comfortfood247's Profile

呢間意式餐廳，主打薄餅同意粉，夜晚好多時都滿座。意大利餐廳未必間間都有得食意大利雲吞，見到呢間個餐牌有雲吞仲有唔同嘅手工意粉，都覺得好新鮮，好多嘢想試。薄餅嘅口味好多款，有好多唔同嘅配搭。因為自己一個人入嚟食，見到隔籬枱Pizza好大份，所以最後都冇考慮到Pizza，而係食咗一碟pasta，我就揀咗平時比較少機會食到嘅意大利雲吞。意大利雲吞配黑松露雜菌汁雲吞皮薄餡香，咬落去好有口感。餡料味道濃郁但唔會太膩。黑松露雜菌汁，菌香同松露味融合得好，醬汁濃稠但唔厚重，掛喺雲吞上面啱啱好。呢間好食，真係值得一試。…Read More

今日想食吉豚屋但又唔想食飯，就試咗一個牛肉壽喜燒烏冬鍋，成鍋熱辣辣上枱，聞到甜甜嘅醬油香。牛肉吸晒壽喜燒汁，入口甜香又唔會太膩。肉質嫩滑。烏冬煮得啱啱好，掛汁力強。吸晒壽喜燒湯底嘅精華，食落去每條都係甜香濃郁，啱晒鍾意重口味但唔想太油嘅人。鍋入面配料有娃娃菜、溫泉蛋、日式魚蛋，吸晒湯汁後好味，蔬菜令整鍋唔會太膩，溫泉蛋配牛肉令牛肉更滑。本身牛肉壽喜燒烏冬鍋套餐既話係會配炸魷魚同有跟餐蘿蔔小食，但當日食唔到咁多就單點。想食得豐富啲就可以叫套餐！…Read More

午餐叫咗一個家常飯組合：XO醬翠玉瓜炒牛肉、配老火湯、小食同白飯。XO醬翠玉瓜炒牛肉，牛肉炒得夠火喉，唔韌唔鞋，仲帶少少肉汁。XO醬香氣突出，鹹香中帶微辣，炒到黏住牛肉同翠玉瓜，味道好惹味。翠玉瓜爽口清甜。整體味道濃郁但唔膩，配白飯一流。老火湯有蓮藕、紅蘿蔔、瘦肉等，味道自然，如果份量多啲就好，好啱暖胃。酸白蘿蔔口感爽脆，酸香開胃，食落去有種解膩效果。…Read More

最近喺吉野家食咗佢哋嘅野菜煎雞飯，仲試左新推出嘅茶碗蒸。野菜煎雞飯煎雞件煎得香口，外皮微焦，肉質嫩滑，冇雪味。醬汁唔會太濃，啱晒配飯。野菜同平時差唔多。新出茶碗蒸係滑蛋蒸水蛋款，入口超滑，蛋香濃郁，有蟹柳同獅子狗做配料，味道偏清淡，帶少少高湯香。份量唔算大，但都係加8蚊就有，所以份量同味道都已經算唔錯。…Read More

荷里活每日都有是日午餐，日日唔同，今日是日有炒烏冬，都算快靚正。呢碟黑椒牛柳炒烏冬，成碟睇落鑊氣夠、牛柳香、黑椒唔會太辣。牛柳肉質嫩滑，冇雪味。黑椒醬汁滲入牛柳入面，鹹香無辣。烏冬粗身，炒得焾，掛汁力好。黑椒醬汁黏住每條烏冬，但唔會太油，食到尾都唔覺膩，啱晒鍾意重口味但唔想太負擔嘅人。…Read More

中午呢度都好多人排隊食晏，我叫左個蕃茄濃湯粉，牛乳滑蛋，瑞士雞脾。蕃茄濃湯粉湯底係重蕃茄味路線，酸甜平衡得好粉係米線，掛湯力唔錯，食落去啖啖都係蕃茄香。牛乳滑蛋都真係幾滑奶香味突出但唔膩。蛋熟度掌握得好，唔會太生亦唔會太老。瑞士雞脾煮得好入味，醬汁係偏甜但唔會膩，係典型港式瑞士汁風格。…Read More

黎食台灣野，但唔想食炸野或者重口味既野，見到餐牌有清燉牛肉湯麵，就叫左碗試吓，始終唔係成日有清燉牛肉。湯底清澈但唔淡，入口有牛骨香氣，飲落去暖笠笠又唔會膩。牛肉係切件牛腱，燉得夠腍但唔散，肉質有咬口，同湯底嘅香味好合襯。麵條掛湯力唔錯。成碗麵食落去唔會太飽滯，啱晒想食得清清地又有飽足感嘅日子。冬天黎食應該會更加好，呢個好啱暖下個胃。…Read More

中午想食意粉但又唔想食咁貴，就喺呢間茶餐廳食左碟卡邦尼海蝦意粉。平時卡邦尼都係西餐廳/cafe先見到，但茶記食竟然唔錯，而且份量比平時喺cafe食大份。卡邦尼醬汁口感濃厚，配上海蝦、煙肉同埋蘑菇。蝦香口，肉質彈牙，冇雪味。如果蝦再多一兩隻就更完美啦。菇無煮得過腍，有咬口。意粉煮得唔錯，唔會過腍過硬。醬汁掛得實，唔會食到尾段就變乾。份量方面都算大份。如果怕食食下覺得膩，想有杯嘢飲，需要另外加錢，因為佢唔係套餐，唔包野飲…Read More

去鴨脷洲有咩好食？可以試吓呢間街市上面海鮮大排檔小炒。你可以點佢餐廳魚缸入面嘅海鮮或者喺街市度買咗海鮮拎上去俾佢整。呢間同平時大牌檔概念餐廳唔同嘅地方係佢除左有港式小炒，仲有泰菜食。餐牌都有分粵式同泰式兩個餐牌。聚餐果陣可以迎合唔同口味嘅人！🦀 咖哩軟坑殼蟹蟹殼炸得酥脆，連殼都可以食，口感豐富。咖哩醬細滑濃郁但唔膩，撈飯一流🥬 馬拉盞通菜通菜翠綠，馬拉盞味道突出但唔會過鹹，咬落爽口唔會有渣，配飯唔錯🥭 芒果沙冰芒果味香濃，沙冰口感幼滑，甜度適中。飲落去清爽又解膩…Read More

試左$699/2晚市套餐，下面有啲項目需要補錢，請以餐廳餐牌為準。整體好食，特別推薦手打意粉～🥗 Fish Brandade Salad with Lemon Dressing 香草魚茸薯仔沙拉配檸檬醬沙拉清新開胃，魚茸質感軟滑，入口即化，但沙律菜感覺唔係太新鮮🥩 Beef Tartare 和牛他他牛肉調味恰到好處，配上麵包脆片入口，口感豐富🍝 Chicken Breast Linguine with Tom Yum Sauce 冬陰功雞胸扁意粉雞胸肉質嫩滑，冬陰功醬汁酸辣濃郁，帶有香茅與辣椒風味在口中交織，每一口都充滿泰式風情。如果好似我咁唔食得辣既，會覺得呢個意粉都幾辣🦞 Lobster Homemade Fettuccine 龍蝦手打意大利闊麵手工寬條麵軟硬適中，手打意粉口感煙韌有驚喜，掛上龍蝦汁的鮮甜，令人有驚喜。龍蝦肉質彈牙，令人忍不住一口接一口，絕對大推！🦆 Ginger Duck Leg 薑母鴨鴨腿慢煮得軟嫩入味，鴨皮微微焦脆，入面既肉汁有被好好鎖住，配上橙醬，清爽唔會膩🐌 Escargot with Mashed Potato 法式香草焗蝸牛配薯茸蝸牛肉質彈嫩，配搭青醬奶油醬，加上幼滑既薯茸，令口感同味道都更豐富🥭 Mango Mille Feuille 芒果千層酥千層酥皮香脆輕盈，每層間夾著清甜芒果與吉士，是一道清新又精緻的甜點…Read More

呢間餃子店中午都比較多人，餃子款式多，仲有煎餃但中午繁忙時間唔提供。餃子可配米線或者上海麵。叫咗碗 5隻香菇粟米餃配上海麵餃子外皮唔算太薄，唔會一夾就穿。入面餡料好足，粟米粒粒分明，咬落去有啲甜味。最欣賞係餃子煮得啱啱好，唔會過熟變腍。上海麵煙韌有咬口。湯底係花膠豬骨湯，飲落去舒服唔膩，見有唔少人都會好似我咁食曬啲麵有湯剩都會飲曬佢。食完碗麵都唔會覺得口乾，所以佢嘅湯應該真係無落味精。成碗麵唔會太重口味，有種家常感，啱晒唔想食得太濃味嘅日子。…Read More

中午那個都好多人食，每日都要喺門口排隊先可以入座，要預早少少同多少少時間排隊。那個比較出名食便當同湯麵，但我呢一日好想食蔥油拌麵，又未試過佢既拌麵，所以叫左嘉義雞肉拌麵，另外加左塊豬扒🥰午市套餐有嘢飲送，所以都幾抵食嘉義雞肉同平時一樣咁好食，加上甜甜地既醬汁，味道唔會太濃配住拌麵食就好適合。拌麵係類似蔥油拌麵，份量適中，偶然想食邪惡嘅嘢食拌麵就啱啦。豬扒新鮮炸好，炸得啱啱好，外脆內軟，厚度適中，入面仲保留到少許嘅肉汁。…Read More

間唔中想食雞白湯拉麵，就會黎金鶴拉麵食佢個極濃雞白湯拉麵。 每次飲湯之前會食幾啖牛蒡脆條先，呢個亦都係我認為佢地既雞白湯拉麵獨有既特色。湯底雞香非常突出之餘，仲有種似牛乳咁滑身嘅質感，飲落去暖笠笠又舒服，唔會太鹹或者太油膩。麵條好掛湯，食落去每啖都係湯底既濃香。雞肉都嫩滑，加埋溏心蛋、青蔥、牛蒡等配料，口感多層次。…Read More

平日夜晚嚟食，發現入面全場爆滿，出面仲要等位。見到大部份人枱上面都係呢一隻燒春雞，大家都帶住手套用手食，個樣好滋味。我都叫咗燒春雞配意粉。隻雞熱辣辣，外皮香脆，入面啲肉多油多汁，帶住手套一路食，啲雞油肉汁一路流落手踭。隻雞係真係好好食，但要小心會焫親個嘴。旁邊嗰啲意粉係茄汁意粉，份量唔算太多，亦都唔係好熱，但蕃茄醬汁勝在夠開胃，食咗好多啖肉之後亦都可以幫手解一解膩。如果唔鍾意食意粉嘅，亦都可以揀飯或者薯菜。…Read More

來到太古城，咁啱想食意粉，就決定食好耐都冇食嘅意粉屋。晚飯時間，入面都坐咗十幾枱，比我哋諗嘅熱鬧。我地叫左半份燒豬仔骨同墨汁魷魚帶子意大利粉。燒豬仔骨🍖一上枱就聞到香味，豬仔骨燒得好靚，外層微焦，入面肉質嫩滑，啖啖都係肉汁。醬汁係偏甜帶少少煙燻味，啱晒用手拎住慢慢食。 墨汁魷魚帶子意粉🦑呢個意粉墨汁味濃但唔腥，意粉煮得啱啱好。魷魚切得啱size，唔會太韌，帶子煎得香口，外脆內嫩。成碟黑黑地但唔會太heavy，不過食完嘴唇會黑晒…Read More