_enjoythemoments_'s Profile

初次到臨太子分店，不用等位直入坐低。午餐時段坐滿學生和放lunch嘅食客，亦有好多外賣單出出入入。用QR code落單，點選一碗湯餃8隻，一份小食，一杯凍飲。最出色係杯凍洛神花茶和湯底。蕃茄薯仔湯底味道OK。檯上有辣辣菜脯，味道偏麻辣。叫了兩款湯餃，韭菜豬肉餃偏淋，餃子皮溶溶爛爛，味道是還可以。但南瓜忌廉雞肉餃，真的不適合自己口味。見到其他食評有讚都叫嚟試吓，可惜只食到一堆南瓜蓉，好像沒有忌廉沒有creamy沒有雞肉。醉雞小食太多碎骨。有杞子但沒有杞子味，亦沒有醉味。讚賞店員額外遞上碗仔放骨頭，雞嘅份量也足夠1-2人食用。韭菜豬肉餃 x 南瓜忌廉雞肉餃湯底：蕃茄薯仔湯小食：醉雞…Read More

下午時間食晏不用等位，可以直入餐廳。暫時沒有做set lunch menu, 只提供散嗌。試咗兩款不同麵包括：擔擔麵、嫩雞煨麵。兩款點心包括：小籠包、鍋貼。兩個麵整體味道OK。但嫩雞煨麵啲雞就爭啲，不過overall煨麵連埋啲湯味道可以接受。麵嘅份量都可以share, 可以一碗兩份食，加個點心其實作為lunch都幾足夠。可惜兩款點心個皮比較厚，而小籠包裏面嘅湯汁都唔多。仲有杯凍豆漿，味道正常。整體服務OK店員間中亦有斟茶，如果唔想等位嘅朋友可以考慮試吓。…Read More

前身係大家樂個位置，開咗一間新嘅越南餐廳，六點入座不用等位。食物OK環境OK，當天有椰青、虎蝦刺身、蟹肉石斑春卷及安格斯牛湯河，特別推介頭盤越式虎蝦刺身。走嘅時候，食客越來越多。餐廳外開始等位。有興趣試可以早一點去餐廳，不用排長龍。…Read More

進入店內後，店員指示去點餐機點餐。揀選麵後、付款，然後店員安排座位。獨立格仔座位當天沒有開放，所以安排餐枱進食。食物保持水準，店員服務亦十分有禮貌，發現整體環境氛圍，讓人彷彿身在日本的感覺。食完碗一蘭感覺好滿足，一碗拉麵就是我的「滿足餐」comfort food。走的時候，發現張poster寫住140 cm或以下嘅客人可免費獲得「小朋友拉麵」。符合條件嘅朋友可以帶埋小朋友去食呀。…Read More

上網睇到好多人讚，好可惜，呢間餐廳食一次就夠，唔會返轉頭。一坐低店員話今日lunch set其中兩款冇，薯菜亦都冇。最後點咗龍蝦湯、牛扒配意粉、同埋一杯百香果凍飲。上菜嘅次序係：牛排意粉到先，之後凍飲，最後係湯同兩塊好硬嘅麵包。意粉到咗嘅時候，同店員講個湯未到，店員面有難色，沒有和廚房核對之下便求其講咗句：廚房整緊。杯凍飲到嘅時候，再次同店員講湯未到，佢叫我食住個意粉先。之後等咗一陣，店員再次埋嚟，今次問我頭先嗌咩湯。第三次跟進之後，個湯終於到。龍蝦湯好水好稀，根本就沒有龍蝦湯濃郁嘅味道。嗰兩塊又細又乾又硬嘅麵包，食咗一啖就棄食。牛扒味道差，意粉乾爭爭好似搵滾水整熟就上碟，放咗少少汁根本掩蓋唔到嗰種難食。只係得杯凍飲叫正常。最後俾錢嘅時候都要睇店員面色，佢將找續嘅銀紙劈落枱面。劈落去嘅動作非常純熟，找錢嘅過程一眼都冇望過位顧客亦冇講多謝。服務態度差，仲要收10%服務費。加上食物質素差，唔明白點解咁多人讚，希望呢個食評可以幫到大家避過一劫。…Read More

星期六一支公原先打算一蘭，快快手食碗拉麵速戰速決，點知勁排隊條龍長到出門口，秒速放棄，然後行下行下去左寶勒行揾食。以為可以食個平平地嘅下午茶，點知冇緣因爲下午茶3點先開始。最後嗌個lunch set午市套餐安格斯牛肉配金邊粉，加$8飲杯鮮青檸菊花茶。湯底好濃厚，入口辣辣地幾好味。三樣餸有牛肉、牛肋條、牛丸。最好食當然係安格斯牛肉，一碗普通嘅泰國粉麵食到咁嘅質素嘅牛肉，係滿足嘅！牛丸同牛肋條就好普通。最可惜係個金邊粉，痴住晒一舊舊又唔滑真係唔係我杯茶！唔知好彩定唔好彩？粉嘅份量又唔多咁就唔駛浪費啦😂最最後，杯青檸菊花茶都唔吸引我，啲啲菊花味都冇，只有酸酸嘅青檸汁。埋單hkd76其實真係仲有其他選擇嘅🤭…Read More

在日本網站tabelog中，麵屋一燈持續獲得日本網民喜愛，5分最高佢有4點幾高分㗎，終於尖沙咀有得試試。不用取票，七點幾嚟到門外排隊大概7-9人，店員先比餐牌同落單紙叫你落單先。店員又問坐唔坐吧檯？佢話隻船駛走左有景睇～其實坐邊冇所謂，大概5分鐘就安排入座。入到嚟，環境裝修簡約舒適，其中一面水泥牆寫上發光嘅大字，望落都幾特別。店內係開放式廚房，有興趣嘅朋友可以坐近師傅睇佢地製作拉麵，即叫即煮現場感十足。餐廳設大大塊玻璃窗望住海景歎沾麵。檯上放有檸檬水，好冰呀❄️仲有貼心安排放隨身物嘅籃，吧檯的高椅子下方有個籃比你放。味玉濃厚魚介沾麵店員提醒食麵的最佳時間係15分鐘。其實我解讀做「15分鐘咋，食完好還檯喇」哈哈！沾麵麵條粗身好似烏冬咁。味玉 (溏心蛋) 咬第一啖係凍嘅。雞肉叉燒和豚肉叉燒各一塊 (豚肉叉燒好味啲) 試完原味湯汁加左少少辣粉再試，味道分別不大，可能啲魚介湯汁太濃蓋過辣粉。上檯時店員會溫馨教你把麵浸入湯底2-3秒，等條麵掛湯汁然後食。食完沾麵後可以加入清湯直接飲埋整個湯底。overall, 名氣雖大環境雖靚，但日本食唔駛¥1000香港食要百幾蚊，真係思鄉嘅朋友先嚟食啦～…Read More

耐唔耐想食baked potato就會諗起呢度。但今日唔駛太飽肚只想輕食，學人追求「輕盈」，轉呔食個沙律先 哈哈！煙三文魚凱撒沙律有煙三文魚、麵包粒、芝士粉配新鮮嘅凱撒沙律，健康清新口味又充滿營養。應該係不少朋友嘅choice，食呢個當下午茶配latte，相當不錯。…Read More

不得了。。不得了。。天氣凍唔小心「貢」左入去食個熱呼呼嘅拉麵，食完感覺溫度上升了幾度，哈哈！除左平時嘅餐牌，大家唔好睇漏好嘢，仔細「咪」埋不定期推出嘅口味。今晚一於叫碗試試。喜歡辣辣地濃味嘅朋友呢碗味噌赤丸啱你試，配埋醃芽菜一齊食更恰當。大滿足！店內客人都有9成左右，想食晚餐要預留小小時間排隊一陣啊！…Read More

如果出走一排，返到香港掛住食嘅港式風味嘢，你會想食乜？我心水係燒味。首先上檯係跟餐嘅熱奶茶。可能天氣凍掛，今次嫌杯熱奶茶唔夠熱。講開又講，平時佢地嘅冰鎮奶茶都值得推介嘅。雙併嚟講呢其中之一必點叉燒，食落都鬆化但可以再燶邊啲啲。但係啲油雞就。。斬得太碎，啲雞骨堅係碎，完全無啖好食一咬就係碎骨。係把刀有問題定刀功有問題？食雞都有創新食法，就係食到啲牙罅攝晒骨呀🙈米粉好地地唔得嘅🤭食到一半發現有條毛髮。哈哈哈哈。太有趣嘅午餐，盛惠hkd64。…Read More

兩點幾都未食嘢，諗起翠華有下午茶menu，兩點半至六點，連鎖店嚟講佢地啲麵食so far都唔錯。見又唔駛等位，好啦tea一tea先。香辣瑤柱炸醬撈麵(配珍珠雲吞)微微辣，好多菇菇但炸醬啲肉比較碎。如果多幾條菜開心啲健康啲，得一條菜咁孤寒㗎哈哈。雲吞啲蝦ok彈牙嘅，魚湯都濃郁嘅。佢地凍檸茶茶底係幾好味，仲有3-4片檸檬🍋overall碗麵下午茶嚟講係夠，味道同水準算keep到啦。咦！食下食下，食到見碟底添哈哈。…Read More

無論去幾多次日本，有啲人總有幾間指定咖啡店要去下。%arabica可能係你清單上其中一個選擇。行到ifc心思思貢入去嘆杯咖啡。記得第一次係去尖沙咀碼頭店叫左杯凍latte, 店裡面好多人打卡，仲有個媽媽同囡囡不停換pose不停影，但係杯latte味道未有驚喜，相都無影我就走左。今次抱住試多一次，員工介紹邊款咖啡好佢就推介spanish latte, 好 就呢杯！spanish latte hkd50飲一啖明晒！嘿嘿！今劑有好嘢☕️唔駛飛轉日本飲，今次ifc之行有得着呀！…Read More

唐宮位置方便，新港入面與鼎太豐同層。至於餐廳裝潢時尚雅致，但入面環境比較嘈，可能係由於檯與檯之間太近影響。隔離檯唔駛出力講嘢，我地都聽得一清二楚。上菜速度極度麻麻，隔離檯和我地同時落單。同一款點心，10分鐘後佢地上菜先，再相隔15-20分鐘後我地籠點心先上檯。望住隔離食完我地都未有，失望，黑人問號.jpg  開花蘿蔔蒸蘿蔔糕啲friend，賣相靚靚味道OK點來聚聚5款不同味道嘅餃。朋友食左墨魚汁餃話好味，我食嗰粒柚子蝦餃就好一般，同普通蝦餃嘅味道分別不大。黑金流沙賣相靚靚，唔太甜，一咬開啲奶皇流沙湧出嚟熱辣辣好味。推介比喜歡奶皇流沙嘅朋友！荷花蒸飯 － 好正常無驚喜小聚併盤佢嘅份量少得可憐！幾個人分每個人好勉強先可以食多啖脆蝦雲吞咁多點心之中最麻麻嘅一款，雲吞絕對唔襯芝士，講完。聞說乳鴿出名，見周邊都有幾檯嗌乳鴿，留返下次有機會再試啦！…Read More

由元朗開到去荃灣，新店開張總係要去下嘅，所以一發現就暗暗同自己講要去朝聖。餐廳入口要搵一搵，原來响大家樂上一層。去嘅時間2點幾打算食下午茶啦，聽聞好抵食，可惜原來仲未開始哈哈！冬蔭公湯金邊粉份量大大碗，作為午餐好果腹，但湯底偏鹹，飲兩啖湯飲半杯水。但有細心位就係檸檬水，仲要係暖暖檸檬水。海南雞另上啖啖肉無骨海南雞（雞翼有骨嘅）上菜速度唔錯，心急肚餓嘅朋友可以留意返😆hkd44一份金邊粉午餐連熱飲，除左湯粉類，還有咖哩、喇沙等等唔錯選擇，有興嘅朋友可以試試其他。…Read More

由於附近高速線壽司店要等十零廿張飛，加上勁肚餓嘅關係，所以行去丼丼屋睇menu, 好好彩不用排隊可以直入。特上盛大蝦海鮮丼彌補返食唔到壽司嘅失落心情。望住碗海鮮丼，滿滿一大碗，真係大滿足！滑蛋雞肉丼 (親子丼)今日處理得一般，太多蛋汁，撈埋啲飯一齊都嫌太多汁，雞肉勉勉強強算ok, 味道偏淡。隔左一段時間無嚟，有時行過都心思思想食碗丼。今次覺得水準下降，如果下次質素仍然keep唔到，唔駛特別地再比機會喇。…Read More