小愛's Profile

母親節老公送咗個"驚喜"薑紅茶慕絲蛋糕，睇外表已經完全唔知似乜，雖然醜樣但希望入面味道唔差結果真係超!難!食!薑味好辣同蛋糕完全唔夾，食咗幾啖真係頂唔順，想嘔cream係可以打得幾滑，蛋餅底幾硬切唔開。茶味唔錯，但一加咗薑味真係好難食!相片完全係理想與現實…Read More

未加價之前（$168），拉大隊嚟食過三次 個個都食過大讚。當時有牛有沙白翡翠螺。加價加到$238後，晚市完全唔使排隊，B餐多返牛同雪藏青口（但冇咗新鮮沙白同翡翠螺）見加價好似多咗小食，但結果係三分二都冇，同宣傳圖不一樣。連季節限定湯底都冇（之前有冬陰功湯底）冇左地瓜條（得薯角），炸地瓜粒又冇左唔見有洛神花茶，八點連麥香烏龍都冇埋。:(糖水多咗（冇咬口）芋圓mix芋頭西米露。甜品之前三樣出齊（薏米/綠豆/愛玉/仙草），現在祇有仙草及愛玉。花生酥紅豆酥及啫哩仔沒有再提供冷盤三樣出兩樣：枝豆及滷水雞翼（之前係醉雞翼）冇咗麻辣鴨腎勁大盤滷水豆腐及蛋呢個價錢我點解去喺深水埗食紅×/福××，起碼有蝦有鱔仲平過你。就係貪佢之前臺灣直送，有誠意，點知得返啲現成雪藏貨。咁不如搭出旺角食臺式hotpot放題，起碼有雪糕。Warning同事屋企人千祈唔好再嚟，落差太大…Read More

呢間野開左n年，見上菜快又平先幫趁。但呢幾年煮嘢越嚟越鹹，侍應塊面越嚟越黑。疫情中期老闆諗住擺隻青蛙諗住谷生意。唔怪得有D偽黃店咁難食，呢間食完博腎虧。之前食香葉肉碎炒飯、蠔仔湯飯、大蝦粉絲煲、生菜肉碎包都鹹到喊炸蝦餅唔夠金黃，軟殼蟹包太油，芒果糯米飯芒果有渣，杯青檸梳打酸到喊。完全係港式泰國菜不夠正宗。唯一一係上菜真係夠快，價錢抵食。無骨南雞飯算唔錯黃咖喱雞飯成盒食剩2/3，雪雞十港式淡味咖喱。…Read More

因為放題在家附近，已經三四次幫趁。但第一次幫趁生蠔放題，一來個海鮮蒸氣鍋，二人份約十多隻細蜆，數隻東風螺加兩隻細蟶子。生蠔不加茄汁真的吞不下雖大隻但不新鮮，而且差不多20分鐘才來一趟，中伏亦沒有如食評中送炒蟹。刺身，熟食，炸物跟大部份放題差不多~…Read More

同老公行出太子揾食,我地都好like上海野,見鋪外餐牌都啱食就入去試。可惜想叫嘅醉雞、蔥油餅都冇:(無乜選擇,叫左個set dinner$48,一碗撈面(淡,火腿絲+青瓜+昆布絲…唔怪得隔離枱要揾豉油,可惜冇provide)小籠包4隻(ok)豆漿(mini size，約茶餐廳杯3/4):(樓面得—個阿姐執野又唔識落單,老板娘又要做廚房又收錢又落單,所以幾亂。…Read More

第二次黎食因為想食台灣牛肉麵，地方細細，得一層，坐得幾密下，環境都乾淨企理。老板娘見我地睇緊電視，想轉台有問下我地:)1)台灣牛肉麵：麵質幾滑，份量足，牛肉幾多下，夠淋，但湯底唔夠濃(無乜藥材味):(2)鹽酥雞麵：鹽酥雞細細粒夠脆，調味調得幾好$44包杯野飲，都算咁上下P.S：聽到其他食客話D新竹米唔錯，下次試試:)…Read More

一家5口專登過黎大角咀打邊爐，食左兩個鐘只係黎左：1)兩碟牛$270(份量少，菜墊底)2)白膳$40(5塊薄切)3)鮮鵝腸(苦的)4)雞子ok5)招牌豬骨湯底(唔錯，細煲有10舊骨)6)生菜見樓上寫呢間鋪會計錯單，埋單5位$720($15/位茶芥)，見佢黎得咁慢，都唔敢加order，仲要無人飽，唯有過豬仔每人食雙份糖水:(…Read More

食完好好味ge豬潤米下一站就係試甜品外賣o左榴槤布甸,主打豆腐布甸、栗子糖水同合桃糊。豆腐布甸x2：果然真係招牌主打，以為好淡，但真係好好食栗子糖水：我覺得ok,夠足料。但父上話栗子有d壞....咁試真又係榴槤布甸：係車度都聞到榴槤味，唔錯~合桃糊：比起招牌主打豆腐布甸同濃味榴槤布甸同栗子糖水，合桃糊即時變得好普通。全部糖水好有心去整,好有家庭風味，不會太甜:)仲有d staff好nice101%會再去(豬潤米-->綠林)P.S. 唔好睇錯一間叫糖x佬ge鋪頭,我皇兄就係睇錯招牌去錯鋪,仲問人家有冇:豆腐布甸"…Read More

約o左兩個大學同學去gathering,打去落booking個小姐又話有蠔我見openrice食評話lunch都有蠔咪去試試lor....冇lor,淨係得蝦,翡翠螺、魚生同青口仔:(朱古力噴泉得西瓜、棉花粒、西瓜、哈蜜瓜、波蘿,西瓜同哈蜜瓜未係"造",唔好食。印度野好似擺o左好奈,無人夾就咁放係大路邊,唯獨係d脆片係即炸甜品一般,咪得h記雪糕好,其他甜品賣相同味道好普通。只能講：無下次…Read More