P.jai_travelnfood's Profile

👨🏻‍🎓疫情之後已經年幾冇去過旅行，講真而加真係勁想去旅行出走吓！如果話疫情後最想去嘅地方應該就係台灣，因為真係太太太掛住台灣嘅夜市同好嘢食！��🍽前排P仔經過屯門市中心嘅時候，發現喺Aeon超級市場嗰層有間賣台灣炸物嘅外賣店叫#巷口炸雞 ，發現原來係台中嘅過江龍，於是就決定要試試佢！佢嘅炸雞一共就3款口味，今次P仔就買咗個大嘅塔香炸雞同一份甜不辣！��🍗塔香炸雞（大） HKD 42�首先講吓佢嘅塔香炸雞，印象中台灣嘅鹽酥雞之類都幾鐘意加原塊嘅九層塔去炸，而呢個就好似係將加層塔整碎再去醃雞，所以食落會有九層塔嘅香味，配埋微甜嘅調味都幾好食；而且佢都炸得幾脆，粉又唔會太厚，肉質又唔會好鞋，仲要即炸熱辣辣咁都幾唔錯！��🥠涮嘴甜不辣 HKD 29�另一樣P仔就揀咗甜不辣，都係即炸，外面脆脆哋，入面煙煙韌韌咁，甜甜哋都食到甜不辣嗰種特別嘅香味，都幾唔錯幾香口！��🍽整體嚟講覺得佢哋嘅炸物其實都幾唔錯，仲要即叫即炸咁熱辣辣，有機會P仔仲會想試吓佢哋嘅豆輪酥同米血！經過嘅絕對可以試吓，去唔到都食吓台灣嘢頂住先！希望快啲有得去台灣啦！�…Read More

👨🏻‍🎓最近嘅天氣真係熱到完全唔想出街，就連落街食嘢都唔太想郁，所以勁怕熱嘅P仔就間唔中都會叫下外賣！前排喺外賣Apps就見到有呢間食喇沙嘅黃店，未食過又好似幾吸引咁就叫咗嚟試吓！⁡🥘因為揀咗好耐都唔知要咩餸好，所以就叫咗個珍寶雜錦麵，入面真係勁多餸，麵方面就見佢有2溝嘅米粉同油麵，見幾得意就試試佢，另外就再加咗個小食拼盤！⁡🍜珍寶雜錦麵 HKD 62首先就講呢個喇沙先，佢嘅湯同麵係會分開，湯入面會有啲豆卜，吸哂湯汁！記得倒湯落去之前一定要攪下佢先再倒，因為下面會有啲濃啲嘅料。⁡🍲至於味道方面佢嘅椰汁味都幾香，食落微辣，但係又唔會好嗆，都幾舒服！麵方面米線同油麵各有各嘅優點，米線就好索湯，而油麵就有返啲口感，一次過有哂兩個口感都幾得意幾唔錯。⁡🥠另外係材料方面佢就有8樣咁多，最好食嘅第一樣一定係索滿晒汁嘅豆卜，勁入味勁好食！另外一樣都幾唔錯嘅就係豬軟骨，煮得好軟冧冧又入味，都幾好食；而其他就普普通通正正常常咁！⁡🍤小食拼盤 HKD 37除咗喇沙，P仔仲加多咗個小食拼盤，入面就有炸雞翼、龍蝦丸同越南米粉春卷！幾值得讚嘅係就算外賣都好脆，不過啊紙袋就勁油！⁡🫔首先講吓嗰雞翼，佢炸得好脆，外面有層薄薄嘅粉，調味都幾適中幾唔錯；而米紙春卷都一樣好脆，入面包咗啲芝士，勁惹味好好食；而最後一樣龍蝦丸就係好普通嘅龍蝦丸，冇咩特別咁！⁡🍽整體嚟講#榮少喇沙 幾啱我嘅口味，喇沙食落香椰汁味又唔會好辣，而且份量足之外價錢都唔算貴，所以都幾值得試！⁡…Read More

👨🏻‍🎓好耐之前就聽過Nuttea呢間茶飲店，聽到好多人都大讚佢好好飲，不過就一直都未有機會試！前排發現原來公司附近就有一間，所以就試吓佢係咪真係咁好飲！⁡🧋台灣紅玉堅果奶蓋茶 HKD 35第一杯試嘅就係呢杯#台灣紅玉堅果奶蓋茶 ，佢上面嘅奶蓋果然係名不虛傳，厚到同杰到完全係Cream嘅程度，仲要有3分1杯咁多，而且佢都幾香cream味，就咁食哂都有啲滯！⁡🍵食到咁上下就試佢啲茶，微甜嘅茶茶味都幾香，啱啱好中和返奶蓋嘅滯，成杯飲哂其實都幾飽同幾滿足！⁡🥛伯爵朱古力堅果奶蓋茶 HKD 47另一杯試嘅就係呢杯好多人推介嘅 #伯爵朱古力堅果奶蓋茶 ，價錢就貴啲，不過就有特色啲！⁡🍫上面嘅奶蓋同上一杯一樣都係咁厚，不過唔同嘅係佢係朱古力奶蓋，食落每淡都有朱古力味；配埋下面微甜微苦嘅Earl grey成年事就啱啱好！對於鐘意Earl grey嘅P仔嚟講雖然貴啲，但係呢杯就更加好飲！⁡🍽整體嚟講雖然佢哋嘅價錢都偏貴，但係質素都幾高，而且飲一杯就夠一個tea，係嘢飲之餘又可以做甜品都幾唔錯！同埋要讚下佢俾嘅木鏟仔，幾cuteeee，用嚟食啲cream啱哂！⁡…Read More

👨🏻‍🎓喺葵廣3樓嘅TOP世界入面近呢幾年開咗好多間唔同嘅黃店，P仔之前都試過幾間，今次就試呢間賣toast嘅小店 #不toast不快 !🥪佢哋嘅toast一共就有8款咁多，大部分都係HKD 40-50左右咁，P仔就揀咗佢哋嘅#漢堡扒流心芝蛋吐司 。因為佢係即叫即整，所以叫完要等15分鐘左右，呢個時候就可以去附近睇吓有咩其他嘢食！🍞因為即整嘅關係，佢拎上手都幾熱，P仔覺得好好嘅係佢個包會用牛油烘過先，所以食落會香啲仲脆脆哋咁！🍳另外呢個吐司都幾足料，入面有一塊普通嘅漢堡扒、椰菜絲、芝士、沙律醬同埋幾滑嘅蛋，成個勁厚勁豐富，要好大啖先會咬得哂成個包，真係勁豐富勁滿足，食完成個包都已經覺得飽，配多杯嘢飲就啱啱好啦！…Read More

👨🏻‍🎓唔知有冇人同P仔一樣都係好鐘意打邊爐呢？冬天凍冰冰要打邊爐，夏天熱辣辣就要開住冷氣打邊爐，勁爽！🥢今次就要講一間喺銅鑼灣鬧市嘅邊爐，價錢唔算貴之外質素都幾高，絕對係一個好唔錯嘅邊爐選擇！🍲今次試嘅呢間就係叫#滿漢金鍋 ，銅鑼灣站C出口一出就係，位置勁方便。今次P仔同朋友就食咗6樣嘢，湯底方面因為朋友唔食得辣嘅關係，所以就揀咗普通嘅豬骨湯，飲落都算清甜。🥩首先講下佢嗰肥牛啦，佢同一般買到嘅有啲唔同，睇就知係手切嘅肥牛，而食落佢都好唔錯，唔會好韌，嫩得嚟都食到幾香嘅牛味，幾唔錯。🍗另外佢嘅雞件都唔錯，食落真係幾滑；不過要講P仔最鐘意嘅就一定係佢哋嘅豬膶，夠哂新鮮，食落爽脆得嚟仲帶啲甜味，記得一定唔好淥太耐，唔係就會冇咁好食！🍡除咗豬膶之外，佢哋嘅手打牛太同鯪魚球都好好食！手打嘅丸比出面買嘅爽口彈牙好多，而且調味都好好，牛丸加咗啲黑椒落去會再香咗；而鯪魚球就完全唔會腥，好香魚味，係好真材實料嘅感覺！🥬最後要講嘅係西洋菜，佢好似比食開嘅幼少少，食落好似嫩啲，而且食落都係甜甜哋咁，好唔錯！🍽整體嚟講佢哋嘅所以食材都好唔錯，幾高質。喺銅鑼灣嚟講價錢好似都算係咁，而加仲要有5折，計起上嚟好抵，幾食得過！…Read More

👨🏻‍🎓長洲而加嘅黃店餐廳真係多咗好多，除咗上次講過嘅炸雞#熾工房 之外，今次就講吓另一間都幾出名嘅Cafe！☕️今次P仔同朋友試嘅呢間叫#啡寮 ，裝修幾簡單幾舒服，入面有10個位左右，不過P仔下晝去到嘅時候已經坐滿咗，所以就唯有拎走邊行邊飲！🍍菠蘿冰滴咖啡 HKD 48一場嚟到，見到除咗一般嘅咖啡之外，呢到仲有啲特色嘅口味，緊係要試吓啦，所以P仔就叫咗杯菠蘿冰滴咖啡嚟試吓！🍾講真一開始飲嘅第一啖其實唔太習慣，覺得有少少奇怪，因為佢係咖啡味再帶少少菠蘿嘅微酸微甜，但係唔知點解有少少cocktail嘅感覺。但係慢慢飲落又覺得其實幾好飲，因為佢有咖啡香之外仲會有啲果香味，唔會苦反而係微甜，仲會食到一絲絲嘅菠蘿肉，都幾特別幾好飲，啱哂唔鐘意飲好苦嘅咖啡嘅P仔！🍽P仔叫完拎走先見到好似堂食嘅話會有好靚嘅菠蘿型嘅杯，好啱打卡，不過見冇咩位然後又已經叫咗就冇辦法。入到長洲嘅話可以去試吓，幾啱長洲度假休閑嘅感覺！…Read More

👨🏻‍🎓近呢幾年香港好似愈嚟愈多唔同嘅cafe，不過講到最出名，分店開到成行成市嘅除咗Beans之外應該就係#牧羊少年咖啡館 啦！雖然分店唔少，但係間間都好多人幫襯，P仔淨係食過一次tea，都排咗半個鐘以上。🍴P仔之前同朋友就係去幫襯喺太子嘅分店，喺tea time去都要等成半個鐘，不過食完之後覺得排都幾值得嘅，因為佢都真係幾高質！P仔同朋友因為係假期去，佢好似就冇tea，所以就分別叫咗2個唔同嘅lunch set，分別係厚切雞扒蕃茄沙律菜意大利包配蜜糖芥末薯角同香炒泰國香椒膏鳳尾蝦以大利粉！🥪厚切雞扒蕃茄沙律菜意大利包配蜜糖芥末薯角 HKD 108首先就講下呢個意大利包，咁其實就係朋友order嘅，P仔淨係試咗少少。意大利包嘅材料好豐富，而且個包同雞扒都唔會好乾，配埋沙律菜同蕃茄同啲醬都幾fresh幾好食！🥔至於個薯角就炸到好脆，入面仲食到薯仔嘅口感，配埋甜甜地、好香芥末味但係又唔會好嗆嘅蜜糖芥末醬好好食，整體份量都幾多！🍝 香炒泰國香椒膏鳳尾蝦意大利粉 HKD 108至於P仔order嘅意粉就絕對係要大讚，本來以為係個幾普通嘅意粉，但係食落佢嘅味好特別好香。酸酸甜甜嘅醬一食就好有泰式嘅感覺，有啲啲冬蔭功嘅味但又唔會好嗆好辣，同時又會有蕃茄微酸微甜，食落勁開胃勁好食！佢哋嘅蝦仁都幾爽口幾唔錯，唔會話好重雪味，所以大推呢個意粉！（P仔有自己試過用蕃茄同冬蔭功料同醬但係就整唔返嗰隻味...）☕️牛奶咖啡 Cafe Latte 跟餐加HKD 12另外P仔就加咗杯凍嘅latte，佢嘅咖啡同奶味比例都幾唔錯，唔會太濃又唔會太淡，不過唔知係本身係唔甜定係要自己落糖漿之類，佢就完全冇甜味，P仔少飲咖啡唔太知，不過都幾好飲。🍽整體嚟講佢哋嘅食物質素真係幾高，係P仔會大推同想再幫襯嘅餐廳，難怪會咁多人排隊。另外聽朋友講佢之後再去另一間分店就冇見到呢個意粉，唔知係唔同分店，定唔同時段食有唔同，定係可能會定期換menu，不過點都好佢真係好值得去食！…Read More

👨🏻‍🎓之前P仔有朋友生日，可以食嘅又方便買嘅連鎖店就好似得A-1同La famille，但係成日食呢兩間有啲悶就想試下新嘢。🪐咁啱之前有一次喺IG就見到葵廣有間賣星球蛋糕嘅黃色小店叫 @rain.bow_cakery ，見唔少人買嚟用個鎚仔敲下敲下咁嘅得意，於是就買咗嚟試吓！🍪P仔喺佢朝早開舖冇幾耐就去買，點知去到都已經有人排緊隊。喺咁多隻味裏面P仔就揀咗Oreo麻糬口味，入面仲會有隻隨機款嘅公仔，今次就拎到史迪仔嘅朋友甘仔，都幾得意。🍫講下佢嘅味道方面啦，其實佢基本上就係分咗4層，最外層嘅星球造型就係都幾甜嘅朱古力；而入面最頂就係有啲Oreo碎嘅Cream，下面有啲蛋糕，最底仲有啲牛奶麻糬。🍰Cream方面佢都幾滑，配埋Oreo碎食都幾香幾好食，再配埋軟綿綿嘅蛋糕食都幾唔錯；至於牛奶麻糬都幾好食，但係份量偏少，存在感有啲低咁。🍽整體嚟講呢個星球蛋糕算係唔錯嘅，賣相同驚喜度都幾高分，食落嘅味道等等道正正常常都唔錯咁，覺得想食啲特別啲嘅蛋糕都可以試吓嘅！…Read More

👨🏻‍🎓疫情冇得去旅行，想出走吓就唯有去下啲離島行吓！前排P仔就同朋友去咗長洲，大大話話都有幾年冇去過，原來開咗都幾多新嘢，仲要係黃店，緊係要試吓幫襯下支持下啦！🥤今次試嘅呢間叫#熾工房 ，佢哋賣嘅就係炸雞、燒雞同蘑菇飯之類，完全係長洲高質版嘅KFC。今次P仔同朋友就叫咗一個炸雞套餐同一個燒雞套餐share，然後再加咗洋蔥圈同肉醬薯條，真係非常唔錯！🍗滋味脆雞套餐 轉蘑菇飯 HKD 55首先就講下佢哋嘅炸雞套餐，有一件大大件嘅炸雞胸同炸雞髀。因為係即叫即炸嘅關係，所以要等15-20分鐘，不過要等都係值得嘅，因為熱辣辣食真係勁好食。外皮勁脆，入面仲好嫩滑又juicy，真係超級好食！🍖蒜香檸檬燒雞套餐 轉蘑菇飯 HKD 57至於佢哋嘅燒雞同樣都係咁吸引，都係即叫即整要等下，外皮燒到微脆，入面都係勁juicy勁嫩滑，仲會帶啲檸檬清香，不過因為P仔太鐘意食炸嘢，所以會鐘意炸雞多啲！🍲另外佢哋必食嘅絕對係蘑菇飯，加HKD 3都勁值得。佢同KFC嘅蘑菇飯完全係兩件事，佢係濃好多嘅蘑菇湯嘅感覺，蘑菇味勁香勁濃，入面嘅菇都幾多，配埋飯食真係會停唔到！🍟墨西哥辣肉醬薯條 HKD 34另外P仔同朋友就叫咗個辣肉醬薯條，份量都唔少，薯條炸到好脆，配埋辣肉醬食惹味好多又唔會話好辣，所以都幾唔錯！🧅炸洋蔥圈 HKD 18除咗薯條，P仔同朋友再叫多咗個洋蔥圈，一樣炸到熱辣辣好脆，入面嘅洋蔥都幾甜，不過就普普通通咁，但係就都係幾好食幾唔錯！🍽整體嚟講，呢間真係高質過KFC勁多倍，仲要係黃店，會去長洲行下嘅絕對可以去試吓支持下！…Read More

👨🏻‍🎓作為一個珍珠奶茶控，對珍珠奶茶類嘅台式飲品都有返咁上下要求！🧋其實李圓圓呢間舖都幾耐之前就聽過，印象中唔少人對佢嘅評價都幾好，P仔自己之前就飲過一次，對佢嘅印象都唔錯，不過一直都有個疑問，究竟佢普通同2.0嘅嘢飲有咩唔同呢，今次終於有機會有藉口一次過試哂2杯嘢飲啦！🍯今次P仔就試咗佢哋嘅黑糖珍珠鮮奶普通版同2.0，外觀上係冇乜分別，都係大概3分1杯珍珠同好多嘅黑糖掛杯，睇落就覺得好靚同黑糖味會好夠；再加上一拎上手就feel到嗰底啲黑糖仲暖暖地，唔係擺好耐凍冰冰嗰啲！🥛首先就講下奶嘅部分，聽店員講2.0嘅唔同就係會多啲奶少啲冰，果然飲落2.0嘅奶味係會濃啲香啲，P仔冇改任何冰度甜度，配埋又香又甜嘅黑糖味飲落啱啱好，就算隔咗一陣飲都唔會因為啲冰融咗變到好淡；至於普通版擺咗一陣就會變得略為淡啲，有少少奶溝水嘅感覺！🍡另外珍珠方面佢哋真係做得好出色，P仔最唔鐘意就係軟稔稔嘅珍珠，而#李圓圓 就完全唔會，咬落好煙韌，而且好重黑糖味，算係食過數一數二嘅黑糖珍珠！🍽整體嚟講，李圓圓嘅質素真係幾好，佢哋嘅黑糖珍珠喺P仔心目中排名都幾高；如果要揀嘅話P仔會推薦2.0多啲，係加強版嘅感覺，值得去飲下！…Read More

👨🏻‍🎓講起長洲名物，第一時間諗到嘅應該就係大魚蛋同糯米糍。雖然喺長洲賣大魚蛋嘅舖頭勁多，不過講到最多人幫襯嘅一定係落船直行就會見到嘅#甘永泰魚蛋 。🍢雖然話就話最出名嘅係大魚蛋，不過鐘意食脆口煎炸嘢嘅P仔就揀咗佢哋嘅魚肉釀豆卜，一串有7粒，感覺好似係反轉咗嘅豆卜釀咗唔少嘅魚肉，食落外面脆卜卜，入面又有魚肉嘅彈牙同香味，又唔會話好大彈油味，真係勁好食！唯一一樣差啲嘅就係佢係凍凍哋嘅，熱食一定會再好食啲。不過冇辦法啦，咁多人幫襯好難不停即炸。🍽除咗大魚蛋之外真係可以試吓呢個，個人就覺得好食過魚蛋啦，食完上船就啱啱好啦！…Read More

👨🏻‍🎓話說前排P仔見到好多人都有講過吓呢間喺海港城附近嘅樓上Bar & Restaurant ，所以出開去尖沙咀就去咗試吓！佢哋嘅環境都幾chill幾舒服，有好靚嘅燈牌，仲有露天嘅位，不過嗰日微雨，所以P仔同朋友都係坐返室內位。🍽佢哋嘅menu都幾多唔同嘅嘢揀，而今次P仔同朋友就試咗4樣嘢，每款賣相同味道都好唔錯！🍕Prosciutto Pizza HKD118第一款試嘅就係佢哋嘅Prosciutto Pizza，上面有芝士、Parma Ham、火箭菜同黑醋！佢嘅餅底係好脆嘅薄批，咬嘅時候會食到Parma Ham嘅咸香味，仲有黑醋嘅酸甜味，仲會有勁香嘅芝士味，雖然好多唔同嘅味，但係又會好夾，每種味都唔會撞，再配埋火箭菜嘅Fresh就會啱啱好中和下，所以非常唔錯，就連朋友平時話一般般薄批都話呢個好食！🥘Grilled Octopus with Garlic Herbs & Bango Sauce HKD118第二款試嘅就係佢哋menu有推介嘅八爪魚。本身P仔就幾鐘意食魷魚、八爪魚之類嘅嘢，佢呢到嘅八爪魚會切到一片片咁，然後再配埋甜甜哋嘅醬油，入面仲會有啲蒜同香草嘅香味，食落好開胃好惹味！另外，佢嘅八爪魚唔會話煮到好稔，仲會有啲咬口咁，味道非常唔錯，就連入面啲配菜都好好食！🍝Mentaiko Crabmeat Spaghetti HKD98第三樣食嘅亦都係P仔最推介嘅一樣，意粉一入口就勁香蟹肉嘅香味，仲會有明太子嘅味，而且啖啖都會食到蟹肉，仲會有唔同嘅海鮮，食落真係勁好味，絕對係必食推介！聽講呢個仲係新嘅菜式，質素非常高，去到真係可以試吓！🍶Raindrop cake with Sake & Berries Sauce HKD88最後一個甜品我哋就試咗顏色超高嘅raindrop cake，其實今次係P仔第一次食，見就見得多，不過佢真係好靚，入面仲會有啲生果粒！至於口感方面佢就似普通嘅啫喱，不過係冇咩味，要靠佢哋嘅sauce。佢哋嘅sauce會有一個係berries sauce同sake，本身都驚berries sauce會太酸，同埋sake會太苦，但係食落berries sauce反而係甜啲，配埋sake好微嘅苦味，互相會中和返，食落都幾夾，仲有啲sake香味，真係幾唔錯！🍽整體嚟講P仔對佢哋嘅評價幾高，無論係環境、賣相同味道都有返咁上下嘅質素，絕對對得住嗰價錢，一班人chill下或者嚟拍拖食飯都啱哂，真係可以嚟試吓！…Read More

👨🏻‍🎓要數多黃店嘅地區，不得不提自成一角嘅元朗國，簡直就係總有一間喺左近，無論中西日韓台泰嘅黃店都可以喺到搵到，今次P仔就要介紹間食中式撈麵嘅餐廳。🍜今次P仔食嘅呢間就係叫御麵，舖仔細細咁太係真係估唔到咁好食，而且價錢唔貴，佢嘅好味完全係出乎預期！🍝佢呢到嘅招牌菜其實就係佢哋嘅酥炸雞球撈麵，大大粉又好食！首先要講下佢哋嘅撈麵，質地方面係偏粗少少嘅麵，食落唔會好稔，反而都幾彈牙，配埋佢哋獨一無二嘅自家製甜豉油同應該係蔥油，食落甜甜地又好香，完全係會一啖接一啖停唔到，算係食過最好食嘅撈麵！🍗至於佢哋嘅酥炸雞球就有4大舊，全部都係肉，應該加咗啲黃薑粉之類醃，所以黃黃地同有陣香味。呢個雞球最好食嘅地方係佢外面炸到勁脆，連埋塊皮都勁脆，入面就都仲幾juicy，唔會好乾，所以都好好食！☕️另外呢個麵係會有埋一杯熱飲，P仔就加咗HKD 2轉凍檸茶少甜，飲落唔會好甜，但係茶味都幾香，同一般飲到嘅分別唔大！🍽整體嚟講呢個麵同雞球都好高質，而且價錢唔貴好大份，絕對係P仔會回頭嘅餐廳之一！不過唯一就係小店有小小逼，但係佢太好食所以其他嘢都唔重要！…Read More

👨🏻‍🎓講起屯門黃嘅甜品店第一時間諗起嘅應該係喺紅橋嗰2間主打窩夫同梳乎厘pancake嘅甜品舖，不過原來喺安定邨都有間黃嘅甜品店！🏫P仔以前中學就係友愛邨，所以間唔中lunch或者放學都會行去安定邨食下嘢；不過自後畢業之後就好少去嗰邊，原來嗰到開咗好多新嘢，真係都幾值得去試吓！🍨講返呢間甜啊舖，佢就叫做#糖山莊 ，喺正安定輕鐵站對面，都幾易搵到；佢哋賣嘅都係一般嘅甜品為主，P仔同朋友就叫咗佢甜奶朱古力醬窩夫同抹茶心太軟share。🧇甜奶朱古力醬窩夫 HKD 44首先就講下佢哋個窩夫，甜奶其實就係有層類似煉奶咁嘅醬；而個窩夫食落就唔會好硬，外面微脆，口感都幾唔錯，配埋雪糕同朱古力醬食都幾夾幾好食，而且HKD 44都幾抵幾唔錯！🍵抹茶心太軟 HKD 50至於個抹茶心太軟P仔就覺得再出色啲，切開個下都係流心嘅，外面焗都脆脆地，最緊要係茶味都幾香幾濃，配埋朱古力醬食甜味同苦味啱啱好，係幾唔錯幾出色。另外個雪糕就要咗榴蓮味，都幾香幾好食，又唔會好假，絕對可以試吓！🍽整體嚟講今次食到嘅甜品都有中上嘅水平，都算係幾唔錯，而且價錢都幾抵，所以都可以試吓！…Read More

👨🏻‍🎓呢間喺P仔屋企附近嘅黃色甜品店開咗都好幾年，喺佢未搬大舖之前P仔就已經開始幫襯，一開始就淨係賣啲甜品同小食咁，而加就連台式嘅飯麵正餐都有得食！🍛肉燥鹽酥雞扒飯 HKD 49佢哋嘅甜品P仔就食過好多次，正餐就淨係食過一次，就叫咗佢哋嘅肉燥鹽酥雞扒飯。呢個飯嘅份量都幾多幾大兜，一大塊嘅雞扒切開咗6-7舊，肉燥都幾多，啱啱好夠哂嚟撈飯！🍗味道方面佢哋嘅肉燥就普普通通咁，唔會過咸，用嚟撈飯啱啱好；至於雞扒都仲幾脆好好食，調味都啱啱好，不過都係普普通通嘅好食！🥣至於佢哋嘅糖水方面P仔今次就叫咗個薑汁湯丸同波波池。🍡黑糖薑汁湯丸 HKD 28佢哋嘅薑汁湯丸size比出面買到嘅細粒少少，入面都係芝蔴饀，每碗就入9粒咁多，咬落都幾煙韌，配埋薑味十足嘅薑湯真係好唔錯！🍧波波池 HKD 48另外一款P仔叫咗嘅就係波波池，顧名思義入面嘅都係圓形好似個波咁嘅食材，好似有芋圓、紅豆粒、西瓜、小太子同雪糕球咁。🍡入面嘅芋圓口感好煙韌，不過芋頭蕃薯味就唔算話好出，要咬一陣先會有淡淡嘅味；而西瓜都甜甜哋咁幾唔錯。其他幾樣材料就係普通出面食到嘅無話太特別咁，不過配埋哂嚟食又幾唔錯幾好食，可以試吓！🍽整體嚟講佢哋嘅甜品都主食都幾唔錯嘅，不話感覺甜品會出色啲，同埋佢夜晚好似都幾多人食，不過對唔係住附近嘅人可能就有少少遠，有機會經過可以試吓！…Read More