aronng's Profile

請客食飯最緊要投其所好，小弟今次終於搵啱地方滿足一下幾位外國人Client了！難得讓自己化身一晚秘魯王子救贖公主的胃口呢。頭盤是輕素食之選，即燒Portobello大啡菇串。燒得脆邊香口，但大啡菇仍然保留應有鮮甜多汁。清新自然的香氣，也有厚切口感，煙韌過人。少肉多菜的女士讚不絕口呢！紅蝦刺身意大利飯，是近了吃過最有驚喜的Fusion菜色。紅蝦刺身極之肥美，爽口彈牙；意大利飯稔口濃郁，餘韻悠長。一冷一熱，層次分明，越食越開胃。而且特意用油炸的方法，將香脆蝦頭另上，令人感到很特別很難忘。在場女士客人比較多，所以盡量點了女生喜歡的特別飲料和甜點。可以一提，Cocktail外表精美，但南美酒都比較重酒精，女生們都表示不勝酒量。Dessert方面，朱古力雪茄更是氹人歡喜的力作，一邊拆禮物一邊期待神秘的甜品。大家都帶著滿心的歡喜離開！…Read More

自從觀塘線由油麻地為終點站, 改做中途站, 由黃埔站頂上, 我未有機緣在黃埔出閘, 今日終於有機會去黃埔開會。開完會已經下午茶時間, 由暴雨變成微雨, 行下行下到左小食店聚腳點德民街, 隱約聽到莫文蔚的慢慢喜歡你, 跟住啲歌向前行, 就見到一間白色+粉紅色磚屋, 飄著濛濛細雨, 此時此景, 好像突然穿過隨意門, 去了台灣的民宿小店. 眼看這店面, 充滿既羞澀且可愛的少女情懷 加上甜美笑容的店員 不得不試下此店的雞翼.作為一個麻甩, 加上這種潮濕天氣, 我無選擇到強推的”文青風玫瑰”, 反而選擇了” 我係鹹檸七”, 醒醒個人. 一邊聽著國語歌, 撐著傘等, 究竟炸左幾耐, 已經唔重要了, 享受慢活雨景.鹹檸七+雞翼, 未食過, 食之前未能作出任聯想, 大家飲過鹹檸七的朋友應該知道, 一杯好的鹹檸七應該係3重天, 集酸鹹甜於一身, 而如果放到上去雞翼上面會點呢…事實原來係相當夾, 呢次變成3重天雞翼, 提味提神提食慾. 佢仲要有超落地貼心位, 有手套呢 (其實食雞翼唔用手食, 邊好食), 正如佢句SLOGAN: 不要儀態…只想吃雞翼4隻翼係一陣風, 我繼而再來一個”熱情果寶寶”, 結果亦相當驚喜, 清新爽利, 微酸的熱情果到後來的微甜, 反反覆覆, 苦盡甘來.作為街坊小食店,有VIEW/有MEAL/有FEEL, 香港還可以有幾多間咁樣的, 可以去打卡呢?雞翼山, 慢慢喜歡你, 期待下次黃埔出閘…Read More

還記得中學時代，遊連九龍城龍珠商場。今日因緣際遇，舊地重遊，我亦去老店尋舊味，食煲仔飯。有個私人卡座 33不盡 66無窮，叫左鎮店之寶之一：滑蛋牛肉煲仔飯。而家已經好難搵到炭火爐的煲仔飯，都係電爐。古法處理：一上台先開煲落豉油，翻佢一輪，再焗佢5分鐘，為左食到些小飯焦。時間啱啱好，雞蛋糖心色水，相當靚仔。本身食上面個層，係熱辣美味，跟住咬到有聲，就知中招了，跟住竟然可以搵到成粒飯咁大粒的石仔⋯⋯直係咩懷舊Mood都無晒。…Read More

九龍灣/觀塘, 越來越多金融/投資大公司搬 OFFICE 去呢區, 越黎越多高級行政人員加白領加外國人員, 呢類專業人仕食LUNCH 係有要求. 適逢年三十, 攪攪新意, 唔飲茶, 一班同事試下行政午餐 . 訂位已經全英文對話, 預計質素相當高.10幾人, 係要一張長枱, 開會咁的格局, 先夠行政FEEL 早到個個梗係做主席.個Menu 都相當Simple with multiple choices for different appetite , First Course (Salad or Soup), Entree (1 out of 5), Coffee/Tea/Soda...前菜: 我就選擇左Salad, 相當Fresh, Crispy, 藜麥份量恰到好處, 蜜糖芥末醬有特色.主菜: 就食左 經典煙肉生菜蕃茄漢堡, 話晒人地主打係漢堡, 我都係食啲大熱選擇. 面包/煙肉夠脆, 咬落去仲有肉汗, 薯條雖然唔係原隻炸, 都算合格過關. 其他人的菜色: 慢煮牛肉醬配闊條面, 聽說: 味濃肉腍, 闊條面軟硬適中.佢真係即叫即整, 落完單到真正食, 攪左將近30分鐘, 如果你唔係真正的行政級, 午飯有限時, 真係早些少到. 不過慢工真係出細貨, 服務同出品質素的而且確高.…Read More

成個美景咁多間食肆，我選擇大快活的原因最主要係因為佢唔算太多人，可以坐得耐，因為我要等人拎野。比起前排食MX, 真係差天共地，平均餐價，相對合理，仲有人送餐埋位。點解大家都係快餐，可以差咁遠。大部分人都係打邊爐，我就唔跟風了。阿活咖哩其實都唔錯，個咖哩幾香，不過咀生飛滋，就唔掂辣野了。香葱豬扒飯：兩塊薄豬，白飯有上色，香葱都算夠撈飯。跟餐湯有：粟米，青紅蘿蔔各一，兩小塊瘦肉，加6蚊有啖湯，算係咁啦。…Read More

每次食日本放題，最後一定要杯雪糕做甜品。今晚唔係日式放題，係銅鑼灣食飽又心思思有件事，友人帶路，去一間有名有姓的舖頭，一嚐特色北海道綠茶雪糕。濃濃綠茶味，雪糕幼滑如絲，甜度適中的紅豆，個杯夠脆。混為一體！仲有咬口十足的丸子。盛惠$55 最緊要係買一杯正價第二杯半價, 呢下最好！…Read More

去葵興個客度到做Support，攪掂已經8點半，近地鐵站，又凍又餓，搵到間MX, 勉為其難，照殺。點知，單人火鍋無晒牛鍋，唯有食鐵板，就係咁樣，燒焦了。古語有云：金玉其外，敗絮其中。中咗！睇個樣，好地地，食落口，多筋多肥。個湯：咸到失真。…Read More

深水埗買過年裝飾，12點先食馬來午餐，行左3個鐘，真係會餓，要補充一下，食咩係平靚有特色，又健康，又有得坐一陣，即係出奇蛋一次過滿足晒幾個願望。最後落腳老字號公和豆品廠。1. 凍豆漿今日回暖，著羽絨人逼逼，係要飲杯凍的。新鮮豆磨，無渣，絕無一舊舊，同豆粉沖的，差天共地。2. 豆腐豆卜雙拼炸完即起即食，個辣醬加少少，真係零舍不同，老字號即係老字號，豆腐滑到呢。其實仲有位黎個三拼，不過算了。坐得耐係會唔好意思，細舖靠流轉，坐左陣抖順，閃！…Read More

深水埗乃百家爭鳴之地，想食咩都有，本身諗住印度餐，殊不知都係馬拉特色。主角：一字骨（HKD 38) / 湯免費Refill湯呢個靈魂部分，佢走嘅係中度偏濃路線，個人飲左3碗，覺得係有啲過份，但依然未夠喉。肉嫩，筷子夾落去都知佢得，咬落去更加係綿腍。第一配角：白飯（$ 10 /碗)其實一碗真係唔夠，應該食兩碗，但要留胃位飲湯。第二配角：辣椒豉油（自己調製）辣椒/蒜蓉/頭抽/黑醬油 想要咩味自己黎第三配角：溫泉蛋（$ 5/隻）屋企自己整的話，時間火候要心機，話難唔難，話易唔易，我就俾五蚊雞算啦…Read More

小型飯聚 就朋友圈 入大圍 有人訂埋位訂埋餐 零等侯直入坐位 雖然係餐 不失質素 重點推介以下幾道長腳蟹友人大愛，小弟怕煩，有人代搞，筷子即動：肉實淨，份外滋味西蘭花炒花枝片西蘭花，花枝爽口彈牙，如果唔駛同人分最好，嘻嘻百花釀蟹鉗呢類煎炸野，係中餐飯聚必備，上菜時無懼外面低溫，外脆內熱，最岩我呢類懶人，啖啖肉花膠煲螺頭真係有花膠：本人極缺湯水，兩碗落肚補水，同時極愛湯渣，大部份掃晒入我個肚，所以個呢個湯：無得輸…Read More

突然肚餓，偶然路過石籬，迅速茶記解決空腹感，血糖重返正常水平。街坊茶記細間而選擇多：係必須的, 呢間街坊茶記，居然有驚喜，可以食到11寶飯。燒味五寶飯套餐 $48叉燒 | 燒鴨 | 雞 | 紅腸 | 咸蛋點過齊數，每樣兩塊，雞仲要俾脾位，一塊都有兩啖，街坊生意係要咁做，貨真價實。半隻咸蛋+半碟葱油+豉油，夠我撈一碟飯。滷水六寶飯套餐$48墨魚 | 豬頸肉 | 滷水鴨 | 滷水蛋 | 香腸 | 豬耳（轉左大腸）街坊嘅嘢，最緊要有商有量，豬耳轉大腸：無問題，滷水入味，加埋個醋，就錦上添花。兩碟經過合理分配之後，每人的11寶出來了。呢啲實實在在，食得飽肚的街坊餐，一定有捧場。…Read More

是日集體飯聚, 賀生日, 友人探定情報, 訂好下午6點入席早食鳥之特別優惠.巴馬火腿配溫泉蛋黑松露幼露荀沙律俾壽星一人獨享隻蛋, 佢話口中溶化溫暖, 火腿油香到無朋友, 當晚其他人好明顯係綠葉, 就食露荀, 嫰綠脆爽.特色主題沙律配車厘茄巴馬火腿蛋就話得一隻, 叫多碟, 車厘茄巴馬火腿可以分啦, 巴馬火腿油香香草燒羊架配烤蔬菜先上我的至愛: 羊, 第一道入正題的GRILL菜色, 已經做到野, 喚醒我的味蕾, 嫰口唔羶. 紅酒黑松露野菌燴牛臉頰肉配法式薯蓉無諗過一間主打GRILL的ROOM, 會煮到度只溶係口, 唔容係碟的牛臉頰肉慢煮三文魚配香草乳酪汁食完個只溶係口同羊架, 相比之下就中規中矩, 慢煮有心機, 香草乳酪汁可以清新番條脷, 再會下一盤.炭燒豬腩肉鹽味焦糖汁配青蘋果沙律好有風味的豬腩, 三層分明, 1分脆皮, 2分香油, 4分肉, 一咬即破, 大愛是日燒肉, 的確有青蘋果平衡一下, 可以再力奔向下一GRILL. 燒美國安格斯肉眼配薯蓉泥雜菌話明The Grill Room, 前面都未係重點, 牛扒係靈魂, 見真章.  5成熟, 剛剛好, 香嫰肉汁夠 Juicy, 本身質地好, 些少黑椒粒, 夠晒, 唔駛其他汁啦.香炒新鮮蜆仔配墨汁青檸扁意粉每人食完肉, 得完美蛋白質, 唔夠飽腹感, 但友人話要戒 Carb, 我都係爭取食個意粉, 我本人對黑色食品有點抗拒, 但鍾意食蜆, 最後, 食完係想加一, 再黎多一住, 但已經俾友人掃清了. 青檸, LIME, 原來係咁用, 講真而家想買個LIME都唔係咁易.朱古力千層蛋糕話明生日飯, 一定要有個蛋糕, 仲要講明生日快樂. 個朱古力好濃, 為是日晚飯餐畫上完美句號.6點坐低連點連食, 7點半埋單, 上菜過程無冷場, 一道接一道, 廚房前台, 配速相當好.6位咁豐富高質Grill加4杯Wine盛惠1500有找, 早食鳥超值完勝.…Read More

今日下午茶，食西貢，條長龍係不停有人黎排，我第一次去，人排我又排，最後賣12個菠蘿包，我排唔到，如果佢賣16個我有份的，最後點左hkd8.5奶撻，葡撻，未食之前唔明點解咁貴，食左之後，先知不得不食，酥底又薄又脆，菠蘿包係排唔到，令我有理由再去！…Read More

等唔駛好耐, 幾乎即刻有位, 不停有人入黎...4個樓面服務4,50個位, 窄些少...叫杯熱茶要2次...忙到唔記得...食左叉燒拉面, 炸雞1. 叉燒拉面好食, 湯夠濃, 麵夠彈牙, 叉燒肉厚度剛剛好, 有叫多碗的衝動...2. 炸雞差些少, 嫌肉少, 個醬太搶, 都好食...會再幫襯, 下次會叫醬油湯底2:30pm last order, 唔收新客...一定要2:30pm 到或落 order, 真係無情講...我食完個炸雞, 2:35pm 想叫餃子已經為時己晚...…Read More