Video
Read full review
2008-05-23
36 views
噚日，難得三五成群，舊地重臨，如此良辰!食任食，唔駛本咁猛tick，湯底我哋嗌咗花膠北菇菜膽鍋，『哪哪淋』食咗D津白先─因為菜煲太耐會變黃嘛~~幾清甜幾爽!料都算足，花膠彈牙、but味道淡咗D。個friend呱呱嘈，怒吠:任食居然無墨丸!!!原來四寶丸之中已經包埋墨丸喺庶…四寶丸都ok，新鮮打出嚟，都幾正，唔會成口粉團!肥牛夠薄，肥瘦適中，灼一嘢即入口，點豉油已經好好味!見有個椰菜雞肉卷~心諗實係一執椰菜包住D肉咁啦，點知又唔係喎~~~唔衰相，幾重雞肉味喎又!嘢飲幾貴，廿幾蚊一渣! 想飲啖茶都要每位8蚊，汽水都9蚊!!!!!!!!!! 我哋講笑問茶芥唔收得唔得，個伙記笑笑口話唔得，但就主動話:不如酙幾杯水俾你哋。個friend帶埋個仔嚟，又要人哋俾冰水佢「助」凍個奶樽，佢個仔又曳，又倒瀉水又咁又咁……D伙記都好快嚟抺，值得一讚! 雖則計埋豉油加一，每人要百五蚊，但都食得愉快嘅!
食任食，唔駛本咁猛tick，湯底我哋嗌咗花膠北菇菜膽鍋，『哪哪淋』食咗D津白先─因為菜煲太耐會變黃嘛~~幾清甜幾爽!料都算足，花膠彈牙、but味道淡咗D。
個friend呱呱嘈，怒吠:任食居然無墨丸!!!原來四寶丸之中已經包埋墨丸喺庶…四寶丸都ok，新鮮打出嚟，都幾正，唔會成口粉團!
肥牛夠薄，肥瘦適中，灼一嘢即入口，點豉油已經好好味!
見有個椰菜雞肉卷~心諗實係一執椰菜包住D肉咁啦，點知又唔係喎~~~唔衰相，幾重雞肉味喎又!
嘢飲幾貴，廿幾蚊一渣! 想飲啖茶都要每位8蚊，汽水都9蚊!!!!!!!!!! 我哋講笑問茶芥唔收得唔得，個伙記笑笑口話唔得，但就主動話:不如酙幾杯水俾你哋。個friend帶埋個仔嚟，又要人哋俾冰水佢「助」凍個奶樽，佢個仔又曳，又倒瀉水又咁又咁……D伙記都好快嚟抺，值得一讚! 雖則計埋豉油加一，每人要百五蚊，但都食得愉快嘅!
Post
