2個人懶得諗就決定叫個dinner set for 2🍴盛惠$598另外加$88芝士焗龍蝦🦞半隻，見到又有個優惠星期一至四晚市小食有折，就忍唔住點左我摯愛薯蓉🥔焗田螺一打😋
Dinner set for 2首先黎個餐牌上無寫嘅餐前小食：包+芝士條，配個特別調配嘅醬，食到係牛油🧈mix海鮮醬😈凱撒沙律🥗，原本都無咩特別期望值，但係食落d菜好新鮮爽脆，芝士粉🧀️亦非常均勻👍🏻是日餐湯係蕃茄湯🍅酸度適中，唔會落過多忌廉，仲食到有蕃茄肉番茄皮🍅
小食係芝士焗龍蝦🦞，半隻龍蝦🦞鋪滿芝士🧀️，2個人share啱啱好淺嚐，旁邊嘅沙律🥗有驚喜！係撈左黑醋橄欖油🫒，又同個凱撒沙律🥗有d唔同！我摯愛嘅薯蓉🥔焗田螺更加驚喜！估唔到已經係無殼啖啖肉，D薯蓉🥔都調得啱啱好，唔會太膩太heavy😍
主食我地叫個煙三文魚薄餅🍕同埋炭燒美國🇺🇸安格斯西冷牛扒🥩10安士。pizza🍕都幾多煙三文魚，配上火箭菜同埋沙律醬，同埋我偏好嘅薄批，好快2個人每人3塊掃曬😋牛扒🥩有炭燒🔥格紋，賣相唔錯👍🏻切開生熟度啱啱好（叫左medium）西冷都算軟身有肉汁，旁邊配上少少薯菜解膩。
最後甜品係義大利🇮🇹雪糕泡芙Profiterol🍦細細份賣相都好精緻🤩泡芙入面係榛子醬，外面一層雪糕🍦灑上杏仁片再配d水果切片，為呢餐畫上一個完美嘅句號😋
