蕃薯，熱騰騰的蒸氣微微洋溢著，散發出來的蕃薯香味。這檔售賣的蕃薯 是台灣蕃薯~~~黃芯十分甜，多數有糖滲出皮外~綿綿軟的~而且外皮被清洗乾淨(*是標榜可連皮食); 但好在皮不會被煨得濕漉漉~~所以易撇又好味~~吃1小個已有飽腹感，所以我常常買1大1小囉~ ！:)紫芯不是常常有~較香,但不及黃芯的甜~~可能是兒時回憶吧~拿著蕃薯~總有份踏實,溫暖的感覺!…Read More

第一次赴婚宴係喺Landmark裡面擺酒~~銀行家會所~~好陌生囉~~~係我嘅親戚請飲~我要湊埋雙親去~老實講都幾難搵GA~~問人問左三兩次先搵到邊部升降機上囉!!門口好普通~~但入到去就覺得好grand~有條長長樓梯~~婚禮佈置只係用左少少花束綁喺梯間~已好高貴~~佢直情係我嘅飛佛~因為佢裝潢有好濃嘅古典英式味道~深色木材牆身~襯托一兩藝術畫~~~加上主人家都明白"簡單就是美"此道理~~佈置以拉布及玫瑰花為主~唔會似其他場咁下下閃bling bling羽毛又盛咁鬼俗氣!!!!!!!!!非常英倫風，我阿媽打麻雀area都有英式水晶吊燈~喺我心中加左廿分~~~總之~個場令個婚宴都grand左一下~連我本身和此親戚唔熟~"本來好唔耐煩嘅心情"都放低左幾分~~到入席~佢係每人一碟(侍應分菜)的~少了大嚷"飲杯"~的氣氛~~~搞到我都唔好意思舉機影相~~d菜都ok~~條斑好鮮味~~~其實去飲~~都不外乎依d野~~佢d菜式頗清淡~~另外~家父好冧佢個瑤柱蛋白炒飯~~佢話粒粒飯有蛋香~~令平日有整開蛋白炒飯嘅阿媽有d黑面~~~總之~食物嚟講滿意嘅~~個場就好得囉~~係難搵d!!!!不過淨係擺酒有維港海景睇都威爆啦~~我會將依段食評forward俾男友囉~…Read More

蛋鱔煲仔飯~~好香好多飯焦~落頗多豉油但不會太鹹~~豉油同蛋汁才是靈魂~~是令原本唔太食飯嘅我忍唔住爬2碗嘅精髓~~~再黎惹味蠔餅~~~香脆不在話下~~蠔多粉少才是好吃原因~~但份量太大~2口子吃太多了~~~炒蜆亦很到家!一字記之曰:掂~~伙計好禮貌~~也要加分…Read More

朋友同我講依度啲綿綿冰好好味，於是就嚟嚐嚐!!男友叫咗肉燥飯同滷海帶… 鍾意香口嘅我就叫蚵仔麵線同埋鹽酥排骨… 啲麵好煙韌，蚵仔細就細隻啲;但好鮮味，湯底鮮甜....。排骨都算酥脆…男友話個肉燥飯幾好味~多肉汁、唔會乾嚥白飯…男友超級愛海帶~他夾來一撮俾我~~其實我好怕腥~男友話海帶可消脂~~於是就勉強來一口，原來又唔腥噃~幾爽口!本來想一人要一個綿綿冰~咁可以share做勻兩種味~~但男友話我肥咗好多~~於是變咗叫一個嚟兩份分~~要了芒果綿綿冰~ 好濃芒果味~啲冰磨得好細碎~~當然係入口即溶啦~唔係點叫綿綿冰呢? 男友話~~依餐令佢諗起讀書時嘅寶島行~~~仲有溫柔嘅寶島姑娘!!!…Read More

天氣雖然悶熱，但都無損我對打邊爐嘅熱愛！今次轉咗匯豐卡先有任食$98，不過包埋醬油喎！(之前要另俾$15蚊醬油錢ga)講真，咁條氣順番好多！點心都食多兩件啦！其實早該如此啦，我哋依Ｄ師奶仔就係鍾意依Ｄ小恩小惠之嘛！要咗個豬骨煲仲有嘢送～送點心，我哋揀小籠包～裡面真係有湯，ＯＫ好味！又來魚滑、四寶丸、肥牛、鱔片、芝士腸，肥牛都切得幾薄且肉味重，鱔肉彈牙新鮮....其他嘢都ＯＫ～最得手係水晶奶皇包～好好食～Ｄ蝦好新鮮，上桌仲識郁識跳! 美中不足係要另外收錢~成68蚊~都幾肉赤!埋單每人百二蚊~都ＯＫ抵!…Read More

噚日，難得三五成群，舊地重臨，如此良辰!食任食，唔駛本咁猛tick，湯底我哋嗌咗花膠北菇菜膽鍋，『哪哪淋』食咗D津白先─因為菜煲太耐會變黃嘛~~幾清甜幾爽!料都算足，花膠彈牙、but味道淡咗D。個friend呱呱嘈，怒吠:任食居然無墨丸!!!原來四寶丸之中已經包埋墨丸喺庶…四寶丸都ok，新鮮打出嚟，都幾正，唔會成口粉團!肥牛夠薄，肥瘦適中，灼一嘢即入口，點豉油已經好好味!見有個椰菜雞肉卷~心諗實係一執椰菜包住D肉咁啦，點知又唔係喎~~~唔衰相，幾重雞肉味喎又!嘢飲幾貴，廿幾蚊一渣! 想飲啖茶都要每位8蚊，汽水都9蚊!!!!!!!!!! 我哋講笑問茶芥唔收得唔得，個伙記笑笑口話唔得，但就主動話:不如酙幾杯水俾你哋。個friend帶埋個仔嚟，又要人哋俾冰水佢「助」凍個奶樽，佢個仔又曳，又倒瀉水又咁又咁……D伙記都好快嚟抺，值得一讚! 雖則計埋豉油加一，每人要百五蚊，但都食得愉快嘅!…Read More

可可店在西環很多年的了,西環人一定識佢, 很多人特登駕車來一試o添!腸粉+蛋+混醬: 煎得夠脆,而已有大量芝麻,不吃不可之選!豆腐花: 是可可店最差的甜品,樣子唔似豆腐花,似燉奶,但又無豆味,唔太掂!番薯糖水 :也是值得一試之選, 糖水唔會過甜, 而黃芯蕃薯每次食都幾軟身幾甜!ok!雜果涼粉:好一般!綠豆沙: 唔錯的選擇, 粒粒綠豆都煲到透,起沙的,綠豆沙唔會水汪汪! 5粒星係滿分有4粒星!芝麻糊: 最好食最好食,唔會一塊塊,唔會稀唔太杰,好香好香好香芝麻味!…Read More

我常常覺得，吃東西是吃那份感情，是喜歡那個環境那份氣息，以味道勾起對生命中某段光景的緬懷;來到美都，吃的正正是那份懷舊，活像時光倒流，這裡整個格局都保留著七十年代港式茶餐廳的韻味。我最愛這兒的咕;再歎番個焗豬扒飯，熱騰騰的而豬扒則入口鬆化~配上那略微濃的汁，真的挺好吃的。以前常與中學同學仔來這兒打躉，如今再臨舊地，好懷念啊!…Read More

用炭爐打邊爐都幾特別,不過$20一個爐就好似唔太抵囉~我地開一個爐黎打邊爐開一個爐來燒烤咁就$40~好似好唔著數咁!用炭爐燒野食都頗過癮,但我地就有D論盡囉~我同男朋友搞到成隻(燒好左)O既大蚌,一飛飛左落地下,同埋可能我地無耐性啦~~總覺得D食物烤好耐好耐好耐都未得; 而且要話一話依間野~俾人點D蜜糖點可以是蜜糖溝水ga???????????????咁都慳得?不過D牛坑腩用來烤~味道好好呀~好香牛肉味!!!…Read More