每逢有素食朋友黎觀塘搵我食Lunch, 都會黎呢間！！ 同事們每個月亦總有幾日過黎堂食 OR 外賣番公司食！！觀塘友誠意推介！！
個人最鍾意呢個午市套餐
先講前菜, 有沙律菜、餐包、百穀方包、泡芙, 4選1
個人最鍾意食都係 餐包！！ 每次食都外脆內軟, 水準一直都保持得好好
加埋大大舊牛油, 一絕！！
餐湯方面, 有 雜菜羅宋湯 AND 鮮忌廉湯, 2選1
鮮忌廉湯真係無得頂！！ 而家睇番相都回味到果啖濃郁既湯味！！
一入口, 黑松露既味已經充滿你既味蕾！幸福既感覺！
忌廉同菇既味道亦濃郁非常！！整體加起黎真係一個絕配！！
信心推介！
主菜方面, 個人最鍾意食呢個 "意式素肉醬吉列素扒焗炒飯", 絕對好食過真既焗豬扒飯 ( 罪過罪過
)
大大塊素扒份量真係超多, 絕對落足成本！外脆內彈牙！好好食！忍唔著又要講多句... 仲好食過真豬扒~ XDDD
面頭果層厚芝士又係一個大重點, 極邪惡, 極好味！！
配埋炒飯底, 吸收曬所有"肉"汁, 芝士香味, 真係拍枱叫絕！！
大家不仿一試！！
提提各位觀塘番工既朋友仔！ 一心素食既外賣自取真係好抵架！！ 差唔多係一半既價錢就食到！！
無左前菜, 餐湯 & 飲品, 但係主菜依然咁大份, 食完都係會將個肚撐到好大
外賣帶番OFFICE HEA著食既首選！！
