起身只想食's Profile

好耐無同朋友出街食飯，最後我地揀左去食韓燒，個價錢又唔算貴，上到去都見到好多人book左食，餐廳環境好大，我地等左無幾耐就有位，韓燒最驚上到去有一大陣油煙味，但上到去就無咩，個通風都做得幾好。 餐廳食物種類選擇都幾多，除左一燒肉同海鮮之外，仲有一啲熱食同炸物等，如果食得太多肉覺得好單調都可以轉下口味。 海鮮都有幾款熱門多人食嘅海鮮選擇，有帶子、蝦、生蠔、魷魚等，我自己就最鍾意食蝦，啲肉質好彈牙又新鮮，食起上黎啖啖肉，好正。燒肉五花腩我地都叫左幾轉，易燒又好味，入口爽口，油脂豐富，岩哂我地啲燒肉新手。而薄片嘅肉通常都有醬汁襯托，入味又惹味。檸檬胡椒炸魷魚好快就黎到，一份份量好多，魷魚炸得香脆，食落又唔會好韌，加左檸檬汁同少少胡椒調味，味道更加豐富之餘又可以中和油膩感，仲可以點甜辣醬同他他醬，不過就咁食都好夠味~ 海鮮薄餅送上黎熱辣辣，鋪滿晒海量芝士，扲起仲有拉絲，成個海鮮薄餅都好足料，食落好有咬口又好脆。我同朋友下次都會再黎食，因為個價錢唔會好貴之餘啲野食又幾好味~…Read More

最近因為放假，又唔想自己煮野食，於是同朋友就去左附近搵野食，自從番左工之後都好耐無試過同朋友一齊食野，所以我地決定食都食好啲，日本野我地就最鐘意，而家無得去旅行，就當食日本菜回味番下~ 芝士厚燒玉子燒 我地兩個都係芝士控，必點呢個芝士厚燒玉子燒，厚厚嘅玉子燒，配埋上面塊芝士，好夾呀~ 食落先有好濃嘅芝士味，再有甜甜地嘅蛋香，超級好食，而且食得出係即叫即做，啲玉子燒口感仲好嫩。溫泉玉子牛油果凱撒沙律食又想食好野但又怕肥，咁就一定要點個沙律食下，瘦身必選，大大盤沙律，兩個人先岩岩好食得哂，麵包粒仲係脆卜卜，好新鮮，沙律夾埋溫泉蛋，口感更加滑溜!牛油果軟殼蟹卷物 近排牛油果可謂當紅人物，變咗人人都鍾意嘅大熱之選，就算配係壽司到都唔會失禮，軟殼蟹卷物比人感覺會太單調同油膩，但加左牛油果之後，成個感覺都清新好多，毫無負擔，好好味，啖啖牛油果加埋炸到香脆嘅軟殼蟹，令人回味無窮呀終極罪惡鵝肝飯 終極鵝肝一定要做到油香豐富、入口即溶嘅狀態，呢到嘅鵝肝好香好鬆化呀，油香滲透咗入飯，加埋啲煎得好香嘅雜菌，令到個飯成個味道都變得份外豐富，啖啖都係香濃嘅雜菌同鵝肝味。我地兩個都好鍾意食呢間餐廳，選擇又多又好食~…Read More

尖沙咀太多野食喇，選擇困難症下我經過一間門口放左<篤篤>車既泰國餐廳，咁就入去坐底食飯。雖然今日係平日，但係都已經滿坐一坐底張枱非常寬落，完全一d都唔覺得逼。太肚餓喇，所以拿拿聲就叫左野食先 首先係個蝦餅同豬頸肉，都係好有泰式既味道，而個串燒都係我個人非常推介去點既個串燒個汁實在太好味，d肉又唔會乾爭爭，好juicy，簡直perfect match。主菜黎喇，面包焗咖哩軟殼蟹，個咖哩簡直係世界級正，配埋個面包同軟殼蟹中和個咖哩，我諗唔到唔食佢既理由 仲有個馬拉盞炒通菜，通菜食得多，馬拉盞既通菜又食過未？未既都要去試下喇最後點少得個芒果糯米飯呢，係我至愛！芒果勁甜，暖暖地既糯米飯加個香滑既椰漿係呢餐飯劃上完美既。總括黎講性價比非常高，岩曬一班朋友、同事或者一家大細黎食…Read More

食西餐鋸扒嘅時候到了～夜晚同朋友去咗呢間西餐廳度食飯，上網見到評價幾好於是呢到一試我哋點左兩個dinner set,一個係自選意粉套餐同埋鋸扒餐,套餐中包括有沙律、餐湯、飲品同甜品，可以一次過試下我哋點餐後，侍應就上左一碟墨西哥脆片單咗個前菜俾我哋食，係等嘅過程中食嘢都係一個唔錯嘅享受，個人鍾意點醬食，嗰醬酸酸甜甜幾開胃。侍應話咁快就上左餐湯同沙律，餐湯係蘑菇湯，個湯都幾濃郁，用料十足，見到會有好多蘑菇碎，入口有好香嘅蘑菇味沙律入面有生菜、蕃茄仔等等嘅蔬菜之外，仲有有分子料理粒粒，咬落去「卜」一聲，就會爆發雜莓味果汁，都幾特別蒜味欖油雞柳天使麵（辣），有好香嘅辣椒味，食落口散發陣陣辣味同蒜味，好惹味，配料中嘅雞柳煮得好嫩，意粉加埋仲有蕃茄仔同菇，整到個意粉一啲都唔單調，味道更加豐富。除此之外天使麵比其他意粉更加幼身，容易入口之餘味道仲會更加入味。美國頂級肉眼扒配黑椒汁，朋友叫咗三成熟，中間仲係非常粉嫩，入口非常軟腍，嫩滑多汁，仲有好香牛味，旁邊仲有薯蓉同雜菜添，薯蓉非常之細滑，入口即溶，非常滿足。飲品係套裝包含在內，我哋叫咗檸檬茶同檸水我哋仲有叫到鹹蛋黃薯角同蒜香炒雜菜，薯角口感非常豐富，外面掛滿鹹蛋黃碎，煮到反沙，入口有好香濃嘅鹹蛋黃味，甘香惹味，估唔到薯角同鹹蛋黃都可以咁夾出街食飯都可以好健康!蒜香炒雜菜有好香嘅蒜蓉味，唔會有草青味。最後都甜品，是日甜品係芒果慕絲蛋糕，上面仲有士多啤梨添，蛋糕入口鬆化，仲有香甜芒果味，最好嘅係甜味適中，食完都唔會覺得好漏好重負擔。係到要食飯仲可以一路食一路聽live music，非常加分…Read More

平時食漢堡都係貪快貪平，係快餐店叫左餐快快食完就走人，好耐未試過慢慢咁享受一下。今次同朋友去左食真正嘅美式漢堡，配料都夠哂足料。我就叫左一個美式漢堡，仲同朋友SHARE左三款小食，過下口癮~蜜桃冰茶漢堡、小食當然最岩配紅茶，我叫左杯【蜜桃冰茶】，冰涼清爽，我叫左少甜少冰，有好香濃嘅紅茶底味加上有陣陣蜜桃清香，消滯解膩。牛油果醬芝士薯條芝士薯條比人嘅感覺好邪惡又重口味，但如果加埋牛油果醬味道又夾唔夾呢??餐廳用左新鮮薯仔整成粗薯(仲見到有薯仔皮)，薯味香濃又充滿口感，上面有牛油果蓉同蕃茄粒粒，入口感覺增添左一份滑溜感之餘仲有一份牛油果清香，整體感覺一啲都唔油膩，好食到停唔到口。馬蘇里拉芝士條作為芝士控嘅我地，必叫嘅就係呢款【馬蘇里拉芝士條】，即點即炸，送到上黎熱辣辣，就咁睇面表加左好多香草，咬落非常之香脆，立即出現拉絲芝士嘅效果，成條都係滿滿嘅芝士，好滿足。香辣單骨雞翼配蜜糖芥末醬做成單骨雞翼就唔會食到好「呢hea」，女仔都唔驚食到失去儀態，雞翼炸到金黃香脆，就咁單食就會有陣陣香辣味，已經好惹味，如果加埋蜜糖芥末醬就有種酸酸甜甜嘅味道，一款雞翼有兩種感覺，兩種我都鍾意~大烤菇芝士牛肉漢堡到左重頭戲，重量級嘅美式漢堡，黎到非常之壯觀，超級大份，一啖都咬唔哂~【大烤菇芝士牛肉漢堡】係廚師推介，我就決定揀佢，配料好豐富，入面有大烤菇、牛肉漢堡排、生菜、蕃茄、芝士，牛肉漢堡排仲要超厚多汁，非常之紮實好足料，仲有好濃嘅牛香味。大烤菇菇味香濃，同牛肉排非常之夾，加埋蔬菜配搭，味道相當豐富，唔怪得知係廚師推介啦!食得好滿足~ 餐廳枱與枱之間仲隔左空位同埋落左膠板隔住，做足防疫措施，呢個抵讚。…Read More

出左北角，終於有機會經過去龍門食野，平時尖沙咀真係太多人，今次終於有幸一試😄黎到就試下呢到羊架鐵板餐，要左燒汁，除左有2件羊架，仲有條長香草腸，叫左薯菜，薯條都幾大份量，做下午茶黎講真係都幾夠飽另外朋友就叫左吉列豬扒加茄汁焗豆，配埋個炒蛋，龍蝦汁都幾好味，吉列豬扒都炸得幾香，冇燶，幾厚肉，唔算肥兩份餐都有配埋湯同多士，多士入面搽勻左牛油架，不過如果烘再燶多少少再脆D仲好味，但都比足料其實入面真係好多餐揀，睇到都眼花花，下次經過可以再試下其他野，質素應該都唔錯😋…Read More

今次黎左呢間立食既日本炸雞店，雖然話係立食，不過都有幾張高檯櫈坐下既，D人多數都係外賣走見到佢個飯好吸引，18蚊就有個芝士忌廉雞皇飯，可惜尋日我已經食過，所以今次只能試其他野黎到必試既就係佢地既炸雞，炸雞冇骨而且舊舊都好大件，炸得好juicy多汁，一D都唔乾，又唔會死鹹，真心好味另外仲叫左佢地既芝士春卷、芝士蝦餅同榴槤炸彈，春卷同蝦餅都勁香芝士味，炸物新鮮熱辣即炸，夠曬脆口再叫左份雞肉沙律，好大份，但價錢相對出面平好多，勁抵食！除左價錢相對出面夠曬平，而且質素都真係唔錯，經過既都推介過黎一試！…Read More

今日放日肚餓趕緊搵間嘢食醫醫肚！心情欠佳，所以想搵間輕鬆點嘅鋪頭眼見呢間鋪比較放鬆 裝修亦帶有日本味道仲有我兒時最愛睇嘅多拉A夢，令我覺得十分有熟悉感坐低叫咗拉麵及幾份小食⋯⋯元札榥拉麵、牛舌串燒、蟹籽沙律同大阪燒一個唔小心叫太多！不過食唔哂可以打包！呢到有波子汽水，其他林林種種特色飲料！基於病病地⋯⋯無得飲！元札榥拉麵份量好多，一來到有點怕食唔哂叉燒大大塊，肥瘦適中 幾好食不過我比較愛吃唔健康的叉燒哈哈哈湯底也很濃郁！不小心就飲哂成碗！牛舌串燒極好食！牛味很濃，加上是串燒令牛舌更加惹味！很同樣亦是很大塊加上不薄身，對於沒有標榜”厚切”的呢個牛舌串燒實在算是厚！呢個我必定回頭翻吃！而蟹籽沙律醬很多，不怕吃到一半沒有醬要”生”食沙津！菜絲亦很生鮮，每條都切得很幼吃下口很舒服同易入口！到大阪燒我已經有點飽，結果一來又是很大個⋯⋯內陷吃得出有章魚粒！很驚喜！而表面的木魚亦很多！我很中意食木魚！…Read More

加拿大海膽壽司味道雖然無咁濃味，但都好鮮味，有少量海水味道，60幾蚊就有6件都好抵，我推介一下，可以一試豬軟骨黑蒜油拉麵豬軟骨好唸，有軟骨位有咬口，層次分明，非常好，拉麵麵質適中，黑蒜油味好重，鐘意濃味既朋友唔好錯過啦燒雞皮炸到剛剛好，唔會炸到好硬，有咬口又脆口，咸味適中炸雞軟骨炸物做得真心不錯，加上沙律醬酸酸地又幾開胃，軟骨串有肉又有軟骨串燒牛舌真係好正，好厚切，有咬口就唔駛講，又唔會燒到好韌咬唔到，師傅水準唔錯綠茶蕨餅煙韌，綠茶味都幾濃，鐘意食綠茶或抹茶既朋友都可以試下，又唔貴…Read More

同朋友聚舊，去尚鮮都係一個唔錯既選擇。入到去環境雖然一眼睇曬，但係勝在食物搭夠。入面除左可以揀打邊爐之外，仲可以揀私房宴同海皇宴，不過都要一日前預訂，而我地就揀左私房宴試下。未食之前已經上網睇過佢私房宴既菜單同相，已經比佢深深咁吸引住！等緊上菜之際老闆就先上野飲比我地，飲落酸酸甜甜，十分開胃！之後就開始上第一道餸，花膠機松茸燉雞湯。雞湯味道好濃郁，好足料，飲完即刻暖笠笠～生蠔雖然本人唔鐘意食比左朋友食，但係見佢好滿足既樣就知道呢隻蠔相當juice啦哈哈！我最滿意又想再黎多幾次係大扇貝同埋避風塘炒蟹！真係食過番尋味！而且唔係平時粉絲配扇貝，係用葛絲，感覺好新奇，食落去煙韌好有口感。雖然清蒸大海斑，浸時蔬，荷葉飯感覺上好似同酒樓圍餐無分別，但係佢唔同既係用材料方面，好百搭之如亦都令鮮味提升。每位人頭都係三百幾，但勁多海鮮，仲要飽到差d食唔哂，呢到碟碟菜都會令你覺得係值，好抵食。…Read More

其實之前已經試過佢地自家製嘅瀨粉架啦，今次再食反而想試下佢嘅薯粉！平時出去食薯粉，一係就滑到好難咬開，一係就咬到但係唔滑；不過江南瀨粉嘅薯粉原來都好出色！叫咗個魚蛋牛肚薯粉，個湯好清，但係唔係水咁，好入味。而個薯粉充竟然同時做到滑、煙韌、易咬！真係好好食！雖然好滑好煙韌，但係一咬就斷開，食完仲會覺得好實在一唔會覺得無食過麵咁。另外，佢地嘅魚蛋都一樣好出色！大粒之餘係非常彈牙，好好咬！好好味！其次想特別講下個雞翼一雖然只係普通炸雞翼，但係每隻都好大隻！仲好脆好脆好脆！食得出係用新油即叫即炸嘅！下次再嚟食一定會再叫炸雞翼！…Read More

只要好食，就大灑金錢食好野，正所謂，揾得來，使得去也。最近慕名拜訪此店，實有卧虎藏龍之感。此店不算十分便宜，但打邊爐的食材，能做到平凡中盡顯不平凡，特別是自家製的手打丸，滑類和餃子類，頗花心思，新鮮有質素，绝非媽虎交來貨色，蟹粉墨魚爽囗彈牙多汁又有蟹粉鮮味，黃金海膽墨魚，層次豐富，重有係蟹粉雲吞，魚皮餃和韮菜餃，餡料十足，滑嘟嘟的墨魚滑，蝦滑，鲮魚滑，又鮮又索湯，相當滋味。而十全大補丸混合得很夾，芝心牛丸和鵝肝蝦丸係滋味必食之選。我地選的湯底是花膠雞煲，充滿膠質，非常鮮美，材料也足，其實補湯，以此價嚐到，相當值。那天的美國肥牛，肉瘦無渣有油香，果然是高級貨色，原來補湯淥出前－丁是如此美味，不用加味精，也不要淥得過腍，好好食，有種好warm 住家feel，原來熱辣辣邊爐，再嘆番杯事後凍檸茶，好爽好滿足。…Read More

约了朋友在這間泰菜店共聚，環境怡人，裝修充滿了泰式風情，静静地，很舒適。友人說，這間中價泰菜質素幾好，先來是蝦喇沙，配以米線，我好鐘意食喇沙，－來先嚐湯頭，一股充滿蔥頭香茅的香味伴以椰奶，蝦的鲜味又微甜辣的喇沙湯頭，真的講好鮮味惹味，配以滑滑的米線比油麵更好吃，加埋鮮蝦和索湯的豆腐卜，令喇沙更囗感豐富，湯做得相當好，乃靈魂所在。再吃蒜蓉炒貴妃苗，其實真並不知道是什麽來頭的菜，但食落好嫩，無草味，很淡雅清新的菜味，很喜歡。再奉上的是碳燒豬頸肉，不會很乾，仍保留肉汁，吃時很香囗，肉有用香料醃製過的，泰式酸辣汁非常好吃，它令豬頸肉更提鮮，更惹味。冬陰功是吃泰菜例牌菜，當然正，這店很正宗。加上新鮮的椰青和不錯的服務，評價很好耶！…Read More

今日一放工黎到大埔一嗚丼食堂，地方尚方便，由大埔墟火車站去到上址都只係需要5分鐘就到步，入到店內裝飾以居酒屋作藍本。黎!入正題，第一道菜係壽司六點盛，顧名思義係會有六款壽司，分別有章紅魚，墨魚，三文魚，油甘魚，甜蝦和海膽，到菜後發現還多了1款6件卷物，卷物以積物及蟹柳捲成味道清新，估計是在品嘗每一件壽司之後食一件以消滯之用。        跟著落黎就係紫菜櫻花蝦玉子燒，對櫻花蝦有情意結既朋友值得一試，玉子方面質感比較硬身和蝦既質感配合恰當，和外邊以入口即溶見稱既玉子燒可能會有所分別，但味道方面絕對令人滿意。        第三道菜是牛脷串燒，牛味非常重，質感方面可能未必個個人接受，我只可以用彈牙黎形容，同平時焗牛脷既質感會有所不同，味道方面主要係用鹽輕輕帶出牛味，所以著重質感既朋友可能未必啱你口味。 最後一道是豪快海膽盛，呢一味絕對係我食過最滿意既海膽，一點腥味都沒有，當中是以三款不同產地(國家)既海膽組成，印象北海道那款是最甜最有海水味，試完有點對海膽改觀。…Read More

之前聽過朋友講這間火水爐在旺角味道唔錯而且價錢可以，而家仲見到有間加了花膠館在火水爐，更加想去，但原來花膠館要在1630前先，有唯有今次同朋友來吃雞煲，花膠雞煲加打邊爐料任食$198未加一價錢都正常啦，叫了不久就有小食，魚蛋同燒賣都好味而且十分新鮮夠熱。等了五分鐘雞煲就食得，花膠味好少，吾夠膠，但以價錢都可以接受。雞都幾滑但中辣吾夠辣度，入面仲有豬皮好入味。食完之後再加水，牛肉，豬肉，菜，木耳，丸，芋頭，材料都以價錢選擇都多而且都幾新鮮，不過價錢就不可以海鮮但都岩我地，因我地都一般食海鮮，食完再食都差不多2鐘，最後結帳竟然仲有甜品涼粉紅豆生果粒甜品，椰汁涼粉再加底有冰好味但紅豆太甜，生果粒都正常幾好味。…Read More