🪐咁啱之前有一次喺IG就見到葵廣有間賣星球蛋糕嘅黃色小店叫 @rain.bow_cakery ，見唔少人買嚟用個鎚仔敲下敲下咁嘅得意，於是就買咗嚟試吓！
🍪P仔喺佢朝早開舖冇幾耐就去買，點知去到都已經有人排緊隊。喺咁多隻味裏面P仔就揀咗Oreo麻糬口味，入面仲會有隻隨機款嘅公仔，今次就拎到史迪仔嘅朋友甘仔，都幾得意。
🍫講下佢嘅味道方面啦，其實佢基本上就係分咗4層，最外層嘅星球造型就係都幾甜嘅朱古力；而入面最頂就係有啲Oreo碎嘅Cream，下面有啲蛋糕，最底仲有啲牛奶麻糬。
🍰Cream方面佢都幾滑，配埋Oreo碎食都幾香幾好食，再配埋軟綿綿嘅蛋糕食都幾唔錯；至於牛奶麻糬都幾好食，但係份量偏少，存在感有啲低咁。
🍽整體嚟講呢個星球蛋糕算係唔錯嘅，賣相同驚喜度都幾高分，食落嘅味道等等道正正常常都唔錯咁，覺得想食啲特別啲嘅蛋糕都可以試吓嘅！
