blankszecyi's Profile

2025/10/21朋友推薦，話野食唔錯，過嚟一試。11:30開門就有午市套餐，嗌左一份中辣雞翼乾鍋。食得辣嘅，絕對要嗌大辣，中辣完全唔夠。首先，乾鍋唔乾，唔香，所有野都係濕的，改做濕炒/豉油王會易接受啲。上面嘅乾蒜正常係咪應該脆嘅？我食落係好硬，好似咬到碎骨咁，係咪潮左。而且雞翼唔入味，唯一優點係有4隻。啱啱講到雞翼唔入味，但蓮藕係極鹹，明顯落足生抽/老抽/豉油，得鹹味少少辣味冇香味。會唔會係香料/辣椒問題。係有啲浪費，但最後真係鹹到淨左2舊蓮藕冇食到。見到有花椒，但食落一啲麻嘅感覺都冇。成碟野椰菜花最正常最好食，萵荀第2名。…Read More

買左乾炒牛河+附餐嘅熱好立克。結果變左杏仁茶？唔知係咪叫e個名。好彩都有人會飲杏仁嘅嘢，但期望落差。自己杯蓋寫住“杏”字都可以俾錯以後每一次買都要拆開望下有冇俾錯野第一次嚟依間買野，第一次就俾錯但乾炒牛河友人評價話都幾好食，但唔鐘意薑味嘅唔好嗌。…Read More

試左水煮魚(桂花)同辣子雞。辣子雞好食，我鐘意食辣但唔太食得辣。e樣菜對我嚟講唔辣，好香好適合送飯。水煮魚可能我地揀左桂花魚，唔多骨，好滑好好食。下面有芽菜同寬粉，但都有d過份地鹹:(，冇食幾多。麻同辣方面，都算麻，係越食越麻果種。辣度比辣子雞辣。可能因為我食唔到太辣叫佢地做小d辣就好，叫既e兩樣野都唔算太辣。服務方面，因為12.開門，我地未12.就係門口等佢開舖，當時都有3.4批人12.就去食，服務唔算熱情但都正正常常，當時食辣子雞食到七七八八都未上水煮魚，我地冇出聲，但果個員工定唔知老闆上水煮魚時都有同我地解釋翻因為條魚係現斬，所以會耐少少:)。總結：會回顧:)下次都可能會再叫辣子雞，間唔中想食辣都會再去幫襯。…Read More

今日同朋友去食e間餐廳，見到食評唔錯就嚟試下。我點左個牛肉麵套餐，一嚟到發現牛肉麵唔太熱，充其量係暖。而且，食到紅蘿蔔白蘿蔔果陣時，白蘿蔔好酸，我就覺得奇怪。再試試紅蘿蔔，又係酸既。我就以為係咪本來就係酸既，係我食唔慣:(，但食完再去睇返食評，見到食評話蘿蔔清甜可口…..我就開始懷疑自己係咪食到變壞既蘿蔔。但我冇再追究，因為已經離開左餐廳。第二件事就係我和朋友叫既套餐都係B套餐，即會送一份今日精選甜品，我和朋友食完加傾下計差唔多都有1個鐘，我地都唔記得有甜品未嚟。最後都係離開餐廳先記得。E件事雖然我地有責任，唔記得提佢上甜品，但亦冇人通知過我地甜品後上或者甜品需要即時候先叫佢地上，e件事亦好遺憾:(，本身都幾期待d甜品。優點都有，牛肉好食，都有好多舊。麵都好食總結：體驗一般。牛肉麵是暖的，唔係好熱。蘿蔔變酸變質。甜品冇上冇食到。…Read More

前兩日同朋友一齊食自助餐，我地6點正入場已經見到食物陸續擺出黎，即刻趁餐廳仲冇咩人既時候影少少相📷。一入座既時候即刻有人落水杯同幫我地啲袋粒椅套，服務都真係唔錯👍🏻，攞野食放住個袋係位都安心啲，又唔驚食食下嘢會整污糟個袋😅😅6點半開始自助餐個個都聚晒去攞海鮮，一開始龍蝦同長腳蟹最搶手。凍海鮮方面，我淨係攞左龍蝦，龍蝦多膏，啲肉食落都幾爽口下，好好吃😄👍🏻海鮮果邊其實都有檸檬同其他醬汁比人配海鮮，唔鐘意單食海鮮既人都有醬汁可以配搭👏🏻熱食方面，我去左食車仔麵😄果度都有10種以上食材比你自己揀去比個師傅煮熟配麵，麵都有5種咁多❗️❗️湯有清湯同冬陰功湯比你揀🍜，今次我叫師傅推薦我食邊種麵，對於選擇困難症既人真係一時間都揀唔出要食邊款🤭個師傅幫我揀咗細麵，麵條好吸湯，勁好食🤤，冬陰功湯食落唔會太辣，味道啱啱好，❤️蜆肉好好食，冇沙同埋真係好鮮甜🤤🤤🤤對我黎講絕對係每次去必食之一❤️。👍🏻👍🏻👍🏻👍🏻👍🏻❗️❗️❗️另外我仲攞左其他熱食，十分推薦而且下次黎會再食既有海鮮鮑魚粒鍋巴，一口鴨肝，羊架，牛扒👍🏻👍🏻牛扒搭芥末酱好好食❤️🤤，果邊仲有燒汁都黑椒汁可以比人選擇✅可能個人口味原因，唔偏好食蒜蓉所以個蒜蓉粉絲帶子唔太啱我。但今次每人有送一個芝士帶子同炭燒香草大蝦🍤❗️❗️❗️帶子都幾大粒，香濃既芝士加帶子真係好好食🤤🤤❤️另外個大蝦趁熱食都十分唔錯👍🏻👍🏻🍣壽司同刺身方面，因為我唔食刺身，所以淨係試左個炙燒蟹棒壽司，個人十分推薦依款壽司😆個蟹棒係壽司飯既5倍咁長，蟹棒鮮甜，外觀吸引又好食🤤🤤甜品同飲品方面，真係好多款甜品供應❗️❗️❗️真係每樣食一舊都飽。甜品好睇又好吃。必攞既拿破崙同蝴蝶酥我都有攞，食到已經飽飽地既我食依個甜品既時候都覺得好好食🤤🤤另外都十分之推薦雜果芝士同藍莓芝士蛋糕🍰，各有不同風味，十分滿意啲甜品👍🏻👍🏻Häagen-Dazs雪糕都有4.5款口味比人揀，而且仲有我最鍾意嘅曲奇雲呢拿雪糕❗️❗️❗️❗️❗️❗️飲品有汽水橙汁柑桔檸蜜自助咖啡茶水☕️自助咖啡茶水可以自由選擇甜度同濃度，十分唔錯❤️總括黎講係一個會二次黎食既自助餐。性價比高。大約7點既時候仲會有歌手鋼琴手彈琴同唱歌🎤，加上燈光既點綴都好有氣氛~~睇落唔係好多唔同種類既野食比人揀，但自己親身去到食都唔會點覺得食物款式少😄…Read More