ChuLay's Profile

台式珍珠奶茶近來真係好hit，見到到新開既"再來一杯"門口有成十幾人等緊，加埋瘋薯既食客，完全封左條路，我都成為一份子，迫入去買左杯最穩陣、最普通既珍珠奶茶，十蚊杯，大大杯，同旺角價格相同。下午同同事傾先講緊珍珠奶茶好難整得唔好飲，點知...大大粒珍珠完全無味，奶茶既茶味欠缺，只有輕輕既甜味，飲左半杯就放棄左。唉... 抵飲又點丫? 好飲既話比多幾蚊都無問題啦...…Read More

星期日七點幾黎到，我係第一枱客，晚市都無人，真係有啲驚，不過都試左佢既點心、小菜同甜品。點心好出色，皮薄多汁，仲要熱辣辣，正﹗小菜方面，鎮江排骨好入味，松子魚柳即叫即炸，好好味又經濟，不過選擇唔多。http://hk.myblog.yahoo.com/chu-lay…Read More

雜誌介紹呢間食店既師傅係由龍景軒黎既，聽到都好有衝動黎，再見到食評讚到咁好食，當然要黎試下啦。鳳爪排骨飯：排骨真係好多骨，豉油唔夠香，唔特別糯米雞：味道幾好，唔洗咁大隻，留番啲位試其他點心臘味蘿蔔糕：一粒粒蘿蔔，有啲散，有啲苦(因為蘿蔔唔係好靚)酥皮焗叉燒包：好熱，小小甜，好好味雞札：夾左舊雞脾菇又幾好味喎呢到既點心都係十幾蚊碟，話比你聽有龍景軒質素你都唔好信，但味道係ok既，賣相都唔錯，不過太迫啦，迫到好似同個陌生人食飯咁，如果闊落啲都會再黎既，所以短期內都無下次啦。http://hk.myblog.yahoo.com/chu-lay…Read More

簡簡單單既腸粉，居然得到如此好評，今日特登黎試下。早上近8點，有兩三個人排隊，一份腸粉盛惠$7。外賣番到去已經急不及待開黎食，一心諗住焗左一陣都會扣啲分，誰知入口仲係好滑，正﹗不過對於一住女士食一份腸粉做早餐份量就太多啦。…Read More

麥當奴都幾犀利，出親新野都好多人捧場，今次我係為咗紫菜味shake shake薯條而來，可惜紫菜味粉已經賣晒，不過其他味都無所謂啦。買完餐，坐低享受美食，誰知一打開個魚柳包，只係得半塊芝士，有無搞錯呀？雖然個包係又熱又軟，但有芝士會香好多，咁樣扼人法，下次唔會再黎呢間分店啦﹗(食完之後覺得好蠢，我應該主動向職員提出，叫佢換過一個包比我)http://hk.myblog.yahoo.com/chu-lay…Read More

米線食肆梗有一間喺左近，加豆腐花都係第一次聽，仲要係辣既，好奇之下就黎試下...豆花米線 - 要成碗撈埋黎食，撈完個樣都幾衰，豆腐花溝淡晒啲辣醬，唔係好得 雜醬米線 - 辣，同一般米線無分別味道一般般，叫幾樣都漏單，試一次便夠了...…Read More

聽聞呢間係日本長龍店，材料都係由日本運黎，仲有季節限定既雪糕，所以特登黎試一試。原來唔係個個人都黎食crepe，好多人都只係黎食雪糕，所以我都唔執輸，叫左個朱古力醬草莓雪糕crepe (牛奶雪糕)。個雪糕又香又滑，果然好好味，個皮味道無咩特別，略嫌厚左少少。http://hk.myblog.yahoo.com/chu-lay…Read More

前陣子好多雜誌都介紹大坑既兩間新甜品店，當中以世界一蘋果最為吸引。探訪當日係星期四，七點半，全店只得我們一枱。原來有好多人都好似我咁為左個世界一而黎，好在我地都分到一個 雪耳燉世界一蘋果 - 一打開個蓋，香氣撲鼻，個蘋果仲大過隻普通飯碗，加埋雪耳、南北杏同龍眼肉，唔太甜，幾潤北海道牛奶布甸 - 雲呢拿蓋過左牛奶味... 同想像中的布甸有好大出入特式Baileys芝士餅 - Baileys味唔夠一試無妨既一間甜品店，會唔會再黎就要考慮下lu…Read More

食煲仔飯，第一要講求香，第二要有飯焦，做唔到呢兩樣不如去茶樓食算啦。呢間食肆唔係用石油氣，而係用炭燒既，比一般煲仔飯香，雖然飯焦有啲過燶，但都接受到，脆卜卜。XO醬鴨甫煲 - 唔辣，仲甜甜地，好好好味，每次必食臘腸排骨煲 - 香噴噴，正http://hk.myblog.yahoo.com/chu-lay…Read More