Mikijai121's Profile

今日同男朋友嚟到大圍搵食，喺大圍站近近地就嚟咗附近呢間小火焰韓式咖啡餐廳撐枱腳。話明撐枱腳就梗係叫咗個明洞二人套餐。兩個人食啱啱好，而且選擇都算多。香芒炸雞沙律，炸雞配香芒呢個配搭好新奇，但估唔到又幾好食。韓燒豬頸肉，醬汁係韓式辣醬，食落辣辣地，豬頸肉都好鬆軟。迷你滷豬手粉絲鍋，熱辣辣，都幾多料，但豬手得2舊，唔夠喉柚子明蝦水冷麵，第一次食有柚子嘅水冷麵，唔算太出色。兩杯乳酸飲品，解下渴。奶油芒果窩夫，好出色嘅窩夫，窩夫超級鬆脆，而且有我最鍾意食嘅芒果同雪糕。…Read More

今日放假同男朋友黎到呢個銅鑼灣京都廣場搵食見到呢間新開既中式餐廳，就入左去試下。餐廳環境唔錯。座位闊落，多數都係梳化位。佢地既咕臣非常軟，超舒服。金湯酸菜魚，正呀！啲魚肉一啲骨都冇架，又滑又唔腥，配料仲幾多添！麻辣香鍋，超級惹味。員工同我地講，話唔辣唔好食，所以大家黎叫香鍋，點都要試下叫辣呀。入面啲餸係自己揀既，我就揀咗自己最鍾意食既五個餸。未食已經聞到佢香噴噴喇。食到咁上下緊係要叫返杯檸檬茶飲下啦。今晚食到超飽超滿足呀！…Read More

話說返學個陣成日同同學黎雲桂香食小窩米線今日咁岩去開葵芳就順便黎食下，懷念一下以前返學既日子。我叫既呢一碗係墨魚頭，魚腐小窩米線，跟麻酸辣湯底。佢既麻酸辣味道都夠，食到出晒汗，爽呀！男朋友唔食得辣，淨係叫左個普通小窩米線套餐，上面有好多餸，有腩肉，雞絲，冬菇，仲有樣好似係叫龍蝦卷，夠晒抵食。另外叫左個秘製豬頸肉，呢個係次次黎都必叫，因為真係好好食。野飲就叫左杯凍檸茶解下辣咁。呢間係我最中意黎食既米線店，大碗得黎味道唔錯，重點係有返學個陣既回憶呀嘛！…Read More

今日去左荃灣既南豐紗廠一遊，肚仔餓就揀左呢間Koko coffee roasters黎醫肚睇下食咩先。入面環境唔錯，幾中意佢掛牆個啲相，因為全部都係係香港影。我叫左個意大利紅醬虎蝦帶子意粉，個醬係蕃茄底，酸酸甜甜幾開胃。帶子煎到岩岩好，唔會老。個蝦都算新鮮，啲肉唔會霉。另外叫左個bbq原隻燒春雞配燒菠蘿，薯條係即炸出黎既，燒菠蘿燒到好甜，唔會燒乾晒啲水份。不過個燒春雞就麻麻地喇:(雖然去晒啲骨，啖啖都係肉，但係燒出黎好老，冇咩水份。值得讚賞既係佢地杯lamanade，酸甜度岩岩好，夠晒凍，夏天飲一流。…Read More

呢間位於荃灣工廈嘅cafe環境相當唔錯，Cafe入邊有好多可以打卡嘅位置，都係以花草為主題，十分文青，啱晒同朋友過嚟打卡同聚會。窗邊嘅座位可以望到成個海景，望住個海食晚飯都幾chill。蟹肉蟹子明太子扁意粉意粉軟硬適中，都食到有配料，而且個醬都好濃郁。海鮮忌廉汁扁面配挪威煙三文魚食落三文魚新鮮，但煙熏味唔夠重。香草蜜糖無激素雞翼呢個係我最鍾意食嘅菜式，個皮炸到超脆，食落好香蜜糖味，正！鮮果紅茶飲落酸酸甜甜味道唔錯。…Read More

呢間滿東冰室由岩岩開業到而家都成日黎，岩岩開業都可以叫外賣到逸東，之後話人手唔夠唔做外賣後，亦都經常由逸東過黎幫襯。我最中意就係飲佢啲例湯，之前黎都仲可以添湯，不過之後就話唔比添，感覺開始少左啲人情味:(。節瓜炆排骨煲，味道都算唔錯，份量都算多。另外仲叫左個清蒸桂花魚，食完先醒起冇影相。清蒸桂花係我每次黎都必叫，因為蒸完出黎啲孫似十分嫩滑，但要等既時間都有啲耐，大約20分鐘。總括黎講食物都算唔錯，不過服務方面就越做越差。…Read More

今日同男朋友出黎銅鑼灣行街，去到晏晝時間見餓餓哋，就喺附近度搵嘢食。經過京都廣場嗰陣，我哋就揀咗呢間台式餐廳嚟食午餐。呢度晏晝有午市優惠限定，我哋分別叫咗一個老鍋自選午餐同一個鹽酥雞拼滷肉飯。老鍋自選午餐可以自己揀三樣餸，我自己就揀咗香菇貢丸，桃膠同埋鴨血。香菇貢丸都幾好食，桃膠食落冇咩味，鴨血就麻麻地了，冇鴨血嘅香味。呢個鹽酥雞拼滷肉飯相對來講就比較好味，啲雞都算脆，不過份量有啲少。但係滷肉飯嘅味道就真係唔錯，比較似台灣嘅口感同埋味道。我哋叫咗一份台灣蒜香腸，上面有蜜糖，食落甜甜哋，幾好食。嘢飲方面我男朋友叫咗一杯杞子杭菊露，飲落係普通嘅菊花茶味道。因為個杯嘅關係，佢第一眼望落有啲似啤酒，幾搞笑。而我自己就叫咗白桃烏龍茶，淡淡哋幾好飲。總括嚟講，喺銅鑼灣食到咁平價嘅台式餐廳都算唔錯。…Read More

今晚唔想煮飯，行過譚仔三哥見到出左新款米線，所以就入去試一試佢。新款米線入面有龍蝦丸，酸菜同魚片，原本呢個餐跟既湯底係煳麻湯底，但今日我想食啲酸既野，所以就叫左普通酸辣湯底。估唔到酸辣湯底又同呢款米線幾搭，感覺好似去左食酸菜魚米線咁。酸菜酸酸甜甜，非常之開胃，同酸辣湯底十分夾。魚片冇骨，十分彈牙，龍蝦丸亦都唔錯。湯底方面，除左酸味之外，仲有少少辣，岩晒食唔到太辣但想食辣既朋友仔。另外叫左黎食譚仔必點既土匪雞翼，襯佢熱辣辣個陣食，真係一流架。…Read More

身為米線關注組既成員，之前已經見過有谷友推介呢間鳳嗚居既醉雞米線。加上我之前都係住上水粉嶺呢邊，對呢間餐廳有種特別既親切感。今日襯住返屋企探爸爸媽媽呢個機會，決定約埋我2個家姐同男朋友一齊試試佢。除左較出名既米線，原來仲有好多麵底同飯類揀。平時食得米線陰，今日就叫個花膠醉香雞湯飯試下。呢個花膠醉香雞湯飯真係無得頂，未食剩係聞到陣味都流晒口水啦。個湯底好濃郁既藥材同酒味，雞件肉質都算滑，最正係啲花膠，係真係有花膠既魚味，滿滿既膠質感。我地小食叫左碟辣豉油爽脆鵝腸一齊食，辣味唔算太重，但十分惹味。另外加左啲芽菜都幾爽口，而且份量方面都唔算少。咁我就叫左杯凍百香果飲，飲落酸酸甜甜，岩晒解渴，唯一有小小既缺陷就係唔夠凍。價錢方面唔貴，以後會再黎食，加油💛…Read More

自從上次同朋友去左食片皮鴨，突然口痕想再食，就同男朋友走左去逸東呢間聚滿居食晚飯。坐低之後就叫咗個片皮鴨二食套餐，姐係除左有餅皮包既鴨皮之外，鴨肉仲可以幫你拎去加工，咁我就叫左薑蔥爆鴨肉。片皮鴨雖然唔係食過最好味，但勝在比起出面餐廳，呢度既份量多，無論係餅皮定鴨皮，都夠晒大塊。呢個薑蔥爆鴨肉真係無得頂送飯一流，而且差唔多舊舊都好有肉地。最欣賞佢唔似出面餐廳叫完一隻片皮鴨，啲鴨肉唔知去晒邊，夠晒抵食。…Read More

今日約左舊同學聚一聚，大家都話想食片皮鴨，最後就決定揀左呢間位於尖沙咀K11入面既大都烤鴨喇。環境方面，座位闊落，坐得舒服，唔會話逼住逼住咁，所以呢餐飯都食得好舒適。服務態度方面，等位黎講都算快，因為都比較多人等，但我地都係大約半個鐘就入到去。服務員既態度非常好，上菜速度好快，見枱面唔夠位會幫我地執走晒食完既碟。食物方面，咁我地一行4人就叫左4人晚市套餐，食物既賣相都好靚，當然味道都唔差。值得一讚既係呢餐飯既主角片皮鴨。鴨皮脆薄，鴨肉都好嫩滑，食落又唔會好油膩，係必食既一道菜。唯一美中不足既係份量有啲少，大家都食唔夠喉。價錢方面，晚市黎講呢間餐廳既價錢合理，咁既價錢食到咁高質素既中菜就真係無得頂。…Read More

今日起身超肚餓，貪快同唔洗自己煮就打左個電話落去六十叫左個早餐G。早餐G原本係蕃茄雜菜扭扭粉，可以自己揀兩個餸或者一個肉，咁我就要左豬扒一個餸。而原本既扭扭粉我都加$5將佢轉左做烏冬，因為我個人比較中意食烏冬。另外叫左杯凍檸茶添。叫好之後我就去換衫刷牙，時間過左大約15-20分鐘，我就落去拎外賣。落到去比好錢就已經有得拎啦，十分慳時間同方便，岩晒我呢啲懶人。豬扒同烏冬係另外上既，食個陣就自己將麵倒落湯底度，咁豬扒同烏冬就唔怕因為外賣等侯時間變到腍晒啦。湯底係蕃茄雜菜，裏面有薯仔，洋蔥，蘿蔔同蕃茄，十分開胃，食到我要飲埋個湯底先得。食到咁上下口渴，飲埋個凍檸茶就岩岩好啦，檸茶甜酸度啱啱好，所以我每次都會叫凍檸茶飲。價錢方面都幾抵食，因為外賣自取係有9折，所以我個早餐只係$38。…Read More

今日黎試下呢間超人氣既餐廳，吉列牛忌廉專門店先。去到都要等左一陣先有位，建議大家可以提早預約左枱先。我地一行二人，但由於三人餐好似望落飽肚又抵食，我地就叫左個3人餐。點餐係佢會比個qr code你落單，十分方便。吉列牛係炸好左外面，再自己放上石板上面燒，感覺新奇，有種參與感係入面。忌廉咖喱烏冬上面鋪滿左厚厚一層忌廉，撈勻後同咖喱毫無遺和感，十分好味另外個飯就比較偏硬，最後試左幾出啖就比左男朋友食，但味道係好食的。…Read More