大食joe's Profile

呢碟乾炒牛河有齊所有缺點1. 太油2. 河粉痴黐住晒3. 一開始無煎香d河粉先炒4. 太甜5. 芽菜都炒到軟晒身6. 河粉斷晒碎濕濕仲話自己招牌，我的老天啊，個廚有幾咁渣幾咁hea先兜到碟咁既野出黎比人食？我係11點去食，基本上未有咩客，其實耐心d炒個結果都好唔同，咁既出品不如一粥面考慮摺左個所謂即炒部，分分鐘用預制菜整番熱都仲比呢碟野好食…Read More

好多人都話呢間野唔好食, 名大於實,貴,牛腩唔掂. 但我自己就好鍾意,而家大熱天時等到出晒汗都要等.去到一定會問有無爽腩(唔係成日都有, 睇運),但近呢3次去都食到, 唔知而家係唔係少左人叫, 因為我又60幾蚊食到而家158蚊, 升幅都幾大. 但真係無可否認牛味濃郁甘香, 湯清甜又有藥材香味, 飲落口係非常之舒服的, 食左成個鐘到而家都唔覺口乾..正! 由其是最後呢件野, 簡直係極品中的極品. 當然呢類野真係唔能夠成日食, 間唔中食一次可以係平凡既生活搵番DD樂趣. …Read More

星期六竟然無啦啦要加班, 放左工決定搵些好野食下. 聽聞灣仔有間星馬菜唔錯就去試下.一入門香料既香味就湧出來, 精神為之一振. 先黎一杯青檸梳打, 飲一啖真係舒服晒. 再黎半打牛肉沙爹, 份量唔多但都幾精緻. 有2串燒得比較老左少少, 但個沙爹真係一流, 唔會好甜, 花生味突出之餘竟然有好重既香茅味, 如果可以係辣既應該會更好. 最後海南雞終於上場, 呢度既醬真係都較得唔錯, 酸辣醬酸同辣既平衡岩岩好又夠味, 唔似出面個D淡而無味, 黑豉油先勁, 非常甘厚又唔會死咸,仲帶有少少甘味會回甘, 勁!! 酸酸既配菜加上嫩滑既雞肉係最近食過最好的. 油飯既光澤唔錯, 雞油味同埋香料令到咁大碗飯都食得晒, 唯一可惜既地方就係唔夠喉!…Read More

幾年前朋友帶過我黎食雞湯翅, 令我印象最深刻的不是翅而是酒. 在地下行上樓梯時, 係中間已經聞到好強烈的中國白酒香味, 上到去坐低原來旁邊的人在開五糧液, 酒香真係覆蓋全場.今次再黎搵食, 估唔到又係上到樓梯中間又聞到酒香, 係白蘭地既香味, 原來有人開軒仔XO. 一路食飯一路聞到酒香既感覺好正, 好似唔駛比錢有酒飲 因為對上一次已經食完葡國菜飽住個肚黎, 4個人食左煲翅已經飽到想死, 食唔到其他野. 今次黎主要想食既係水蟹蒸蛋, 點知哥仔話無, 得奄仔蟹2食. 就叫左薑蔥炒蟹, 蟹蓋蒸蛋, 紅燒包翅, 雲腿蒸雞.  肚子係今晚真係非常滿足, 奄仔蟹蒸蛋真係太美味. …Read More

想食川菜朋友說不如試試這一間米芝連, 我都幾期待呢間川菜,咁就BOOK左位, 去到唔駛等位(我懷疑會FULL MA?)去到的時候見到D位已經有點寒寒地, 時候廣場搞到茶餐廳咁. 望落就覺得佢西化D, 再望一望餐牌, 沒有辣子雞丁, 水煮魚又無魚比人選咩魚, 水煮牛肉仲有美國肉眼比人揀, 心情下跌了一半.點了燈影牛肉, 麻辣豆腐, 水煮魚,宮保雞丁, 蝦汁小籠包同埋炒年糕. 燈影牛肉太甜不喜歡, 麻辣豆腐叫做最好, 豆香味唔錯但唔太麻又唔辣. 水煮魚終於黎啦, 一見到真係把幾火, 那有水煮魚個D水搞到好似酸辣湯咁會有D杰杰地, 仲夠膽死走去放蔥, 我唔係接受唔到FUSION...但味道完全唔係個回事, 川菜講究麻,辣,香, 呢度一D都做唔出仲要搞到不倫不類, 根本是西化了的中菜(絕對睇唔出川菜既影子). 宮保雞丁好講個種豆辨醬既香味, 呢度當然無LA, 只有甜味(怪!!!)總結就係輸比佢, 後悔食呢間可能只有非中國人才會喜歡的SO CALLED 川菜.…Read More

其實不論你給的是笑臉/哭臉, 評語是好是壞佢都係一樣咁多人,每次去都係要等一段時間. 但無可否認是這碗清湯腩是真的美味.我通常都係去開果頭時間充裕先會去, 對上一次去都係1-2年前, 今次一樣排左30分鐘隊, 但仍然覺得值得. 我見有些外國人寫了些食評, 我覺得西方和東方甚至香港人口味都係有一定既分別, 他們也許並不是太識得欣賞香港的口味, 亦可能不太會叫, 所以會話太咸, 牛肉唔夠嫩滑之類.其實最初朋友帶我黎呢度教我唔好食牛腩麵/米/之類, 佢教左我食淨腩淨伊麵, 碗淨腩個湯比起碗伊麵既湯或者係一碗牛腩伊麵的湯濃及香甜, 第一次去咁食好似都係60幾蚊, 講緊都7-8年前. 後來去多左發覺有樣野特別貴又成日無既就係爽腩, 佢無得連麵, 只有淨爽腩, 細細碗已經60幾蚊, 加埋淨伊麵差唔多成舊水架, 但爽腩真係好好食, 又唔會硬, 個D腩邊真係好正又好脆. 佢無話咩時間有,我試過中午和夜晚都有. 今日去既時候落單話無爽腩,然後過左30秒話岩岩整好, 我諗食唔食到真係好講彩數. 他們的招牌是牛腩和湯, 他們的湯其實應該沒有味精, 因為今日食完同以前一樣唔覺得口乾, 其次其實佢個湯能夠飲到牛的清甜同藥材既香味,我真係覺得等待是值得的. 食牛腩真係要帶點肥才好食, 沒肥的一定會硬, 因為舊腩要炆一段時間先入到面, 好似東坡肉咁下面既瘦肉一定會比較硬一樣.不過由於都一後時間無去, 當我食緊既時候發覺點解碗爽腩好似大左咁, 偷偷開心左一陣, 真係好好味, 湯就一口一口地飲, 過了一會寫張單比我我有少少震撼, 原來點解會大碗左係因為爽腩由我初初食6X蚊賣到而家150蚊, 連埋33蚊既淨伊麵同埋ZERO, 一共197蚊, 好彩岩岩拿完錢, 要不就問題大了. 再睇睇原來而家一碗牛腩麵要44蚊 ,比出面食可能一碗15蚊既牛腩麵貴3倍,所以有D人覺得唔值. 但我覺得佢係值呢個價. 不過希望下次再去食時唔會要300蚊啦…Read More

朋友推介來來而且有GROUPON, 初初見到任食都心知不妙, 抱住一試既心態去. 最後其實位位都170.一入去已經聞唔到雞煲既香味, 上枱時雞件顏色淺, 細件而且係雪雞, 只是得一些洋蔥係面, 無咩辣椒,蔥,姜等配料, 花椒好少,死辣同死咸, 都算得係一煲失敗既雞.其他任食既火鍋料就無咩好講…Read More

上次試過拉麵來, 得出不會再去的結果(就係係OPENRICE見到COMMENT好D而達磨則有好多惡評). 今次決定試下達磨, 下午3點唔駛等位1. 湯--選了豚骨湯, 和拉麵來一樣杰, 但沒有拉麵來的苦澀味(本人不太愛太杰的湯, 這兒的還可接受, 不會濃到苦)2. 麵--這兒的麵沒有像"拉麵來"的麵那樣淋得不像話(在拉麵來我已經選最硬的), 這裡的麵有咬口, 是我喜歡的硬度.3. 叉燒--不是入口即溶的口感, 肥肉較少, 但食落有一陣類似西班牙火腿的油香味4. 蛋--這裡的麵已經有蛋, 不像拉麵來那樣要加(糖心但無咩蛋香味, 一般)連一支可樂92蚊, 價錢和拉麵來差不多但整體質素比拉麵來高出好多. 但經過會再來食, 拉麵來就唔會再去. 食野都係要講個人口味…Read More

今日去天后順便行入大坑試下拉麵, 上OPENRICE睇下最多笑險係呢間....就試下他吧...估唔到11點45分已經坐滿晒人, 等左5-10分鐘先有位.選了金的豬骨湯面, 以為一定會有蛋點知黎到先知無蛋, 有位哥仔係等位既時候比左張野我TICK, 我選了普通湯+硬麵.總體黎講我唔鐘意.1. 普遍的湯已經非常的濃, 感覺變左豬骨汁, 其實我覺得有D可惜, 要知濃過頭會有D苦味, 可能要淡會好D (不過我唔會再去)2. 重點中的重點 (麵), 我唔鐘意呢度既拉麵, 佢有D似掛麵, 非常淋身(我已經揀左最硬的, 如果揀軟身味可能發到好大, 一D彈力都無, 我鐘意食硬身的蛋麵, 即係會彎彎曲曲的, 有彈性的麵 (真係失敗之最)油麻地既橫綱真係好好多…Read More

一直以來都想去呢度試下, 今日終於有機會了.入到去睇下餐牌, 發覺好似無咩好點, 又唔見有狗仔鴨, 雞就140蚊一隻應該唔係新鮮既就唔叫. 最後點了3個人要了沙薑雞腳, 乾煸四季豆, 韮菜豬紅, 豉油王金蠔, 蜆介魚腐茄子煲首先豬紅, 我唔食豬紅只係食韮菜, 好似落左好多味精, 勁咸同入味, 韮菜好多渣期待既四季豆黎LA, 一睇賣相就知道唔係真係咁好. D四季豆好短, 好似平時D一開3, 又唔夠乾身, D豬似未煸晒D油出黎, 不過已經係全晚最好食, 但最多都係比到佢70分再黎茄子, 超咸, 叫2個白飯黎送, D飯唔熱既 之後先再上雞腳, 次序真係有D問題.之後金蠔上黎LA...百一蚊有8隻, 但D蠔都係好迷你的, 不太好味.整體而言份量都好足既, 我地打包左3/4 茄子煲, 1/2豬紅3個人食左328, 唔係貴但完全唔特別, 仲以為佢D小炒好掂奇味改得無錯, 味道真係幾奇怪..................…Read More

年幾之前已經試過呢間野既海南雞飯...個時既結論係唔掂:(:(見佢係東大街都仲生存到咁耐, 再比一次機會佢點左冬蔭公湯, 豬頸肉同海南雞飯冬蔭公都還可以, 37蚊夠2個人飲, 酸辣夏天最岩, 湯底唔夠濃同香,37蚊都可以la豬頸肉36蚊都ok, 係個汁唔好食, 唔落就比較乾身重點海南雞飯41蚊, 最期待既油飯竟然一d都唔油, 又唔香, 好過食白飯少少, 真失望. 雞肉雖然係去骨的雞翼, 但係0雞味, 個汁又唔似個d泰式酸辣汁, 青瓜個d又唔似出面個d酸酸味味既涼茶, 可能泰國人海南雞真係唔岩我呢d香港人既味道...無下次…Read More

去apm睇關雲長諗住食埋飯先, 見到有間王家沙就決定食個上海菜7點鐘唔駛等位, 見到都仲有好多位點了烤麩, 醉豬手, 小籠包, 生煎包, 擔擔麵 同乾煸四季豆, 2個人食左300蚊雖然每人食左150蚊唔係好多, 但係質素好差不能接受1.首先烤麩是熱熱地的, 呢道菜應該係涷涷地開胃菜....而且整得唔好食, 口感還可以但d味就:(2. 豬手不過不失, 但沒太多酒香3. 小籠包 同生煎包 --入面都有湯, 生煎包個底係香脆的, 但最失敗的係佢地可能用d cheap豬肉or冰鮮or whatever, d湯同d豬肉都有d怪味, 可能係豬so味可能係雪味, 完完全全係失敗之作, 出面街邊個d都好食過佢多多聲...佢賣到1隻包十幾蚊, 用新鮮既靚豬都得掛, -100分4.擔擔麵 --- 只有少少既花生香味, 一碗好平凡既麵, 係香港真係唔好隨便叫所謂的擔擔麵, 十間有七間都唔好食既5.四季豆-- 係全晚最好食既, d豬肉爆得幾香, 四季豆算爆身, 有d焦焦地, 唔錯估唔到2個人300蚊就係呢d質素...真係去戲院食熱狗仲好....…Read More

之前book左位, 3個人竟然比張好舒服既半圓sofa既枱我地(full house架, 仲有人等位tim), 抵讚d工作人員好有禮貌, 笑容燦爛, 仲成日有人過來幫手jump茶tim, 服務100分至於食物方面, 一分錢一分貨, 呢度d點心真係好好味, 燒賣d豬肉同冬菇好香, 本身個芋角已經好正..加埋粒鵝肝真係天衣無逢, 叉燒包個皮好好鬆軟, 入面d材料個味岩岩好. 叉燒又林又香仲有d脆tim....d肉只要用番d靚豬一般都唔差得去邊至於d新野星班腸粉同龍蝦湯脆麵就麻麻la... 腸粉用星班聽落就好, 食落舊魚都熟晒, 只係食得到係一舊魚, 至於個龍蝦湯真係大失所望, 賣相100分但味道就唔合格la:(:(...個湯好稀, 唔得香濃, 仲食到有d薑味+苦味, 雖然有隻大蝦, 帶子, 露荀同埋魚, 但主旨應該係湯同麵..至於杏仁茶都幾香, 但比起幾他地方都仲係有d距離米豬連2星既服務真係幾好, 個普洱唔錯, 有陣味又夠滑口...用恆生白金可以慳番d茶錢呢到食番d傳統既點心真係好好, 至於gimmick個d試一次就算…Read More

一行3人坐船去三家村, 就到碼頭就見到南大門la..咁多間最顯眼的一間睇落好近..但原來要兜一大個圈先去到..一路行一路睇到d海鮮就知無黎錯...又大隻又新鮮..咩都有..大大條老鼠班...仲見到條好似野山三刀tim..識人訂左位..去到張張枱都比人訂晒...原來體操王子,田北俊,李純恩都黎呢度食..就知唔會黎錯...係怕價錢貴即...因為第一次去鯉魚門唔知點計...同埋食完都係唔知點計...haha...最後食完知道係物超所值!!去左最近南大門個檔海鮮(鋪頭人帶去介紹)3隻聖子王(35蚊隻), 3隻鮑魚(唔記得問幾$可能都係35蚊一隻到..佢地用斤計既), 3隻貴妃蚌(20蚊隻), 3隻蠔(我諗係本地..都幾大隻35蚊隻), 大尿蝦(炸起都有成尺長一隻, 190蚊1斤...估計一斤多d一隻)..1條小東星280蚊(我估大約14兩)上菜有次序, 蒸既上先, 濃味既後面..抵讚...我地加左半隻蔥油雞同椒絲腐乳通菜因為點左好多海鮮都驚食唔晒...所以無點小食...本來都無諗過食雞...但老豆話想試下...餐前碟花生幾好, 碗湯唔錯先黎雞(雞好香好滑...本身已經好好味...加埋個蔥油忍唔住食左幾舊...老板話隻雞用好多瑤柱浸,唔係都賣唔到咁貴...我初初仲估300蚊隻tim..)食左3舊雞主角海鮮上場1.蒜容粉絲貴妃蚌 (鮮甜爽口, 粉絲吸晒d汁..正)2.果皮鮑魚 (好香果皮味, 會回甘...鮑魚唔會韌, 幾軟林, 連埋果皮味同鮑魚味..又正) 3. 薑蔥蒸蠔, (本來想砵酒焗, 但d蠔咁新鮮好似會晒左) (蠔味幾好..清新...蒸完好似仲有海水味.....但個蠔邊好似韌左d)4. 椒鹽大賴尿蝦 (炸到香噴噴, 個殼乾身但蝦肉絕唔會乾爸爸, 一咬落去好多肉汁, 蝦肉超級鮮甜..真係好材料+埋師傅既好手勢, 勁正) 5. 豉椒聖子王 (因為之前已經有蒜容粉絲, 所以就黎個香口既. 一上枱d椒味爆晒燈..好香..雖然唔多唔少會蓋過左聖子既味...但咁樣整有個對比, 因為d野夠香口, 反而更帶出左左聖子王既甜味..第一次咁食真係估唔到有呢個效果..可能大火炒可以減少聖子既水份流失)6. 最後清蒸東星 (正到爆, 岩岩好, 魚肉嫩滑又有魚味, 加埋d魚汁同豉油, 專登叫2個白飯黎...真係正到無人有)蝦之後黎左碟通菜 (呢碟唔掂...椒味好重反而唔好..而且無咩腐乳味, 失敗作), 可能用佢d魚場浸個菜會好dd雞同菜都食唔晒.....太飽了...食完野拿左個餐牌一睇....原來隻雞要398蚊...真係幾貴但我覺得都係值既...食得出落足料去浸雞..同埋碟蔥油真係99分食完每人一邊mango 同木瓜, 仲有碗超好味既南瓜露(我本身唔鐘意食南瓜既所有野...但呢碗野試完一啖後就忍唔住食晒)埋單1650 (因為識人所以平左)..550蚊1個人有咁多正野食...雖然係貴但係真係超值...未食完已經想再去p.s 呢度環境一流, 一路食一路望到個海..仲有夜晚後d燈光仲靚..食完一樣野就會幫你換一隻碟..掂!! …Read More

經過上次停電既經驗, 都係想試下呢度的食物, 今次book位後第2日有人confirm, 知道無問題la其實呢度d service 都唔差既, 個男既waiter幾好, 但係d 女既就好似唔係好識做(唔收野), overall算好叫左jar sangria, 第一次飲幾特別, 有d唔知係咩既香精味..當係diamond black咁飲都ok既...但210就貴左d, 飲可樂/開枝紅酒好過tapas叫左火腿, 墨汁墨魚仔, 帶子, 芝士, 冷肉, 蒜頭蝦. ham (好似$110)有6-7片, 甘香同油香都好ok, 食完咀巴仲有d香味, 不過佢話5j但好似係great買個d 5j 36mth好食d蒜片蝦(3小隻好似60蚊)真的好食到爆, d蒜片香到無得頂, 令人流晒口水, 用左d油點面包食, 正baby squid(好似80蚊) 都係超正, 佢有d蝦碎係d墨魚入面, 亦有好香既蒜味, d墨魚汁黑麻麻,但又係勁正, 又用黎點面包, 正芝士($60)同涷肉($60), 本身唔鐘意食芝士, 佢好似都有4種芝士, 涷肉都係有4種無咩特別帶子($90)又係勁正, 佢將d帶子切到好碎好碎, 應該搵d牛油蒜泥炒過再搵d芝士焗過..入面濕濕地之後黎湯, 有所謂既traditional soup(好似75蚊)用雞,牛,豬煮5個鐘wor, 飲落好似中湯, 唔似d 杰撻撻既西湯, 味道ok 但其實中國人d老火湯好味好多. 仲有海鮮湯, 呢個湯濃番好多, 啖啖青口同海鮮既香味, 但唔知點解飲落好似有d苦苦地. 如果你要叫湯不如叫其他la之後主菜, 叫左海鮮飯, 西冷 同燒豬西冷($265), 要左medium, 肉味ok亦林但無咩特別, 應該8-10oz到啦, 反而d薯條勁好味.海鮮飯($380) 一大盤, 3個人分都有一大碟, 中蝦每人一隻, 青口每人2隻, 蝦是雪蝦, 出黎d肉梅梅地, 青口乾到爆, 完全唔掂...不過d飯就幾香, 好好食..但覺得太濕, 乾番d會好好多.燒豬($255)真係掂到爆, d皮係入口就熔, d肉同油非常甘香, 而且d肉好嫩, 真係好食到爆, 好食過中國人既乳豬. 叫左太多野, 最後牛扒同燒豬都食唔晒, 牛扒其實唔應該叫咁就岩岩好la...最後佢上左杯好甜既桃酒, 桃味好香,杯酒甜到爆...個男waiter話幫助消化, 其實都幾好味.埋單3個人$1920, 雖然都真係幾貴,不過都值得一食. 下次可以唔叫湯同牛扒就平好多la. p.s 番到黎先知原來有牛油同面包會refill.....我地面包無refill 同埋無牛油, 只有olive oil. service真係無講得好好, 只係叫做nice同有笑容 …Read More