onesone's Profile

好耐無食呢間 上海一品香菜館 咁岩果日 Friend 話想食上海野, 就諗起呢間喇！！位於觀塘鬧市中, 觀塘廣場樓上既小店, 位置唔明顯但係成日都好多人旺既時候, 出面既台都坐滿曬, 仲要等位添！好！ 開餐  3個人叫左6個菜首先黎既係 雞絲粉皮, 雞絲幼嫩, 粉皮岩岩好, 配埋香口濃郁既麻醬, 真係好好食 酥炸小饅頭... 一D 都唔脆.... 成個饅頭淋既.... 點酥炸法......上海酸辣湯, 都幾夠酸, 朋友幾鍾意食, 不過我一向麻麻地酸辣湯~ XD 不過都食左兩碗, 唔錯呢個排骨好普通, 無咩特別楊州炒飯味道唔錯, 炒得好香但又唔會好油, 不過細碟左D 南翔小籠包唔知係唔係今晚有D 失準, 之前食過都覺得唔錯, 今次食覺得太厚皮, 肉汁唔多, 而且唔太夠熱, 有少少失望 (最愛既小籠包啊....)埋單都係 $2XX , 除番3個人每人先幾十蚊, 食到6個菜, 係幾抵食既…Read More

約左朋友一齊傾旅遊 Roadtrip 既事, 就想搵間可以坐得耐, 又有 Wifi, 環境寬敞既 Cafe 慢慢傾！其中一個朋友兩年前黎過呢間 Cafe , 覺得唔錯, 就決定試一試！！ Dinner Set 餐牌, 性價比較高既, 似乎都係 "紐西蘭肉眼扒" 或者 "澳洲羊架"最後大家都叫左 紐西蘭肉眼扒 , 共 4 份！扒餐可以配薯菜、飯或意粉, 我就當然食我至愛既薯條肉眼扒一D都唔靭, 肉質唔錯, 但係唔太夠香Dinner Set 並沒有送餐湯或餐飲, 叫飲品需另外加錢我就叫左我最愛既凍朱古力, 面頭有加 Cream & 朱古力威化棒, 賣相OK, 但朱古力味唔夠濃朋友就叫左呢杯 曲奇炒趣奶昔 , 賣相幾唔錯啊！！ 睇著好想試下！！但朋友評價普通！整體食物質素OK, 但環境些微昏暗 好處係人唔多, 地方寬敞, 職員好NICE, 仲會同你講下笑, 唔怕會比人趕走, 想坐幾耐都得！！而且每張台都好闊落, 好方便帶notebook, ipad 等慢慢傾野仲要每張台都有個拖板+兩個USB充電位, 認真周到…Read More

好友生日飯, 決定帶幾支酒去慶祝一番！就決定搵D 大排檔 OR 中餐廳食飯, 朋友就決定黎呢間 "愛文生"食, 聽就聽得多但係未食過, 就決定黎試下喇 去到真係好多人！ 企到出曬馬路！ 拎左飛就同好友們係路邊開始品酒吹水先唔算等左好耐, 15分鐘左右已經入得！ 正！開餐！！入內樓面整潔企理, 唔錯 事不宜遲, 即時點餐！上菜！！一黎就係我既最愛, 黑椒薯仔牛柳粒薯仔煮到軟硬適中, 外脆內軟, 正！牛柳粒非常惹味, 醬汁香濃, 食落口一d都唔靭, 加埋黑椒既香味, 成個菜無得頂呢碟小炒王又係一道招牌菜！韭菜炒得好好味, 配合鮮魷, 蝦乾, 腰果真係好正！！ 送飯一流！！真係白飯都食多碗 椒鹽九肚魚！！ 真心正！！雖然好多地方都可以煮得到呢個味道, 但食落一D渣同骨都無, 香脆而不油膩, 真係難得！誠意推介！！ 如果份量再多D就好喇~ XDD  因為多人食, 每人分到唔多啫啫芥蘭煲, 又一送飯良品！成個煲濃味得黎又唔會蓋過芥蘭既鮮味！一向唔食魚腸, 所以無食呢個菜朋友話唔錯, 而且一D腥味都無紅燒豆腐, 普通豆卜煲, 可以整得更好其實都好食既, 不過對比其他菜就比較失色豆豉鯪魚炒油麥菜, 開胃好味道！送飯又係一流！！ 招牌黃金蝦！講到明招牌, 果然好食 香脆鬆軟可口！蝦炸得岩岩好, 成隻連殼食都無問題！！下次少D人食再叫過, 咁就可以每個人食多D 誠意推介！！ 多人少人都可以去食…Read More

約左朋友一齊傾旅遊 Roadtrip 既事, 就想搵間可以坐得耐, 又有 Wifi, 環境寬敞既 Cafe 慢慢傾！其中一個朋友兩年前黎過呢間 Cafe , 覺得唔錯, 就決定試一試！！但係一入 Cafe, 一陣陣煙味撲鼻而黎, 原來係後面一台有兩個人食煙中.... 只好換枱到較遠位置避開煙味......Dinner Set 餐牌, 性價比較高既, 似乎都係 "紐西蘭肉眼扒" 或者 "澳洲羊架"最後大家都叫左 紐西蘭肉眼扒 , 共 4 份！扒餐可以配薯菜、飯或意粉, 我就當然食我至愛既薯條肉眼扒一D都唔靭, 肉質唔錯, 但係唔太夠香Dinner Set 並沒有送餐湯或餐飲, 叫飲品需另外加錢 我就叫左我最愛既凍朱古力, 面頭有加 Cream & 朱古力威化棒, 賣相OK, 但朱古力味唔夠濃朋友就叫左呢杯 曲奇炒趣奶昔 , 賣相幾唔錯啊！！ 睇著好想試下！！但朋友評價普通！整體食物質素OK, 但環境些微昏暗, 而且一直有人食煙....好處係人唔多, 地方寬敞, 職員好NICE, 仲會同你講下笑, 唔怕會比人趕走, 想坐幾耐都得！！…Read More

其實真係成日都黎呢間 一心素食 Lunch, 真係好好食！！每逢有素食朋友黎觀塘搵我食Lunch, 都會黎呢間！！ 同事們每個月亦總有幾日過黎堂食 OR 外賣番公司食！！觀塘友誠意推介！！個人最鍾意呢個午市套餐 先講前菜, 有沙律菜、餐包、百穀方包、泡芙, 4選1個人最鍾意食都係 餐包！！ 每次食都外脆內軟, 水準一直都保持得好好 加埋大大舊牛油, 一絕！！ 餐湯方面, 有 雜菜羅宋湯 AND 鮮忌廉湯, 2選1鮮忌廉湯真係無得頂！！ 而家睇番相都回味到果啖濃郁既湯味！！一入口, 黑松露既味已經充滿你既味蕾！幸福既感覺！忌廉同菇既味道亦濃郁非常！！整體加起黎真係一個絕配！！信心推介！主菜方面, 個人最鍾意食呢個 "意式素肉醬吉列素扒焗炒飯", 絕對好食過真既焗豬扒飯 ( 罪過罪過 )大大塊素扒份量真係超多, 絕對落足成本！外脆內彈牙！好好食！忍唔著又要講多句... 仲好食過真豬扒~ XDDD面頭果層厚芝士又係一個大重點, 極邪惡, 極好味！！配埋炒飯底, 吸收曬所有"肉"汁, 芝士香味, 真係拍枱叫絕！！ 大家不仿一試！！提提各位觀塘番工既朋友仔！ 一心素食既外賣自取真係好抵架！！ 差唔多係一半既價錢就食到！！ 無左前菜, 餐湯 & 飲品, 但係主菜依然咁大份, 食完都係會將個肚撐到好大 外賣帶番OFFICE HEA著食既首選！！…Read More

同觀塘工作既朋友, 一直想尋找觀塘既好西食！！ 但餐廳選擇實在太多, 琴晚諗左好耐都唔知食咩好！！ 突然諗起 Mage Kitchen 呢間餐廳, 成日都經過, 見到佢係大街路邊 投影 個餐廳 LOGO 係地上, 但就一直無食過, 就決定一試！！ 上樓梯迎面見到門面既裝飾已經好吸引！推門入內發覺非常寬敞, 環保很不錯！！^^職員帶位時, 途經沙律吧, 一陣香味撲鼻而黎, 原來係一兜芝麻醬  真係好香！再睇下D 沙律, 雖然款式唔多, 但係樣樣都好新鮮, 睇落好好味 落單時就決定跟餐 +$38 任食沙律入正題！！ 商討一輪後！！最後落單叫左 "三式芝士醬燒豬肋骨配薯角" + "紐西蘭頂級西冷牛扒8oz配薯菜"跟餐有餐包 + 湯 + 飲品 (按唔同飲品要再加幾蚊)先黎既係餐包+野飲︰餐包好鬆軟, 幾好食, 但係有提子係入面, 甜包, 個人比較鍾意咸包 ^^呢兩杯野飲 "藍柑檸檬梳打" & "荔枝玫瑰梳打", 顏色幾靚 ^^藍色呢杯味道淡D, 但飲落幾清新； 紅色呢杯唔錯, 好濃荔枝味！餐湯方面, 紅湯比較普通, 番茄雜菜湯, 正常味道；白湯唔錯, 係海鮮湯黎, 海鮮味好出！！ (平時白湯通常係忌廉OR菇味重)沙律真係幾新鮮！！ 火箭菜、薯仔沙律、車厘茄 正！！ ( 比左錢唔好浪費, 食左幾轉！XD )提醒大家, 沙律吧 9 點就會收, 要食就早DD喇！！主菜到！ 三式芝士醬燒豬肋骨配薯角！其實一入黎見隔離台都有食, D 芝士好似多D, 厚D, 燒得靚D ~ XDD但係最緊要味道啦, 食左先！！豬肋骨唔錯！肉質鮮嫩又入味！份量比想像中多！ 表面層芝士雖然較薄, 但係味道幾特別！同豬肋骨一齊食幾MATCH！ 紐西蘭頂級西冷牛扒8oz配薯菜, 呢個牛扒就中規中舉, 如果表面再煎耐D, 香D, 會更好！ 但係佢旁邊個 蒜頭 反而有驚喜！ 逐粒叉出黎食！夠淋又夠入味！鍾意食蒜頭既 Fans 一定要留意！！食完野, 坐多陣傾計！ 職員同我地講 蛋糕做特價, 唔記得$30定$35一件, 買一送一！！雖然好想食！！ 但真係太飽喇 食太多沙律！ XDDD 有機會再夜食飯既話可以一戰！！ …Read More