Jacky.chlo's Profile

上次食完海鮮袋，心思思又想去食，發覺灣仔有間類似，又book左lunch 2個人食，今次揀唔同醬汁、海鮮同pasta😋地理位置極佳📍灣仔囍帖街附近嘅樓上，適合港島之友～唔洗諗又直接叫個$798 Set For Two✌️海鮮袋有超過10款海鮮🦞🦐🦑選擇3款撈，今次店員推薦mix & match醬，一次過可以食曬3款醬！依然都有餐湯🥣、餐包、前菜、pasta🍝、同埋2杯house wine！🍷前菜揀左白酒牛油汁法式煮青口，配上蒜蓉包，點汁一流👍🏻！海鮮袋今次叫左原隻去頭魷魚🦑覆桌翡翠螺、海蝦🦐個mix & match汁真係唔錯，適合選擇困難症嘅朋友，一次過3種滋味！pasta揀左新英格蘭白酒海蜆扁意粉🍝，海蜆大大隻，扁意粉係屬於比較有咬口，白酒味都頗重。除左紅酒🍷今次朋友唔飲酒叫左coke zero，餐廳都貼心俾左幾片青檸，一邊食惹味海鮮一邊飲🍋檸樂，爽！…Read More

2個人Lunch想食海鮮🦞，但係又唔想太貴，朋友提議有間西餐🍴食海鮮袋，有得自選海鮮撈醬，性價比又高！😋呢間餐廳既地理位置極佳📍尖沙嘴厚福街行到最入嘅一棟大廈樓上，環境開揚，好多靠窗卡座，約朋友gathering一流！👍選擇困難嘅我地無諗咁多直接叫個$798 Set For Two✌️海鮮袋有超過1⃣️0⃣️款海鮮🦞🦐🦑選擇3⃣️款撈，嗜辣🌶️嘅我地揀左cajun sauce，係蒜蓉🧄辣醬、仲有餐湯🥣、餐包蒜蓉包、前菜、pasta🍝、同埋2⃣️杯house wine！🍷餐包餐湯不過不失，前菜我地揀左魔鬼👹辣醬🌶️脆炸雞翼，有驚喜！雞翼炸到好香脆，肉質飽滿多汁，推薦👍重頭戲海鮮袋我地叫左翡翠螺、小龍蝦🦞、海蝦🦐原來唔至3⃣️款海鮮，d sides都好有驚喜！有好軟糯嘅薯仔🥔超甜juicy粟米🌽仲有司華力腸添！個汁真係一流！蒜蓉超惹味，不過唔係好辣。餐廳好貼心會有手套🧤濕紙巾、圍裙提供。pasta我地揀左黑松露燒烤菇🍄risotto，意大利飯係屬於比較有咬口，燒烤菇🍄爆汁！呢個2⃣️人set超級夠飽，搣下海鮮損下汁好過癮，仲有餐酒配，chill爆😋…Read More

今日係旺角行街，跟住去一間叫AnyMoment 既cafe relax一個下奏 ☕️ 一上到樓上門口好似屋企單位，好有親切感，一推入去麻雀雖小，但五臟俱全！去到得翻2個位。3點都未食lunch嘅我地叫左一個黑醋沙律🥗煙三文魚配法包🥖、芝士薯條🍟配炸雞扒、白汁煙鴨胸螺絲粉🍝餓到咕咕聲嘅我地打算叫多個小食，但係老闆好心提醒我地個炸雞扒份量都大，所以建議我地唔夠再叫😅飲品我地叫左桃🍑+雪梨🍐特飲🍹同埋凍檸茶走甜🍋係等上菜嘅期間當然急不及待開始搵下有咩boardgame好玩～首先快玩個眼明手快！2個人都啱玩熱身嘅boardgame！未玩完一鋪就已經上菜！好快！首先當然試下個黑醋沙律🥗煙三文魚配法包🥖有驚喜！酸酸甜甜非常開胃😋熱辣辣新鮮炸起嘅芝士薯條🍟配炸雞扒就講就到！真係勁大碟巨型雞扒，好惹味啊😋最後個白汁煙鴨胸螺絲粉🍝好食好多芝士🧀️creamy，特飲雪梨嘅味道較多，清爽涼快，好透心涼😊超肚餓又心急玩boardgame嘅我地食完就問老闆有咩推介2人玩，我地都鍾意策略食腦型🧠老闆就推薦左Splendor璀璨寶石💎，老闆細心又清楚講解一次，我地自己就試玩😝果然無介紹錯啊，呢個遊戲2人玩都幾食腦🧠又唔難明，聽一次就學識！有唔識隨時都可以問老闆，超級nice！老闆仲請我地食爆谷🍿添！…Read More

朋友觀塘返工，放工佢帶左我去食一間話係隱世西餐🍴2個人懶得諗就決定叫個dinner set for 2🍴盛惠$598另外加$88芝士焗龍蝦🦞半隻，見到又有個優惠星期一至四晚市小食有折，就忍唔住點左我摯愛薯蓉🥔焗田螺一打😋Dinner set for 2首先黎個餐牌上無寫嘅餐前小食：包+芝士條，配個特別調配嘅醬，食到係牛油🧈mix海鮮醬😈凱撒沙律🥗，原本都無咩特別期望值，但係食落d菜好新鮮爽脆，芝士粉🧀️亦非常均勻👍🏻是日餐湯係蕃茄湯🍅酸度適中，唔會落過多忌廉，仲食到有蕃茄肉番茄皮🍅小食係芝士焗龍蝦🦞，半隻龍蝦🦞鋪滿芝士🧀️，2個人share啱啱好淺嚐，旁邊嘅沙律🥗有驚喜！係撈左黑醋橄欖油🫒，又同個凱撒沙律🥗有d唔同！我摯愛嘅薯蓉🥔焗田螺更加驚喜！估唔到已經係無殼啖啖肉，D薯蓉🥔都調得啱啱好，唔會太膩太heavy😍主食我地叫個煙三文魚薄餅🍕同埋炭燒美國🇺🇸安格斯西冷牛扒🥩10安士。pizza🍕都幾多煙三文魚，配上火箭菜同埋沙律醬，同埋我偏好嘅薄批，好快2個人每人3塊掃曬😋牛扒🥩有炭燒🔥格紋，賣相唔錯👍🏻切開生熟度啱啱好（叫左medium）西冷都算軟身有肉汁，旁邊配上少少薯菜解膩。最後甜品係義大利🇮🇹雪糕泡芙Profiterol🍦細細份賣相都好精緻🤩泡芙入面係榛子醬，外面一層雪糕🍦灑上杏仁片再配d水果切片，為呢餐畫上一個完美嘅句號😋…Read More

今日日本癮又起，想去間居酒屋🏮呢間超近佐敦地鐵站，門面好似日本d小型居酒屋🏮我地吾洗等就有位了，前菜唔少得我最愛嘅芥拉八爪魚🐙又辣又鮮甜，細細碟過下口癮～見到生蠔🦪做優惠$18隻（瀨戶內海石蠔）當然唔可以錯過！估唔到性價比超高，呢個價錢真係好大隻，一d金屬味都無，仲有特別調配嘅醬汁浸住食，有驚喜！🤤刺身叫左縞池🐟同埋油甘魚腩。起初我都擔心縞池會腥接受唔到，點知黎到係薄切，員工細心教我地建議同蔥、蘿蔔蓉一齊點專用醋食，如果唔鍾意可以普通食翻wasabi豉油。當然係跟員工的食法啦，點知真係一食難忘，出奇同醋夾！唔會太酸，完全帶出縞池嘅鮮甜味同淡淡油脂，忍唔住幾分鐘已經掃曬入肚🤰🏻油甘魚腩完全無失望，如果你都係鍾意食肥美嘅刺身，咁你一定會愛上😋居酒屋🏮其中一樣我必點嘅小食係燒雪魚干，香脆鮮甜，配埋邪惡蛋黃醬，好滋味😋小食仲有叫招牌田樂豆腐，豆腐切到一口size外脆內軟，配特製腐乳醬。炸物邊少得天婦羅🍤叫左雜錦天扶良，有蝦🦐、魚🐟、秋葵、茄子🍆、蕃薯🍠、青椒🫑、冬菇，每樣都食得出係新鮮上盛材料尤其蝦🦐同魚🐟！最後叫埋豚肉生薑燒➕稻庭烏冬。豚肉薄切加埋洋蔥🧅青椒🫑一齊炒，同烏冬味道好夾。烏冬係冷烏冬，配隻生蛋蘿蔔蓉蔥同紫菜，冷烏冬都可以好好食👍🏻…Read More

呢個Weekend同朋友揸車過港島覓食😋兜兜下搵到條巷仔（譚臣道）有位泊街，就停低睇下附近有咩好西🤤最後揀左間好似fusion咁嘅新穎中菜🍚🥢一入到去裝潢好似日本fushion中菜，有d omakasae嘅吧檯設計、又有半露天chill位、亦都有大大張卡位任君選擇。怕熱嘅我當然揀左卡位慢慢嘆～我地揀左午市精選套餐，有12個選擇。最愛食邪惡嘢嘅我當然揀左佢個頭抽安格斯乾炒牛河🥩，睇個名已經流曬口水🤤我個keep fit朋友就好健康咁揀左日本地瓜🍠北菇蒸滑雞轉燕麥飯🍚等左唔洗10分鐘就上菜，擺盤好精緻，有開胃酸紅白蘿蔔、店員會幫你點蠟燭🕯️熱住好足料既瑤柱瘦肉冬瓜湯，仲有甜品係黑加侖子啫喱。前菜開胃爽脆，個湯keep住熱辣辣呢點超級貼心！我個頭抽安格斯乾炒牛河🥩真係不得了😋牛肉超足料唔韌，河粉炒得條條分明醬汁均勻，好有鑊氣🔥我朋友個日本地瓜🍠北菇蒸滑雞燕麥飯🍚都有驚喜！係用荷葉墊底蒸籠上，又香又有風味，淋上不可少嘅甜豉油，真係健康得黎又滿足！👍🏻…Read More

星期一即興放工約食雞煲，朋友尖沙嘴翻工，見附近有間個名幾趣緻嘅雞煲就揀左，當時星期一8:30pm都差不多滿座，好彩仲有位就入左去食～環境幾有風味，室內好似大排檔咁，最緊要冷氣夠大 ，waiters都好好招呼👍🏻雞煲店當然首先叫半份雞髀，其他再諗。侍應好好服務即刻遞上一盤調味料，貪心嘅我地梗係咩都落d🤤火鍋d配料都未諗好，雞煲已經上菜，好邪惡啊😈侍應聽到我朋友唔like芫荽仲超貼心幫我地另上🥰一打開超多雞髀肉，已經feel到2個人食唔曬🫢放工超肚餓嘅我地一口氣刷左半盤雞煲，入面啖啖肉🍗之餘仲有豬皮，洋蔥配料。我地揀左小辣，食到有花椒調味，好重口味😋食到一半想忍唔住叫其他配料，侍應都好貼心幫我地裝起d雞，落湯準備打邊爐！由於d雞髀肉真係太多，配料我地淨係叫到幾樣：羊肉，手打四寶丸，百頁冰豆腐，同埋好新奇嘅油鬼墨魚滑。尤其係手打四寶丸，粒粒彈牙，feel到師傅超大力手打出黎👊🏻百頁冰豆腐就層層分明，索曬d湯底。最特別嘅係個鬼馬墨魚，一上菜侍應就提醒我地反轉墨魚滑面漉1分鐘就食得。油炸鬼索一半湯汁外脆內軟，配上鮮味墨魚滑，一試難忘！…Read More

星期六晏就同朋友係旺角行街，行到肚餓想搵野食，喺廣華街搵到間越南餐廳性價比不錯，當時3點左右無人排隊就入左去食😊環境幾舒服，牆上都貼滿啲食物相同埋搞笑字句，又有部電視播住d飲食節目，幾過癮😂見到餐牌推薦叫set餐，又真係好豐富，有2小食、1主食、1餐飲。我地就首先嗌左個set A 招牌無骨雞配黃薑飯，小食揀左椒鹽脆蛋魚柳➕牙車快沙律。牙快車沙律有驚喜🎉上面d手撕雞好椒鹽惹味，下面d沙律酸酸甜甜好開胃；椒鹽脆蛋魚柳就香脆可口，2個小食已經飽左一半😂無骨雞就係雞胸同雞翼既部位，但食落都幾嫩滑，全部去晒骨，每一口都啖啖肉。黃薑飯炒得夠乾身，滿滿嘅椰漿香😋朋友想多肉就揀左Set E過份豐富嘅牛➕豬pho紅蕃茄湯檬（生牛、烤牛、豬頸肉、豬扒）配小食無骨鳳爪沙律➕手撕雞檬紙卷，一次過試曬佢d小食，大滿足！無骨鳳爪好入味，又係酸甜爽脆；手撕雞檬紙卷都係啱啱個牙車快沙律上面嘅手撕雞，一樣好味！牛➕豬pho紅蕃茄湯檬d湯超濃蕃茄味，非常真材實料，又有4款肉，真係食肉獸必點！🥳最後見檯檯都有叫嘅法式芝心蝦多士🦐，好飽都忍唔住叫埋😋真係好彩無miss！香港已經好少食到蝦多士，仲要流心芝士，真係邪惡之選😈…Read More

今日為左慶祝母親節，特登揀左尖沙嘴呢間出名食片皮鴨嘅京滬菜慶祝。預約左6:30，一到步已經全場爆滿，記得一定要book左位先啊！餐廳近日推出「雙親節 頌親恩」餐牌，我地今次都有叫新推出嘅一啲限定菜式。首先我地叫左個限定嘅至尊拼盤，呢個冷盤總共有五道小菜：超彈口嘅四喜烤麩、好開胃嘅醃青瓜、上湯好鮮味嘅水晶肴肉、濃濃花生醬味嘅雞絲粉皮、同埋又滑又入味嘅醉雞。呢個至尊拼盤選擇同埋份量都多，適合3-4人分享👍🏻之後再食個小籠包，有驚喜！佢一籠有6隻，湯汁鮮美，餡料飽滿，小籠包皮唔會過薄或過厚，忍唔住食完一隻又一隻🤤主菜上場啦！我地今次專登嗌左古琴酒糟烤北京填鴨（半隻），一上菜服務員就細心教你點樣品嚐：首先放低6款醬料配菜，最特別嘅係佢會有一小碟烤鴨皮，特別叮囑我地事先品嚐，先點砂糖再點梅醬，又香又脆新鮮出爐嘅烤鴨皮，真係好邪惡啊😈半隻份量都多，唔好見佢個碟唔大，入面都疊左好多塊，3人食一定夠！最鍾意佢呢個配料有哈密瓜，爽口清甜特別解膩。酒糟烤鴨真係有濃濃酒香，亦唔會蓋過烤鴨香味，食悶左一般北京烤鴨可以試下呢個特色煮法！特別一提佢個麵皮好細心咁每一層都用牛油紙分隔，好方便拿取！👍🏻最後貪心叫多個砂鍋雲吞雞滋補下，服務員會幫你每個人分好一碗有菜有雲吞，半隻雞撈起切件另上。食完烤鴨飲碗湯解膩，有菜有肉有湯，岩晒我呢啲鐘意有d湯水嘅人！👍🏻…Read More

12月飯局多，難得二人世界就搵咗間居酒屋當翻下家鄉日本🇯🇵漁正居酒屋係佐敦地鐵站附近，門面已經好有家鄉🇯🇵feel，入到去裝修似係日式小巷居酒屋🏮一坐低就俾咗碟前菜長壽草蒟蒻，有別於一般日本餐廳。我地叫咗芥末八爪魚🐙做開胃菜，芥末辣度啱啱好刺激味蕾，八爪魚好新鮮爽脆juicy！刺身叫了象拔蚌，超級鮮甜脆口，海水味濃，加d檸檬汁即刻提鮮🍋小食叫咗田樂豆腐、雞泡魚乾、燒芝士年糕，豆腐炸得外脆內軟，加上特製腐乳醬汁，鹹鹹甜甜；雞泡魚乾本來以為會好乾硬，點知咬落香軟鮮味濃郁；芝士年糕都有驚喜，係日本傳統煙韌口感年糕，流心芝士唔鹹帶點甜😋食完一堆前菜小食就叫咗少少串燒（牛舌、雞皮、番茄豚肉、手羽先），牛舌雞皮必點！牛舌厚切，烹調時間啱啱好，灑上少少鹽提味，已經好惹味；雞皮唔洗講，香脆邪惡😈小菜叫咗苦瓜炒豚肉同清酒煮蜆，苦瓜甘而不苦，豚肉薄切加咗雞蛋同苦瓜一齊炒，令單調嘅苦瓜炒豚肉變得更滑。清酒🍶煮蜆湯頭好清甜，蜆肉好大隻肉質軟滑，仲好貼心俾咗個碗擺殼！🥣最後叫咗碗沃川黑醬油拉麵，拉麵麵身好爽，湯底濃而不稠，配上幾塊醬油豬肉，分量岩岩好😊…Read More

旺角行街行到攰，就去咗西洋菜街嘅一間以月球為主題嘅餐廳休息下入面有分室內同室外嘅區域，每張枱上面都擺放一個發光的月亮，環境有情調得黎非常舒服啱晒情侶同一大班朋友上嚟傾偈聚會仲可以俾人shiha 添我嗌左個spaghetti bolognese $68, 呢碟蕃茄肉醬意粉嘅味道非常香，啲肉碎唔會話太淋，有咬口，麵條食落都好煙韌，味道酸酸甜甜，十分開胃跟住嗌咗個smoked salmon egg benedict $68, 一上碟已經好靚 班尼狄蛋中間會爆汁，配埋煙三文魚同軟熟嘅麵包好好食我仲嗌左個baked Chicken wings with Paprika spice$58 ，都有成五六隻,下午茶來講算係豐富，雞翼上面鋪左紅紅的番茄汁，味道偏酸，會越食越想食野食嗌左杯Blue Hawaiian 既cocktail $88顏色非常搶眼，好似去夏威夷渡假嘅感覺，而味道清甜可口，同朋友飲住野吹吓水朋友吹吓水餐廳仲設有shisha, 忙裏偷閑，係咁嘅環境食個下午茶，飲下酒，吹吓水，整啖shisha，係幾chill 既…Read More

因為想食海南雞，所以一行兩人放工去咗附近嘅chatterbox express食飯呢到係scan QR code嗌嘢食，地方唔算大，但要自己搵位，好彩去嗰陣都係八點左右好容易就搵到位當然要嗌個文華海南雞飯，入面有三種醬汁，一碗油飯同一碗豆腐菜湯，啲雞肉真係非常嫩滑，雞脂肪吾算多，成舊食啖啖肉，碗飯係油飯，粒粒分明，一啖飯一啖雞咁食好正，仲嗌左杯青檸梳打，味道清涼可口跟住嗌左個新加坡肉骨茶米線，個湯底超香，胡椒味超重，排骨軟稔得黎又鮮美，仲配有油炸鬼，將油炸鬼浸落湯到食好索味跟住嗌咗個雞肉串燒同一碟蒜蓉生菜，雞肉點沙嗲汁好有風味，蒜蓉生菜唔使點任何醬料就咁食都好好食，值得一試…Read More

嚟到黃埔美食坊發現新開左一間叫”Boring”嘅餐廳，環境優美，於是入去試一試嗌咗個Set Dinner C，有前菜同餐湯，仲有主菜兩份主菜有松露野菌泡沫忌廉湯，松露味超香，磨碎左嘅野菌撈落忌廉湯，飲落好有口感前菜有香芒大蝦沙律，芒果味濃郁，最有特色係隻碟都係凍嘅，令前菜食落比較清涼，大蝦亦新鮮彈牙主餐嗌左美國肉眼扒(10oz)配薯菜，三成熟，熟度啱啱好，唔會有血水，食落肉質鮮嫩，牛味非常濃郁，質感豐富，油脂分布均勻，配芥辣醬一流，配菜有薯仔四季豆都好好食跟住主餐嗌左炭燒羊鞍配煙肉洋蔥薯餅配薄荷乳酪醬羊臊味唔算太重，岩岩好，薄荷醬就不太鍾意，但佢本身嘅汁好夾，食落啖啖肉，脂肪唔多，配菜薯餅係薯蓉黎，口感好滑，入口即溶餐廳服務非常好，好有禮貌, 我哋食到餐廳關門都唔趕我哋走，不過我哋都唔好意思，馬上食完就走:)…Read More

喺銅鑼灣想食越南菜，所以去咗春嬌一試大約7:30去到，唔需要等位，就直接入去店內裝修風格頗為有特色，好有越南風味店員都好有禮貌安排我哋入座呢度嗌餐係要用QR code落單，不過我哋都有餐牌可以睇啲相我同我朋友都好鍾意食喇沙湯麵，所以分別嗌咗個招牌春嬌火車頭喇沙湯檬同埋河內生牛肉喇沙河粉一上菜份量都好多，其實兩碗湯顏色都差唔多，喇沙味道都非常濃郁，但係配料就不一樣火車頭基本有豆卜，牛丸，牛腩同少許生牛肉等，牛丸彈牙同非常有牛味，同埋仲有一大舊花膠，厚身同埋非常爽口至於生牛河喇沙，生牛河份量會多啲，咬落非常嫩滑同好香牛味，我會將啲生牛肉浸喺喇沙度，啲味道更加出眾嘢飲方面我哋嗌左個新鮮椰青，飲落椰青味好香同好清甜，同埋個椰青比較凍，特別消暑，好適合而家咁熱嘅天氣，入邊嘅椰青肉仲可以刮黎食另外，當然有嗌呢度出名嘅志明奶茶，味道偏甜，奶茶味香濃，有別傳統茶餐廳嘅港式奶茶，值得一試…Read More

今日朋友帶我去The One食泰國嘢話呢間餐廳平時好多人排隊，所以我哋預早少少到大約12:00去到，好彩人流唔多，即時入座之後就慢慢多人午餐有Cambo set，包嘢飲同餐湯，餐湯係紅蘿蔔湯，味道清甜，但我呢碗有少少鹹:(我嗌左個泰式青咖喱牛腩鍋呢個餐幾有特色，因為佢會用個小爐㷫住個牛腩鍋，等啲青咖喱同餸暖住咁食一路㷫既時候會散發好香的椰香味，香葉味亦好突出青咖喱唔算好辣，可以接受，牛腩份量唔算多，但肉質鮮嫩，就算有啲筋位都㷫得好林，好彩每舊牛腩都幾大舊:)配菜仲有啲茄子同豆角，絕對夠一個人食佢嘅青咖喱份量都幾多，建議可以直接將青咖喱撈飯咁食，風味十足…Read More